25 11 2024

$

389.76
3.79
€

406.40

+16.09 ^oC

Բելառուսի ԱԳ նախարարը կմեկնի Մոսկվա՝ Լավրովի հետ բանակցությունների․ Զախարովա

ԱՇԽԱՐՀ

18:23 10.06.2021

Բելառուսի արտգործնախարար Վլադիմիր Մակեյը հունիսի 17-18-ին աշխատանքային այցով կմեկնի Մոսկվա, որտեղ նախատեսված են բանակցություններ ՌԴ արտգործնախարար Սերգեյ Լավրովի հետ։ ТАСС գործակալության փոխանցմամբ՝ այս մասին ճեպազրույցի ընթացքում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Հունիսի 17-18-ը Բելառուսի Հանրապետության արտաքին գործերի նախարարը Ռուսաստանի արտգործնախարար Սերգեյ Լավրովի հրավերով աշխատանքային այցով կլինի Մոսկվայում: Այցի ծրագիրը նախատեսում է բանակցություններ երկու երկրների արտաքին գերատեսչությունների ղեկավարների միջև, որոնք կքննարկեն երկկողմ համագործակցության և միջազգային օրակարգի արդի հարցերի լայն շրջանակ»,- ասել է նա:

Զախարովան նշել է, որ բանակցությունների օրակարգում ընդգրկվելու է ռուս Սոֆյա Սապեգայի (Մինսկում ձերբակալված լրագրող Ռոման Պրոտասևիչի ընկերուհին – խմբ.) կալանքի հարցը։

«Այս հարցը գտնվում է երկրի, մեր նախարարության վերահսկողության ներքո: Այն քննարկվում է դիվանագիտական շփումների ընթացքում և ներառվելու է երկու երկրների արտաքին գործերի գերատեսչությունների ղեկավարների բանակցությունների օրակարգում, որոնք տեղի կունենան հունիսի 18-ին Մոսկվայում»,- հավելել է Զախարովան:

Բացի դրանից՝ բանակցություններում նախարարները հատուկ ուշադրություն կդարձնեն Դաշնակցային պետության, ԵԱՏՄ-ի, ՀԱՊԿ-ի, ԱՊՀ-ի շրջանակներում փոխգործակցությանը, ինչպես նաև միջազգային հարթակներում, այդ թվում՝ ՄԱԿ-ում և ԵԱՀԿ-ում մոտեցումների համակարգմանը:

«Նախատեսվում է նաև մտքերի փոխանակում միջազգային և եվրոպական անվտանգության հարցերի, ինչպես նաև ԱՄՆ-ի և ԵՄ-ի հետ հարաբերությունների, նաև ինքնիշխան պետությունների ներքին գործերին արտաքին միջամտությանը հակազդելու համատեղ քայլերի վերաբերյալ»,- հավելել է ՌԴ ԱԳՆ խոսնակը:

Զախարովան ընդգծել է, որ Ռուսաստանն անընդունելի է համարում Մինսկի նկատմամբ ճնշման քաղաքականությունը, որը կիրառում է Եվրամիությունը: Դիվանագետի խոսքով, Մինսկի օդանավակայանում Ryanair ավիաընկերության ինքնաթիռի արտակարգ վայրէջքի հետ կապված իրավիճակը դարձել է «Բելառուսի նկատմամբ պատժամիջոցների ճնշումը մեծացնելու հերթական պատրվակ»:

Զախարովան ընդգծել է, որ Ռուսաստանն անհրաժեշտ է համարում բելառուսական կողմի հետ համագործակցությամբ համապարփակ ուսումնասիրել դեպքի հանգամանքները:

Բաժանորդագրվեք SHANTNEWS.am-ին Telegram-ում

Բոլոր լուրերը

11:53 25.11.2024
ՆԳՆ ՓԾ ճգնաժամային կառավարման ազգային կենտրոնում գրանցվել է 439 դեպք, որից 146-ը՝ արտակարգ

Կապակցված լուրեր

11:53 25.11.2024

ՆԳՆ ՓԾ ճգնաժամային կառավարման ազգային կենտրոնում գրանցվել է 439 դեպք, որից 146-ը՝ արտակարգ

Նոյեմբերի 18-24-ը ՆԳՆ ՓԾ ճգնաժամային կառավարման ազգային կենտրոնում գրանցվել է 439 դեպք, որից 146-ը՝ արտակարգ: Մասնավորապես՝ հրդեհի՝ 65, սողանքի, դժբախտ պատահարի, կենսաապահովման կոմունալ համակարգերում վթարի, օձի նկատման՝ 1-ական, երկրաշարժի՝ 2, թունավորման, ինքնասպանության փորձի, զինամթերքի հայտնաբերման՝ 7-ական, կեղծ ահազանգի՝ 4, ճանապարհատրանսպորտային պատահարի՝ 63, ինչպես նաև՝ կենցաղային կանչի՝ 180, հրդեհի ծագման սպառնալիքի՝ 25, հրդեհի կեղծ կանչի՝ 20, […] ...

11:47 25.11.2024

Իրանն ու «եվրոեռյակը» բանակցություններ կվարեն փոխարտգործնախարարների մակարդակով

Նոյեմբերի 29-ին Ժնևում փոխարտգործնախարարների մակարդակով տեղի կունենա Իրանի և եվրոպական եռյակի (Մեծ Բրիտանիա, Գերմանիա և Ֆրանսիա) ներկայացուցիչների հանդիպումը։ Այս մասին հայտնում է իրանական Donya-e-Eqtesad թերթը ՝ հղում անելով իր աղբյուրին։ Աղբյուրի փոխանցմամբ՝ իսլամական հանրապետությունը կներկայացնի փոխարտգործնախարար Մաջիդ Թախտ-Ռավանչին։ Նա արդեն մեկնել է Նորվեգիայի մայրաքաղաք Օսլո, որտեղ տեղի կունենան չորս երկրների ներկայացուցիչների առաջին հանդիպումները։ Բանակցությունները տեղի […] ...

11:40 25.11.2024

Կոբախիձեն խորհրդարանին է ներկայացրել Բոչորիշվիլիի թեկնածությունը ԱԳ նախարարի պաշտոնում

Վրաստանի վարչապետ Իրակլի Կոբախիձեն խորհրդարանին է ներկայացրել Եվրոպայի հետ հարաբերությունների խորհրդարանական կոմիտեի ղեկավար Մակի Բոչորիշվիլիի թեկնածությունը հանրապետության արտաքին գործերի նախարարության ղեկավարի պաշտոնում։ «Նա հատուկ ներածության կարիք չունի, բայց ևս մեկ անգամ ուզում եմ հիշեցնել, որ տիկին Մակի Բոչորիշվիլին դիվանագիտական ծառայության մեծ փորձ ունի, նա հաջողությամբ զբաղվում է իր բիզնեսով ավելի քան 20 տարի։ Դուք գիտեք, […] ...

11:35 25.11.2024

«Երևանի թիվ 175 միջնակարգ դպրոց» ՊՈԱԿ-ում գործարկվելու է էլեկտրական շչակ

Նոյեմբերի 26-ին՝ ժամը 11:00-ին, «Երևանի թիվ 175 միջնակարգ դպրոց» ՊՈԱԿ-ում անցկացվելու է «Ազդարարում, տարհանում, պատսպարում» թեմայով հատուկ տակտիկական ուսումնավարժություն, որի ընթացքում գործարկվելու է էլեկտրական շչակ: Այս մասին հայտնում է ՆԳՆ փրկարար ծառայությունը։ ...

11:28 25.11.2024

33-ամյա երիտասարդին մարմնական վնասվածք պատճառած տղամարդը ձերբակալվել է

Նոյեմբերի 22-ի ժամը 20.32-ին ՆԳՆ ոստիկանության Արագածոտնի մարզի օպերատիվ կառավարման կենտրոն հաղորդում է ստացվել, որ «գանգուղեղային վնասվածք» ախտորոշմամբ «Արմենիա» բժշկական կենտրոն բուժօգնության է դիմել Արագածոտն գյուղի բնակիչ 33-ամյա երիտասարդ: Համայնքային ոստիկանության Աշտարակի բաժնի և ՔՈԳՎ Արագածոտնի մարզային վարչության ծառայողների համատեղ ձեռնարկած միջոցառումների արդյունքում պարզվել է, որ Արագածոտն գյուղում տեղի ունեցած վիճաբանության ժամանակ 33-ամյա երիտասարդի գլխին […] ...

11:20 25.11.2024

Ճապոնիայի ափերի մոտ 5,1 մագնիտուդ երկրաշարժ է տեղի ունեցել

Ճապոնիայի Օկինավա կղզու արևելյան ափերի մոտ 5,1 մագնիտուդ երկրաշարժ է գրանցվել։ Այս մասին հայտնում է Եվրոպական-միջերկրածովյան սեյսմոլոգիական կենտրոնը։ Էպիկենտրոնը գտնվել է Նահա քաղաքից 90 կմ հարավ-արեւելք, որտեղ ապրում է մոտ 300 հազար մարդ։ Օջախն ընկել է 10 կմ խորության վրա։ Զոհերի և ավերածությունների մասին տեղեկություններ չկան։ Ցունամիի սպառնալիք չի հայտարարվել։ ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.