15:36 12.08.2021
Տավուշի մարզում Հանրակրթության պետական չափորոշչի և առարկայական նոր չափորոշիչների փորձարկման նպատակով ուսուցիչների վերապատրաստումներն ընթացքի մեջ են: Կրթության զարգացման և նորարարությունների ազգային կենտրոնը Դիլիջանի ավագ դպրոցում կազմակերպել է հանդիպում հումանիտար-հասարակական բնագավառի ուսուցիչների հետ՝ ներկայացնելու հետագա անելիքները, պատասխանելու նրանց հուզող հարցերին, ծանոթացնելու գործարկվող նոր կայքի հնարավորություններին:
«Մանկավարժությունը գիտություն է, որն ունի օրենքներ, ինչպես մաթեմատիկան: Մեր խնդիրն է վերապատրաստումների միջոցով նպաստել ուսուցիչների՝ այդ օրենքները յուրացնելուն: Դրա արդյունքում մանկավարժը կբարձրացնի աշակերտի հետաքրքրասիրությունն առարկայի նկատմամբ»,- կարծում է ԿԶՆԱԿ-ի տնօրենի պաշտոնակատար Արտաշես Թորոսյանը: Նա տեղեկացրել է, որ հիմնադրամը համագործակցում է բուհերի հետ՝ առաջարկելով մանկավարժության նորարարական մեթոդների վերաբերյալ թեմաներ ուսանողների կուրսային և դիպլոմային աշխատանքների համար: Հետագա փուլերն անցնելուց հետո դրանք կծառայեն որպես մեթոդական աջակցություն մանկավարժների համար:
ԿԶՆԱԿ հիմնադրամի վերապատրաստող մասնագետներ Աստղիկ Բալայանը և Հասմիկ Մարգարյանը վստահեցնում են, որ դասընթացներն անցնում են համագործակցային մթնոլորտում, ուսուցիչները դրանց մասնակցում են մեծ պատասխանատվությամբ: Արդեն վերապատրաստվել է 2-րդ դասարանում դասավանդող 90 դասվար և 7-րդ, 10-րդ դասարանների պատմության 128 ուսուցիչ:
Իջևանի թիվ 1 հիմնական դպրոցի դասվար Օվսաննա Հարությունյանը 38 տարվա մանկավարժական փորձ ունի: Վերապատրաստման գործընթացում նա կարևորում է այն հանգամանքը, որ դասը վարելիս ուսուցիչը պետք է ձեռքի տակ ունենա չափորոշիչը և ծրագիրը՝ տեսականի և գործնականի անմիջական համադրությամբ: Իսկ նոր չափորոշչով նախատեսված՝ տարրական դպրոցում գնահատականի բացակայության մասով մանկավարժը կարծում է, որ որոշ աշակերտների և ծնողների համար դա դեռևս խնդրահարույց լինել: «Այդ խնդիրը կունենանք այնքան ժամանակ, մինչև ծնողն իր երեխային հարցնի՝ «Այսօր դպրոցում ի՞նչ ես սովորել» ոչ թե՝ «Ի՞նչ գնահատական ես ստացել»: Նա ընդգծել է նաև խոսքային գնահատման դերը, որն առավել է, քան միավորայինը: «Երեխան հավասարապես պետք է ոգևորվի նաև «Շատ լավ պատասխանեցիր, կեցցե՛ս, արտահայտությունից»,-ասում է փորձառու մանկավարժը:
Ազատամուտի միջնակարգ դպրոցի «Հայոց պատմություն» և «Համաշխարհային պատմություն», ինչպես նաև «Հասարակագիտություն» առարկաների ուսուցիչ Եփրեմ Սաֆարյանն իր մտահոգությունն է հայտնում բացասական գնահատական չլինելու հետ կապված: Ըստ նրա՝ թե՛ ծնողը, թե՛ աշակերտը պետք է հասկանան, որ գնահատականը ոչ թե պատժելու, այլ խրախուսելու միջոց է:
Վերապատրաստվող ուսուցիչները հատկապես կարևորել են նոր չափորոշիչներում գիտելիքները գործնականորեն կիրառելու, աշակերտների ստեղծարար, քննադատական մտածելակերպը զարգացնելու, հստակ արժեհամակարգ ձևավորելու առանցքային դրույթները:
00:00 30.04.2025
PFAS պոլիմերների ազդեցությունը առողջության և շրջակա միջավայրի վրաԵվրոպական շրջակա միջավայրի գործակալության նոր զեկույցը ահազանգում է՝ նախկինում համեմատաբար անվնաս համարվող PFAS պոլիմերները (հայտնի որպես “հավերժ քիմիական նյութեր”) կարող են լուրջ ռիսկեր ներկայացնել ինչպես մարդու առողջության, այնպես էլ շրջակա միջավայրի համար։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: PFAS պոլիմերներն օգտագործվում են ամենօրյա ապրանքներում՝ տեքստիլ, կոսմետիկա, էլեկտրոնիկա և նույնիսկ «կանաչ» տեխնոլոգիաներում։ Ինչո՞վ […] ...
23:58 29.04.2025
Կաթիլային և անձրևացման ոռոգման համակարգեր. Արդյունավետության բարձրացում գյուղատնտեսությունումԿաթիլային և անձրևացման ոռոգման համակարգերը կազմում են ժամանակակից գյուղատնտեսական ոռոգման հիմքը՝ խնայելով ջրային ռեսուրսները և բարձրացնելով բերքի որակական և քանակական հատկանիշները: Այս մասին հայտնել են ՀՀ էկոնոմիկայի նախարարությունից: Կաթիլային և անձրևացման ոռոգման համակարգերը բաղկացած են հետևյալ հանգույցներից և տարրերից՝ Ջրաղբյուր (պոմպակայան կամ ինքնահոս ճնշումային) Ֆիլտրացման հանգույց Պարարտանյութի պատրաստման և ներմուծման հանգույց Գլխավոր խողովակաշար Ճնշման կարգավորիչներ […] ...
23:57 29.04.2025
Հաջողության պատմություն՝ Նոր ԿյանքիցԱշխատելու համար հարազատ գյուղից Գյումրի տեղափոխվելու միտքը Քրիստինան փոխեց համավարակից հետո: Նա դիմեց Կառավարության աջակցության կորոնավիրուսի հետևանքների հաղթահարման 19-րդ ծրագրին ու Վարդաքարում հիմնեց սեփական ընտանեկան փոքրիկ բիզնեսը, իսկ ամիսներ առաջ տեղափոխվել է Նոր Կյանք ու գործին նոր տեմպ տվել: Մանրամասները՝ տեսանյութում: ...
23:56 29.04.2025
Ամենայն Հայոց Կաթողիկոսը հյուրընկալեց Վրաստանի նախագահինԱպրիլի 29-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում հյուրընկալեց պաշտոնական այցով Հայաստանում գտնվող Վրաստանի նախագահ Միխեիլ Կավելաշվիլիին։ Ողջունելով նախագահի այցը Հայաստան և Մայր Աթոռ Սուրբ Էջմիածին` Հայոց Հայրապետն անդրադարձավ երկու ժողովուրդների դարավոր բարեկամությանը։ Այս առնչությամբ Նորին Սրբությունը նկատեց, որ պատմության ընթացքում հայ և վրաց ժողովուրդները, ապավինած իրենց քրիստոնեական […] ...
23:53 29.04.2025
Երևանում անցկացվել է պարին նվիրված ֆլեշմոբՊարի միջազգային օրվա շրջանակում ԿԳՄՍ նախարարության նախաձեռնությամբ ՀՀ մարզերում և Երևանում անցկացվել է պարին նվիրված հանրային արշավ՝ ֆլեշմոբի ձևաչափով: Այս մասին հայտնել են ԿԳՄՍ նախարարությունից: Երևանում ֆլեշմոբն իրականացվել է 4 հարթակում՝ Ազատության հրապարակում, Հյուսիսային պողոտայում, Հանրապետության հրապարակում և ԿԳՄՍ նախարարության մուտքին հարող տարածքում: Ֆլեշմոբը մեկնարկել է ավանդական քոչարու երաժշտությամբ․ քոչարին ընդգրկված է ՅՈՒՆԵՍԿՕ-ի ոչ նյութական […] ...
23:49 29.04.2025
Հայտնաբերվել է որպես անհետ կորած որոնվող 50-ամյա տղամարդու դինԱպրիլի 22-ին հաղորդվել էր 1975 թվականին ծնված Արման Մարտիրոսյանի անհետ կորելու մասին: Համայնքային ոստիկանության Լոռու մարզային վարչության, Ստեփանավանի բաժնի և Փրկարար ծառայության Լոռու մարզի ծառայողների համատեղ ձեռնարկած որոնողական աշխատանքների արդյունքում ապրիլի 25-ին՝ ժամը 13.30-ի սահմաններում, Ստեփանավան քաղաքի Աշոտաբերդ թաղամասի հարակից անտառում հայտնաբերվել է Արման Մարտիրոսյանի դին՝ ծառից կախված վիճակում: Կատարվում է նախաքննություն: Ծանուցում. Ենթադրյալ հանցանքի […] ...
