Ինչպես ավելի վաղ տեղեկացրել էինք՝ Ժնևում առաջինը La Grange վիլլա է ժամանել ՌԴ նախագահ Վլադիմիր Պուտինը: Այնուհետ՝ 10 րոպե անց, ժամանել է ԱՄՆ նախագահ Ջո Բայդենը: Նրանց դիմավորել է հյուրընկալող կողմը՝ Շվեյցարիայի նախագահ Գի Պերմելենը: Արարողակարգային տեսալուսանկարահանումից հետո նախատեսված է նախագահների հանդիպումը նախ նեղ կազմով, որին ներկա կլինեն նաև երկու կողմերի արտաքին գերատեսչությունների ղեկավարներ Էնթոնի Բլինքենը […]

Ղարաբաղյան խնդրի կարգավորման շուրջ իրավիճակն են այսօր քննարկել Ռուսաստանի Դաշնության արտաքին գործերի փոխնախարար Անդրեյ Ռուդենկոն և Ռուսաստանում Ֆրանսիայի դեսպան Պիեռ Լեվին: Այդ մասին հայտնել է ՌԴ ԱԳ նախարարությունը: «Զրույցի ընթացքում մտքերի մանրակրկիտ փոխանակություն է տեղի ունեցել Լեռնային Ղարաբաղի կարգավորման շուրջ ստեղծված իրավիճակի վերաբերյալ, այդ թվում՝ ԵԱՀԿ Մինսկի խմբի համանախագահների աշխատանքի համատեքստում, ինչպես նաև ԱՊՀ տարածքում […]

Եվրամիությունում հավանություն են տվել Բելառուսի օդային տարածքով եվրոպական ընկերությունների թռիչքների արգելքին: Համապատասխան արգելքին հավանություն են տվել Եվրամիության անդամ-երկրների պատվիրակները: Այդ մասին հայտնել է Reuters գործակալությունը: Ըստ այդմ՝ ոչ միայն եվրոպական ավիաընկերությունները թռիչքներ չեն իրականացնի Բելառուսի տարածքով, այլև բելառուսական օդանավերը ևս չեն կարող թռչել Եվրամիության տարածքով կամ վայրէջք կատարել միության օդանավակայաններում: Այդ կարգը ուժի մեջ կմտնի […]

Ռուսաստանը ՆԱՏՕ-ին մեղադրում է զորավարժությունների քողի տակ Ուկրաինային զենք մատակարարելու մեջ: Մասնավորապես, ՌԴ ՊՆ մամուլի խոսնակ Իգոր Կոնաշենկովը հայտարարել է, որ Sea Breeze-2021 զորավարժության անվան տակ զենքը մատակարարվում է Դոնբասի մերձակայքում գտնվող ուկրաինական զինուժին ու ազգայնական կազմավորումներին: Կոնաշենկովը նշել է, որ Ռուսաստանը կհետևի այդ զորավարժությունների նախապատրաստմանն ու անցկացմանը և արձագանքել՝ ելնելով Ռուսաստանի ազգային անվտանգության շահերից: […]

Ֆրանսիայի նախագահ Էմանուել Մակրոնը սոցիալական ցանցերի իր էջերում անդրադարձել է հայ- ադրբեջանական սահմանը խախտելու ադրբեջանական զինուժի գործողություններին: Ֆեյսբուքում հայերեն, իսկ թվիթերում անգլերեն գրառմամբ նշել է. «Ադրբեջանի զինված ուժերը ներխուժել են հայկական տարածք։ Նրանք պետք է անհապաղ հետ քաշվեն: Եվս մեկ անգամ ասում եմ հայ ժողովրդին` Ֆրանսիան համերաշխ է ու այդպիսին էլ կմնա»,- գրել է Մակրոնը: […]

Ռուսաստանի նախագահ Վլադիմիր Պուտինը հույս է հայտնել, որ նախկին շրջանակներում կվերականգնվի Իրանի միջուկային համաձայնագիրը: Նա այդ մասին խոսել է երկրի ԱԱ խորհրդի անդամների հետ հանդիպման ժամանակ: Դա նա կապել է Կասպյան տարածաշրջանի իր պլանների հետ: Պուտինի խոսքերով՝ այդ կերպ Ռուսաստանը կկարողանա լիարժեք հարաբերություններ հաստատել «կասպյան հնգյակի հետ» և կյանքի կոչել իր բոլոր պլանները՝ ներառյալ էներգետիկայի […]

Ռուսաստանի «Վեկտոր» գիտական կենտրոնի «ԷպիՎակԿորոնա» պատվաստանյութն արդյունավետ է ճանաչվել կորոնավիրուսի բոլոր շտամների դեմ: Այդ մասին հայտարարել է «Վեկտոր» կենտրոնի գլխավոր տնօրենի՝ գիտամեթոդական աշխատանքի և միջազգային համագործակցության հարցերով տեղակալ Տատյանա Նեպոմնյաշչիխը, տեղեկացրել է «Ինտերֆաքս»-ը: Նա հիշեցրել է, որ այժմ կարևոր հարց է, թե նոր շտամների դեպքում որքանո՞վ է անհրաժեշտ լինելու փոփոխել պատվաստանյութի կազմը: Նրա խոսքերով՝ իրենք […]

Ղազախստանի առաջին նախագահ Նուրսուլթան Նազարբաևը գործող նախագահին է հանձնել Ղազախստանի ժողովրդական ասամբլեայի նախագահի իր լիազորությունները: Օրենսդրության համաձայն՝ Նազարբաևը, որպես Ղազախստանի առաջին նախագահ, իրավունք ուներ ժողովրդական ասամբլեայի նախագահ մնալ ցմահ: Սակայն այսօր, ելույթ ունենալով ասամբլեայի 19 -րդ նստաշրջանում, իր լիազորությունները փոխանցել է երկրի գործող նախագահ Քասիմ-Ժոմարտ Տոկաևին: Ասամբլեան խորհրդատվական մարմին է, որը միավորում է երկրում ապրող […]

Չինաստանում անհայտ մեկը դանակով հարվածել է մանկապարտեզի 16 երեխաների և նրանց երկու դաստիարակներին: Երեխաներից երկուսը ծանր վիճակում են: Այդ մասին հայտնել է Չինաստանի կենտրոնական հեռուստատեսությունը:  Չարագործը ձերբակալվել է: Տեղի ունեցածի շարժառիթները ճշտվում են:

«Կրոնշտադտ» ընկերությունը Դուբնա քաղաքում սկսել է «Օրիոն» հարվածային անօդաչու թռչող սարքերի սերիական արտադրության առաջին գործարանի շինարարությունը: Այդ մասին հայտնում է Коммерсантъ թերթը: Ընկերությունը հայտնել է, որ գործարանը կկառուցվի ռեկորդային կարճ ժամկետներում: Այն շահագործման կհանձնվի արդեն 2021թ նոյեմբերին: Նախագծի ներդրումները կկազմեն ավելի քան 4 միլիարդ ռուբլի, գործարանը մշտական աշխատանքով կապահովի ավելի քան 1,5 հազար մարդու: Ռուսաստանն […]

Թուրքիան պատրաստ է Ռուսաստանին վաճառել Bayraktar հարվածային ԱԹՍ-ներ: Türkiye թերթը գրել է, որ այդ մասին հայտարարել են Անկարայի դիվանագիտական աղբյուրները՝ ի պատասխան Ռուսաստանի արտգործնախարար Սերգեյ Լավրովի հայտարարության, որտեղ նա ասել էր, որ Ռուսաստանը խորհուրդ է տալիս Թուրքիային չխրախուսել Ուկրաինայի միլիտարիստական տրամադրությունները: «Մենք նստում և զրուցում ենք: Եթե համաձայնության գանք պայմանների շուրջ, ապա իրականացնում ենք վաճառքը: […]

Մարդու իրավունքների մասին ԱՄՆ պետքարտուղարության ամենամյա զեկույցում, որը հրապարակել է ԱՄՆ պետքարտուղար Էնթոնի Բլինքենը, ԱՄՆ-ը պաշտոնապես է հաստատում Թուրքիայի մասնակցությունը պատերազմին և ուշագրավ ձևակերպում տալիս պատերազմի հետևանքների վերաբերյալ: «Այն բանից հետո, երբ Ադրբեջանը Թուրքիայի աջակցությամբ վերականգնեց վերահսկողությունը չորս հարակից շրջանների նկատմամբ, որոնք անջատողականների կողմից վերահսկվում էին 1994 թվականից ի վեր, Ռուսաստանի միջնորդությամբ նոյեմբերի 9-ին կնքված […]

Ապրիլի 1 -ին ՌԴ ԱԳ նախարար Սերգեյ Լավրովն առանձին հանդիպումներ կունենա ՀՀ ԱԳ նախարար Արա Այվազյանի և Ադրբեջանի ԱԳ նախարար Ջեյհուն Բայրամովի հետ: Այդ մասին լրագրողների հետ շփման ժամանակ հայտնել է ՌԴ ԱԳ նախարարության պաշտոնական ներկայացուցիչ Մարիա Զախարովան: Եռակողմ հանդիպում նախատեսված չէ: Դեռ օրեր առաջ Զախարովան հայտնել էր, որ հանդիպումները տեղի կունենա ապրիլի 2-ին: Այժմ […]

Բրիտանական թագավորական զույգը՝ արքայազն Հարրին ու նրա կինը՝ Մեգանը, չեն վերադառնա թագավորական ընտանիքի պաշտոնական պարտականությունների կատարմանը: Այդ մասին հայտնել է Բուքինգհեմյան պալատը: Եղիսաբեթ երկրորդ թագուհին հայտնել է, որ Հարրին կզրկվի նաև զինվորական պատվավոր կոչումներից: Բուքինգհեմյան պալատի այս հայտարարությունը հետևել է Հարրիի և Մեգանի այն հարցազրույցի մասին լուրին, որտեղ նրանք պատմում են թագավորական ընտանիքի հետ կապերը […]

Ռուսաստանը արտաքսել է Եվրամիության երեք երկրների՝ Գերմանիայի, Լեհաստանի ու Շվեդիայի երեք դիվանագետի: Նրանք «պերսոնա նոն գրատա» են ճանաչվել ռուս ընդդիմադիր գործիչ Ալեքսեյ Նավալնիի օգտին տեղի ունեցող ակցիաներին մասնակցելու պատճառով: Նրանցից մեկը Մոսկվայում Գերմանիայի դեսպանն է, մյուս երկուսը՝ Սանկտ Պետերբուրգում Շվեդիայի և Լեհաստանի հյուպատոսությունների աշխատակիցները: Ռուսաստանի ԱԳՆ-ն բողոքի նոտա է ներկայացրել համապատասխան դեսպանատներ:

Ներկայացուցիչների պալատի նորընտիր անդամներից հանրապետական Մարջորի Թեյլոր Գրինը ԱՄՆ նորընտիր նախագահի իմպիչմենտի համար հոդվածներ է ներկայացրել Ներկայացուցիչների պալատ: Նա այդ մասին հայտնել է իր կայքում: Մարջորի Գրինը այդ մասին հայտարարել, էր դեռ մի քանի օր առաջ Newsmax հեռուստաալիքին տված հարցազրույցում: Նա ասել էր, որ այդ հարցը կբարձրացնի նրա երդմնակալության հենց հաջորդ օրը՝ հունվարի 21-ին: Ըստ […]

Լեռնային Ղարաբաղում ռազմական գործողությունների վերջին բռնկման ֆոնին ԱՄՆ վարչակազմը կվերանայի անվտանգության ոլորտում Ադրբեջանին տրվող օգնությունը: Այս մասին հայտարարել է ԱՄՆ պետքարտուղարի թեկնածու Էնթոնի Բլինքենն՝ ի պատասխան ԱՄՆ սենատի արտաքին հարաբերությունների հանձնաժողովի ղեկավար Բոբ Մենենդեսի գրավոր հարցերին: Այդ մասին հայտնում է Ամերիկայի հայ դատի հանձնախումբը: «Ես աջակցում եմ անվտանգության, ժողովրդավարության ամրապնդման և տնտեսական աճի խթանման հարցում […]

ԵԱՀԿ գործող նախագահ, Շվեդիայի արտաքին գործերի նախարար Էն Լինդեն ԵԱՀԿ մշտական խորհրդին ներկայացված առաջնահերթությունների շարքում նշել է Լեռնային Ղարաբաղի հակամարտության կարգավորումը: Այսօր հանդես գալով ԵԱՀԿ մշտական խորհրդի նիստում՝ Էն Լինդեն հիշատակել է Լեռնային Ղարաբաղը, Ուկրաինան, Մոլդովան, Վրաստանն ու Բելառուսը: «Հակամարտությունների առաջացրած մարդկային տառապանքները և սպառնալիքները միջազգային խաղաղությանն ու անվտանգությանը պարզապես անընդունելի են: Ուստի հակամարտությունների կարգավորումը […]

ԱՄՆ Ներկայացուցիչների պալատի նորընտիր անդամներից հանրապետական Մարջորի Թեյլոր Գրինը հայտարարել է, որ մտադիր է բարձրացնել ԱՄՆ նորընտիր նախագահ Ջո Բայդենի իմփիչմենթի հարցը: Այդ մասին նա ասել է Newsmax հեռուստաալիքին տված հարցազրույցում: Նրա խոսքերով՝ այդ հարցը կբարձրացնի նրա երդմնակալության հենց հաջորդ օրը՝ հունվարի 21-ին: Գրինն ասել է, թե ԱՄՆ-ն չի կարող ունենալ նախագահ, որը կարող է […]

ԱՄՆ Կոնգրեսը քննարկում է Դոնալդ Թրամփի իմփիչմենթի հարցը: Համապատասխան առաջարկը ներկայացրել են Ներկայացուցիչների պալատի դեմոկրատ կոնգրեսականները: Առաջարկը սատարում են նաև որոշ հանրապետականներ: ԱՄՆ նախագահ Դոնալդ Թրամփը մեղադրվում է խռովություններ հրահրելու մեջ՝ նկատի առնելով Կապիտոլիումի գրոհի դեպքը:

Իրանի իսլամական հեղափոխության պահապանների կորպուսը Պարսից ծոցի ափերին հրթիռային ստորգետնյա բազա է բացել: Այդ մասին հայտնել է կորպուսին հարող տեղեկատվական պորտալներից մեկը: Կորպուսի գլխավոր հրամանատար Հոսեյն Սալամին ասել է, որ այդ համալիրում տեղակայված են բարձր ճշգրտության, կործանիչ շատ մեծ ուժով հրթիռներ, որոնց հեռահարությունը հարյուրավոր կմ է: Դրանք, ըստ նրա, կարող են հաղթահարել ռադիոէլեկտրոնային պաշտպանությունը: Այս […]

Նախորդ տարվա մարտին ԱՄՆ-ի պետական հաստատությունների նկատմամբ լայնամասշտաբ կիբերհարձակման մեջ Ռուսաստանն է կասկածվում: Նման եզրահանգում է ներկայացված ԱՄՆ հետախուզական երեք մարմինների համատեղ արված հայտարարության մեջ: Ըստ դրա՝ «Սանբըրսթ» անունը ստացած կիբերհարձակումն իրականացվել է հետախուզական տվյալներ ստանալու նպատակով: Դրա հետևանքով վնաս է հասցվել ամերիկյան մոտ պետական 10 կառույցների՝ տարածվելով մոտ 18 000 մարդու վրա: Ավելի վաղ […]

Սիրիացի թրքամետ վարձկանների 900 հոգանոց մի խումբ Ադրբեջանից Սիրիա է վերադարձել: Այդ մասին հայտնել է Մարդու իրավունքների սիրիական դիտորդական կենտրոնը՝ SOHR-ը՝ վկայակոչելով իր վստահելի աղբյուրները: Աղբյուրի տվյալներով՝ նոր ժամանած սիրիացի վարձկանների՝ վարձկանների խումբը վերադարձել է Սիրիա, երբ ձախողվել են նրանց Ադրբեջանում պահելու Թուրքիայի բոլոր ջանքերը: Ըստ հրապարակման՝ Ադրբեջանի կառավարությունը հրաժարվում է թույլատրել նրանց բնակվել Լեռնային […]

Հայ ռազմագերիների նկատմամբ անմարդկային վերաբերմունքի մասին է ահազանգել Human Rights Watch միջազգային իրավապաշտպան կազմակերպությունը: Ըստ կազմակերպության զեկույցի՝ հոկտեմբերից սկսած հայ ռազմագերիները ադրբեջանական ուժերի կողմից ենթարկվել են ֆիզիկական բռնության և նվաստացման, այդ գործողությունները նկարահանվել և տեսանյութերի միջոցով լայնորեն տարածվել են սոցիալական ցանցերում։ Human Rights Watch- ի Եվրոպայի և Կենտրոնական Ասիայի տնօրեն Հյու Ուիլյամսոնը նշել է, որ […]

Սենատում մեկնարկել է Արցախի ճանաչման հարցով բանաձևի նախագծի քննարկումը: Քննարկումից հետո այն  կդրվի քվեարկության: Նախագիծը ներկայացրել են Սենատի 5  անդամներ: Մինչ քննարկման մեկնարկը դրա համահեղինակներից «Կենտրոնամետների միություն» խմբի ղեկավար Էրվե Մարսեյը հայտնել էր, որ Ֆրանսիայի Սենատն ամենայն հավանականությամբ կընդունի այդ բանաձևը։ Նրա խոսքերով` Սենատի գրեթե բոլոր քաղաքական ուժերը պաշտպանում են բանաձևի նախագիծը։

ՌԴ ՊՆ պաշտոնական ներկայացուցիչ Իգոր Կոնաշենկովը հայտնել է, որ վերջին մեկ օրվա ընթացքում Արցախ է վերադարձել ավելի քան 2000 մարդ: Նոյեմբերի 14-ից մինչ այժմ վերադարձել է 15 հազար մարդ: «Մեկ օրվա ընթացքում Հայաստանի տարածքից խաղաղապահների աջակցությամբ Արցախ է վերադարձել ավելի քան 2000 փախստական: Մշտական բնակության վայր ընդհանուր առմամբ վերադարձել է ավելի քան 15 հազար բնակիչ: […]

ՌԴ պաշտպանության նախարար Սերգեյ Շոյգուի կարգադրությամբ Արցախում հումանիտար 5 նոր կենտրոն կստեղծվի: Դրանք են՝ հումանիտար ականազերծման, հակամարտող կողմերի հաշտեցման, այդ թվում՝ «Խաղաղապահի լրատու» թերթ ու հեռուստառադիոընկերություն, տրանսպորտային ապահովման, բժշկական սպասարկման, առևտրակենցաղային սպասարկման կենտրոնները: Այս մասին տեղեկացնում է Ria.ru–ն: Դրանք կստեղծվեն միջգերատեսչական կենտրոնի հենքի վրա, որի աշխատանքները կմեկնարկեն ուրբաթ օրվանից: Այն ստեղծվել է ՌԴ նախագահ Վլադիմիր […]

17 կուսակցությունների խորհուրդը հանդես է եկել հայտարարությամբ, որում գնահատելով իրավիճակը՝ կտրուկ անհամաձայնություն է հայտնել ստորագրված փաստաթղթի դրույթների վերաբերյալ: Հայտարարությունում մասնավորապես ասված է, որ այս պահին խիստ անհրաժեշտ են հավաքական միասնականությունը, ներքին խժդժությունների և սադրանքների բացառումը: Կուսակցությունների խորհուրդը նաև վաղը՝ նոյեմբերի 11-ին, հանրահավաք է հրավիրել Երևանում:

ԱՄՆ նախագահի ազգային անվտանգության հարցերով խորհրդական Ռոբերտ Օ՛Բրայենը Կալիֆոռնիայում հայ համայնքի հետ հանդիպման ժամանակ խոսել է հակամարտության գոտում խաղաղապահներ ներգրավելու գաղափարի մասին: Ըստ նրա՝ խաղաղապահների ներգրավման դեպքում դրանք չեն կարող լինել ո՛չ ԵԱՀԿ Մինսկի խմբի համանախագահող երկրներից, ո՛չ էլ Թուրքիայից: «Լուծումը բազմազգ խաղաղապահ ուժերի կամ դիտորդների ներգրավումն է: Իհարկե, որևէ խաղաղապահ առաքելություն չպետք է ներառի […]