Ղազախստանի հավաքականի նորանշանակ գլխավոր մարզիչ Ստանիսլավ Չերչեսովը չի ղեկավարի թիմը հունիսյան ընկերական խաղերում: Այդ մասին հայտնում է Ղազախստանի ֆեդերացիայի պաշտոնական կայքը: Ղազախստանի հավաքականը այսօր Երևանում ընկերական հանդիպում կանցկացնի Հայաստանի հավաքականի հետ: Այդ մրցավեճին թիմին նախապատրաստել է Չերչեսովի օգնական Ռուսլան Բալտիևը: Հիշեցնենք, որ Ստանիսլավ Չերչեսովը Ղազախստանի հավաքականը գլխավորել է հունիսի 3-ին: 60-ամյա մասնագետի նախորդ թիմը եղել […]

Աշխարհի առաջին ռակետ Նովակ Ջոկովիչը չի շարունակի պայքարը «Մեծ սաղավարտի» տարվա երկրորդ մրցաշար «Ռոլան Գարոսում»: Մրցաշարի մամուլի ծառայությունը տեղեկացնում է, որ սերբ թենիսիստը ծնկի վնասվածքի պատճառով հրաժարվել է շարունակել պայքարը

Հանրահայտ Opta պորտալը հրապարակել է Եվրո-2024-ի ֆավորիտ հավաքականների աղյուսակը: Ցուցակը գլխավորում է Անգլիայի հավաքականը, որի շանսերը գնահատվում են 19,9 տոկոս: Լավագույն եռյակում են նաև Ֆրանսիայի (19,1 տոկոս) և Գերմանիայի (12,4 տոկոս) հնարավորությունները: Ամենացածրը գնահատվել են Վրաստանի հավաքականի հնարավորությունները՝ 0,1 տոկոս:  

Բեպե Մարոտան նշանակվել է Միլանի «Ինտերի» նախագահ, հայտնում է իտալական ակումբի մամուլի ծառայությունը: Ավելի վաղ հայտնի էր դարձել, որ չինացի գործարար Ստիվեն Չժանը կորցրել էր «Ինտերի» բաժնետոմսերի վերահսկիչ փաթեթը, որն անցել էր ամերիկյան Oaktree Capital հիմնադրամի տնօրինությանը: Նոր սեփականատերերն ավելի բարձր պաշտոն են վստահել 67-ամյա մասնագետին, որը մինչև այդ զբաղեցնում էր ակումբի գործադիր տնօրենի աթոռը:

Սլովենիայի հավաքականի գլխավոր մարզիչ Մատյաժ Կեկն ամփոփել է Հայաստանի ընտրանու դեմ խաղի արդյունքը: «Ցանկալի հաղթանակ էր թիմային մթնոլորտի և երկրպագուներին ուրախացնելու համար: Այս խաղը վերլուծելու շատ նյութ տվեց: Նույնիսկ այն փաստը, որ մենք խաղում էինք առանց մեկնարկային կազմի մի քանի ֆուտբոլիստների, չի կարող արդարացնել չափազանց շատ սխալները, մենապայքարներում պարտությունները և «երկրորդ գնդակի» համար պայքարում պասիվությունը: […]

Ֆուտբոլի Պորտուգալիայի ազգային հավաքականը սեփական հարկի տակ ընկերական խաղում 4-2 հաշվով հաղթել է Ֆինլանդիայի ընտրանուն։ Տանտերերի կազմում դուբլ է գրանցել անգլիական «Մանչեսթեր Յունայթեդի» կիսապաշտպան Բրունու Ֆերնանդեշը: Մեկական գոլ էլ խփել են Անգլիայի չեմպիոն «Մանչեսթեր Սիթիի» պաշտպան Ռուբեն Դիաշը և «Լիվերպուլի» հարձակվող Դիոգու Ժոտան: Եվրոպայի գործող չեմպիոն Իտալիան էլ Բոլոնիայում ընդունել էր Թուրքիայի հավաքականին։ Գրանցվել է […]

UFC-ի թեթև քաշային կարգի դասակարգման առաջատար Արման Ծառուկյանը նշել է, թե որտեղ է ցանկանում տիտղոսային մենամարտ անցկացնել Իսլամ Մախաչևի դեմ. «UFC-ի նախագահ Դանա Ուայթը դրական է արձագանքել ձեր մենամարտը Ռուսաստանում անցկացնելու գաղափարին։ Դուք ցանկանու՞մ եք մենամարտն անցկացնել Ռուսաստանում»,-հարցրել են Ծառուկյանին: «Իհարկե ցանկանում եմ, Ռուսաստանն իմ հայրենիքն է։ Ցանկանում եմ մենամարտել հատկապես Սոչիում, ոչ թե Մոսկվայում։ […]

Ֆուտբոլի Հայաստանի ազգային հավաքականի գլխավոր մարզիչ Ալեքսանդր Պետրակովը Սլովենիայի թիմի դեմ արտագնա ընկերական հանդիպումից հետո ներկայացել է հետխաղյա ասուլիսին, սակայն սլովենացի լրագրողները ոչ մի հարց չեն ուղղել ուկրաինացի մասնագետին: Հայաստանի հավաքականը Լյուբլյանայի «Ստոժիցե» ստադիոնում կայացած խաղում պարտվել էր 1-2 հաշվով: Հայաստանի հավաքականի միակ գոլը խփել էր թիմի ավագ, չինական «Ցինդաո Վեսթ Քոսթի» պաշտպան Վարազդատ Հարոյանը: […]

Ֆուտբոլի միջազգային ֆեդերացիան (ՖԻՖԱ) աշխատանքային խումբ է ձևավորում՝ վերանայելու միջազգային խաղերի գործող կանոնակարգը։ Պետք է ուսումնասիրվի ազգային լիգաների խաղերն արտասահմանում անցկացնելու հնարավորությունը, հայտնում է AS-ը։ Ներկայումս ձևավորվում է 10-15 հոգանոց աշխատանքային խումբ, որը հնարավոր փոփոխությունների համար տեղեկություններ կհավաքագրի։ Այս աշխատանքն իրականացնելուց հետո խումբը պետք է համապատասխան առաջարկություններ ներկայացնի ՖԻՖԱ: ՖԻՖԱ-ն կանոնակարգի որոշակի փոփոխություններով կստեղծի իրավական […]

Ֆրանսիայի նախագահ Էմանուել Մակրոնը Եվրո-2024-ից առաջ այցելել է ազգային թիմի մարզական ճամբար: «Ես, ինչպես դուք, քաղցած եմ, այնպես որ, ճիշտ ժամանակն է, որպեսզի տիտղոս նվաճենք: Այս մրցաշարում խաղալու են ֆուտբոլիստներ, որոնց դուք լավ ճանաչում եք, որոնց հետ հանդիպել եք ամենաբարդ խաղերում: Նրանք չեն պատրաստվում ձեռքից բաց թողնել իրենց շանսը, դուք նույնպես պետք է այդպես վարվեք: […]

Սաուդյան Արաբիայի փոխչեմպիոն «Ալ Նասրի» հարձակվող Կրիշտիանու Ռոնալդուն ամփոփել է ավարտված ակումբային մրցաշրջանը: «Այս մրցաշրջանը գոլերի և գոլային փոխանցումների առումով լավագույններից մեկն էր իմ կարիերայում: Դա իմ կատարած աշխատանքի վառ վկայությունն է: Մրցաշրջանի սկզբում նման բան չէի սպասում, բայց աստիճանաբար սկսեցի հավատալ: Շնորհակալ եմ թիմակիցներիցս, առանց նրանց անհատական ռեկորդներն անհնարին կլինեին: Իմ նպատակը նույն խաղամակարդակում […]

Հայաստանի և Վրաստանի ֆուտբոլի ֆեդերացիաների նախագահներ Արմեն Մելիքբեկյանը և Լևան Կոբիաշվիլին հանդես կգան համատեղ հայտարարությամբ, հաղորդում է ՀՖՖ մամուլի ծառայությունը։ Այսօր «Հանրապետական» մարզադաշտի մամուլի ասուլիսների սրահում կկայանա բրիֆինգ, որի ընթացքում 2 նախագահները համատեղ հայտարարություն կանեն:

NBA-ի և «Չիկագո Բուլզի» աստղ Մայքլ Ջորդանի Upper Deck Ultimate Collection հավաքածուի քարտը վաճառվել է Goldin աճուրդի տանը: Լեգենդար բասկետբոլիստի ստորագրությամբ 2003-04 հավաքածուի Logoman քարտի եզակի օրինակի համար վճարել են 2.98 միլիոն դոլար: Ավելի վաղ Մայքլ Ջորդանի Air Jordan XI խաղակոշիկները, որոնցով նա մասնակցել էր 1996 թվականի NBA-ի եզրափակչին, վաճառվել էր 462 հազար դոլարով:

Սաուդյան Արաբիայի «Ալ Հիլալի» և Բրազիլիայի հավաքականի հարձակվող Նեյմարը կարծում է, որ Մադրիդի «Ռեալի» հարձակվող Վինիսիուս Ժունիորը կստանա «Ոսկե գնդակը»: «Իհարկե, «Ոսկե գնդակը» նրանն է: Ես երկրպագում եմ Վինիսիուսին ու շատ եմ սիրում նրան: Լավագույն ընկեր, որին ինձ պարգևել է ֆուտբոլը: Նա անհավանական մարզավիճակում է և մեր երկրի դրոշը ներկայացնում է ամբողջ աշխարհում»,- 32-ամյա ֆուտբոլիստի […]

Հայաստանի գեղասահքի ֆեդերացիան հերքել է այն տեղեկությունը, թե իբր Ռուսաստանը ներկայացնող Ադելիա Պետրոսյանին առաջարկել է փոխել մարզական քաղաքացիությունը, մարզուհին էլ մերժել է: «Նման բան չկա, տարածված տեղեկությունը չի համապատասխանում իրականությանը»,- ТАСС լրատվակաան գործակալությանը հայտնել են Հայաստանի գեղասահքի ֆեդերացիայից: Ավելի վաղ Metaratings.ru-ն էր հայտնել, թե իբր Հայաստանի գեղասահքի ֆեդերացիան կապ է հաստատել 16-ամյա գեղասահորդուհու հետ և […]

UFC-ի նախկին չեմպիոն Էդի Ալվարեսը մեկնաբանել է ամերիկացի Դասթին Պորյեի և փրոմոուշենի թեթև քաշային կարգի չեմպիոն Իսլամ Մախաչևի միջև կայացած մենամարտի արդյունքը: «Պորյեն հիանալի մարզավիճակում էր, նա կենտրոնացած և հավաքված էր: Յուրաքանչյուր ռաունդից հետո նա նոր էներգիայով էր շարունակում: Նույնիսկ այն դեպքում, երբ Մախաչևը շահեկան դիրքում էր, Դասթինը խուճապի չեր մատնվում, կարգավորում էր շնչառությունը և […]

«Չելսիի» գլխավոր մարզիչ է նշանակվել Էնցո Մարեսկան։ Լոնդոնյան ակումբի պաշտոնական կայքը հայտնում է, որ 44-ամյա մասնագետի հետ կնքվել է 5 տարվա պայմանագիր։ «Չելսին» իտալացի մարզչի նախորդ ակումբին՝ անգլիական «Լեսթերին», պայմանագրի խզման համար վճարել է 10 միլիոն եվրո փոխհատուցում։ «Լեսթերը» 2023/24 մրցաշրջանում Մարեսկայի գլխավորությամբ հաղթել է Անգլիայի Չեմպիոնշիփում և նվաճել Պրեմիեր լիգայի ուղեգիր։ Հիշեցնենք, որ «Չելսիի» […]

ՈւԵՖԱ-ն ամփոփել է Չեմպիոնների լիգայի ավարտված խաղարկությունը: Նորընծա գավաթակիր Մադրիդի «Ռեալի» բրազիլացի եզրային հարձակվող Վինիսիուսը ճանաչվել է ավարտված խաղարկության լավագույն ֆուտբոլիստ: 23-ամյա ֆուտբոլիստը մասնակցել է 10 հանդիպման, դարձել 6 գոլի և 5 գոլային փոխանցման հեղինակ: Վինիսիուսը գոլերից մեկը խփել է Դորտմունդի «Բորուսիայի» դեմ եզրափակիչում: «Ռեալի» անգլիացի կիսապաշտպան Ջուդ Բելինգեմն էլ ճանաչվել է Չեմպիոնների լիգայի լավագույն […]

Ֆրանսիայի ազգային հավաքականի ավագ Կիլիան Մբապեն սոցցանցերում գրառում է կատարել՝ մեկնաբանելով Մադրիդի «Ռեալ» տեղափոխությունը: «Իրականացված երազանք: Հպարտ եմ և երջանիկ, որ միանում եմ իմ երազանքի ակումբին՝ Մադրիդի «Ռեալին»: Ոչ ոք չի կարող հասկանալ, թե որքան հուզված եմ հիմա: Անհամբեր սպասում եմ ձեզ հետ հանդիպելուն, մադրիդիստներ: Շնորհակալ եմ ձեզ անհավանական աջակցության համար: Hala Madrid»,- գրել է […]

Եվրոպայի փոխչեմպիոն Անգլիայի ազգային հավաքականն ընկերական խաղում սեփական հարկի տակ 3-0 հաշվով հաղթել է Բոսնիա և Հերցեգովինայի թիմին: Գոլի հեղինակ են դարձել Լոնդոնի «Չելսիի» հարձակվող Քոլ Պալմերը, «Լիվերպուլի» պաշտպան Տրենտ Ալեքսանդր-Առնոլդը և Մյունխենի «Բավարիայի» հարձակվող Հարի Քեյնը: Եվրո-2024-ը հյուրընկալող Գերմանիայի ազգային հավաքականն էլ ընդունել էր Ուկրաինայի թիմին և չի կարողացել հաղթել, գրանցվել է գոլազուրկ ոչ-ոքի:

Ռուսաստանի գավաթի խաղարկության սուպերեզրափակչում Սանկտ Պետերբուրգի «Զենիթը» Մոսկվայի «Լուժնիկի» ստադիոնում 2-1 հաշվով կամային հաղթանակ է տարել Կալինինգրադի «Բալթիմայի» նկատմամբ։ «Բալթիկայի» կազմում հանդիպմանը մասնակցել է Հայաստանի հավաքականի կիսապաշտպան Տիգրան Ավանեսյանը, որը փոխարինման է դուրս եկել խաղի վերջնամասում։ «Զենիթը» 5-րդ անգամ է դարձել Ռուսաստանի գավաթակիր։

Ռուսական «Կրասնոդարի» հայ կիսապաշտպան Էդուարդ Սպերցյանը կարող է տեղափոխվել իտալական «Լացիո», հայտնում է Transfermarkt-ը: Հռոմեական ակումբը Հայաստանի ազգային հավաքականի 23-ամյա ֆուտբոլիստին դիտարկում է որպես ճապոնացի կիսապաշտպան Դայչի Կամադային փոխարինող: Ճապոնիայի հավաքականի առանցքային ֆուտբոլիստը կարող է տեղափոխվել անգլիական «Քրիսթալ Փելաս»: Ավելի վաղ հաղորդվում էր, որ Սպերցյանի ծառայություններով հետաքրքրված է նաև ֆրանսիական Լիգա 1-ի երեք ակումբ՝ «Լիոնը», […]

ՊՍԺ-ի հարձակվող Կիլիան Մբապեն և «Բավարիայի» հարձակվող Հարի Քեյնը ճանաչվել են Չեմպիոնների լիգայի ավարտված խաղարկության լավագույն ռմբարկու: Երկուսն էլ դարձել են 8 գոլի հեղինակ: Մբապեն և Քեյնը գլխավոր եվրագավաթի ավարտված խաղարկությունում մասնակցել են 12-ական հանդիպման:

UFC-ի թեթև քաշային կարգի դասակարգման աղյուսակի առաջատար Արման Ծառուկյանը հայտարարել է, որ պատրաստ է հոկտեմբերին ռևանշ մենամարտ անցկացնել երրորդ անգամ այս քաշային կարգի չեմպիոնական տիտղոսը պաշտպանած Իսլամ Մախաչևի դեմ: «Ես պատրաստ եմ հոկտեմբերին մենամարտել Իսլամի դեմ»,- ասել է 27-ամյա մարտիկը ՏԱՍՍ-ին: UFC-ի նախագահ Դանա Ուայթը ևս խոսել է նրանց միջև հնարավոր ռևանշ մենամարտի մասին: «Բոլորը […]

Սոֆիկ Թորոսյանի գլխավորած մրցավարական անձնակազմը սպասարկելու է կանանց Եվրոպայի 2025 թ. առաջնության որակավորման փուլի B լիգայի Բոսնիա և Հերցեգովինա – Մալթա հանդիպումը, հայտնում է ՀՖՖ պաշտոնական կայքը։ Թորոսյանին եզրերում օգնելու են Լիանա Գրիգորյանն ու Քրիստինե Գրիգորյանը, իսկ չորրորդ մրցավար է նշանակվել Զավեն Հովհաննիսյանը։

Աշխարհի առաջին ռակետ Իգա Շվյենտեկը «Մեծ սաղավարտի» տարվա երկրորդ մրցաշար «Ռոլան Գարոսում» դուրս է եկել կանանց մենախաղի քառորդ եզրափակիչ: Լեհ թենիսիստուհին 1/8 եզրափակիչում 40 րոպեում 6-0, 6-0 հաշվով առավելության է հասել ռուս Անաստասիա Պոտապովայի նկատմամբ (41-րդ ռակետ): Սա Շվյոնտեկի կարիերայում ամենակարճատև մրցախաղն էր: Այս մրցախաղը 2015 թվականից հետո նաև դարձավ ամենակարճատևը Ֆրանսիայի բաց առաջնությունում:

Ռուսաստանը ներկայացնող հայազգի թենիսիստ Կարեն Խաչանովը (18-րդ ռակետ) խոսել է Ֆրանսիայի բաց առաջնության` «Ռոլան Գարոսի» երկրորդ փուլում կրած անակնկալ պարտության մասին. «Որևէ բացատրություն չունեմ կատարվածին։ Հինգսեթանոց խաղում առաջին անգամ եմ պարտվում 2-0 հաշվով հաղթելուց հետո։ Դեռ ի վիճակի չեմ վերլուծել կատարվածը, քանի որ հիասթափված եմ։ «Ռոլան Գարոսն» իմ ամենասիրելի մրցաշարերից մեկն է, որտեղ տարեց տարի […]

Ֆուտբոլի Հայաստանի ազգային հավաքականի գլխավոր մարզիչ Ալեքսանդր Պետրակովը Սլովենիայի թիմի դեմ ընկերական հանդիպման նախախաղային ասուլիսին պատասխանել է լրագրողների հարցերին: «Դիտել ենք Սլովենիայի հավաքականի խաղերը, գիտենք, որ լավ թիմ ունեն, շատ արժանիորեն դուրս են եկել Եվրոպայի առաջնության հիմնական փուլ: Մենք լավ հավաք ենք անցկացրել, չունեմ որևէ դժգոհություն տղաներից, նրանք կատարել են իրենց առջև դրված խնդիրները: Մեր […]

Ֆուտբոլի Հայաստանի ազգային հավաքականը այսօր Լյուբլյանայում ընկերակաան հանդիպում կանցկացնի Եվրո-2024-ի մասնակից Սլովենիայի թիմի դեմ: Սլովենիա – Հայաստան ընկերական հանդիպումը կսպասարկի Կիպրոսը ներկայացնող մրցավարական անձնակազմը: Հանդիպման մրցավար է նշանակվել Անդրեաս Արղիրուն, եզրերում նրան կօգնեն Նիկոս Էղլեզուն և Մարիոս Դիմիտրադիսը: Չորրորդ պաշտոնյան էլ կլինի սլովենացի Դեյան Բելաժիչը: Ալեքսանդր Պետրակովի գլխավորած հավաքականը երեք օր անց էլ «Հանրապետական» ստադիոնում […]

«Ինտեր Մայամին» MLS-ի կանոնավոր առաջնության 17-րդ տուրում ոչ-ոքի՝ 3-3 է խաղացել«Սենթ Լուիսի» հետ: Տանտերերի կազմում գոլի հեղինակ են դարձել Լիոնել Մեսսին, Լուիս Սուարեսը, Ժորդի Ալբան, որը նաև երկուգոլային փոխանցում է կատարել: Սուարեսը նաև սեփական դարպասն է գրավել: Խերարդո Մարտինոյի գլխավորած թիմը 35 միավորով մնացել է առաջին տեղում, «Սենթ Լուիսը» 23-րդն է: