«Միլանն» Իտալիայի առաջնությունն ավարտեց ոչ-ոքիով: Պիոլիի գլխավորությամբ վերջին խաղում «Միլանն» ընդունեց Ա սերիայի հետնապահ «Սալերնիտանային» և 89-րդ րոպեին բաց թողեց հաղթանակը՝ 3-3: «Միլանի» գոլերը խփեցին պաշտպան Դավիդե Կալաբրիան, հարձակվողներ Ռաֆայել Լեաուն և ֆրանսիացի Օլիվյե Ժիրուն, որը վերջին խաղն անցկացրեց իտալական գրանդի կազմում: «Միլանը» 75 միավորով մնաց երկրորդ տեղում և դարձավ փոխչեմպիոն: «Սալերնիտանան» 38 խաղում վաստակեց […]

Ամերիկյան «Ինտեր Մայամին» MLS-ի կանոնավոր առաջնության 15-րդ տուրում հյուրընկալվել է «Վանկուվերին» և հաղթել 2-1 հաշվով: Գոլի հեղինակ են դարձել Ռոբերտ Թեյլորն ու Լեոնարդո Կամպանան: Խերարդո Մարտինոյի գլխավորած թիմի հայտացուցակում չեն եղել աստղային հարձակվողներ Լիոնել Մեսսին և Լուիս Սուարեսը: «Ինտեր Մայամին» 34 միավորով առաջատարն է, «Վանկուվերը»՝ 19 միավորով 14-րդը:

Միլանի «Ինտերը» և հռոմեական «Լացիոն» իտալական Ա սերիայի 2023/24 մրցաշրջանն ավարտեցին ոչ-ոքի արդյունքով։ Հռոմեական մյուս ակումբը` «Ռոման», վերջին խաղում պարտվեց։ Չեմպիոն «Ինտերը» վերջին` 38-րդ տուրում 2-2 խաղաց «Վերոնայի» հետ։ Միլանյան ակումբի հայտացուցակում էր նաև Հենրիխ Մխիթարյանը, որը սակայն դաշտ դուրս չեկավ։ Սիմոնե Ինձագիի գլխավորած թիմն առաջնությունն ավարտեց 94 միավորով, «Վերոնան» վաստակեց 38 միավոր և բարձրացավ […]

Հայաստանի ազգային հավաքականն սկսել է հավաքը` պատրաստվելով առաջիկա ընկերական հանդիպումներին, հայտնում է ՀՖՖ պաշտոնական կայքը։ Հավաքականին միացել են հետևյալ ֆուտբոլիստները. Օգնյեն Չանչարևիչ – «Նոա» Արսեն Բեգլարյան – «Արարատ-Արմենիա» Ստանիսլավ Բուչնև – «Փյունիկ» Ստյոպա Մկրտչյան – «Օսիեկ» (Խորվաթիա) Կամո Հովհաննիսյան – «Արարատ-Արմենիա» Գեորգի Հարությունյան – «Կրասնոդար» (Ռուսաստան) Անդրանիկ Հակոբյան – «Վալենսիա Մ-19» (Իսպանիա) Դավիդ Դավիդյան – […]

Հայաստանի ներկայացուցիչ Վալերիկ Մովսիսյանը (89 կգ) արծաթե մեդալակիր է դարձել Պերուի մայրաքաղաք Լիմայում շարունակվող ծանրամարտի մինչև 17 տարեկանների աշխարհի առաջնությունում: Հայ ծանրորդը երկամարտում գրանցել է 329 կգ (153+176) արդյունք և 4 կգ է զիջել չեմպիոն դարձած ղազախ Սաբիր Նուրդուսին։ Մովսիսյանը պոկում վարժությունում դարձել է ոսկե մեդալակիր, իսկ հրում վարժությունում բավարարվել է բրոնզե մեդալով: Սա Հայաստանի […]

