ԼՂՀ Պաշտպանության բանակի պաշտոնական կայքը հայտնում է, որ այսօր ժամը 15:50-ի սահմաններում, ՊԲ հյուսիսարևելյան ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից, մահացու հրազենային վիրավորում է ստացել ՊԲ զինծառայող, 1998թ. ծնված Տիգրան Արմենի Խաչատրյանը: Դեպքի մանրամասները պարզելու համար կատարվում է քննություն: Արցախի Հանրապետության պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին և ծառայակիցներին:

Զվարթնոց պատմամշակութային արգելոց-թանգարանում մեկնարկել է Տիգրան Մանսուրյանի կազմակերպած համերգաշարի երրորդ համերգը։ Այստեղ մաեստրոյի երաժշտությունը մեկտեղվել է Եղիշե Չարենցի ու Ավետիք Իսահակյանի ստեղծագործությունների հետ։

Այսօր կկայանա ՈՒԵՖԱ-ի «Եվրոպա» լիգայի խմբային խաղերի հերթական տուրը: A խմբում առաջատարի դիրքը զբաղեցնելու համար կպայքարեն իսպանական Վիլյառեալը և Չեխական Սլավիան, նրանք երկուսն էլ ունեն 4 ական միավոր: Այս խմբի մյուս խաղում կհանդիպեն ղազախական Աստանան ու իսրայելական Մակկաբին:

Ոստիկանությունը փնտրում է Արարատի մարզի Նիզամի գյուղի մթերային խանութներից մեկից կատարված գողության մեջ կասկածվող տղամարդուն: Նրա դեմքն արձանագրել են անվտանգության տեսախցիկները:

Վլադիմիր Գասպարյանի հրամանով ոստիկանությունում կադրային փոփոխություններ են կատարվել:

Ինչպես ավելի վաղ տեղեկացրել էինք, Քսենյա Սոբչակը ցանկանում է իր թեկնածությունն առաջադրել Ռուսաստանի նախագահական ընտրություններում: Համացանցում այս նորությունը մեծ քննարկում առաջացրեց և շատերը սկսեցին հեգնանքով վերաբերվել այս իրողությանը:

Վրացի նկարիչ Լևան Կվարացխելիան աշխարհի հայտնի մարդկանցի անսովոր պատկերների շարք է ստեղծել՝ համոզիչ կերպով փորձելով ապացուցել, որ հագուստի կովկասյան ոճը նրանց «սազում է»:

Այսօր ԱՄՆ դոլարի փոխարժեքը կազմել է 481.73 դրամ՝ նախորդ օրվա համեմատ աճել է 0.23 դրամով: Այդ մասին հայտնում են Կենտրոնական բանկի մամուլի ծառայությունից:

Բրիտանական ֆունտի փոխարժեքը կազմել 633.72 դրամ (նվազել է 0.13 դրամով), եվրոյի փոխարժեքը կազմել է 568.97 դրամ (աճել է 3.45 դրամով), իսկ ռուսական ռուբլու փոխարժեքը կազմել է 8.37 դրամ (նվազել է 0.02 դրամով):

Թանկարժեք մետաղների համար բանկի կողմից սահմանվել են հետեւյալ գները.

Արծաթ՝ 262.52 դրամ, ոսկի՝ 19,827.71 դրամ, պլատին՝ 14,279.92 դրամ։

Հոկտեմբերի 19-ին «ՆԱՍԴԱՔ ՕԷՄԷՔՍ ԱՐՄԵՆԻԱ» ԲԲԸ-ում դոլարի առքուվաճառք տեղի չի ունեցել:

Բաքվի կենտրոնում քանդում են երկհարկանի մի տուն՝ բնակիչների հետ միասին: Այս մասին հայտնում է ադրբեջանական Haqqin.az-ը:

Վարչապետ Կարեն Կարապետյանն ընդունել է Հայաստանում Ռուսաստանի դեսպան Իվան Վոլինկինին: Զրուցակիցներն անդրադարձ են կատարել հայ-ռուսական դաշնակցային հարաբերությունների ընթացիկ օրակարգին

Ռուս պաշտոնյաների աշխատավարձերը 2018 թվականի հունվարի 1-ից մինչև դեկտեմբերի 31-ը կկրճատվեն: 2017 թվականի ընթացքում աշխատավարձերն արդեն իսկ կրճատվել էին 10 տոկոսով: Նվազումը կազդի ոչ միայն Կրեմլի աշխատակազմի, այլև պետական այլ կառյույցներում աշխատողների վրա: Նախագահ Պուտինը առաջին անգամ պետական ծառայողների աշխատավարձերը սկսեց կրճատել 2015-ից, որից հետո նախագահը ամեն տարի ավելացնում է կրճատումների տոկոսները: Ինչ վերաբերում է հենց Պուտինին, ապա 2016-ին նրա աշխատավարձը կազմել է 8.9 մլն ռուբլի, իսկ վարչապետ Դմիտրի Մեդվեդևինը՝8.5 մլն ռուբլի:

Կառավարության «Մաքուր Հայաստան» ծրագրով հոկտեմբերի 21-ին Երևանում կանցկացվի համաքաղաքային շաբաթօրյակ, որի ընթացքում պատշաճ տեսքի կբերվեն մայրաքաղաքի բակերը, այգիներն ու պուրակները, ինչպես նաև հանրային նշանակության կառույցներն ու ճանապարհների հարակից տարածքները:

«Ապրիլյան քառօրյա պատերազմի հանգեցրած գործոններից շատերը ոչ միայն առկա են, այլեւ էլ ավելի են սրվել», – Միացյալ Նահանգների Կոնգրեսի Հելսինկյան Հանձնաժողովում անցած Լեռնային Ղարաբաղի հիմնախնդրի շուրջ լսումներին հայտարարեց Միջազգային ճգնաժամային խմբի ներկայացուցիչ Մագդալենա Գրոնոն:

Հանրապետության Նախագահի հետ աշխատանքային հանդիպման ընթացքում կառավարությանն առընթեր քաղաքաշինության պետական կոմիտեի նախագահ Նարեկ Սարգսյանը զեկուցել է քաղաքաշինության ոլորտում 2016-2017 թվականներին իրականացված աշխատանքների, առկա խնդիրների, դրանց կարգավորմանն ուղղված նախաձեռնությունների, ինչպես նաև առաջիկա ծրագրերի և անելիքների մասին:

Ռուսական բանակի՝ Գյումրիում տեղակայված 102-րդ ռազմաբազայի տանկիստները վարժանքներ են սկսել Հայաստանի «Ալագյազ» զորավարժարանում։ Այս վարժանքներով տանկիստներն ամփոփելու են ուսումնական կիսամյակի ընթացքու ստացած գիտելիքներն ու հմտությունները։

Զորավարժությանը մասնակցում է մինչև 50 միավոր ռազմական տեխնիկա և 200 զինծառայող։ Վարժանքների ընթացքում խոցվելու են մինչև 4 կմ հեռավորության վրա ընկած թիրախներ, որոնք կատարելու են հորինված թշնամու զրահատեխնիկայի դերը։

Անցկացվելու են նաև երկկողմանի վարժանքներ, երբ տանկիստները մենամարտելու են իրար դեմ տանկային դուելների տեսքով։ Դրանց ընթացքում երկու կողմից տանկերը սկսելու են փնտրել իրար ու թիրախավորել ուսումնական զինամթերքով։

Վարժանքներն անցկացվելու են լեռնային բարդ պայմաններում։

Ռուսաստանի նախագահի ընտրություններում Քսենիա Սոբչակի թեկնածության առաջադրումը քաղաքականության մեջ կանանց ակտիվության համաշխարհային միտում է: Այդ մասին հայտարարել է կանադացի քաղաքագետ, Կարլետոնի համալսարանի (Կանադա) Պետական կառավարման եւ հանրային քաղաքականության կենտրոնի տնօրեն Պիտեր Դուտկեւիչը, ում խոսքը փոխանցում է РИА Новости-ն:

«Սոբչակը երիտասարդ քաղաքական գործիչ է, նա էներգետիկ երիտասարդ կին է: Ինչու՞ չէ: Նրա առաջադրումը համաշխարհային միտում է, երբ երիտասարդները եւ կանայք ակտիվորեն մասնակցում են քաղաքական կյանքին », – ասել է Դուտկեւիչը լրագրողների հետ զրույցում:

Հիշեցնենք, որ Սոբչակը չորեքշաբթի հայտարարել է, որ մտադիր է մասնակցել 2018 թվականի նախագահական ընտրություններին`իրեն որակելով որպես «բոլորին դեմ» թեկնածու:

Նշենք, որ Ռուսաստանում նախագահական ընտրություններին կարող են մասնակցել 35 տարեկանից բարձր քաղաքացիներ: Նոյեմբերին կլրանա հեռուստահաղորդավարուհու 36-ամյակը: Իսկ ընտրությունները տեղի կունենան 2018 թ. մարտին, նախընտրական քարոզչությունը պետք է սկսվի 2017 թվականի դեկտեմբերին:

Ալբանիայի Դուրրես քաղաքում ընթացող ծանրամարտի Եվրոպայի երիտասարդների և պատանիների առաջնությունում մինչև 20 տարեկանների (Մ20) պատանիների Հայաստանի Հանրապետության հավաքականի անդամ, 85 կգ քաշային Դավիթ Հովհաննիսյանը երկամարտի 343 կգ արդյունքով դարձել է Եվրոպայի փոխչեմպիոն:

ԱՄՆ նախկին նախագահ Բարաք Օբաման Սպիտակ տան օվալաձև աշխատասենյակի իր սեղանի վրա հատուկ «կարմիր կոճակ» է ունեցել, որը նախատեսված է եղել թեյ պատվիրելու համար: Washingtonexaminer.com-ի փոխանցմամբ` այս մասին հայտնել է բրիտանացի միլիարդատեր Ռիչարդ Բրենսոնն իր Finding my Virginity գրքում: «Նախկինում այդ կոճակն օգտագործվել է տագնապի ազդանշանի համար, բայց հիմա ես այն սեղմում եմ, որպեսզի հյուրերի համար թեյ պատվիրեմ»,- […]

Հայաստանում ԱՄՆ դեսպանատան ֆեյսբուքյան պաշտոնական էջը տեղեկացնում է, որ եթե հետաքրքրված եք խաղարկային վիզաների («Գրին քարտ») խաղարկությամբ, բայց գրանցմանն առնչվող հարցեր ունեք, ապա այս ուրբաթ, հոկտեմբերի 20-ին, ժամը 13.00-ին ԱՄՆ հյուպատոսական բաժինի պաշտոնյաները կանցկացնեն 1 ժամանոց առցանց ֆեյսբուքյան հարց ու պատասխան:

«Դիլիջանի ազգային պարկ» պետական արգելոցի պահնորդական ծառայություն իրականացնող կազմակերպության պահակակետը հրկիզելու գործով ձերբակալված անձին այսօր մեղադրանք է առաջադրվել, տեղեկացնում են ՀՀ գլխավոր դատախազությունից:

Գործակալության աղբյուրները հայտնել են նաև, որ ձերբակալվածը ավելի վաղ Մոսկվայում կալանավորված հայ տաքսիստ Վահագն Կարապետյանի հայրն է: Վերջինս կալանավորվել էր բջջային հեռախոսների գողության ու մի քանի մարդու սպանելու մեղադրանքով:

ՀՀ ԱԳ նախարար Էդվարդ Նալբանդյանը Եվրոպայի հայկական չորրորդ համագումարում ելույթ ունենալիս խոսել է արցախյան հակամարտության ու բանակցային գործընթացի մասին՝ բացելով որոշ փակագծեր:

Այսօր 13:08-ին ԱԻն-ում ահազանգ է ստացվել, որ Երևան քաղաքի Թումանյան փողոցի թիվ 32 շենքի բնակարաններից մեկի բնակիչը չի արձագանքում դռան թակոցներին և հեռախոսազանգերին. անհրաժեշտ է փրկարարների օգնությունը:

Ռուս օդերևութաբանները՝ միջազգային գործընկերների հետ միասին պարզել են այս տարի Ռուսաստանի ցուրտ ամառվա պատճառը:

Հայտնվել է Ուկրաինայի Խարկով քաղաքում տեղի ունեցած խոշոր վթարի տեսագրությունը: SHANTNEWS-ը այսօր առավոտյան հաղորդել էր, որ վթարի հետևանքով զոհվել էր 6 մարդ:

Հայաստանն այս տարի վերահաստատել է մորից երեխային ՄԻԱՎ-ի փոխանցումը վերացրած երկրի կարգավիճակը:

ՌԴ Ուլյանովսկի մարզում ձերբակալել են կնոջ, որը ներկայացել է որպես Հայաստանի դեսպանատան աշխատակից և ցանկացողներին առաջարկել ռուսական անձնագրեր պատրաստել:

Ռադայի ղեկավարը պահանջում է, որպեսզի խորհրդարանին թողնեն աշխատել: Նախագահն ու վարչապետը դեմ չեն հանրահավաքներին ու բարեփոխումների ձգտումներին, սակայն քննադատում են անպատասխանատու չակերտավոր քաղաքական գործիչներին և երկիրը ներսից քանդողներին, սակայն չեն նշում որևէ անուն:

ԱԻՆ լրատվական ծառայությունից shantnews-ին տեղեկացրին, որ այսօր «Սասունցի Դավիթ» կայարանում հայտնաբերված կասկածելի իրը ի РП-4 հակագազի օդազտիչ է, ինչը չի խոչընդոտում երկաթուղու երթևեկությանը:

Կառավարության նիստում տրանսպորտի, կապի և տեղեկատվական տեխնոլոգիաների նախարարը ներկայացրեց միջազգային ավտոմոբիլային հաղորդակցման մասին համաձայնագիրը: