Գյումրիում վերականգնվում է ալեքպոլյան շրջանի պատմական շենքերից մեկը՝ հայ կինոյից հայտնի «Ֆաբրիկատորի տունը» – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
03 04 2025
  • $
    391.32
  • RUBLE
    4.67
  • 432.53
WEATHER
+10.09 oC

Գյումրիում վերականգնվում է ալեքպոլյան շրջանի պատմական շենքերից մեկը՝ հայ կինոյից հայտնի «Ֆաբրիկատորի տունը»

18:30 14.09.2021

«Կումայրի» արգելոցի հին ու վթարային շենքերի պահպանության, վերականգնման ուղղությամբ առաջարկներն ավելացել են: Գյումրիի քաղաքապետարանի քաղաքաշինության բաժինը 10-ից ավելի կառուցապատման նախագծերի փաթեթներ է ընդունել: Մի քանիսն արդեն ստացել են շինթույլտվություններ։ Դրանցից մեկը պատմական միջուկի կենտրոնում է՝ Շահումյան 119 հասցեում։ Ալեքպոլյան շրջանի առանձնահատուկ ճարտարապետությամբ կառույցը «Հայֆիլմ»-ից հայտնի նկարահանման վայր է եղել։ Դրվագներից մեկի լուսանկարներն են «Կտոր մը երկինք» ֆիլմից։ Տպավորիչ այդ տեսարանում միայն  կարելի է պատկերացնել, թե  շինությունն ինչ տեսք է ունեցել։ Կառույցը բոլորը գիտեն որպես «Ֆաբրիկատորի տուն»՝ ի պատիվ ֆիլմի։

Քաղաքի կենտրոնում է, Սուրբ Յոթ վերք եկեղեցու հարևանությամբ։ «Կինոյի» շենքից գրեթե բան չի մնացել։ Առանց պահպանության մնացած կառույցը  քարաթափումների ու փլուզումների տակ է։ Շենքի սեփականատերը մեկը կամ երկուսը չեն եղել։ Այն, ինչպես Գյումրիի այլ պատմական շինություններ, ձեռքից ձեռք է անցել։

 «Շենքը բացառիկ արժեքներից մեկն է,  երկար ժամանակ սեփականատերերը չէին ուզում ներդրում կատարել, մենք սկսեցինք բանակցություններ նրանց հետ ու վերջապես կարողացանք հասնել նրան, որ օտարեցին այդ շենքը։ Շենքն ունի հետաքրքիր լուծումներ, ինտերիերի հարցում ևս մենք որոշել ենք, որ պետք է ներսում պահպանենք այն տեսքը, որը կա, որևէ փոփոխություն չի լինելու»,- SHANTNEWS.am-ի հետ զրույցում ասել է Գյումրիի գլխավոր ճարտարապետ Հենրիկ Գասպարյանը։

Թե որ մի սեփականատերն է եղել շենքից հրաժարվողը կամ օտարողը, այս դեպքերում անուններ չեն հիշատակում, նոր սեփականատիրոջ նույնպես, բայց գյումրեցի է, գործարար: Շենքի տարածքն արդեն սահմանազատված է, ներսում  մաքրման աշխատանքներ են, զուգահեռ  վերականգնմանն են նախապատրաստում։ Արտաքին ճարտարապետական լուծումներն ու ներքին կառուցվածքն առանց փոփոխությունների ու շեղումների՝ նույնությամբ վերականգնվելու են։

Երկհարկանի շինությունը զբաղեցնում է 250 քառակուսի մետր մակերես։ Հին ու բացառիկ, ալեքպոլյան ճարտարապետությանը բնորոշ տների ձևը, սենյակների դռների կամարաձև տեսքը չի խախտվելու։ Բուն պատմական կենտրոնում ևս մեկ շենքի վերականգնումով կամբողջանա հին ճարտարապետությամբ հայտնի քաղաքի միջավայրը, իսկ թե ներկայացված նախագծերով ինչ նպատակի է ծառայելու, վերջնական եզրակացություն դեռ չկա։ Փրկության ծրագիր կա ևս մեկ կառույցի համար։ Խոսքը  Շիրազի փողոցում գտնվող Ղորղանյանների տան մասին է:

Պատմական միջուկի 1600-ից ավելի շինությունների մեծ մասի պահպանությունը շարունակում է վտանգված մնալ, դրանք և՛ տեղական նշանակության շինություններ են, և՛ պետգույքի տնօրինման ենթակա: Օրինակը հայտնի բալկոնի շենքն է, որը ներսից ու դրսից փլուզվում է։ Պատշգամբից ոչինչ չի մնացել, իսկ ներսում գերաններն են սղոցել-տարել:

Կումայրի պատմամշակութային արգելոց-թանգարանի շենքերի վերականգնման առաջարկ կամ ցանկություն ներկայացնելիս ներդրողները հաշվի են առնում նաև Գյումրիի նկատմամբ զբոսաշրջային հետաքրքրությունները։ Բայց նախադեպերն էլ քիչ չեն, երբ սեփականության իրավունքը չարաշահվում է, վերականգնում է տեղի ունենում խախտումներով։

Ռուսթավելի 22 շենքում, օրինակ, խախտումներով, շինարարությունը սեփականատերը շարունակում է։ Սա պատմական միջուկում միակ դեպքը չէ, էլի շինություններ կան, որոնց սեփականատերերի հետ քաղաքապետարանը հարցը երկար ժամանակ է՝ կարգավորում է դատական ատյաններում։

 «Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև  Shant Digital Tv հավելվածով՝ ամբողջ աշխարհում։

 

Բոլոր լուրերը

Կապակցված լուրեր

Հայ շախմատիստուհիների արդյունքները Եվրոպայի կանանց անհատական առաջնությունում 4 խաղափուլից հետո

00:51 04.04.2025

Հայ շախմատիստուհիների արդյունքները Եվրոպայի կանանց անհատական առաջնությունում 4 խաղափուլից հետո

Հունաստանի Հռոդոս կղզում ավարտվեց շախմատի Եվրոպայի կանանց անհատական առաջնության 4-րդ խաղափուլը: Այս մասին հայտնել են Հայաստանի շախմատի ֆեդերացիայից: 4 խաղափուլից հետո գրոսմայստեր Էլինա Դանիելյանը ունի 3.5 միավոր և կիսում է 2-8-րդ հորիզոնականները: Միջազգային վարպետ Լիլիթ Մկրտչյանը և կանանց գրոսմայստեր Մարիա Գևորգյանը ունեն 3 միավոր և նույնպես առաջատարների շարքում են: Այսօր Մարիան հաղթել է Եվրոպայի կանանց […] ...

Աշխարհը կանգնած է լուրջ մարտահրավերների առաջ, և նորարարական տեխնոլոգիաների կիրառումը գյուղատնտեսության մեջ երբևէ այսքան պահանջված չեն եղել. Ռուբեն Սիմոնյան

00:42 04.04.2025

Աշխարհը կանգնած է լուրջ մարտահրավերների առաջ, և նորարարական տեխնոլոգիաների կիրառումը գյուղատնտեսության մեջ երբևէ այսքան պահանջված չեն եղել. Ռուբեն Սիմոնյան

ՀՀ բարձր տեխնոլոգիական արդյունաբերության նախարարի տեղակալ Ռուբեն Սիմոնյանը ապրիլի 3-ին մասնակցել է ԵՄ կողմից ֆինանսավորվող «Կանաչ գյուղատնտեսություն նախաձեռնությունը Հայաստանում» (EU-GAIA) շրջանակներում Երևանում անցկացվող Կանաչ գյուղատնտեսության միջազգային համաժողովին։ Այս մասին հայտնել են ԲՏԱ նախարարությունից: Ողջունելով համաժողովի մասնակիցներին՝ Ռուբեն Սիմոնյանն ընդգծել է, որ նման միջոցառումները կարևոր հարթակ են նորարարների, գիտնականների և քաղաքական գործիչների համար՝ համատեղ քննարկելու կայուն […] ...

Իրավիճակը Հայաստանի ճանապարհներին

00:30 04.04.2025

Իրավիճակը Հայաստանի ճանապարհներին

Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ և Ամբերդ ամրոց տանող ավտոճանապարհները։ Վարորդները պետք է երթևեկեն բացառապես ձմեռային անվադողերով։ ...

Հայտնի են հունահռոմեական ոճի ըմբշամարտի Հայաստանի պատանեկան առաջնության հաղթողներն ու մրցանակակիրները

00:16 04.04.2025

Հայտնի են հունահռոմեական ոճի ըմբշամարտի Հայաստանի պատանեկան առաջնության հաղթողներն ու մրցանակակիրները

Երևանի «Դինամո» մարզադահլիճում ավարտվել է հունահռոմեական ոճի ըմբշամարտի Հայաստանի պատանեկան առաջնությունը։ Այս մասին հայտնել են Հայաստանի ըմբշամարտի ֆեդերացիային՝ ներկայացնելով հաղթողներին և մրցանակակիրներին։ 45 կգ Արարատ Ավետիսյան Գյումրի Նարեկ Ալեյան Նորայր Մուշեղյան ՄԴ Բագրատ Կարապետյան Նորայր Մուշեղյան ՄԴ Ալեն Քեսաբյան Աշտարակ 48 կգ Մարտին Մանջիկյան Նորայր Մուշեղյան ՄԴ Վլադիկ Վարդանյան Նորայր Մուշեղյան ՄԴ Ռազմիկ Գևորգյան Ջրվեժ […] ...

Ապրիլի 13-19-ը Երևանում կկայանա Հոկեյի աշխարհի առաջնությունը

23:59 03.04.2025

Ապրիլի 13-19-ը Երևանում կկայանա Հոկեյի աշխարհի առաջնությունը

ՀՀ սփյուռքի գործերի գլխավոր հանձնակատար Զարեհ Սինանյանը հանդիպել է Հայաստանի հոկեյի ֆեդերացիայի գլխավոր քարտուղար Արամ Սարգսյանի և Հայաստանի հոկեյի լիգայի խորհրդի անդամ Նատալյա Կազանցևայի հետ։ Այս մասին հոյտնել են Սփյուռքի գլխավոր հանձնակատարի գրասենյակից: Հանդիպման ընթացքում քննարկվել է այս տարվա ապրիլի 13-19-ը Երևանում կայանալիք Հոկեյի աշխարհի առաջնությունը, որտեղ Հայաստանի հավաքականը հանդես կգա 15 տարվա դադարից հետո։ […] ...

Ադրբեջանի առաջ քաշած նախապայմանները ձգձգում են խաղաղության համաձայնագրի ստորագրման գործընթացը. Ֆրանսիայի ԱԳ նախարար

23:56 03.04.2025

Ադրբեջանի առաջ քաշած նախապայմանները ձգձգում են խաղաղության համաձայնագրի ստորագրման գործընթացը. Ֆրանսիայի ԱԳ նախարար

Ֆրանսիայի՝ Եվրոպայի և արտաքին գործերի նախարար Ժան-Նոել Բարոյի հայտարարության առնչությամբ Ապրիլի 2-ին Ֆրանսիայի Ազգային ժողովի արտաքին հարաբերությունների հանձնաժողովի՝ միջազգային վերջին զարգացումներին նվիրված նիստի ընթացքում, պատասխանելով նախագահական մեծամասնությունը ներկայացնող «Միասին» խմբակցության պատգամավոր Մոդ Պետիի հարցին, Ֆրանսիայի՝ Եվրոպայի և արտաքին գործերի նախարար Ժան-Նոել Բարոն ընդգծել է, որ Ֆրանսիան առաջիններից է, ով ողջունել է Հայաստանի և Ադրբեջանի միջև […] ...

BACK_TO_TOP