Թաիլանդի մայրաքաղաք Բանգկոկում ընթացող օլիմպիական վարկանիշային վերջին մրցաշարում Ռաֆայել Հովհաննիսյանը (80 կգ) երկրորդ հաղթանակն է տարել։ 1/16 եզրափակչում հայ բռնցքամարտիկը 5-0 հաշվով վստահ հաղթանակ է տարել լատվիացի Ռոբերտս Լիորանկասի նկատմամբ։ Հայաստանի ներկայացուցիչներից ավելի վաղ երկու հաղթանակ տարել է նաև Գուրգեն Մադոյանը (71 կգ)։ Հաղթանակով են մեկնարկել նաև Բարեղամ Հարությունյանը (51 կգ) և Արթուր Բազեյանը (57 […]

Համաշխարհային ֆուտբոլի լեգենդ Ռոնալդոյին պատկանող «Վալյադոլիդը» նվաճել է իսպանական Լա լիգայի ուղեգիր։ Իսպանիայի երկրորդ լիգայի` Սեգունդայի 41-րդ տուրում «Վալյադոլիդը» «Վիլյառեալ Բ»-ին հաղթել է 3-2 հաշվով և դուրս եկել բարձրագույն դիվիզիոն։ Թիմը մինչև 90-րդ րոպեն պարտվում էր 1-2 հաշվով, սակայն մրցավարի ավելացրած 1-ին և 7-րդ րոպեին գրավել է մրցակցի դարպասը` կորզելով հաղթանակ։ «Վալյադոլիդը» վաստակել է 72 […]

«Կրասնոդարի» և Հայաստանի հավաքականի ֆուտբոլիստ Էդուարդ Սպերցյանը ճանաչվել է Ռուսաստանի Պրեմիեր լիգայի 2023/24 մրցաշրջանի լավագույն կիսապաշտպան, հայտնում է առաջնության մամուլի ծառայությունը։ 23-ամյա Սպերցյանը ավարտված առաջնությունում 29 խաղում խփել է 11 գոլ, կատարել 4 գոլային փոխանցում։ Հայաստանի հավաքականի մեկ այլ ֆուտբոլիստ` Մոսկվայի «Լոկոմոտիվի» պաշտպան Նաիր Թիկնիզյանը, «ՌՊԼ-ի հերոսներ» մրցանակաշխության ժամանակ հատուկ մրցանակ է ստացել և ճանաչվել […]

ՊՍԺ-ն 15-րդ անգամ դարձավ Ֆրանսիայի գավաթակիր: Լուիս Էնրիկեի գլխավորած թիմը եզրափակչում 2-1 հաշվով հաղթեց «Լիոնին»: Փարիզյան ակումբից գոլի հեղինակ դարձան Ուսման Դեմբելեն և Ֆաբիան Ռուիսը: ՊՍԺ-ի կազմում վերջին հանդիպումն անցկացրեց Ֆրանսիայի ազգային հավաքականի ավագ Կիլիան Մբապեն, որի համար սա 16-րդ տիտղոսն է փարիզյան թիմի կազմում:

Հայաստանի ներկայացուցիչ Գուրգեն Մադոյանը (71 կգ) երկրորդ հաղթանակը տարավ Բանգկոկում ընթացող բռնցքամարտի օլիմպիական վարկանիշային վերջին մրցաշարում: Մադոյանը 1/32 եզրափակչում հաղթեց Հյուսիսային Կորեան ներկայացնող Իլ Հյոկ Կիմին: Նախորդ մրցումային օրերին հաղթանակներ էին տարել Բարեղամ Հարությունյանը (51 կգ), Արթուր Բազեյանը (57 կգ) և Ռաֆայել Հովհաննիսյանը (80 կգ): Հիշեցնենք, որ Հայաստանը բռնցքամարտից դեռևս Փարիզ-2024-ի ուղեգիր չունի:

Պրոֆեսիոնալ մարտիկների լիգան (PFL) հայտարարել է Գեղարդ Մուսասիի հետ պայմանագիրը խզելու մասին: Ավելի վաղ հայ մարտիկը PFL-ին մեղադրել էր պայմանագրի պայմանները չկատարելու մեջ: Մուսասին նաև խոստացել էր դատի տալ PFL-ին: MMA-ում իր վերջին մենամարտում Մուսասին մրցավարների որոշմամբ պարտվել էր Ֆաբիան Էդվարդսին: Գեղարդը կարիերայի ընթացքում 49 հաղթանակ է տոնել և կրել 9 պարտություն:

Ուեյն Ռունին նշանակվել է Անգլիայի երկրորդ լիգան` Չեմպիոնշիփը, ներկայացնող «Պլիմութ Արգայլի» գլխավոր մարզիչ, հայտնում է ակումբի պաշտոնական կայքը։ Կողմերի միջև կնքված պայմանագրի մանրամասները չեն հաղորդվում։ «Պլիմութ Արգայլը» Չեմպիոնշիփի 2023/24 մրցաշրջանում 51 միավորով զբաղեցրել է 21-րդ տեղը և պահել տեղը լիգայում։ 38-ամյա Ռունիի վերջին աշխատավայրը եղել է նույն լիգայում հանդես եկող «Բիրմինգհեմում»։ Անգլիայի հավաքականի նախկին հարձակվողն […]

ՈւԵՖԱ-ն ներկայացրել է Եվրոպա լիգայի ավարտված խաղարկության խորհրդանշական հավաքականը: Լավագույն ֆուտբոլիստների թիմում չորսական ներկայացուցիչ ունեն մրցաշարում հաղթած Բերգամոյի «Ատալանտան» և եզրափակչի մասնակից Լևերկուզենի «Բայերը», երկու խաղացող ունի կիսաեզրափակիչ հասած իտալական «Ռոման», մեկը՝ ֆրանսիական «Մարսելը»: Դարպասապահ. Միլե Սվիլար («Ռոմա»): Պաշտպաններ. Բերատ Ջիմսիթի («Ատալանտա»), Ջոնաթան Տա («Բայեր»), Ջանլուկա Մանչինի («Ռոմա»): Կիսապաշտպաններ. Մատեո Ռուջերի, Տյոն Կոպմեյներս (երկուսն էլ՝ […]

Սանկտ Պետերբուրգի «Զենիթը» 10-րդ անգամ նվաճեց Ռուսաստանի Պրեմիեր լիգայի չեմպիոնական տիտղոսը: Վերջին՝ 30-րդ տուրում, թիմը ընդունել էր «Ռոստովին» և 85-րդ րոպեին հաղթանակ կորզեց 2-1 հաշվով: Զուգահեռ կայացած խաղում էլ «Կրասնոդարը» տանը 1-0 հաշվով հաղթեց Մոսկվայի «Դինամոյին»: «Կրասնոդարի» մեկնարկային կազմում խաղադաշտ դուրս եկավ Հայաստանի ազգային հավաքականի կիսապաշտպան Էդուարդ Սպերցյանը, որը փոխարինվեց 88-րդ րոպեին: «Զենիթը» 57 միավորով […]

«Ինտերի» արգենտինացի հարձակվող Լաուտարո Մարտինեսը ճանաչվել է Իտալիայի առաջնության լավագույն ֆուտբոլիստ, հայտնում է Ա սերիայի մամուլի ծառայությունը: 26-ամյա ֆուտբոլիստը մասնակցել է 33 հանդիպման, դարձել 24 գոլի և 6 գոլային փոխանցման հեղինակ: Աշխարհի չեմպիոնը նաև Ա սերիայի լավագույն ռմբարկուն է: Հիշեցնենք, որ «Ինտերը» նվաճել է Ա սերիայի չեմպիոնական տիտղոսը:

«Նյուքասլը» մտադիր չէ վաճառել հարձակվող Ալեքսանդր Իսակին: The Telegraph-ը գրում է, որ անգլիական ակումբում ծիծաղով են արձագանքել լուրին, թե պատրաստ են 105 միլիոն եվրոյով վաճառել շվեդ ֆուտբոլիստին: «Նյուքասլն» առնվազն 200 միլիոն եվրո է պահանջելու Իսակի համար: Թիմի գլխավոր մարզիչ Էդի Հաուն ցանկանում է թիմի հարձակման գիծը կառուցել նրա շուրջ: Ավելի վաղ հայտնի էր դարձել, որ […]

«Լիվերպուլի» նախկին պաշտպան Ջեյմի Կարագերը գովեստի խոսքեր է ասել «Մանչեսթեր Սիթիի» կիսապաշտպան Ֆիլ Ֆոդենի մասին: «Բելինգեմը ֆենոմեն է, բայց ինձ համար Անգլիայի ամենատաղանդավոր ֆուտբոլիստը Ֆոդենն է: Թվում է՝ Ֆիլին լավագույնն անվանելով քննադատում եմ Ջուդին, բայց դա այդպես չէ: Դուք կարող եք նախընտրել Ջոն Լենոնի երգերը, այլ ոչ թե Փոլ Մակարտնիի, բայց միաժամանակ հիանալ երկուսով: Ֆոդենն […]

Կատալոնական «Ժիրոնան» Իսպանիայի առաջնությունն ավարտել է տպավորիչ հաղթանակով: Միչելի գլխավորած թիմը Լա լիգայի վերջին՝ 38-րդ տուրում, ընդունել էր «Գրանադային» և 7 անպատասխան գնդակ է ուղարկել մրցակցի դարպասը: Հեթ-տրիկի հեղինակ է դարձել ուկրաինացի հարձակվող Արտյոմ Դովբիկը, դուբլ է գրանցել նրա հայրենակից Վիկտոր Ցիգանկովը: «Ժիրոնան» 81 միավորով երրորդ տեղը գրավեց, «Գրանադան» 21 միավորով նախավերջին՝ 19-րդ տեղում է […]

«Ռեալի» նախկին հարձակվող Ռուդ վան Նիստելրոյը գովեստի խոսքեր է ասել մադրիդյան ակումբի մասին. ««Ռեալում» 7 ֆուտբոլիստ եմ հաշվել, որոնք իրենց դիրքերում լավագույնն են աշխարհում: Նրանց գումարեք Լուկա Մոդրիչին և հասկացեք, թե որքան ուժեղ թիմ է: Բացի դրանից, Մադրիդ է տեղափոխվում նաև Կիլիան Մբապեն»»,- նիդերլանդցու խոսքերն է մեջբերում Marca-ն:

Հայաստանի ներկայացուցիչներն ավարտել են պայքարը Հունգարիայի մայրաքաղաք Բուդապեշտում ընթացող գեղարվեստական մարմնամարզության Եվրոպայի երիտասարդական առաջնությունում: Տաթև Խաչատրյանը, Ինեսա Ադամյանը, Էլեն Մկրտչյանը, Ջուլիետա Ավետիսյանը, Միլենա Ասրյանը և Աննա Բադալյանը չեն կարողացել դուրս գալ առանձին վարժությունների եզրափակիչ: Թիմային պայքարում Հայաստանի հավաքականը գրավել է նախավերջին՝ 35-րդ տեղը:

Շանթ Սարգսյանը և Մանուել Պետրոսյանը Ղազախստանի Ակտոբե քաղաքում մասնակցում են «Aktobe Open 2024» միջազգային մրցաշարին, հայտնում է Հայաստանի շախմատի ֆեդերացիայի մամուլի ծառայությունը։ Մրցաշարն անցկացվում է մայիսի 25-ից հունիսի 2-ը և նվիրված է շախմատի միջազգային կարգի մրցավար Վլադիմիր Դվորկովիչի հիշատակին։

«Ուրարտուն» ֆուտբոլի Հայաստանի Պրեմիեր լիգայի վերջին՝ 36-րդ տուրում, ընդունել էր «Արարատին» և գրանցել է 1-1 հաշիվը: Այսպիսով՝ գործող չեմպիոն «Ուրարտուն» առաջնությունն ավարտեց 50 միավորով և գրավեց չորրորդ տեղը: Թիմը հուլիսին հանդես կգա Կոնֆերենցիաների լիգայի խաղարկության որակավորման փուլում: «Արարատը» 45 միավորով 6-րդն է և այս դիրքում էլ կմնա:

Աշխարհի առաջին ռակետ Նովակ Ջոկովիչը Ժնևում ընթացող ATP 250 շարքի մրցաշարում չի կարողացել դուրս գալ եզրափակիչ: Սերբ թենիսիստը կիսաեզրափակչում 4-6, 6-0, 1-6 հաշվով պարտվել է աշխարհի 44-րդ ռակետ, չեխ Տոմաշ Մախաչին:

Բուլղարիայի Վառնա քաղաքում ընթացող World Challenge Cup սպորտային մարմնամարզության հեղինակավոր մրցաշարում եզրափակչի ուղեգիր է նվաճել նաև Հայաստանի չորրորդ ներկայացուցիչը՝ Էրիկ Բաղդասարյանը: Հայ մարմնամարզիկը հենացատկի որակավորման փուլում վաստակել է 13,700 միավոր և դուրս եկել եզրափակիչ:

Երևանի «Փյունիկը» 16-րդ անգամ հռչակվեց ֆուտբոլի Հայաստանի Պրեմիեր լիգայի չեմպիոն: Եղիշե Մելիքյանի գլխավորած թիմը վերջին՝ 36-րդ տուրում, Գյումրիի քաղաքային ստադիոնում հյուրընկալվեց «Շիրակին» և առավելության հասավ 1-0 հաշվով: Խաղի միակ գոլը 54-րդ րոպեին խփեց Հայաստանի ազգային հավաքականի կիսապաշտպան Արտակ Դաշյանը: Զուգահեռ ընթացող խաղում էլ «Նոան» Աբովյանում ընդունեց «Վեստ Արմենիային» և կամային հաղթանակի հասավ 2-1 հաշվով: «Փյունիկը» […]

Ռուսաստանը ներկայացնող երկու հայ ըմբիշ Ադրբեջանի մայրաքաղաք Բաքվում մեկնարկած մինչև 23 տարեկանների Եվրոպայի առաջնությունում կպայքարի բրոնզե մեդալի համար: Առաջին մրցումային օրը գորգը տրամադրվել է ազատ ոճի ըմբիշներին: Հերբերտ Հակոբյանը (57 կգ) պայքարը սկսել է քառորդ եզրափակչից, որտեղ 5-15 հաշվով պարտվել է թուրք ըմբիշին: Հայ ըմբիշը բրոնզե մեդալի համար գոտեմարտում կմրցի ուկրաինացի Վլադիսլավ Աբրամովի հետ: Արսեն […]

Երևանի ԲԿՄԱ-ն և Չարենցավանի «Վանը» ֆուտբոլի Հայաստանի առաջնության վերջին՝ 36-րդ տուրում գոլազուրկ ոչ-ոքի են գրանցել: Արմեն Գյուլբուդաղյանցի գլխավորած թիմը 27 միավորով մնաց վերջին՝ 10-րդ տեղում և հաջորդ մրցաշրջանում կխաղա Առաջին խմբի առաջնությունում: «Վանը» 32 միավորով գրավեց 9-րդ տեղը:

Բարեղամ Հարությունյանը (51 կգ) վստահ հաղթանակով է մեկնարկել Թաիլանդի մայրաքաղաք Բանգկոկում ընթացող օլիմպիական վարկանիշային մրցաշարում։ Եվրոպայի նորընծա փոխչեմպիոնը երեք անգամ նոկդաունի է ենթարկել Թունիսը ներկայացնող Էդին Զիդիին և հաղթել է տեխնիկական նոկաուտով։ Հայ բռցքամարտիկներից հաղթանակով են մեկնարկել նաև Արթուր Բազեյանը (57 կգ), Գուրգեն Մադոյանը (71 կգ) և Ռաֆայել Հովհաննիսյանը (80 կգ)։ Հիշեցնենք, որ բռնցքամարտում Հայաստանը […]

Սպորտային մարմնամարզության Հայաստանի հավաքականի անդամ Արթուր Ավետիսյանը Բուլղարիայի Վառնա քաղաքում ընթացող World Challenge Cup հեղինակավոր մրցաշարում դարձել է ոսկե մեդալակիր: Ավետիսյանն օղակների վարժության եզրափակչում վաստակել է 14,500 միավոր և գրավել առաջին տեղը: Նույն վարժությունում Արթուր Թովմասյանը մեդալ չի նվաճել:

Պերուի մայրաքաղաք Լիմայում ընթացող ծանրամարտի մինչև 17 տարեկանների աշխարհի առաջնությունում Հովհաննես Հովհաննիսյանը (61 կգ) երկամարտի 242 կգ արդյունքով արժանացել է արծաթե մեդալի և դարձել փոխչեմպիոն: Հովհաննիսյանը պոկում վարժությունում 108 կգ արդյունքով նվաճել է փոքր արծաթե մեդալ, իսկ հրում վարժությունում 134 կգ արդյունքով դարձել է ոսկե մեդալակիր: