Ավստրիական «Լիֆերինգի» եզրային պաշտպան Մարկ Գևորգյանը կարող է կարիերան շարունակել Գերմանիայում: Գելզենկիրխենի «Շալկե 04»-ը 18-ամյա ֆուտբոլիստին դարձրել է իր տրանսֆերային նպատակը, գրում է ruhr24.de-ն: Գերմանական հեղինակավոր ակումբն արդեն բանակցել է Գևորգյանի հետ և կարող է նրան ձեռք բերել ազատ խաղացողի կարգավիճակում, քանի որ հայ ֆուտբոլիստի պայմանագրի ժամկետը սպառվելու է ամռանը: «Շալկեն» առաջին քայլերը կատարել է […]

Ֆուտբոլի Հայաստանի ազգային հավաքականի հարձակվող Էդգար Սևիկյանը հունգարական «Ֆերենցվարոշի» հետ դարձել է այդ երկրի չեմպիոն: «Ֆերենցվարոշը» Հունգարիայի առաջնության 29-րդ տուրի տնային խաղում գոլազուրկ ոչ-ոքի է խաղացել «Կիշվարդայի» հետ և վաղաժամ հռչակվել չեմպիոն: Սևիկյանը խաղադաշտ է դուրս եկել 88-րդ րոպեին: «Ֆերենցվարոշն» առաջնության ավարտից չորս տուր առաջ անհասանելի է դարձել երկրորդ տեղում գտնվող «Պակշիի» համար: «Ֆերենցվարոշը» 35-րդ […]

Բրազիլիայի հավաքականի և «Պալմեյրասի» հարձակվող Էնդրիկը, որը ամռանը տեղափոխվելու է Մադրիդի «Ռեալ», պատմել է, որ «սիրային պայմանագիր» ստորագրել 21-ամյա մոդել Գաբրիելի Միրանդայի հետ: 17-ամյա ֆուտբոլիստը մտադիր է ամուսնանալ իր ընկերուհու հետ, հայտնում է AS-ը: Ըստ համաձայնագրի՝ Էնդրիկը և Գաբրիելին չպետք է կախվածություն ունենան ցանկացած բանից, չպետք է որոշակի բառեր օգտագործեն, ինչպես նաև կտրուկ փոխեն պահվածքը: […]

Նիդերլանդների ֆուտբոլային արտոնագրման կոմիտեն որոշել է «Վիտեսին» խոշոր տուգանքի ենթարկել: Առնհեմ քաղաքի ակումբից 18 միավոր է հանվել ֆինանսական խնդիրները չլուծելու համար, հայտնում է ESPN-ը: Էրեդիվիզիի ընթացիկ առաջնությունում «Վիտեսը» վաստակել էր 17 միավոր, և այժմ թիմի հաշվին -1 միավոր է: Առաջնության ավարտին մնում է 4 տուր: «Վիտեսն» այլևս չի կարող խուսափել վերջին տեղը գրավելուց և 35 […]

Ռուսական «Ռոստովի» հայ կիսապաշտպան Խորեն Բայրամյանը խոսել է ակումբի գլխավոր մարզիչ Վալերի Կարպինի` Մոսկվայի «Սպարտակ» տեղափոխվելու լուրերի մասին: «Արդեն քանի տարի է Կարպինին ուղարկում են «Սպարտակ»։ Անընդհատ ասում են, որ նա գլխավորելու է «Սպարտակը»։ Մրցաշրջանի ընթացքում նվազագույնը մեկ-երկու անգամ նման լուրեր են տարածվում։ Ըստ իս` Կարպինն արժանի է մարզել նաև «Ռոստովը»։ Մենք չենք ցանկանում, որ […]

Գերմանիայի Բունդեսլիգայի 30-րդ տուրում «Քյոլնը» տնային խաղում մրցել է «Դարմշտադտի» հետ և պարտվել 0-2 հաշվով: Տանտերերի կազմում ամբողջ խաղին մասնակցել է Հայաստանի ազգային հավաքականի հարձակվող Սարգիս Ադամյանը: «Քյոլնը» 22 միավորով նախավերջին՝ 17-րդ տեղում է, «Դարմշտադտը»՝ 17 միավորով 18-րդն է:

Ամերիկյան «Ինտեր Մայամին» MLS-ի կանոնավոր առաջնության 9-րդ տուրում ընդունել էր «Նեշվիլին» և հաղթել է 3-1 հաշվով: Դուբլի և մեկ գոլային փոխանցման հեղինակ է դարձել «Ոսկե գնդակի» 8-ակի դափնեկիր, Լիոնել Մեսսին, մեկ գոլ էլ խփել է իսպանացի կիսապաշտպան Սերխիո Բուսկետսը: Խերարդո Մարտինոյի թիմը 18 միավորով գլխավորել է մրցաշարային աղյուսակը, «Նեշվիլը» 7 միավորով 25-րդն է:

Հայաստանի հավաքականի ավագ Վարազդատ Հարոյանը «Ցինդաո Վեսթ Քոսթի» կազմում կարմիր քարտ է ստացել։ «Բեյցզին Գոանի» դեմ Չինական Սուպերլիգայի 7-րդ տուրի խաղը հայ պաշտպանը սկսել է մեկնարկային կազմում և ուղիղ կարմիր քարտով խաղադաշտից հեռացվել է 53-րդ րոպեին։ Այդ խաղում «Ցինդաո Վեսթ Քոսթը» պարտվել է 1-4 հաշվով։ Ակումբը 7 միավորով 11-րդ տեղում է։ Վարազդատ Հարոյանն ակումբային մակարդակում […]

Սլովակիայի առաջնության չեմպիոնական փուլի 6-րդ տուրում Բրատիսլավայի «Սլովանն» արտագնա խաղում 2-1 հաշվով կամային հաղթանակ է տարել Տրնավայի «Սպարտակի» նկատմամբ։ Հյուրերի կազմում հանդիպմանը մասնակցել է նաև Տիգրան Բարսեղյանը, որը 47-րդ րոպեին դարձել է գոլի հեղինակ։ Սլովակիայի ընթացիկ առաջնությունում Տիգրանը խփել է 11-րդ գոլը և գլխավորել լավագույն ռմբարկուների ցուցակը։ 11 գոլի հեղինակ են դարձել ևս 2 ֆուտբոլիստներ, […]

Սպորտային մարմնամարզության տղամարդկանց Հայաստանի երիտասարդների և մեծահասակների հավաքականները կմասնակցեն Եվրոպայի առաջնությանը, հայտնում է Հայաստանի մարմնամարզության ֆեդերացիայի մամուլի ծառայությունը: Առաջնությունը արդեն մեկնարկել է և կավարտվի ապրիլի 29-ին։ Հայաստանի հավաքականների կազմերում ընդգրկված են հետևյալ մարմնամարզիկները․ Մեծահասակների հավաքական՝ Արթուր Դավթյան Վահագն Դավթյան Հարություն Մերդինյան Արթուր Ավետիսյան Գագիկ Խաչիկյան Էրիկ Բաղդասարյան Երիտասարդների հավաքական՝ Համլետ Մանուկյան Մամիկոն Խաչատրյան Ռոբերտ Գյուլումյան […]

«Բարսելոնայի» գլխավոր մարզիչ Չավին պատրաստ է մինչև 2025թ. ամառ մնալ ակումբում, գրում է Mundo Deportivo-ն։ Մոտ օրերս իսպանացի մասնագետը հանդիպելու է ակումբի նախագահ Ժոան Լապորտայի և սպորտային տնօրեն Դեկուի հետ` քննարկելու համագործակցության շարունակության հնարավորությունները։ Չավին այս տարվա հունվարին իսպանական Լա լիգայի 22-րդ տուրում «Վիլյառեալից» կրած պարտությունից (3-5) հետո հայտարարել էր, որ 2023/24 մրցաշրջանից հետո հեռանալու […]

Ռուսաստանը ներկայացնող հայազգի թենիսիստ Կարեն Խաչանովը (17-րդ ռակետ) սոցցանցերում լուսանկար է հրապարակել և հայտնել, որ ապրիլի 21-ին Մադրիդի «Սանտիագո Բեռնաբեու» ստադիոնում ներկա է եղել ի «Ռեալ Մադրիդ» – «Բարսելոնա» էլ կլասիկոյին։ 27-ամյա թենիսիստն ապրիլի 24-ից կմասնակցի Մադրիդի «Մասթերս» ATP-1000 շարքի մրցաշարին։ Խաչանովը նախորդ մրցախաղն անցկացրել է ապրիլի 12-ին և Մոնակոյի «Մասթերսի» քառորդ եզրափակչում 4-6, 2-6 […]

Սերբիայի մայրաքաղաք Բելգրադում շարունակվող բռնցքամարտի Եվրոպայի առաջնության մրցումային 5-րդ օրը Հայաստանի 4 ներկայացուցիչներից 2-ը արդեն ավարտել են իրենց մենամարտերը։ Ինչպես տեղեկացրել էինք, Լուսինե Գևորգյանը (48 կգ) զիջել է ադրբեջանցի Անախանիմ Իսմայիլովային։ Ավելի ուշ պարտություն է կրել նաև Էլիդա Քոչարյանը (60 կգ)։ Նա համառ պայքարում 3-4 հաշվով պարտվել է Օլգա Պավլինա Պապադատուին (Հունաստան)։

Հայաստանի ներկայացուցիչ Աննա Բադալյանը գերազանց է հանդես եկել Ֆրանսիայի Նիս քաղաքում կայացած GR Very Nice գեղարվեստական մարմնամարզության մրցաշարում։ Հայ մարզուհին երկու ոսկե մեդալ է նվաճել։ Նա հաղթել է օղակների վարժությունում և բազմամարտում, հայտնում է ՀՄՖ-ի մամուլի ծառայությունը։

Պրոֆեսիոնալ հայ բռնցքամարտիկ Գոռ Խաչատրյանն Ուֆայում ընթացող IBA Champions Night մրցաշարում հաղթել է ադրբեջանցի Սեյմուր Իսաևին: Առաջին ռաունդում ադրբեջանցին առավելության է հասել Վոլգոգրադը ներկայացնող հայազգի բռնցքամարտիկի նկատմամբ, սակայն երկրորդ ռաունդում Խաչատրյանը նախ նոկդաունի է ենթարկել մրցակցին, իսկ 30 վայրկյան անց նոկաուտով հաղթել է: Գոռ Խաչատրյանն առայժմ անպարտելի է պրոֆեսիոնալ ռինգում, սա նրա 6-րդ հաղթանակն էր: […]

Սերբիայի մայրաքաղաք Բելգրադում շարունակվող բռնցքամարտի Եվրոպայի առաջնության մրցումային 5-րդ օրը հայ մարզուհիներից առաջինը ռինգ է դուրս եկել Լուսինե Գևորգյանը (48 կգ)։ Նա մրցել է ադրբեջանցի Անախանիմ Իսմայիլովայի հետ և պարտվել է։ Էլիդա Քոչարյանի (60 կգ) մրցակիցը լինելու է Օլգա Պավլինա Պապադատուն (Հունաստան), իսկ Լիլիթ Դալլաքյանը (54 կգ) մենամարտելու է Հանա Լակոտարի (Հունգարիա) դեմ։

Ռումինիայի առաջնության Չեմպիոնական գոտու հերթական տուրում «Ֆարուլը» կարևոր խաղ է անցկացրել: Գեորգե Հաջիի թիմը 5-1 հաշվով հաղթել է «Կլուժին»: Հայաստանի հավաքականի կիսապաշտպան Նարեկ Գրիգորյանը դարձել է գոլային փոխանցման հեղինակ: 22-ամյա ֆուտբոլիստը աչքի է ընկել երկրորդ անընդմեջ խաղում: Նա «Ֆարուլի» մեկնարկային կազմում խաղացել է առանց փոխարինման, սակայն դեղին քարտ է ստացել 64-րդ րոպեին։ Ռումինիայի ընթացիկ առաջնությունում […]

Հունաստանի Հռոդոս կղզում ընթացող շախմատի կանանց Եվրոպայի 24-րդ անհատական առաջնությունում անցկացվել է երեք տուր։ Երրորդ տուրում Լիլիթ Մկրտչյանը սև խաղաքարերով հաղթել է ադրբեջանցի Լաման Հաջիևային։ Հայաստանի մյուս ներկայացուցիչներից Մարիամ Մկրտչյանը հաղթել է ավստրիացի Էլիզաբեթ Հապալային, Էլինա Դանիելյանը ոչ-ոքի է ավարտել պարտիան, իսկ Սուսաննա Գաբոյանը պարտություն է կրել։ Լիլիթ Մկրտչյանն ու Էլինա Դանիելյանը 2-ական միավորով բաժանում […]

Մադրիդի «Ռեալի» նախկին գլխավոր մարզիչ Զինեդին Զիդանը շատ մոտ է Մյունխենի «Բավարիան» գլխավորելուն: Այս մասի հայտնում է Mundo Deportivo-ն: Երբ պարզ է դարձել, որ Յուլիան Նագելսմանը երկարաձգել է պայմանագիրը Գերմանիայի հավաքականի հետ, 51-ամյա ֆրանսիացի մասնագետը դարձել է միակ թեկնածուն: Հիշեցնենք, որ Զինեդին Զիդանի նախորդ աշխատավայրը եղել է Մադրիդի «Ռեալը», որը նա գլխավորել է նախ 2016-2018թթ․, […]

Ֆուտբոլային ասոցիացիաների միջազգային խորհուրդը (IFAB) կարող է փոխել խաղի կանոնները կապված դարպասապահի՝ ժամանակ ձգելու հետ, հայտնում է ESPN-ը: Այժմ դարպասապահը 6 վայրկյանից ավելի իրավունք չունի պահել գնդակը, հակառակ դեպքում նշանակվում է ազատ հարված: Մրցավարները ոչ միշտ են հետևում կանոնին, քանի որ այդ դեպքում մեծանում է մրցակցի գոլ խփելու հավանականությունը: Նոր կանոնակարգը նախատեսում է 8 վայրկյան […]

Կատալոնական «Բարսելոնայի» տնօրենների խորհուրդը որոշել է, թե երբ է թիմը վերադառնալու հարազատ «Կամպ Նոու» ստադիոն, հայտնում է Mundo Deportivo-ն: Վերադարձը նախատեսված է այս տարվա դեկտեմբերի 15-ին: Նոր արենան, որը տեղավորելու է 105 հազար երկրպագու, առաջին խաղում զբաղված կլինի 60 տոկոսով: Հիշեցնենք, որ ակումբի ղեկավարները ցանկանում էին, որպեսզի բացման խաղը կայանար ակումբի 125-ամյակի օրը՝ նոյեմբերի 29-ին, […]

Գերմանիայի հավաքականի գլխավոր մարզիչ Յուլիան Նագելսմանը հրաժարվել է կրկին գլխավորել Մյունխենի «Բավարիան» մի քանի պատճառով, հայտնում է Sky Deutschland-ը: 36-ամյա մասնագետը բավարական ակումբի առաջարկը մերժել է, որովհետև ակումբի ղեկավարներից ոչ բոլորն են վստահել նրա թեկնածությանը: Հաջորդ պատճառն այն է, որ Նագելսմանը չի ցանկացել Եվրո-2024-ի ժամանակ զբաղվել «Բավարիայի» վերակառուցման աշխատանքներով: Ավելի վաղ Գերմանիայի ֆուտբոլային միությունը երկարաձգել […]

«Կրասնոդարը» Ռուսաստանի Պրեմիեր լիգայի 25-րդ տուրում ընդունել էր «Ֆակելին» և առավելության է հասել 2-0 հաշվով: Ամբողջ խաղին մասնակցել է Հայաստանի ազգային հավաքականի կիսապաշտպան Էդուարդ Սպերցյանը, որը 77-րդ րոպեին գոլի հեղինակ է դարձել, սակայն այն չեղարկվել է: «Կրասնոդարի» պահեստայինների կազմում էր Հայաստանի ազգային հավաքականի պաշտպան Գեորգի Հարությունյանը, որը սակայնխաղադաշտ դուրս չի եկել: Մուրադ Մուսաևի գլխավորած թիմը […]

Տորոնտո քաղաքում շարունակվող շախմատի աշխարհի չեմպիոնի հավակնորդների մրցաշարում ավարտվեց 12-րդ տուրը: Ռուս գրոսմայստեր Յան Նեպոմնյաշչինոչ-ոքի խաղաց հնդիկ Ռամեշբաբու Պրագնանանդհայի հետ: ԱՄՆ-ի ներկայացուցիչ Հիկարու Նակամուրան սպիտակներով առավելության հասավ Ֆրանսիան ներկայացնող Ալիրեզա Ֆիրուջայի նկատմամբ, Դոմարաջու Գուկեշը (Հնդկաստան) սևերով հաղթեց ադրբեջանցի Նիջաթ Աբասաովին, Ֆաբիանո Կարուանան (ԱՄՆ) պարտության մատնեց Վիդիթ Սանտոշ Գուջրաթին (Հնդկաստան): 12 տուրից հետո Յան Նեպոմնյաշչին, Հիկարու […]

Լևերկուզենի «Բայերը» սահմանել է Եվրոպայի թոփ-5 լիգաների անպարտելի հանդիպումների շարքի ռեկորդ, հաղորդում է Opta-ն։ Գերմանիայի նոր չեմպիոնը Եվրոպայի լիգայի քառորդ եզրափակիչի պատասխան խաղում հյուրընկալվելիս ոչ-ոքի էր գրանցել Լոնդոնի «Վեսթ Հեմի» հետ։ Դա Խաբի Ալնոսոյի թիմի 44-րդ անընդմեջ հանդիպումն էր առանց պարտության։ Այդ ցուցանիշով նախորդ ռեկորդակիրը Թուրինի «Յուվենտուսն» էր, որը 2011-2012 թվականներին չէր պարտվել 43 անընդմեջ […]

Ավարտվել է շախմատի կանանց Հայաստանի մինչև 18 տարեկանների առաջնությունը: Չեմպիոնի կոչումը նվաճել է Ալվարդ Ստեփանյանը, Անահիտ Մուրադյանը գրավել է երկրորդ տեղը, լավագույն եռյակը եզրափակել է Մելինե Հարությունյանը: Այս տարիքային խմբի առաջնությունն անցկացվել է 7 մրցափուլով, մասնակիցների քիչ լինելու պատճառով: Մյուս տարիքային խմբերի առաջնությունները կավարտվեն ապրիլի 21-ին:

Հայտնի են դարձել ֆուտբոլի աշխարհի ակումբային առաջնության 2025 թվականի խաղարկության բոլոր մասնակիցները Եվրոպայից: Եվրոպական գոտուց 12-րդ ուղեգիրը բաժին է հասել ավստրիական «Զալցբուրգին»: Վերջին ուղեգրի ճակատագիրը վճռվել է այն բանից հետո, երբ Լոնդոնի «Արսենալը» Չեմպիոնների լիգայի քառորդ եզրափակիչում պարտվել է Մյունխենի «Բավարիային»: Այսօրվա դրությամբ ԱԱ-2025-ի ուղեգիր նվաճած թիմերն են. Եվրոպա. «Չելսի», «Ռեալ», «Մանչեսթեր Սիթի», «Բավարիա», ՊՍԺ, […]

«Հենրիխ Մխիթարյանը կրկին առանցքային դեր կունենա միլանյան դերբիում հաղթելու գործում». այսպիսի վերնագրով հեղինակավոր La Gazzetta dello Sport պարբերականն անդրադարձել է ապրիլի 22-ին կայանալիք խաղին: Պարբերականը հիշեցրել է, որ Մխիթարյանի դուբլն ու երկու գոլային փոխանցումներն Իտալիայի առաջնության առաջին շրջանի խաղում «Ինտերին» օգնել էին 5-1 հաշվով հաղթել «Միլանին»: Ի դեպ, 35-ամյա կիսապաշտպանն Իտալիայի ընթացիկ առաջնությունում գրավել է […]

«Հորիզոնն» այսօր հյուրընկալել է Անվտանգային քաղաքականության հետազոտական կենտրոնի փորձագետ Ռոբերտ Ղևոնդյանին: Զրույցի ընթացքում անդրադարձ է եղել ռուս խաղաղապահների՝ Լեռնային Ղարաբաղից դուրս գալու գործընթացին, Բրյուսելյան հանդիպմանը, դրան հետևած ռուսական և ադրբեջանական կողմերի արձագանքներին, Տավուշի սահմանային 4 գյուղերի շուրջ ստեղծված իրավիճակին, Հռոմի ստատուտի վավերացման արդյունքներին: Նախորդ հարցազրույցներից մեկի ժամանակ Ռոբերտ Ղևոնդյանը նշել էր, որ Ադրբեջանը երկար չի […]

Կիբերսպորտի աշխարհի գավաթի առաջին խաղարկության մրցանակային ֆոնդը ռեկորդային 60 միլիոն դոլար է, հայտնում է մրցաշարի մամուլի ծառայությունը։ Աշխարհի գավաթի խաղարկությունը կանցկացվի այս տարվա ամռանը Սաուդյան Արաբիայի մայրաքաղաք Էր Ռիադում։ Մասնակիցները 8 շաբաթ կմրցեն 19 դիսցիպլիններում: Կիբերսպորտում մրցանակային ֆոնդի նախորդ ռեկորդը սահմանվել էր 2023 թվականին Սաուդյան Արաբիայում կայացած Gamers8 մրցաշարում և կազմել էր 45 միլիոն դոլար: