14:50 05.08.2021
ՀՀ կրթության, գիտության, մշակույթի և սպորտի նախարար Վահրամ Դումանյանն այսօր ԵՊՀ գիտական խորհրդի անդամներին ներկայացրել է Երևանի պետական համալսարանի ռեկտորի ժամանակավոր պաշտոնակատար Հովհաննես Հովհաննիսյանին:
Վահրամ Դումանյանը նշել է, որ ԵՊՀ կառավարման ժամանակավոր խորհուրդն ընդունել է ԵՊՀ ռեկտորի պաշտոնակատար Գեղամ Գևորգյանի՝ դեռևս այս տարվա ապրիլին ներկայացրած հրաժարականը և որոշել Երևանի պետական համալսարանի ռեկտորի նոր պաշտոնակատար նշանակել պատմական գիտությունների դոկտոր Հովհաննես Հովհաննիսյանին:
Նախարարը շնորհակալություն է հայտնել Գեղամ Գևորգյանին հատկապես վերջին ամիսներին կատարած աշխատանքի համար` նշելով, որ նրա գործունեությունը որպես բուհի կառավարիչ ապահովել է ԵՊՀ-ում կառավարման կայունության և ճգնաժամային իրավիճակից դուրս գալու իրավական գործընթաց:
«Պարոն Գևորգյանն այս ընթացքում դրսևորել է համալսարանականին վայել կեցվածք` մինչև վերջ հավատարիմ մնալով Երևանի պետական համալսարանի շահերին»,- նշել է Վահրամ Դումանյանը:
Գեղամ Գևորգյանը, ամփոփելով ռեկտորի պաշտոնակատարի իր աշխատանքային մոտ երկու տարվա բարդ փուլը, նշել է, որ այդ ընթացքում կատարած քայլերը տեղին են եղել և ինքը դրանց համար չի ափսոսում:
Ռեկտորի նոր պաշտոնակատար Հովհաննես Հովհաննիսյանն էլ նշել է, որ պատրաստվում է առաջիկայում հանդիպումներ ունենալ ԵՊՀ ստորաբաժանումների, ամբիոնների և ֆակուլտետների ղեկավարների հետ` հասկանալու համար բոլոր մտահոգությունները:
«ԵՊՀ-ն պետք է լինի քաղաքական և կուսակցական բոլոր տեսակի շահարկումներից զերծ կրթական հաստատություն: Այդ կարգի բոլոր խնդիրները պետք է մնան անցյալում»,- նշել է Հովհաննես Հովհաննիսյանը: Նա նաև շնորհակալություն է հայտնել ԵՊՀ բոլոր նախկին ռեկտորներին` նշելով, որ նրանցից յուրաքանչյուրն իր ներդրումն է ունեցել բուհի զարգացման գործում:
«Գիտական մտքի աջակցության, քննադատության և մտահոգության անհրաժեշտությունը միշտ լինելու է, որովհետև միայնակ կամ մի քանի հոգով հնարավոր չէ բուհի զարգացում ապահովել: ԵՊՀ-ն պետք է դառնա բարձրագույն կրթության առաջատարը, և այդ նպատակով առաջին հերթին պետք է ստեղծվի կրթության որակի և ակադեմիական մթնոլորտի բարելավմանը միտված միջավայր»,- նշել է Հ. Հովհաննիսյանը` նշելով, որ ինքը բաց է քննարկումների և առաջարկների համար:
Ամփոփելով հանդիպումը` ԿԳՄՍ նախարար Վահրամ Դումանյանը վստահեցրել է, որ ԵՊՀ-ում ընթացող գործընթացները եղել և մնալու են բացառապես օրինականության դաշտում: ԵՊՀ ժամանակավոր խորհրդի առաջնային խնդիրը ԵՊՀ հոգաբարձուների խորհրդի ձևավորումն է, որից հետո կհայտարարվի ռեկտորի ընտրության մրցույթը:
Գիտական խորհրդի անդամների հետ հանդիպումից հետ նախարարը պատասխանել է լրագրողների հարցերին:
00:00 30.04.2025
PFAS պոլիմերների ազդեցությունը առողջության և շրջակա միջավայրի վրաԵվրոպական շրջակա միջավայրի գործակալության նոր զեկույցը ահազանգում է՝ նախկինում համեմատաբար անվնաս համարվող PFAS պոլիմերները (հայտնի որպես “հավերժ քիմիական նյութեր”) կարող են լուրջ ռիսկեր ներկայացնել ինչպես մարդու առողջության, այնպես էլ շրջակա միջավայրի համար։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: PFAS պոլիմերներն օգտագործվում են ամենօրյա ապրանքներում՝ տեքստիլ, կոսմետիկա, էլեկտրոնիկա և նույնիսկ «կանաչ» տեխնոլոգիաներում։ Ինչո՞վ […] ...
23:58 29.04.2025
Կաթիլային և անձրևացման ոռոգման համակարգեր. Արդյունավետության բարձրացում գյուղատնտեսությունումԿաթիլային և անձրևացման ոռոգման համակարգերը կազմում են ժամանակակից գյուղատնտեսական ոռոգման հիմքը՝ խնայելով ջրային ռեսուրսները և բարձրացնելով բերքի որակական և քանակական հատկանիշները: Այս մասին հայտնել են ՀՀ էկոնոմիկայի նախարարությունից: Կաթիլային և անձրևացման ոռոգման համակարգերը բաղկացած են հետևյալ հանգույցներից և տարրերից՝ Ջրաղբյուր (պոմպակայան կամ ինքնահոս ճնշումային) Ֆիլտրացման հանգույց Պարարտանյութի պատրաստման և ներմուծման հանգույց Գլխավոր խողովակաշար Ճնշման կարգավորիչներ […] ...
23:57 29.04.2025
Հաջողության պատմություն՝ Նոր ԿյանքիցԱշխատելու համար հարազատ գյուղից Գյումրի տեղափոխվելու միտքը Քրիստինան փոխեց համավարակից հետո: Նա դիմեց Կառավարության աջակցության կորոնավիրուսի հետևանքների հաղթահարման 19-րդ ծրագրին ու Վարդաքարում հիմնեց սեփական ընտանեկան փոքրիկ բիզնեսը, իսկ ամիսներ առաջ տեղափոխվել է Նոր Կյանք ու գործին նոր տեմպ տվել: Մանրամասները՝ տեսանյութում: ...
23:56 29.04.2025
Ամենայն Հայոց Կաթողիկոսը հյուրընկալեց Վրաստանի նախագահինԱպրիլի 29-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում հյուրընկալեց պաշտոնական այցով Հայաստանում գտնվող Վրաստանի նախագահ Միխեիլ Կավելաշվիլիին։ Ողջունելով նախագահի այցը Հայաստան և Մայր Աթոռ Սուրբ Էջմիածին` Հայոց Հայրապետն անդրադարձավ երկու ժողովուրդների դարավոր բարեկամությանը։ Այս առնչությամբ Նորին Սրբությունը նկատեց, որ պատմության ընթացքում հայ և վրաց ժողովուրդները, ապավինած իրենց քրիստոնեական […] ...
23:53 29.04.2025
Երևանում անցկացվել է պարին նվիրված ֆլեշմոբՊարի միջազգային օրվա շրջանակում ԿԳՄՍ նախարարության նախաձեռնությամբ ՀՀ մարզերում և Երևանում անցկացվել է պարին նվիրված հանրային արշավ՝ ֆլեշմոբի ձևաչափով: Այս մասին հայտնել են ԿԳՄՍ նախարարությունից: Երևանում ֆլեշմոբն իրականացվել է 4 հարթակում՝ Ազատության հրապարակում, Հյուսիսային պողոտայում, Հանրապետության հրապարակում և ԿԳՄՍ նախարարության մուտքին հարող տարածքում: Ֆլեշմոբը մեկնարկել է ավանդական քոչարու երաժշտությամբ․ քոչարին ընդգրկված է ՅՈՒՆԵՍԿՕ-ի ոչ նյութական […] ...
23:49 29.04.2025
Հայտնաբերվել է որպես անհետ կորած որոնվող 50-ամյա տղամարդու դինԱպրիլի 22-ին հաղորդվել էր 1975 թվականին ծնված Արման Մարտիրոսյանի անհետ կորելու մասին: Համայնքային ոստիկանության Լոռու մարզային վարչության, Ստեփանավանի բաժնի և Փրկարար ծառայության Լոռու մարզի ծառայողների համատեղ ձեռնարկած որոնողական աշխատանքների արդյունքում ապրիլի 25-ին՝ ժամը 13.30-ի սահմաններում, Ստեփանավան քաղաքի Աշոտաբերդ թաղամասի հարակից անտառում հայտնաբերվել է Արման Մարտիրոսյանի դին՝ ծառից կախված վիճակում: Կատարվում է նախաքննություն: Ծանուցում. Ենթադրյալ հանցանքի […] ...
