Հայ մարտիկ Արմեն Պետրոսյանը UFC Vegas 86 մրցաշարում պարտվել է բրազիլացի Ռոդոլֆո Վիեյրային: Միջին քաշային կարգի մենամարտի ելքը վճռվել է առաջին ռաունդում, որի ավարտից վայրկյաններ առաջ Վիեյրան խեղդող հնարքով հաղթել է Պետրոսյանին: Սա 32-ամյա հայ մարտիկի համար երկրորդ պարտությունն է UFC-ում, նա ունի նաև երեք հաղթանակ:

UFC-ի ավստրալացի մարտիկ Ալեքսանդր Վոլկանովսկիի մարզիչ Յուջին Բեյրմանը խոստովանել է, որ ինքը կանխազգացել է իր մարզիկի պարտությունը ռուսաստանցի Իսլամ Մախաչևի դեմ տիտղոսային մենամարտում: «Անկեղծ ասած՝ մենք հաղթելու մեծ շանսեր չունեինք: Ես նույնիսկ ժամանակ չունեի Աբու Դաբի մեկնելու համար, որպեսզի ներկա լինեի մենամարտին: Ես արդեն կազմել էի այդ օրվա հետ կապված ծրագրեր, որոնք չէի կարող չեղարկել: […]

Հայ կիսապաշտպան Արտյոմ Սիմոնյանը գեղեցիկ գոլի հեղինակ է դարձել Ռուսաստանի Առաջին լիգան ներկայացնող «ԲՄԱ-Խաբարովսկի» կազմում: Թուրքիայում ընթացող ուսումնամարզական հավաքի հերթական ընկերական խաղում Սիմոնյանն ընթացքից կատարած հարվածով գրավել է Ռուսաստանի Առաջին լիգան ներկայացնող «Ալանիայի» դարպասը: «ԲՄԱ-Խաբարովսկը» հաղթել է 2-1 հաշվով: Հիշեցնենք, որ 28-ամյա Սիմոնյանը նախորդ տարվա փետրվարից է խաղում «ԲՄԱ-Խաբարովսկում»:

Հոկեյի ազգային լիգայի (NHL) կանոնավոր առաջնության հերթական տուրում «Վաշինգտոն Քեփիթալզն» արտագնա խաղում 3-0 հաշվով հաղթել է «Բոստոն Բրյուինզին»: «Վաշինգտոնի» կազմում գոլի և գոլային փոխանցման հեղինակ է դարձել թիմի ավագ Ալեքսանդր Օվեչկինը: Լեգենդար ռուս հոկեյիստը գրավել է մրցակցի անպաշտպան մնացած դարպասը: 38-ամյա հոկեյիստը կարիերայում 57-րդ անգամ է գրավել դատարկ դարպասը, այս ցուցանիշով Օվեչկինը NHL-ում գերազանցել է […]

Հայաստանի առաջատար լողորդները սկսել են պայքարը Կատարի մայրաքաղաք Դոհայում մեկնարկած ջրային մարզաձևերի աշխարհի առաջնությունում: Վարսենիկ Մանուչարյանը 100 մետր բատերֆլայ մրցաձևի որակավորման փուլում զբաղեցրել է 31-րդ տեղը, մրցմանը մասնակցել են ևս 42 լողորդներ: 20-ամյա լողորդուհին չի կարողացել նվաճել Օլիմպիական խաղերի ուղեգիր: Վարսենիկ Մանուչարյանը հանդես կգա նաև նույն մրցաձևի 50 մետր տարածությունում։ Աշոտ Չախոյանն էլ բրաս մրցաձևի […]

Լեհաստանի առաջնության 20-րդ տուրում «Պոգոնը» հյուրընկալվելիս 1-0 հաշվով հաղթել է «Շլյոնսկին»: Գոլը 72-րդ րոպեին խփել է նորվեգացի 31-ամյա կիսապաշտպան Ֆրեդրիկ Ուլվեստադը: «Պոգոնի» կազմում հանդիպումը մեկնարկային րոպեներից սկսել է Հայաստանի հավաքականի կիսապաշտպան Վահան Բիչախչյանը, որը փոխարինվել է 62-րդ րոպեին: 24-ամյա ֆուտբոլիստն Էքստրակլասայի 2023/24 մրցաշրջանում անցկացրել է 19 հանդիպում, խփել 4 գոլ և կատարել 2 արդյունավետ փոխանցում: […]

Մադրիդի «Ռեալը» Լա լիգայի 24-րդ տուրում կատալոնական «Ժիրոնային» 4-0 հաշվով հաղթելուց հետո 61 միավորով ամրապնդվել է առաջին տեղում։ Մադրիդյան թիմը արդեն 5 միավորով գերազանցում է երկրորդ տեղում գտնվող «Ժիրոնային»: «Արքայական ակումբի» կազմում դուբլ էր գրանցել անգլիացի կիսապաշտպան Ջուդ Բելինգեմը, մեկական գոլ էլ խփել էին բրազիլացի հարձակվողներ Վինիսիուսն ու Ռոդրիգոն:  

Ֆուտբոլի Կատարի ազգային հավաքականը երկրորդ անգամ նվաճել է Ասիայի գավաթը: Տնային առաջնության վճռորոշ խաղում կատարցիները 3-1 հաշվով հաղթել են Հորդանանի հավաքականին, որն առաջին անգամ էր դուրս եկել մրցաշարի եզրափակիչ: Կատարի հավաքականի կազմում հեթ-տրիկի հեղինակ է դարձել այդ երկիրը ներկայացնող «Ալ Սադ» ակումբի հարձակվող Ակրամ Աֆիֆը, որը երեք գոլերն էլ խփել է 11-մետրանոցից: Կատարցիները նախորդ անգամ […]

Մյունխենի «Բավարիայի» և Գերմանիայի հավաքականի նախկին գլխավոր մարզիչ Հանսի Ֆլիկը ցանկանում է «Բարսելոնայում» փոխարինել Չավիին։ Ինսայդեր Ֆաբրիցիո Ռոմանոն հայտնում է, որ գերմանացի մասնագետն ուրախ կլինի աշխատանքի անցնել կատալոնական ակումբում և պատրաստ է ընդունել մարտահրավերը։ 58-ամյա գերմանացին այժմ իսպաներեն է սովորում։ Հիշեցնենք, որ 2023/24 մրցաշրջանի ավարտից հետո Չավին կհեռանա «Բարսելոնայի» գլխավոր մարզչի պաշտոնից։

Ֆուտբոլի Հայաստանի ազգային հավաքականի հարձակվող Տիգրան Բարսեղյանը 8-րդ գոլն է խփել Սլովակիայի ընթացիկ առաջնությունում: Գործող չեմպիոն Բրատիսլավայի «Սլովանը» 19-րդ տուրում հյուրընկալվել էր «Ժիլինային» և հաղթել է 4-0 հաշվով, 30-ամյա Բարսեղյանը 9-րդ րոպեին բացել է հաշիվը: «Սլովանը» 48 միավորով Սլովակիայի առաջնության առաջատարն է, «Ժիլինան» 38 միավորով երկրորդն է:  

Ռուսաստանի հավաքականի կիսապաշտպան Ալեքսանդր Կովալենկոն առաջին գոլն է խփել Սանկտ Պետերբուրգի «Զենիթի» կազմում: 20-ամյա ֆուտբոլիստն ընկերական խաղում գեղեցիկ հարվածով գրավել է կատարական «Ալ Ռայանի» դարպասը: Ռուսաստանի գործող չեմպիոն «Զենիթը» Կատարում շարունակվող ուսումնամարզական հավաքի հերթական ընկերական խաղում պարտվել է 2-4 հաշվով: «Արարատ-73»-ի լեգենդար ֆուտբոլիստ Ալեքսանդր Կովալենկոյի թոռը նախորդ տարվա հուլիսից է խաղում «Զենիթում»:

ՊՍԺ-ն Լիգա 1-ի 21-րդ տուրում ընդունել էր «Լիլին» և կամային հաղթանակի է հասել 3-1 հաշվով: Լուիս Էնրիկեի թիմի կազմում գոլի հեղինակ են դարձել Գոնսալու Ռամուշը և Ռանդալ Կոլո Մուանին, «Լիլից» էլ սեփական դարպասը գրավել է Ալեքսանդրո Ռիբեյրոն: Ֆրանսիայի գործող չեմպիոնը 50 միավորով առաջատարն է և 11 միավորով է գերազանցում երկրորդ տեղում գտնվող «Նիսին»:

Բռնցքամարտի Հայաստանի չեմպիոն Արթուր Սահակյանը (60 կգ) բրոնզե մեդալ է նվաճել Ստրանջայի հեղինակավոր մրցաշարում: Հայ բռնցքամարտիկը կիսաեզրափակչում 0-5 հաշվով պարտվել է աշխարհի գործող չեմպիոն, ուզբեկ Աբդուլմալիկ Խալոկովին: Արսեն Ասլամազյանը (51 կգ), Դավիթ Եգորյանը (54 կգ) և Աղվան Ալեքսանյանը (80 կգ) մեդալ չեն նվաճել: Հիշեցնենք, որ Հայաստանի հավաքականը հիմնական կազմով չի մասնակցել Ստրանջայի մրցաշարին, քանի որ […]

Ռուսաստանը ներկայացնող հայազգի թենիսիստ Կարեն Խաչանովը չկարողացավ դուրս գալ Մարսելում ընթացող ATP-250 շարքի մրցաշարի եզրափակիչ։ Կիսաեզրափակչում աշխարհի 18-րդ ռակետը պարտվել է բուլղարացի Գրիգոր Դիմիտրովին (13-րդ ռակետ)։ Դիմիտրովը հաղթել է 3 սեթում՝ 6:7, 6:4, 7:6 հաշվով: Մարսելի մրցաշարի եզրափակչում Դիմիտրովը կհանդիպի աշխարհի 21-րդ ռակետ, ֆրանսիացի Ուգո Ումբերի հետ։

Անգլիական «Լիվերպուլի» գլխավոր մարզիչ Յուրգեն Կլոպը դեմ է կապույտ քարտի կիրառությանը: «Մենք պետք է հնարավորինս հեշտացնենք մրցավարների գործը։ Հանդիպումներից հետո շատ դյուրագրգիռ ենք դառնում, երբ խոսում ենք կատարվածի մասին։ Նոր քարտի կիրառությունը նրանց սխալվելու հավանականությունը մեծացնելու է։ Շատ բարդ է լինելու։ Ես արդեն 56 տարեկան եմ և չեմ հիշում Ֆուտբոլի միջազգային ասոցիացիայի խորհրդի (IFAB) ընդունած վերջին […]

ՈՒԵՖԱ-ն ներկայացրել է Չեմպիոնների լիգայի 2023/24 մրցաշրջանի փլեյ-օֆֆ փուլի և եզրափակչի գնդակը, որը ստացել է UCL Pro Ball London անվանումը։ Չեմպիոնների լիգայի փլեյ-օֆֆ փուլը կմեկնարկի վաղը՝ փետրվարի 13-ին։ 1/8 եզրափակչի առաջին խաղերում կմրցեն «Կոպենհագեն»-«Մանչեսթեր Սիթի» և «Լայպցիգ»-«Ռեալ» զույգերը։ Մրցաշարի եզրափակիչը կկայանա հունիսի 1-ին՝ Մեծ Բրիտանիայի մայրաքաղաք Լոնդոնի «Ուեմբլի» մարզադաշտում։

Ռումինիայի մայրաքաղաք Բուխարեստում ընթացող հունահռոմեական ոճի ըմբշամարտի Եվրոպայի առաջնությունում 130 կգ քաշային Դավիթ Օվասապյանը չկարողացավ դուրս գալ կիսաեզրափակիչ։ Դավիթը որակավորման փուլում հաղթահարել է Շվեյցարիայի ներկայացուցիչ Հոսեին Ալիշահի արգելքը՝ 6-0։ 1/8 եզրափակչում նա 5-0 հաշվով հաղթել էր սերբ Բորիս Պետրուշիչին, սակայն քառորդ եզրափակչում 0-5 հաշվով պարտվել է աշխարհի ու Եվրոպայի բազմակի չեմպիոն, թուրք Ռիզա Կայալպին։ Այսօր […]

Օլիմպիական փոխչեմպիոն Գոռ Մինասյանը ծանրամարտի Բահրեյնի հավաքականի կազմում դարձել է Ասիայի փոխչեմպիոն ու ապահովել Փարիզ-2024 Օլիմպիական խաղերի ուղեգիր։ Ուզբեկստանի մայրաքաղաք Տաշքենդում կայացած առաջնության գերծանր քաշային կարգում (+109 կգ) 29-ամյա գյումրեցի ծանրորդը երկամարտում գրանցել է 443 կգ (207+236) արդյունք։ Մինասյանը մեկ կիլոգրամ է զիջել չեմպիոնի տիտղոսը նվաճած Ման Ասադին՝ 444 կգ (192+252)։ Պոկում վարժությունում Գոռ Մինասյանը […]

Ռումինիայի մայրաքաղաք Բուխարեստում ընթացող ըմբշամարտի Եվրոպայի առաջնությունում հայտնի դարձան 55 կգ քաշային Մանվել Խաչատրյանի և 77 կգ քաշային Մալխաս Ամոյանի մրցակիցները կիսաեզրափակչում։ Մանվելը կմրցի մոլդովացի Արտյոմ Դելեանուի հետ։ 77 կգ քաշային Մալխաս Ամոյանի մրցակիցը նույնպես մոլդովացի է՝ Ալեքսանդրին Գուտուն։

Բրազիլական Սան Պաուլուում կայացել է խառը մենամարտերի UFC Fight Night 231 մրցաշարի կշռման արարողությունը։ Կշռվել են նաև միջին քաշային կարգում հանդես եկող Արմեն Պետրոսյանն ու Ռոդոլֆո Վիեյրան։ Արմեն Պետրոսյանը MMA-ում անցկացրել է 11 մենամարտ, տարել 9 հաղթանակ ու կրել 2 պարտություն։ UFC-ում նա ունի 3 հաղթանակ և մեկ պարտություն: Ռոդոլֆո Վիեյրան UFC-ում մասնակցել է 6 […]

Չարենցավանի «Վանը» հայտարարել է սերբ դարպասապահ Միլոշ Չուպիչի տրանսֆերի մասին: 24-ամյա դարպասապահն ազատ գործակալի կարգավիճակում է համալրել հայկական ակումբի կազմը: Նրա պայմանագիրը նախատեսված է մինչև 2023/2024 մրցաշրջանի ավարտը: Չուպիչը նախկինում խաղացել է սերբական «Զլատիբոր», «Գրաֆիկա», «Բելգրադ», «Ցրվենա Զվեզդա» ակումբներում։ Նա նաև հանդես է եկել Սերբիայի Մ17, Մ18 և Մ19 հավաքականներում:

Ֆարերյան կղզիների հավաքականի գլխավոր մարզիչ Հոկան Էրիկսոնը կարծիք է հայտնել Ազգերի լիգայի վիճակահանության մասին: Նրա թիմը մրցելու է Հայաստանի, Հյուսիսային Մակեդոնիայի և Լատվիայի հավաքականների հետ: «Մենք չենք կարող դժգոհ լինել վիճակահանությունից, բայց գոհ էլ չենք: Ազգերի լիգայում պետք է չկրկնենք Եվրո-2024-ի որակավորման փուլի մեկնարկում թույլ տված սխալները: Պետք է միանգամից հաջող մեկնարկենք: Մենք շատ անգամ […]

Բասկետբոլի Հայաստանի ազգային հավաքականի առաջատար Անդրե Սպայթ-Մկրտչյանն արգենտինական «Օբրաս Սանիտարիաս» ակումբի կազմում արդյունավետ հանդիպում է անցկացրել Լատինական Ամերիկայի Չեմպիոնների լիգայում: Բրազիլական «Սեսի Ֆրանկայի» դեմ խմբային փուլի տնային խաղում Սպայթ-Մկրտչյանը վաստակել է 20 միավոր: «Օբրաս Սանիտարիասը» հաղթել է 97-96 հաշվով:

Միլանի «Ինտերը» և Արգենտինայի հավաքականի հարձակվող Լաուտարո Մարտինեսը չեն կարողանում փոխհամաձայնության գալ նոր պայմանագրի շուրջ։ La Gazzetta dello Sport-ը գրում է, որ 26-ամյա ֆուտբոլիստը ցանկանում է ստանալ տարեկան 10 միլիոն եվրո աշխատավարձ։ «Ինտերի» ղեկավարությունը պատրաստ է նոր պայմանագրով տարեկան 8 միլիոն եվրո առաջարկել նրան։ Այնուամենայնիվ, կողմերը վստահ են, որ շուտով կկարողանան պայմանավորվել։ Մարտինեսը 2018 թվականից […]

Sportico ամսագիրը ներկայացրել է 2023 թվականին ամենաշատ եկամուտ ունեցած մարզիկների ցուցակը: Մեկ տարվա ընթացքում ամենաշատը գումար վաստակել է Սաուդյան Արաբիայի «Ալ Նասրի» և Պորտուգալիայի ազգային հավաքականի հարձակվող Կրիշտիանու Ռոնալդուն՝ 275 միլիոն դոլար (255,3 միլիոն եվրո): 39-ամյա ֆուտբոլիստը նախորդ տարի 137 միլիոն եվրո ստացել է արաբական ակումբից, իսկ մնացած գումարը վաստակել է գովազդների միջոցով։ Պորտուգալացին համագործակցում […]

«Մեծ սաղավարտի» մրցաշարերի 22-ակի չեմպիոն Ռաֆայել Նադալը մասնակցելու է տարվա առաջին «Մասթերսին»: 37-ամյա թենիսիստը հայտավորվել է Ինդիան Ուելսի մրցաշարին, հայտնում է մրցաշարի մամուլի ծառայությունը: Իսպանացին գրեթե 1 տարի բաց թողնելուց հետո 2023 թվականի դեկտեմբերի 31-ին կորտ էր վերադարձել, սակայն հունվարի 7-ին վնասվածք էր ստացել և դադարեցրել ելույթները: Ինդիան Ուելսի «Մասթերսը» կայանալու է մարտին: Մինչև այդ […]

«Բարսելոնայի» նիդերլանդցի կիսապաշտպան Ֆրենկի դե Յոնգը պատրաստ է ընթացիկ մրցաշրջանի վերջում հեռանալ կատալոնական ակումբից, հաղորդում է Esport3-ը։ Հաշվի առնելով ակումբի վիճակն ու գլխավոր մարզիչ Չավիի հայտարարությունը՝ 26-ամյա ֆուտբոլիստը հիասթափված է «Բարսելոնայի» ղեկավարությունից ու դիտարկում է հեռանալու տարբերակը։ Նախկինում կատալոնական ակումբը փորձել է բաժանվել նրանից, սակայն կիսապաշտպանը չէր ցանկացել հեռանալ, քանի որ իր ընտանիքը հարմարավետ է […]

Ռուսաստանը ներկայացնող հայազգի թենիսիստուհի Էլինա Ավանեսյանը (61-րդ ռակետ) ավարտեց ելույթները Ռումինիայի Կլուժ-Նապոկա քաղաքում ընթացող WTA-250 շարքի մրցաշարում: Երկրորդ շրջանում 21-ամյա Ավանեսյանը մրցեց Լատվիան ներկայացնող Անաստասիա Սևաստովայի (656-րդ ռակետ) հետ և երրորդ սեթում հրաժարվեց պայքարից վնասվածքի պատճառով։ Առաջին սեթում Սևաստովան հաղթեց 6-2 հաշվով, իսկ երկրորդում հայ մարզուհին ուժեղ գտնվեց թայ-բրեյքում՝ 7-6։ Երրորդ սեթում Էլինան չկարողացավ շարունակել […]

Սանկտ Պետերբուրգի «Զենիթի» և Ռուսաստանի ազգային հավաքականի կիսապաշտպան Ալեքսանդր Կովալենկոն հայտնել է, որ շփվում է Հայաստանի ֆուտբոլի ֆեդերացիայի ներկայացուցչի հետ, որի անունը չի նշել: «Այո, ես ընկերացել եմ ՀՖՖ ներկայացուցչի հետ, մենք շփվում ենք ոչ միայն ֆուտբոլային թեմաներով։ Իրավիճակը ծայրահեղ բարդ է. ես հայկական ընտանիքից եմ, հաճախ եմ այնտեղ գնում։ Բայց ծնվել եմ Ռուսաստանում, այստեղ […]

Բռնցքամարտի Հայաստանի հավաքականն առաջին մեդալն է ապահովել Բուլղարիայում ընթացող Ստրանջայի հեղինակավոր մրցաշարում: Հայաստանի չեմպիոն Արթուր Սահակյանը (60 կգ) դուրս է եկել կիսաեզրափակիչ և ապահովել առնվազն բրոնզե մեդալ: Հայ բռնցքամարտիկը քառորդ եզրափակիչում մրցել է Ղրղզստանի ներկայացուցիչ Ռիսպե Բեկթենովի հետ և հաղթել 4-1 հաշվով։ Եզրափակիչի ուղեգրի համար Սահակյանը կմրցի ուզբեկ Աբդումալիկ Խալակովի հետ։