Վերջին տարիներին Apple ընկերությունը թարմացնումն էր MacBook Pro դյուրակիր համակարգիչների մոդելային շարքը՝ կարծես մոռանալով Air սերիայի մասին։ Սակայն, ըստ վերջին տեղեկությունների, Apple-ը կարող է վերադառնալ մինի-համակարգիչների արտադրությանը։ Այս մասին տեղեկատվական արտահոսք է եղել General Interface Solutions ընկերությունից, որը Apple-ից հեղուկբյուրեղյա էկրանների պատվեր է ստացել նոր` 12 դյույմ անկյունագծով բյուջետային դյուրակիր համակարգչի համար

Սթենդֆորդի համալսարանի մասնագետները մարդու մահվան ժամանակը կանխատեսելու համար որոշել են արհեստական ինտելեկտ օգտագործել։ Գիտնականների մշակած համակարգչային ծրագիրը մարդու մահվան ժամանակը շատ արագ և ճշգրիտ է որոշում։ Ըստ The Deccan Chronicle-ի՝ այս ծրագիրը կարող է օգնել անբուժելի հիվանդներ ունեցող բժիշկներին։

ՀՀԿ գործադիր մարմնի նիստից հետո ՀՀԿ մամուլի քարտուղար Էդուարդ Շարմազանովը խոսել է նախագահ Սարգսյանի՝ Ֆրանսիա կատարած աշխատանքային այցի արդյունքներից։ Ըստ նրա այսօրվա Հայաստանը և մի քանի տարի առաջվա Հայաստանը եվրոպացիների աչքերով անհամեմատելի են։

ՀՀԿ-ն այսօր՝ հունվարի 25-ին, գործադիր մարմնի հերթական նիստն է գումարել։ Այն ավարվել է քիչ առաջ։ Նիստի արդյունքները ճեպազրույցում ներկայացնում է ՀՀԿ մամուլի խոսնակ Էդուարդ Շարմազանովը և պատասխանում լրագրողների հարցերին։

SHANTNEWS-ը հայտնել էր, որ Փարիզում տեղի է ունեցել Հայաստանի և Ֆրանսիայի նախագահների հանդիպումը, որին հաջորդել է համատեղ ասուլիսը։ Նախագահի մամուլի գրասենյակը հրապարակել է ասուլիսի ժամանակ Սերժ Սարգսյանի խոսքը։ Այն ներկայացնում ենք ամբողջությամբ։

Նախագահ Մակրոնը ողջունել է Հայաստանի Նախագահին Ֆրանսիայում և նշել, որ հանդիպման ժամանակ ակնկալում է հայ-ֆրանսիական բարեկամական հարաբերություններից բացի քննարկել բազմակողմ ձևաչափով, այդ թվում՝ Ֆրանկոֆոնիայի շրջանակներում համագործակցությունը, Հայաստան-Եվրամիություն հարաբերությունների հետագա զարգացումը ՀՀ-ԵՄ շրջանակային համաձայնագրի ստորագրումից հետո: Ֆրանսիայի նախագահը գործընկերոջից հետաքրքրվել է նաև ԼՂ հիմնախնդրի կարգավորման բանակցային գործընթացի վերջին զարգացումներով և այդ գործընթացն առաջ մղելու հնարավորությունների վերաբերյալ Նախագահ Սարգսյանի մոտեցումներով, ինչպես նաև տարածաշրջանի երկրների հետ Հայաստանի հարաբերություններով:

Հայաստանի Նախագահի դիմավորման արարողությունից հետո նախագահներ Սերժ Սարգսյանը և Էմանուել Մակրոնը հանդիպում են ունեցել աշխատանքային ճաշի ձևաչափով, որին հաջորդել է հանդիպման արդյունքներն ամփոփող համատեղ մամուլի ասուլիսը:

«Արսենալի» պաշտոնական կայքը հերթական հրապարակումն է արել Հենրիխ Մխիթարյանի մասին և վերնագրել «Ներկայացնում ենք մեր նոր 7 համարին»։

Դորտմունդի «Բորուսիայի» գաբոնցի հարձակվող Պյեր-Էմերիկ Օբամեյանգի տրանսֆերի հարցում անորոշությունն առայժմ մնում է։ Գերմանական Kicker-ի տեղեկություններով Լոնդոնի «Արսենալը» երկրորդ առաջարկն է արել Դորտմունդի «Բորուսիային». 50 միլիոն եվրոյից հետո անգլիական ակումբը առաջարկել է 60 միլիոն եվրո, սակայն դարձյալ մերժում է ստացել։

Ադրբեջանին զենքի վաճառքը դեղին քարտ է Հայաստանին. Արման Նավասարդյան Ադրբեջանին ռուսական զենքի նոր խմբաքանակի մատակարարումը նախկինում ձեռքբերված պայմանագրի շարունակություն է, կարծում է դիվանագետ Արման Նավասարդյանը։

Ուղիղ հեռաձակմամբ այստեղ կարող եք հետևել դատական նիստի ընթացքին։

Արտակարգ իրավիճակների նախարարությունից հայտնում են, որ այսօր հանրապետության տարածքում սպասվում է առանց տեղումների եղանակ: Հունվարի 24-27-ը շրջանների զգալի մասում ժամանակ առ ժամանակ սպասվում են տեղումներ, առանձին վայրերում` քամու ուժգնացում՝ 15-20 մ/վ արագությամբ: Օդի ջերմաստիճանը 24-26-ի գիշերը կբարձրանա 2-3 աստիճանով, ցերեկը նույնքան կնվազի:

«Արսենալ»-ի ֆան-ակումբի անդամները աստիճանաբար փորձում են սովորել ճիշտ արտաբերել թիմի նորեկ Հենրիխ Մխիթարյանի անունը և նշել գրության ձևը։ Այս մարտահրավերը հաղթահարած երկրպագուն արժանացել է դրամական պարգևի։

«Արսենալ»-ի պաշտոնական կայքը քիչ առաջ պաշտոնապես հայտարարեց Հենրիխ Մխիթարյանի տեղափոխության մասին։ Կայքը գրում է, որ ֆուտբոլիստը երկարաժամկետ պայմանագիր է ստորագրել լոնդոնյան ակումբի հետ Սանչեսի հետ փոխանակության գործարքի շրջանակներում։ Մխիթարյանն արդեն առաջին հարցազրույցն է տվել և նշել, որ շատ երջանիկ է «Արսենալ» տեղափոխության համար։

Mirror-ը տեղեկություններ է հրապարակել Հենրիխ Մխիթարյանի տեղափոխության ֆինանսական կողմի մասին:Ըստ պարբերականի հայ ֆուտբոլիստի աշխատավարձը լոնդոնյան «Արսենալում» զգալիորեն ավելի բարձր կլինի,  քան նախապես հայտարարվել էր.  շաբաթական ոչ թե 130, այլ 200 հազար ֆունտ ստերլինգ: Այդպիսով Մխիթարյանը ոչ միայն զգալիորեն ավելի շատ կվաստակի,  քան «Յունայթեդում» էր,  այլև կդառնա «Արսենալի» ամենաբարձր վարձատրվող ֆուտբոլիստը:   

Նախագահ Սերժ Սարգսյանն այսօր ցավակցական հեռագիր է հղել Ուզբեկստանի Հանրապետության նախագահ Շավքաթ Միրզիյոևին Ղազախստանի Ակտյուբինսկի շրջանում ուղևորատար ավտոբուսում բռնկված հրդեհի կապակցությամբ, որը Ուզբեկստանի քաղաքացիների մահվան պատճառ է դարձել:

Քիչ առաջ ավարտված ՀՀԿ գործադիր մարմնի նիստից հետո ճեպազրույցով հանդես է եկել կուսակցության մամուլի խոսնակ Էդուարդ Շարմազանովը։ Խոսնակը տեղեկացրել է, քննարկել են կուսակցության կողմից նախագահի թեկնածուի առաջադրման հարցը։

Կառավարության պաշտոնական կայքը հայտնում է, որ վարչապետ Կարեն Կարապետյանն այսօր այցելել է ՀՀ աշխատանքի և սոցիալական հարցերի նախարարություն՝ ծանոթանալու 2017 թ. գերակա խնդիրների կատարման և միջոցառումների իրականացման արդյունքներին ու 2018 թ. անելիքներին:

Նախագահ Սերժ Սարգսյանն այսօր խորհրդակցություն է անցկացրել տնտեսական մրցակցության պաշտպանության պետական հանձնաժողովի անդամների մասնակցությամբ: Քննարկվել են Սահմանադրության փոփոխությունների նոր կարգավորումների ներքո հանձնաժողովի հետագա գործունեությանը վերաբերող հարցեր:

Հենրիխ Մխիթարյանը առայժմ Մանչեսթերում է և այսօր մասնակցել է «Յունայթեդ»-ի մարզմանը։ Այդ մասին է վկայում Instagram-ում տեղադրված լուսանկարը, որում պատկերված են մանչեսթերյան թիմի ֆուտբոլիստները մարզման ժամանակ։ Լուսանկարը սոցիալական ցանցում տեղադրել է թիմի ֆրանսիացի ֆուտբոլիստ Անտոնի Մարսիալը, իսկ Հենրիխ Մխիթարյանը կիսվել է՝ մակագրելով. «Ուրախ ժամանց այսօրվա մարզմանը»։

Հենրիխ Մխիթարյանի՝ «Արսենալ» հնարավոր տեղափոխության մասին լուրերի ֆոնին Goal.com-ն անդրադարձել է Հայաստանի հավաքականի ֆուտբոլիստին հատուկ պատրաստված տեսանյութով:

Ֆրանսահայ լրագրող Տիբո Վեզիրյանը թվիթերյան իր էջում հրապարակում է արել՝ խոսելով Հենրիխ Մխիթարյանի տրանսֆերի մասին որպես կայացած փաստի: Վեզիրյանի ձևակերպումը բառացիորեն հնչում է այսպես.

«Հենրիխ Մխիթարյանի տեղափոխությունը «Արսենալ» արդեն իրականացված է: Ալեքսիս Սանչեսն էլ «Մանչեստեր Յունայթեդի ֆուտբոլիստ է»:

ՀՀ արտակարգ իրավիճակների նախարարությունը տեղեկացնում է, որ հունվարի 16-ին ժամը 08:00-ի դրությամբ ՀՀ տարածքում կան դժվարանցանելի ավտոճանապարհներ:

ՀՀԿ գործադիր մարմնի նիստից հետո կայացած ճեպազրույցում կուսակցության մամուլի խոսնակ Էդուարդ Շարմազանովն անդրադարձել է նախագահի իրենց թեկնածուի ընտրությանը: Նա նշել է, որ Հանրապետական կուսակցությունը այս ամսվա ընթացքում կընտրի իրենց թեկնածուին:

Շարմազանովին լրագրողները նաև հարց են ուղղել աղմկահարույց ավտոպատահարի վերաբերյալ, որի հետևանքով ՃՈ երկու աշխատակիցներ էին զոհվել, իսկ վթարի մասնակից՝ քրեական աշխարհում հայտնի «Ճվճվ Արոյի» որդուն ձերբակալել էին: Կուսակցության մամուլի խոսնակը հայտարարել է, որ արդարադատության առջև բոլորը հավասար են և մեղավորները պետք է պատժվեն:

ՀՀԿ գործադիր մարմնի նիստից հետո այսօր՝ հունվարի 11-ին, լրագրողների հարցերին պատասխանում է կուսակցության մամուլի խոսնակ Էդուարդ Շարմազանովը:

Vimeo վիդեոպորտալում հրապարակվել է ամերիկացի ռեժիսոր Մայք Օլբինսկիի «Շնչառություն» կարճամետրաժ փաստագրական ֆիլմը: Հեղինակը բնության տարերքը նկարահանել է 8K հստակությամբ:

ՀՀ քննչական կոմիտեն մանրամասներ է հրապարակել Ամանորի գիշերը «Սեֆ Ինթերնեյշնլ» ունիվերսալ վարկային կազմակերպության Վանաձորի մասնաճյուղից կատարված առանձնապես խոշոր չափերի գողության դեպքից։

Նախնական քննությամբ պարզվել է, որ գողության իրականացումը ծրագրվել է դեռևս 2017 թվականի օգոստոսին՝ կառավարչի նախաձեռնությամբ, ինչի շուրջ համաձայնություն է ձեռք բերվել Երևանի մի բնակչի հետ։ Պայմանավորվածության համաձայն՝ 2017թ. օգոստոս-դեկտեմբեր ամիսներինն Երևանի բնակիչը գնացել է Վանաձոր, ուսումնասիրել և ծանոթացել հիշյալ մասնաճյուղի տարածքին և դրամապահոցին, ապա կառավարչից վերցրել նրա մոտ գտնվող դրամապահոցի երկու փականներից մեկի բանալին ու կրկնօրինակել այն:

2017թ. դեկտեմբերի 29-ին՝ ժամը 17:40-ի սահմաններում, կառավարիչը մասնաճյուղի գանձապահից վերցրել է վերջինիս մոտ գտնվող դրամապահոցի երկրորդ փականի բանալին, այն դրել փականի մեջ՝ պատրանք ստեղծելով իբր փակել է փականը՝ իրականում բաց թողնելով այն:

Նույն օրը՝ ժամը 19:30-ի սահմաններում, մասնաճյուղի աշխատակիցների հեռանալուց հետո, կառավարիչը դրամապահոցից գաղտնի հափշտակել է առանձնապես խոշոր չափերով ոսկյա զարդեր եւ առկա առանձնապես խոշոր չափերի գումարը:

Պայմանավորվածության համաձայն՝ 2018 թվականի հունվարի 01-ին՝ ժամը 00:14-ի սահմաններում, Երեւանի բնակիչը, մասնաճյուղի պատուհանը տեխնիկական միջոցների գործադրմամբ բացելով, ապօրինի մուտք է գործել գրասենյակ, անջատել անվտանգության համակարգը, իր մոտ գտնվող կրկնօրինակ բանալիով բացել դրամապահոցի դուռը, գաղտնի հափշտակել մնացած ոսկյա զարդերը և գումարը:

Կառավարչին մեղադրանք է առաջադրվել՝ ՀՀ քրեական օրենսգրքի 177-րդ հոդվածի 3-րդ մասի 1-ին կետով եւ նրա նկատմամբ որպես խափանման միջոց է ընտրվել կալանավորումը: Կատարված խուզարկությունների արդյունքում հայտնաբերվել է հափշտակված գումարի և զարդերի մի մասը՝ 90.600.000 ՀՀ դրամի ընդհանուր արժողության ոսկյա զարդեր՝65 փաթեթում, ինչպես նաև՝ 803.000 հազար ՀՀ դրամ և 4.854 ԱՄՆ դոլար։

Կառավարիչն ընդունել է առաջադրված մեղադրանքը և ցուցմունք տվել դեպքի շուրջ։

Հունվարի 8-ին քննիչը որոշում է կայացրել Երեւանի բնակչին ներգրավել որպես մեղադրյալ՝ ՀՀ քրեական օրենսգրքի 177-րդ հոդվածի 3-րդ մասի 1-ին կետով, նրա նկատմամբ որպես խափանման միջոց է ընտրվել կալանավորումը և հայտարարվել հետախուզում:

Պավլիկ Մանուկյանի գործով դատական նիստն անցավ դատաքննության փուլ։ Պետական մեղադրանքը հրապարակեց մեղադրանքը։ Պավլիկ Մանուկյանը մեղադրվում է դատարանի նկատմամբ անհարգալից վերաբերմունքի,դատավոր Արտուշ Գաբրիեկյանի անձին ու արժանապատվությանը վիրավորանք հասցնելու համար։ Ամբաստանյալ Պավլիկ Մանուկյանը չընդունեց մեղադրանքը։ Ասաց՝ ես մեղավոր չեմ, չեմ եղել ու չեմ էլ լինի։ Նիստը հետաձգվեց մինչև փետրվարի 2 ը։

ՀՀ պաշտպանության նախարարի մամուլի խոսնակ Արծրուն Հովհաննիսյան ֆեյսբուքյան իր էջում անդրադարձել է երկու զինծառայողների վիրավորվելու լուրը թաքցնելու մասին մամուլի հրապարակումներին: Նա հերթական անգամ պնդել է, թե վիրավոր զինծառայողների մասին տեղեկատվությունը միշտ չէ, որ հարկավոր է հայտնել:

Ըմբշամարտի համաշխարհային միությունը (UWW) հրապարակել է դասակարգման թարմացված աղյուսակը:

Հունահռոմեական ըմբշամարտի նոր ցուցակում միանգամից երկու հայ ըմբիշ առաջին հորիզոնականում է: 98 կգ քաշային կարգում դասակարգման աղյուսակը գլխավորում է օլիմպիական խաղերի չեմպիոն, աշխարհի եւ Եվրոպայի եռակի չեմպիոն Արթուր Ալեքսանյանը, իսկ 80 կգ քաշում՝ աշխարհի չեմպիոն Մաքսիմ Մանուկյանը:

Հունահռոմեական ըմբիշներից 20 լավագույնների մեջ տեղ են գտել նաեւ Կարեն Ասլանյանը (66 կգ, 5-րդ տեղ), Կարապետ Չալյանը (75 կգ, 10-րդ տեղ), Արթուր Շահինյանը (85 կգ, 13-րդ տեղ):

Ազատ ոճի ըմբշամարտում մի քանի կետով առաջադիմել են 97 կգ քաշային Գեւորգի Կետոեւն ու 125 կգ Լեւոն Բերիանիձեն: Այժմ Կետոեւը չորրորդն է, իսկ Բերիանիձեն՝ երրորդը:

Լավագույն 20-ի մեջ ընդգրկվել են նաեւ Գարիկ Բարսեղյանը (57 կգ, 11-րդ տեղ), Վալոդյա Ֆրանգուլյանը (61 կգ, 19-րդ տեղ), Գրիգոր Գրիգորյանը (74 կգ, 12-րդ տեղ):

Ֆրանգուլյանը նախորդ տարվա երկրորդ կեսից փոխել է քաշային կարգը եւ արդեն հանդես է գալիս 65 կգ քաշում:

2018 թվականից ըմբշամարտում կկիրառվեն նոր կանոններ՝ կշեռք կլինի երկու օր, ավելացել են քաշային կարգեր, կատարվել են այլ փոփոխություններ: