Առաջիկա 5 օրերին տեղումներ չեն սպասվում, ջերմաստիճանն էլ չի փոխվի. այս մասին ֆեյսբուքյան իր էջում գրել է ԱԻՆ Հիդրոմետ ծառայության օդերևութաբանության կենտրոնի պետ Գագիկ Սուրենյանը:

Ոստիկանության մամուլի և հասարակայնության հետ կապի վարչությունը տեսանյութ է հրապարակել 4-ամյա վաղեմության սպանության բացահայտման մասին:

Իրանի Քերմանի նահանգում այսօր տեղի ունեցած երկրաշարժից 17 մարդ է տուժել։ Այս տեղեկությունները Tasnim լրատվական գործակալությունը՝ վկայակոչելով նահանգի բժշկական կենտրոնի ղեկավարին։

Արարատի մարզի Նոր Կյանք համայնքի ղեկավար Գարիկ Սարգսյանը Սերժ Սարգսյանի աղմկահարույց ելույթից հետո բաց նամակով դիմել է իրավապահներին: Գարիկ Սարգսյանը ֆեյսբուք սոցիալական ցանցի իր էջում հրապարակած նամակն ուղղել է ՀՀ գլխավոր դատախազ Արթուր Դավթյանին, քննչական կոմիտեի նախագահ Աղվան Հովսեփյանին, ոստիկանապետ Վլադիմիր Գասպարյանին, վերահսկիչ պալատի նախագահ Լևոն Յոլյանին և ֆինանսների նախարար Վարդան Արամյանին:

Արցախի պաշտպանության նախարարության մամուլի ծառայությունից հայտնում են, որ դեկտեմբերի 11-ին՝ ժամը 19:30-ի սահմաններում, ՊԲ հյուսիսային ուղղությամբ տեղակայված զորամասերից մեկի պահպանության տեղամասում համածառայակցի կողմից արձակված կրակոցից մահացու վիրավորում է ստացել ՊԲ զինծառայող, 1996թ. ծնված Նարեկ Մարզպետունու Ադիբեկյանը:

Դեպքի մանրամասները պարզելու համար կատարվում է քննություն:

Արցախի Հանրապետության պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին և ծառայակիցներին:

ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ դեկտեմբերի 7-ին՝ ժամը 20:00-ի դրությամբ, Ջերմուկի, Սիսիանի, Գորիսի տարածաշրջանների ավտոճանապարհներին, Սարավանի և Վարդենյաց լեռնանցքներում ձյուն է տեղում:

Գորիսի, Արթիկ – Ալագյազ ճանապարհներին, Գյումրի- Սպիտակ ավտոճանապարհի Ջաջուռի հատվածում և Քեթիի լեռնանցքում տեղ – տեղ մերկասառույց է:

Մերկասառույցի և առատ ձյան պատճառով ծանրաքաշ մեքենաներին ժամանակավորապես խորհուրդ չի տրվում երթևեկել Վարդենյաց լեռնանցքով:

Անվտանգ երթևեկությունն ապահովելու նպատակով ճանապարհաշինարարներն ավտոճանապարհներին շուրջօրյա կատարում են մաքրման, աղով ու ավազով մշակման աշխատանքներ:

Վթարներից, պատահարներից, խցանումներից և արտակարգ իրավիճակներից խուսափելու նպատակով նախարարությունը վարորդներին հորդորում է երթևեկել բացառապես ձմեռային անվադողերով:

ՀՀ միջպետական և հանրապետական նշանակության բոլոր ավտոճանապարհները բաց են:

Կառավարության այսօրվա նիստում վարչապետը հանձնարարել է Սննդի անվտանգության պետական ծառայության պետին և ՀՀ տնտեսական զարգացման և ներդրումների նախարարին մինչև տարեվերջ համատեղ մշակել և կառավարության աշխատակազմ ներկայացնել սննդամթերքի արտահանման և ներմուծման դեպքերում պահանջվող փաստաթղթերի, փորձաքննության կարգի հստակեցման, միջազգային նորմերի տեղայնացման՝ կառավարության մի շարք որոշումներում փոփոխություններ կատարելու վերաբերյալ առաջարկություններ:

«Մանավանդ, որ վերջերս մամուլում տեղ են գտել հավի մսի ներմուծման հետ կապված որոշ խնդիրների մասին հրապարակումներ», – ընդգծել է կառավարության ղեկավարը:

Ի՞նչ են պարունակում բրազիլական, ռուսական սառեցրած հավերը

Կարեն Կարապետյանն անդրադարձել է տոնական և նախատոնական օրերին մաքսային ծառայության և առևտրային բանկերի աշխատանքային գրաֆիկին:

«Կառավարության նախորդ նիստի ընթացքում հանձնարարական էր տրվել Պետական եկամունտերի կոմիտեի նախագահին և առաջարկվել Կենտրոնական բանկի նախագահին բոլոր մաքսատներում և առևտրային բանկերում դեկտեմբերի 2-ից մինչև հունվարի 7-ը շաբաթ, կիրակի և տոնական օրերին սահմանել աշխատանքների կազմակերպման հերթապահություն։ Հաշվի առնելով այս ժամանակահատվածում արձանագրված և ակնկալվող ներմուծման, արտահանման ծավալների ու հաճախականության կտրուկ ընդլայնումը, դրանից բխող մաքսային սահմանով տեղափոխվող ապրանքների մաքսային ձևակերպումների և ծառայությունների մատուցման ծավալները՝ առաջացել է անհրաժեշտություն բոլոր մաքսատներում, ինչպես նաև Սննդի անվտանգության պետական ծառայության համապատասխան ստորաբաժանումներում նախատեսել նաև արտաժամյա աշխատանքային գրաֆիկ՝ միաժամանակ ապահովելով մաքսատներում գործող առևտրային բանկերի մասնաճյուղերում համապատասխան վճարումների արտաժամյա կատարման հնարավորություն», – նշել է վարչապետը՝ հավելելով, որ պետք է ապահովել արտակարգ իրավիճակ, որպեսզի հաճախորդը որևէ խնդիր չունենա:

Հորդանան գետի Արևմտյան ափին և Գազայի հատվածում ավելի քան 50 պաղեստինցի է վիրավորվել իսրայելցի ուժայինների հետ բախման հետևանքով: Տուժածներն ունեցել են հրազենային վնասվածքներ, ռետինե փամփուշտներից ստացված կոտրվածքներ, եղել են նաև արցունքաբեր գազից թունավորման դեպքեր:

Ինչպես ավելի վաղ հաղորդել էր Shantnews-ը, պաղեստինցիներն զանգվածային բողոքի ցույցեր են սկսել այն բանից հետո, երբ ԱՄՆ նախագահը հայտարարեց Երուսաղեմն Իսրայելի մայրաքաղաք ճանաչելու իր որոշման մասին:

Բախումները Երուսաղեմում, Ռամալլայում, Հեբրոնում և Բեթղեհեմում շարունակվում են:

Երեկ գիշերը ժամը 1:20 րոպեին «Գազպրոմ Արմենիա» ընկերության Լոռու գազաֆիկացման և գազամատակարարման Թումանյանի տարածքային տեղամասում գազի վթարային ծառայության կողմից տեղեկություն է ստացվել, որ Բաղրամյան թաղամասի հարևանությամբ ավտովթար է տեղի ունեցել, որի հետևանքով վնասվել են նաև գազատար խողովակները: Անջատվել է Բաղրամյան և Սանահին կայարան թաղամասերի գազամատակարարումը:

Աշխհարհահռչակ երաժիշտ Տիգրան Համասյանը, ով ծնվել և մեծացել է Գյումրիում, ֆեյսբուքի պաշտոնական էջում հրապարակել է իր նոր ստեղծագործությունը: Այն նվիրված է 1988-ի երկրաշարժը վերապրած բոլեր երեխաներին:

Գյումրիի Ամենափրկիչ եկեղեցու բակում կառուցված 1988-ի եևկրաշարժերի զոհերի հիշատակը հավերժացնող հուշարձանի մոտ այսօր ծաղկեսպսակ են դրել հասարակական, քաղաքական գործիչներ, պաշտոնյաներ, նաև Հայաստանի վարչապետ Կարեն Կարապետյանը: Լրագրողները առիթը բաց չեն թողել վարչապետին ևս մեկ անգամ հարցեր ուղղելու Գյումրիի ցավոտ խնդիրների, մասնավորապես, աշխատատեղերի բացակայության մասին:

Լոնդոնում ավարտվեց London Chess Classic գերմրցաշարի 3-րդ տուրը:

Լևոն Արոնյանը սև խաղաքարերով մրցում էր աշխարհի նախկին չեմպիոն Վիշվանաթան Անանդի հետ:

Հայ գրոսմայստերը հնդիկ շախմատիստի հետ խաղը ոչ ոքի ավարտեց 31-րդ քայլին:

Ռուսական Матч ТВ հեռուստաալիքը ֆիլմ է պատրաստել Հայաստանի հավաքականի և «Մանչեսթեր Յունայթեդի» կիսապաշտպանի մասին:

Լոնդոնում ընթանում է London Chess Classic գերմրցաշարի 3-րդ տուրը:

Լևոն Արոնյանը սև խաղաքարերով մրցում է աշխարհի նախկին չեմպիոն Վիշվանաթան Անանդի հետ:

Մրցաշարին մասնակցում են 10 շախմատիստ՝ աշխարհի չեմպիոն Մագնուս Կարլսենը, աշխարհի գավաթակիր Լև

ՀՀ նախագահի մամուլի գրասենյակից հայտնում են, որ Սերժ Սարգսյանը հրամանագիր է ստորագրել զինված ուժերի գլխավոր շտաբի պետի տեղակալի ազատման մասին: Հրամանագրում ասված է.

«Ղեկավարվելով 2005 թվականի փոփոխություններով Հայաստանի Հանրապետության Սահմանադրության 55-րդ հոդվածի 12-րդ կետով և հիմք ընդունելով «Զինվորական ծառայություն անցնելու մասին» Հայաստանի Հանրապետության օրենքի 51-րդ հոդվածի 1-ին մասի 1-ին կետը և 52-րդ հոդվածի 1-ին մասի 1-ին կետը` ո ր ո շ ու մ եմ.

Գեներալ-լեյտենանտ Հայկազ ԲԱՂՄԱՆՅԱՆԻՆ ազատել Հայաստանի Հանրապետության զինված ուժերի գլխավոր շտաբի պետի տեղակալի պաշտոնից»։

Ավելի վաղ Shantnews-ը հայտնել էր, որ ԶՈՒ գլխավոր շտաբի պետի տեղակալ Հայկազ Բաղմանյանն աշխատանքից ազատվելու զեկուցագիր է ներկայացրել:

Դեկտեմբերի 5-ին, ժամը 10.30-ին, ոստիկանության Վաղարշապատի բաժին է ներկայացել 1946 թ. ծնված Սլավիկ Մաթևոսյանը և հայտնել, որ Էջմիածին քաղաքի Շրջանային փողոցում գտնվող ավտոտեխսպասարկման կենտրոնի հետնամասում մարդ է սպանել:

Մեկնած օպերատիվ խումբը պարզել է, որ դեկտեմբերի 5-ին, ժամը 9.30-ի սահմաններում, Մաթևոսյանը, գումարային հարցի շուրջ ծագած վիճաբանության ժամանակ խոհանոցային դանակով մահացու վնասվածքներ հասցնելով, սպանել է 1952 թ. ծնված Խորեն Սարգսյանին, ապա կացնով անդամահատել է դաստակները:

Հանգամանքները պարզվում են:

Նշանակվել է ԴԲՓ:

Սլավիկ Մաթևոսյանը ձերբակալված է:

Կատարվում է նախաքննություն:

Տրանսպորտային միջոցների և հետիոտների երթևեկության անվտանգության բարելավման նպատակով 2017 թվականի դեկտեմբերի 6-ից Երևան քաղաքի Կոմիտասի պողոտա-Շահսուվարյան փողոց խաչմերուկում կկատարվի երթևեկության կազմակերպման փոփոխություն:
Վերոնշյալ չկարգավորվող խաչմերուկում կտեղակայվի լուսացույցային օբյեկտ և այսուհետ նշված խաչմերուկով տրանսպորտային միջոցների և հետիոտների երթևեկության հերթականությունը կկարգավորվի լուսացույցի ազդանշաններով:

Դեկտեմբեր 6-ի ցերեկը և դեկտեմբերի 7-ին Հայաստանը կգտնվի Միջերկրական ծովից ներթափանցած ցիկլոնի ազդեցության գոտում։ Դեկտեմբերի 6-ին ցերեկը հանրապետության տարածքում կսկսվեն տեղումներ, տեղումները Շիրակում, Կոտայքում, Գեղարքունիքում, Արագածոտնի և Վայոց Ձորի լեռնային գոտիներում կլինեն ձյան, իսկ մյուս շրջաններում թաց ձյան և ձնախառն անձրևի տեսքով։

Վրաստանի նախկին նախագահ, Ուկրաինայի Օդեսայի շրջանի նախկին նահանգապետ Միխայիլ Սահակաշվիլին մեղադրվում է Ուկրաինայում պետական հեղաշրջում իրականացնելու փորձի մեջ: «Նոր ուժերի շարժում» կուսակցության առաջնորդի տանն այսօր առավոտյան խուզարկություն է անցկացվել, որի ընթացքում Սահակաշվիլին բարձրացել էր 8-հարկանի բնակելի շենքի կտուր ու սպառնացել ցած նետվել, որից հետո նրան բերման են ենթարկել:

«Մանչեսթեր Յունայթեդի» վերջին մի քանի հանդիպումների հայտացուցակում չհայտնված Հենրիխ Մխիթարյանը այսօր հնարավոր է խաղադաշտ դուրս գա: Այսպիսի կանխատեսումներ են անում բրիտանական պարբերականները: Չեմպիոնների լիգայի ընթացիկ խաղարկության խմբային փուլի վերջին տուրի շրջանակում անգլիական ակումբը «Օլդ Թրաֆորդ» մարզադաշտում կընդունի Մոսկվայի ԲԿՄԱ-ին: Հանդիպմանը թիմի հետ նախապատրաստվել է նաև Հայաստանի ազգային հավաքականի ավագ, կիսապաշտպան Հենրիխ Մխիթարյանը:

24-ամյա Գայանե Հայրապետյանի գտնվելու վայրի մասին տեղեկություններ ունեցողները կարող են զանգահարել 1-02 կամ 010-42 02 02:

Արտակարգ իրավիճակների նախարարությունը ներկայացրել է դեկտեմբերի եղանակի կանխատեսումը հանրապետության ողջ տարածքի համար:

Նոյեմբերի 28-ին, ժամը 18.40-ի սահմաններում, ոստիկանության Երևան քաղաքի վարչության օպերատիվ կառավարման կենտրոն «Varks.am» կազմակերպության Մաշտոցի պողոտայի մասնաճյուղից ահազանգ էր ստացվել: Աշխատակցուհին հայտնել էր, որ զինված մարդ է ներս մետել ու գումար հափշտակել: Պարզվեց, որ հարձակվողը եղել է գլխարկով, դեմքին՝ բժշկական դիմակ, ձեռքում էլ՝ ատրճանակի նմանվող առարկա: Նա մոտեցել էր պատուհաններից մեկին ու սպառնալով փող էր պահանջել: Աշխատակցուհին նրա տված տոպրակն էր լցրել դրամարկղի գումարը, նախնական տվյալներով՝ 292 հազար դրամ, ու տվել հարձակվողին: Դեպքի պահին մասնաճյուղում եղել են կազմակերպության 6 աշխատակից, նաև 2 հաճախորդ, որոնք նրա դեմքը չէին տեսել:
Ավազակային հարձակման փաստով քրեական գործ հարուցվեց: Ոստիկանության տարբեր ստորաբաժանումների քրեական հետախույզները համատեղ միջոցառումներով պարզեցին հարձակվողի ինքնությունը:
Դեպքից երկու օր հետո՝ նոյեմբերի 30-ին, Իսակովի պողոտայում հայտնաբերվեց և ավազակային հարձակում կատարելու կասկածանքով ոստիկանության Կենտրոնականի բաժին բերման ենթարկվեց Փայլակ Մարտիրոսյանը:
24-ամյա Մարտիրոյանը Լոռու մարզի Նորաշեն գյուղից է: Ընդամենը երկու ամիս առաջ ընդունվել է ոստիկանության կրթահամալիրի քոլեջ:
Մակարովի նմանվող օդամղիչ ատրճանակը հայտնաբերվել է նրա խուզարկությամբ: Օդամղիչ ատրճանակը, նախնական տվյալներով, հանցագործության գործիքն է: Այն ուղարկվել է փորձաքննության:
Գողոնը հայտնաբերելու միջոցառումները շարունակվում են:
Փայլակ Մարտիրոսյանը ձերբակալվել է:
Ավազակային հարձակման հանագամանքները պարզվում են:

Նոր մանրամասներ են հայտնի դարձել այսօր «Նոր Զովք» սուպերմարկետում գրանցված պայթյունից: Արտակարգ իրավիճակների նախարարության պաշտոնական կայքը գրում է.

«Նոյեմբերի 30-ին,ժամը 15:18-ին ահազանգ է ստացվել, որ Երևանի Ծարավ աղբյուրի փողոցում գտնվող «Նոր զովք» սուպերմարկետի պահեստում տեղի է ունեցել պայթյուն: Դեպքի վայր են մեկնել մեկ մարտական հաշվարկ և Ճգնաժամային կառավարման ազգային կենտրոնի օպերատիվ խումբը: Պարզվել է՝ Ծարավ աղբյուր փողոցի թիվ 55/15 հասցեում գտնվող «Նոր Զովք» սուպերմարկետի պահեստում տեղի է ունեցել էլ. լարերի կարճ միացում: Պահեստի սենյակում էլ. տաքացուցիչի մոտ դրված է հեղուկացիր ներկի տարան պայթել է, ինչի հետևանքով կոտրվել են սենյակի ապակիները (մոտ 3 քմ): Աշխատակիցներ` 1990 թ. ծնված Ա. Գ.-ի և 1993 թ. ծնված Ս. Մ.-ի մազերը, 1990 թ. ծնված Շ. Մ.-ի մազերը և ոտքը մասամբ այրվել են: Շտապօգնության աշխատակիցները Շ. Մ.-ին տեղում ցուցաբերել են համապատասխան բուժօգնություն. հոսպիտալացման կարիք չի եղել:

Ավելի վաղ Shantnews-ը տեսանյութ էր հրապարակել պատահարի վայրից:

Մինսկում ավարտվեց Հավաքական անվտանգության պայմանագրի կազմակերպության հավաքական անվտանգության խորհրդի նստաշրջանը: Խորհրդի նեղ կազմով նիստին հաջորդած լիագումար նիստում կազմակերպության անդամ երկրների նախագահները ստորագրել են մի շարք փաստաթղթեր, որոնք վերաբերում են ՀԱՊԿ հավաքական անվտանգության առաջիկա տարիների

ռազմավարության իրագործմանը, կազմակերպության ռազմական բաղադրիչի հետագա զարգացմանը, պաշտպանության, արտաքին քաղաքականության և մի շարք այլ բնագավառներում փոխգործակցությանը:
Նստաշրջանի շրջանակներում քննարկված ավելի քան երկու տասնյակ հարցերի շարքում ընդունվել են նաև քաղաքական հայտարարություններ, այդ թվում` Հայաստանի նախաձեռնությամբ ներկայացված «ԼՂ հիմնախնդրի կարգավորման հարցում ԵԱՀԿ Մինսկի խմբի համանախագահող երկրների միջնորդական ջանքերին աջակցելու» վերաբերյալ հայտարարությունը, որում ՀԱՊԿ անդամ երկրների նախագահները ևս մեկ անգամ վերահաստատել են իրենց աջակցությունը ՄԽ համանախագահողների գործունեությանը, ինչպես նաև հիմնահարցի կարգավորման հայտնի երեք` ազգերի ինքնորոշման իրավունքի, ուժի և ուժի սպառնալիքի չկիրառման և տարածքային ամբողջականության սկզբունքներին:

Ծարավ Աղբյուրի փողոցում պայթյունը տեղի է ունեցել «Նոր Զովք» սուպերմարկետի պահեստում: Shantnews-ի նկարահանող խմբին ներսում նկարահանումներն արգելել են, հիմնավորելով, որ մասնավոր տարածք է: Պայթյունի պատճառների մասին մանրամասներ տեղում աշխատող ոստիկանության և արտակարգ իրավիճակների նախարարության ներկայացուցիչները հրաժարվել են հայտնել:

Ինչպես ավելի վաղ հայտնել էր Shantnews-ը, Երևանի Ծարավ աղբյուրի փողոցում գտնվող «Նոր Զովք» սուպերմարկետի պահեստում տեղի ունեցած պայթյունի հետևանքով վնասվել է աշխատակցի ոտքը, ում շտապօգնության աշխատակիցները տեղում ցուցաբերել են անհրաժեշտ բուժօգնություն: Պարզվել է, որ պահեստի ներսում՝ ապակե պատուհաններով սենյակում (6 քմ), պայթել է տաքացուցիչի կողքին դրված ներկի տարան՝ առանց հրդեհի բռնկման:

Shantnews-ը ներկայացնում է մարզաշխարհի՝ անցնող ամսվա ամենազավեշտալի դրվագներն ամփոված մեկ տեսանյութում:

Արցախի Նախագահ Բակո Սահակյանն այսօր Հադրութի շրջանում էր՝ մի շարք գյուղատնտեսական ծրագրերի ընթացքին ծանոթանալու նպատակով: Երկրի ղեկավարը կարևորել է աշխատանքների համակարգված իրականացումը և այս ուղղությամբ հանձնարարականներ է տվել պատկան մարմինների ղեկավարներին:

«Ախթալայի լեռնահարստացման կոմբինատ» ՓԲԸ ստորգետնյա հանքախորշում փլուզումից տուժածը ոտքի կոտրվածքներ ունի: 49-ամյա Գագիկ Վարդևանյանին պատահարից հետո տեղափոխել են Ալավերդու բժշկական կենտրոն: Տուժածի վիճակը բժիշկները գնահատում են միջին ծանրության: