Սաուդյան Արաբիայի առաջնության առաջատար «Ալ Հիլալը», հերթական հաղթանակը տանելով, համաշխարհային ռեկորդ է գրանցել: Ասիայի Չեմպիոնների լիգայի խաղարկության քառորդ եզրափակչում սաուդյան տիտղոսակիր ակումբը 2-0 հաշվով առավելության էր հասել «Ալ Իթիհադի» նկատմամբ և դուրս եկել կիսաեզրափակիչ: Սա թիմի 28-րդ անընդմեջ հաղթանակն էր, որը համաշխարհային ռեկորդ է գրանցել: Այս ընթացքում «Ալ Հիլալը» խփել է 81 գոլ և բաց […]

Հանրահայտ The Ringer պորտալը ներկայացրել է 2023-24 մրցաշրջանի NBA-ի 100 լավագույն բասկետբոլիստների ցուցակը: Վարկանիշային աղյուսակը գլխավորում է «Դենվերի» առաջատար Նիկոլա Յոկիչը: Երկրորդը «Միլուոկիի» հարձակվող Յանիս Ադետոկունբոն է, իսկ լավագույն եռյակը եզրափակում է «Դալասի» սլովենացի աստղ Լուկա Դոնչիչը: «Լեյքերսի» գերաստղ, NBA-ի պատմության լավագույն ռմբարկու Լեբրոն Ջեյմսը չի հայտնվել լավագույն տասնյակում:

«Գոլդեն Սթեյթ Ուորիորզի» առաջատար Ստեֆ Քարին չի բացառել, որ կարիերայի ավարտից հետո կմասնակցի ԱՄՆ-ի նախագահական ընտրություններին: «Ես ցանկանում եմ իմ հեղինակությունն օգտագործել ի շահ հասարակության: Միգուցե առաջադրվեմ 2028-ի նախագահական ընտրություններին, չեմ բացառում, բայց դեռ վաղ է այդ մասին խոսելը, դեռ երկար ժամանակ կա դրա համար»,- 35-ամյա բասկետբոլիստի խոսքերը մեջբերում է CBS Morning-ը:

Պորտուգալական «Պորտուի» գլխավոր մարզիչ Սերժիու Կոնսեյսաուն պատմել է Լոնդոնի «Արսենալի» գլխավոր մարզիչ Միկել Արտետայի հետ ունեցած միջադեպի մասին: Նա ասել է, որ Արտետան Չեմպիոնների լիգայի 1/8 եզրափակչի պատասխան հանդիպման ժամանակ անպատվել է իր ընտանիքին: «Խաղի ժամանակ նա շրջվեց մեր պահեստային նստարանի կողմը և իսպաներենով հայհոյեց: Դա հավանաբար իսպանացիների գլխավոր հնարքն է, որովհետև նույն միջադեպը ժամանակին […]

Չեմպիոնների լիգայի 1/8 եզրափակչի պատասխան խաղում «Ինտերը» կհյուրընկալվի Մադրիդի «Ատլետիկոյին»։ Sky Sports-ը ներկայացրել միլանյան թիմի հավանական մեկնարկային կազմը հանդիպման համար։ Հավանական կազմում է նաև Հենրիխ Մխիթարյանը: Առաջին խաղում «Ինտերը» սեփական հարկի տակ հաղթել էր 1։0 հաշվով։ «Ատլետիկո»-«Ինտեր» հանդիպումը կկայանա այսօր՝ մարտի 13-ին, և կմեկնարկի Հայաստանի ժամանակով 23։55-ին։

Մյոնխենգլադբախի «Բորուսիան» ավարտեց ելույթը Գերմանիայի գավաթի խաղարկությունում` քառորդ եզրափակչում 1-2 հաշվով զիջելով երրորդ դիվիզիոնը ներկայացնող «Սարբրուքենին»։ Հյուրերի հայտացուցակում էր նաև Հայաստանի հավաքականի հարձակվող Հրանտ-Լեոն Ռանոսը, որը մնաց պահեստայինների նստարանին։ «Սարբրուքենը» դուրս եկավ կիսաեզրափակիչ և մրցելու է 2-րդ Բունդեսլիգան ներկայացնող «Կայզերսլաութերնի» դեմ։ Կիսաեզրափակչի մյուս դիմակայությունում կմրցեն Գերմանիայի առաջնության առաջատար Լևերկուզենի «Բայերն» ու 2-րդ Բունդեսլիգայում հանդես եկող […]

Ասիայի Չեմպիոնների լիգայի քառորդ եզրափակչի պատասխան խաղում «Ալ Հիլյալը» հյուրընկալվելիս 2-0 հաշվով հաղթել է «Ալ Իթիհադին» և դուրս եկել հաջորդ փուլ։ Դիմակայության առաջին խաղում Ժորժե Ժեզուշի թիմը նույնպես հաղթել էր 2-0 հաշվով։ «Ալ Հիլյալի» կազմից կրկին բացակայում էր Նեյմարը, որն ապաքինվում է ծանր վնասվածքից։ «Ալ Իթիհադի» կազմում հանդիպումը բաց թողեց Մադրիդի «Ռեալի» նախկին հարձակվող, 2022 […]

«Բարսելոնան» Չեմպիոնների լիգայում դարձել է առաջին ակումբը, որը փլեյ-օֆֆ փուլի հանդիպման մեկնարկային կազմում ընդգրկել է 18 տարեկանից փոքր երկու ֆուտբոլիստի, գրում է Opta Sports-ը։ Իտալական «Նապոլիի» դեմ պատասխան խաղում կատալոնական ակումբի մեկնարկային կազմում խաղադաշտ են դուրս եկել կենտրոնական պաշտպան Պաու Կուբարսին (17 տարեկան, 50 օրական) և Վինգեր Լամին Յամալը (16 տարեկան, 243 օրական)։

Կանանց միջազգային վարպետ Մարիամ Մկրտչյանը երրորդ տեղն է գրավել Տաշքենդում կայացած «2nd International Women’s Chess Championship Festival» շախմատի միջազգային մրցաշարում։ Հայ շախմատիստուհին 9 հնարավորից վաստակել է 7 միավոր, չի կրել ոչ մի պարտություն և կիսել է 2-3-րդ տեղերը։ Լրացուցիչ ցուցանիշներով Մկրտչյանը երրորդն է ճանաչվել և ստացել է 4000 դոլար պարգևավճար։ Առաջին տեղը գրավել է Անաստասիա […]

UFC-ի թեթև քաշային կարգում չեմպիոն Իսլամ Մախաչևը և ամերիկացի Դասթին Պորյեն պայմանավորվել են 2024 թ. հունիսին տիտղոսային մենամարտ անցկացնել։ «Իսլամ, հունիսին»,- սոցցանցերում գրել է Պորյեն, ինչին ի պատասխան` Մախաչևն արձագանքել է ձեռքսեղմման էմոջիով։ 31-ամյա Մախաչևն օկտագոնում անցկացրած 26 մենամարտում տարել է 25 հաղթանակ, կրել 1 պարտություն։ Ռուսաստանը ներկայացնող մարտիկը նախորդ մենամարտն անցկացրել է 2023 թ. […]

Կատալոնական «Բարսելոնայի» մարզական տնօրեն Դեկուն մեկնաբանել է գլխավոր մարզիչ Չավի Էրնանդեսի՝ մրցաշրջանի ավարտից հետո հեռանալու որոշումը: «Մենք չենք ցանկացել, որ Չավին հեռանա, բայց իմաստ չեմ տեսնում նույնը կրկնել: Նա արդեն կայացրել է իր որոշումը և այդ մասին հայտնել է հասարակությանը, իսկ եթե ինչ-որ բան փոխվի, ապա նորից պետք է քննարկենք»,-Դեկուի խոսքերը մեջբերում է Mundo Deportivo-ն: […]

Մյունխենի «Բավարիան» չի բողոքարկի ՈՒԵՖԱ-ի որոշումը և Չեմպիոնների լիգայի քառորդ եզրափակչի արտագնա հանդիպումը կանցկացնի առանց երկրպագուների աջակցության, հայտնում է ակումբի պաշտոնական կայքը։ ՈՒԵՖԱ-ն գերմանական ակումբին պատժել է Հռոմի «Լացիոյի» դեմ 1/8 եզրափակչի արտագնա խաղում երկրպագուների ցուցաբերած պահվածքի համար։ Հանդիպման ընթացքում «Բավարիայի» երկրպագուները դյուրավառ նյութեր և այլ իրեր են նետել խաղադաշտ։ «Բավարիայում» ՈՒԵՖԱ-ի որոշումն ընդունել են […]

Ռուսական «Կրասնոդարը» խզել է պայմանագիրը թիմի գլխավոր մարզիչ Վլադիմիր Իվիչի հետ, հաղորդում է ակումբի մամուլի ծառայությունը: 45-ամյա սերբ մասնագետը 2023 թվականի սկզբին էր գլխավորել «Կրասնոդարը», որը Ռուսաստանի Պրեմիեր լիգայում ձմեռային դադարի էր մեկնել առաջատարի կարգավիճակում։ Առաջանության վերսկսումից հետո կրասնոդարցիները ոչ-ոքի էին խաղացել «Ռուբինի» հետ (1-1) ու պարտվել «Ռոստովին» (1-2), ինչպես նաև երեկ դուրս էին մնացել […]

Հայաստանի ֆուտբոլի ֆեդերացիայի շտաբ բնակարանում կայացել է Հայաստանի գավաթի խաղարկության կիսաեզրափակչի վիճակահանությունը, հայտնում է ՀՖՖ մամուլի ծառայությունը: Վիճակահանության արդյունքում ձևավորվել են հետևյալ զույգերը. «Փյունիկ»-«Արարատ-Արմենիա», «Շիրակ»-«Ուրարտու»: Հայաստանի գավաթի խաղարկության կիսաեզրափակչի հանդիպումները կկայանան ապրիլի 6-8-ը:

«Կրասնոդարը» Ռուսաստանի գավաթի խաղարկության քառորդ եզրափակչում արտագնա խաղում 0-2 հաշվով պարտվել է երկրորդ դիվիզիոնը ներկայանցող «Խիմկիին» և դուրս մնացել պայքարից։ «Կրասնոդարի» մեկնարկային կազմում էին նաև Հայաստանի հավաքականի ֆուտբոլիստներ Էդուարդ Սպերցյանն ու Գեորգի Հարությունյանը, որոնք մասնակցել են ամբողջ հանդիպմանը։ «Խիմկիից» խաղին մասնակցել է նաև հայ կիսապաշտպան Արշակ Կորյանը, որը փոխարինվել է ընդմիջմանը։

«Բարսելոնայի» լեգենդար կիսապաշտպան Անդրես Ինիեստան պատրաստ է ապագայում գլխավորել կատալոնական ակումբը: «Կատարյալ կյանքում դա իրատեսական է, սակայն դեռ երկար ճանապարհ ունեմ անցնելու։ Ես դեռ խաղում եմ, նույնիսկ, մարզչական արտոնագիր չունեմ։ Ցանկանում եմ նաև սպորտային տնօրենի արտոնագիր ունենալ, այնուհետև տեսնենք, թե ինչպես կզարգանան իրադարձությունները»,- 39-ամյա ֆուտբոլիստի խոսքերը մեջբերում է As-ը։ Անդրես Ինիեստան 2023 թ. օգոստոսից հանդես […]

«Արսենալը» դուրս է եկել Չեմպիոնների լիգայի քառորդ եզրափակիչ։ 1/8 եզրափակչի պատասխան խաղում լոնդոնյան ակումբը հետխաղյա 11-մետրանոց հարվածաշարում 4-2 հաշվով հաղթել է «Պորտուին»։ Հանդիպման հիմնական և լրացուցիչ ժամանակում Արտետայի թիմն առավելության է հասել 1-0 հաշվով։ Պորտուգալիայում կայացած առաջին խաղում «Պորտուն» հաղթել էր նույն հաշվով։ 11-մետրանոց հարվածաշարում «Արսենալի» իսպանացի դարպասապահ Դավիդ Ռայան երկու անգամ փրկել է իր […]

Չեմպիոնների լիգայի 1/8 եզրափակիչի պատասխան խաղում «Բարսելոնան» 3-1 հաշվով հաղթել է իտալական «Նապոլիին» և դուրս եկել հաջորդ փուլ։ Նեապոլում դիմակայության առաջին խաղում գրանցվել էր 1-1 հաշիվը։ Չավիի թիմում աչքի են ընկել իսպանացի կիսապաշտպան Ֆերմին Լոպեսը, պորտուգալացի պաշտպան Ժոաու Կանսելուն և լեհ հարձակվող Ռոբերտ Լևանդովսկին։

Անգլիայի Պրեմիեր լիգայի առաջատար Լոնդոնի «Արսենալն» աղոթքի համար նախատեսված սենյակ է բացել տնային ստադիոնում։ Բացման արարողությանը մասնակցել է Եգիպտոսի հավաքականի կիսապաշտպան Մոհամեդ Էլ Նենին։ «Հպարտ եմ, որ «Էմիրեյթս» ստադիոնում բացում եմ ֆուտբոլիստների համար նախատեսված աղոթասենյակ։ Մտորումների և աղոթքների այս վայրը կփոխի «Արսենալի» ապագա խաղացողների կյանքը։ Շնորհակալ եմ անձնակազմին ու բոլոր նրանց, ովքեր մասնակցել են այս […]

Հայաստանի բռնցքամարտի ֆեդերացիայի նախագահ Հովհաննես Հովսեփյանը գրառում է կատարել սոցցանցերում՝ անդրադառնալով Իտալիայում կայացած օլիմպիական վարկանիշային մրցաշարում հայ բռնցքամարտիկների մենամարտերում մրցավարների անարդար որոշումներին: «Սպորտում հաղթողին չեն դատում, բայց այն մարդիկ ու սպորտային կազմակերպությունները, որոնք աննդհատ խոսում են արդարության մասին իրենք են խախտում արդարությունն ու անցնում բոլոր սահմանները` միաժամանակ զրոյացնելով բազմաթիվ մարզիկների ու մարզիչների տարիների աշխատանքն ու […]

UFC-ի ծանր քաշային կարգի չեմպիոն Ջոն Ջոնսը երկրպագուին ծանր հարված է հասցրել, որից հետո վերջինս տեղափոխվել է հիվանդաանոց: Ֆան-հանդիպման ընթացքում խառը մենամարտերի երկրպագուն խնդրել է Ջոնսին իր վրա փորձարկել չեմպիոնի հայտնի ոտքի հարվածը: Ջոնսը երկու փորձ է կատարել, ինչի հետևանքով երկրպագուն հայտնվել է հիվանդանոցում: Ջոն Ջոնսը UFC-ում ելույթ է ունենում 2008 թվականից: «Bones» մականվամբ լեգենդար […]

Սաուդյան Արաբիայի փոխչեմպիոն «Ալ Նասրը» դուրս մնաց Ասիայի Չեմպիոնների լիգայից: «Ալ Նասրն» Արաբական Միացյալ Էմիրությունները ներկայացնող «Ալ Աինի» դեմ քառորդ եզրափակչի պատասխան մրցավեճում հաղթեց 4-3 հաշվով, իսկ հետխաղյա 11-մետրանոց հարվածաշարում պարտվեց՝ 1-3: «Ալ Նասրը» հիմնական ժամանակի առաջին խաղակեսից հետո պարտվում էր 1-2 հաշվով, սակայն երկրորդ խաղակեսում երկու գոլ խփեց՝ խաղը տեղափոխելով լրացուցիչ ժամանակ, որտեղ թիմերը […]

Հայաստանի երիտասարդական հավաքականի նախկին կիսապաշտպան Սերոժ Թիթիզյանը «Ջոյեզեի» կազմում գեղեցիկ գոլի հեղինակ է դարձել Իտալիայի 4-րդ դիվիզիոնի՝ D սերիայի խաղում։ «Սան Լուկեի» դեմ հանդիպման երկրորդ րոպեին 24-ամյա ֆուտբոլիստը մրցակցի դարպասը գրավել է անկյունայինից կատարած հարվածով։ «Ջոյեզեն» հաղթել է 2-1 հաշվով։ D սերիայի ընթացիկ մրցաշրջանում Սերոժ Թիթիզյանը մասնակցել է 4 խաղի ու դարձել մեկական գոլի և […]

Բրազիլացի լեգենդար ֆուտբոլիստ Ռոնալդոն համոզված է, որ Լիոնել Մեսսին 2023 թ․-ին արդարացիորեն է դարձել «Ոսկե գնդակի» դանփեկիր. «Անկասկած` «Ոսկե գնդակը» պետք է ստանար Լիոնել Մեսսին։ Նա աշխարհի առաջնության ժամանակ ինչ-որ արտասովոր բան արեց։ Դա ես նմանեցրի Պելեի ու Մարադոնայի խաղին»,- մեջբերում է նրան Daily Mail-ը։ 2023 թ. հոկտեմբերին Մեսսին կարիերայում 8-րդ անգամ դարձավ «Ոսկե գնդակի» […]

UFC-ի հայ մարտիկ Արման Ծառուկյանի մենեջեր Սայաթ Աբդրախմանովը խոսել է թեթև քաշային կարգի գործող չեմպիոն, ռուսաստանցի Իսլամ Մախաչևի հետ տիտղոսային մենամարտ կազմակերպելու հնարավորության մասին: «Ամեն ինչ կախված է նրանից, թե ինչ ժամկետներ են նրանք նշանակել չեմպիոնական տիտղոսը պաշտպանելու համար: Խոսակցություններն այն մասին, որ Իսլամի հաջորդ մրցակիցը կարող է լինել Դասթին Պորյեն, գալիս է միայն Մախաչևի […]

ՖԻԴԵ-ի վարպետ Էդգար Հայրապետյանը հաղթել է Իրանի Բիրջանդ քաղաքում կայացած Khavaran International շախմատի միջազգային մրցաշարում, հայտնում է Հայաստանի շախմատի ֆեդերացիայի մամուլի ծառայությունը: Հայրապետյանը 9 հնարավորից վաստակել է 8 միավոր: Հայ գրոսմայստեր Հրայր Սիմոնյանն էլ 6.5 միավորով գրավել է երրորդ տեղը:

Աշխարհի առաջին ռակետ Նովակ Ջոկովիչը սենսացիոն պարտություն է կրել ԱՄՆ-ում ընթացող Ինդիան-Ուելսի «Մասթերսում»։ Երրորդ շրջանում սերբ թենիսիստը պարտվել է աշխարհի 123-րդ ռակետ Լուկա Նարդիին: Իտալացին առավելության է հասել 6-4, 3-6, 6-3 հաշվով: Ջոկովիչը 2022 թվականից հետո առաջին անգամ պարտվեց թենիսիստի, որը ATP-ի թոփ-100-ի ներկայացուցիչ չէ: նաև նշենք, որ Նարդին «Մասթերսներում» Ջոկովիչին հաղթած ամենացածր վարկանիշ ունեցող […]

Ամերիկացի լեգենդար բռնցքամարտիկ Մոհամեդ Ալին հետմահու կընդգրկվի WWE-ի Փառքի սրահում: Միջոցառումը կկայանա ապրիլի 5-ին Ֆիլադելֆիայում: Ալին ըմբշամարտով կամ ռեսթլինգով պրոֆեսիոնալ մակարդակում չի զբաղվել, բայց 1976 թվականին մասնակցել է ցուցադրական մենամարտի ճապոնացի ռեսթլեր Անտոնիո Անոկայի հետ: Մոհամեդ Ալին մահացել է 2016 թվականին 74 տարեկանում:

Ռաֆայել Բենիտեսը պաշտոնանկ է արվել իսպանական «Սելտայի» գլխավոր մարզչի պաշտոնից: Ակումբը հայտարարել է, որ դժգոհ է թիմի արդյունքներից: 63-ամյա մասնագետը 2023 թվականի ամռանն էր գլխավորել «Սելտան»: Նրա ղեկավարությամբ թիմը Լա լիգայում զբաղեցնում է 17-րդ տեղը, իսկ Իսպանիայի գավաթի խաղարկությունում պայքարից դուրս է մնացել քառորդ եզրափակչից:

Հայաստանի գավաթի խաղարկության քառորդ եզրափակիչ վերջին դիմակայությունում «Ուրարտուն» սեփական հարկի տակ 4-0 հաշվով ջախջախել է ԲԿՄԱ-ին և դուրս եկել հաջորդ փուլ։ Դմիտրի Գունկոյի գլխավորած թիմից դուբլի հեղինակ են դարձել Նարեկ Աղասարյանն ու ուկրաինացի Անդրեյ Կրավչուկը։ Ավելի վաղ կիսաեզրափակիչ էին դուրս եկել Գյումրի «Շիրակը», Երևանի «Արարատ-Արմենիան» ու «Փյունիկը»։ Կիսաեզրափակիչի զույգերը պարզ կդառնան վիճակահանությամբ։