19:40 18.06.2021
Հունիսի 14-ից Բուլղարիայի Սամոկով քաղաքում ընթանում է ազատ ոճի ըմբշամարտի Եվրոպայի պատանեկան առաջնությունը, որտեղ Հայաստանը ներկայացնում են 9 մարզիկներ: Առաջնությունում գյումրեցի 17-ամյա Անդրանիկ Ավետիսյանը չեմպիոն է դարձել։ 4 գոտեմարտ է անցկացրել և առավելագույն միավորներ վաստակել: Կիսաեզրափակիչ փուլում ջախջախիչ հաղթանակ է տարել ադրբեջանցի ըմբիշի դեմ մրցապայքարում, իսկ եզրափակչում հաղթել է Վրաստանը ներկայացնող մարզիկին։ Եվրոպայի պատանեկան առաջնության 17-ամյա չեմպիոնին հայրենի քաղաքում դիմավորեցին եռագույններով, դափնեպսակով ու առաջնությանը Անդրանիկի հակառակորդ ըմբիշների նկատմամբ տարած հաղթանակների լուսանկարներով։
Մինչ այս, 2 տարի առաջ Անդրանիկը Եվրոպայի պատանեկան առաջնության փոխչեմպիոն է դարձել։ Հաղթանակը նվիրել է Արցախյան պատերազմում զոհված հերոսների հիշատակին։ Անդրանիկ Ավետիսյանը Գյումրիի Օլիմպիական հերթափոխի քոլեջի երկրորդ կուրսում է սովորում։ Ըմբշամարտով զբաղվում է 5 տարեկանից։
«Համառ բնավորության տեր պատանի է։ Մեկ տարի առաջ համավարակի սահմանափակումները թույլ չեն տվել լիարժեք մարզվել, իսկ այս տարի օր ու գիշեր մարզվել է Եվրոպայի պատանիների առաջնությանը Հայաստանը պատվով ներկայացնելու համար»,-SHANTNEWS.am-ի հետ զրույցում ասում է մարզիչը՝ Հակոբ Ավետիսյանը։
Ըմբիշների ու երկրպագուների շարքերում եռագույնը ծածանող փոքրիկ տղան Դավիթն է՝ Անդրանիկի եղբայրը, չեմպիոն եղբոր մեդալը հպարտությամբ է կրում։ Բազկի ուժն է ցույց տալիս ու խոսում իր սպորտային երազանքների մասին։
Անդրանիկից բացի, ըմբշամարտի Եվրոպայի պատանեկան առաջնությանը Հայաստանը ևս 8 մարզիկ է ներկայացնում: Նրանց մրցելույթները կայանալու են այսօր և վաղը:
Նոյեմբերին կայանալու է ըմբշամարտի աշխարհի առաջնությունը: Անդրանիկ Ավետիսյանը ըմբշամարտի Եվրոպայի պատանեկան առաջնությունում տարած հաղթանակով նաև աշխարհի առաջնությանը մասնակցելու ուղեգիր է նվաճել:
Տոկիոյի Օլիմպիական խաղերին Հայաստանը կներկայացնեն գյումրեցի 3 մարզիկները՝ Արթուր Ալեքսանյանը, Կարապետ Չալյանը և Հովհաննես Բաչկովը։ Այս մասին SHANTNEWS.am-ին ասել է Գյումրիի քաղաքապետարանի սպորտի բաժնի պետ Մեխակ Ղազարյանը։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
18:00 04.04.2025
ՏԿԵ նախարարը հյուրընկալել է երկրաբանության ոլորտի մի շարք ներկայացուցիչներիԵրկրաբանի օրվա կապակցությամբ Տարածքային կառավարման և ենթակառուցվածքների նախարարությունում ՀՀ ՏԿԵ նախարար Դավիթ Խուդաթյանն այսօր հյուրընկալել է երկրաբանության ոլորտի մի շարք ներկայացուցիչների։ Նախարարը ողջունել և շնորհավորել է ոլորտի երկարամյա աշխատակիցներին։ Խուդաթյանը շնորհակալություն է հայտնել նրանց՝ ոլորտում իրենց ներդրած ջանքի ու նվիրումի համար, ինչի արդյունքում հանքարդյունաբերության ոլորտն այսօր Հայաստանում կարող է համարել զարգացած։ Երկրաբանի օրվա կապակցությամբ երկարատև, […] ...
17:55 04.04.2025
Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի. Նազելի ԲաղդասարյանՀՀ վարչապետի մամուլի քարտուղար Նազելի Բաղդասարյանը ֆեյսբուքյան իր էջում գրառում է կատարել՝ անդրադառնալով Գյումրու քաղաքապետի թեկնածու Մարտուն Գրիգորյանի որոշմանը՝ սատարելու Վարդան Ղուկասյանին: «Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի։ Ի դեպ, բոլոր այն պնդումները, թե այս որոշումից ի վեր քաղաքական պատասխանատվություն չեք կրելու, դատարկաբանություն են։ Իսկ եղավ այն, […] ...
17:48 04.04.2025
UWW-ի անդրադարձը Ալեքսանյանին և ԱմոյանինԸմբշամարտի համաշխարհային ֆեդերացիան ներկայացրել է Սլովակիայի մայրաքաղաք Բրատիսլավայում ապրիլի 7-13-ը կայանալիք Եվրոպայի առաջնության անոնսը: Անդրադարձ է կատարվել նաև հունահռոմեական ոճի ըմբշամարտի Հայաստանի հավաքականի առաջատարներ Արթուր Ալեքսանյանին (97 կգ) և Մալխաս Ամոյանին (77 կգ): Օլիմպիական խաղերի ոսկե, արծաթե և բրոնզե մեդալակիր, աշխարհի քառակի ու Եվրոպայի 7-ակի չեմպիոն Ալեքսանյանի հիմնական մրցակիցները կլինեն Եվրոպայի նախկին չեմպիոն Կիրիլ Միլովը […] ...
17:42 04.04.2025
Արտարժույթի փոխանակման հայտարարությունները՝ ծուղակ․ ՆԳՆ ոստիկանությունը զգոնության կոչ է անումՍոցիալական տարբեր կայքերում բազմաթիվ են տարատեսակ, այսպես ասած՝ գայթակղիչ հայտարարությունները, որոնցով քաղաքացիներին առաջարկում են կատարել արտարժույթի՝ մասնավորապես ռուբլու փոխանակում՝ առավել բարձր արժեքով, քան տարադրամի փոխանակման կետերում։ Խարդախության սխեման հետևյալն է. Հանցավորները նախ վարձում են թանկարժեք ավտոմեքենա, որի վարորդին պատվիրում են գնալ երկկողմանի ելումուտ ունեցող առևտրի որևէ կենտրոնի տարածք։ Արտարժույթ փոխանակել ցանկացող անձին ևս խնդրում են […] ...
17:36 04.04.2025
Սակուրաները մեծանում և ծաղկում են այնպես, ինչպես հայ-ճապոնական հարաբերությունները. ԱԺ այգում նշվել է Հանամի տոնըԱպրիլի 4-ին ««Արումենիա-Նիպոն» հայ-ճապոնական գիտամշակութային միություն» հասարակական կազմակերպության նախաձեռնությամբ խորհրդարանի այգում նշվել է ճապոնական Հանամի տոնը, որին մասնակցել են ՀՀ ԱԺ պատգամավորներ, ՀՀ ԱԳՆ ներկայացուցիչներ, «Արումենիա-Նիպոն» միության անդամներ, այլ հյուրեր: Հայաստանում Ճապոնիայի փոխդեսպան Դաբիդե Ցունակակեն՝ ԱԺ այգում մասնակցելով ճապոնական Հանամի տոնին նվիրված միջոցառմանը, ասել է. «Ինձ համար մեծ հաճույք եւ պատիվ է այս գեղեցիկ օրն […] ...
