18:00 09.07.2018
«Դիլիջան» ազգային պարկում տեղի ունեցած հերթական ծառահատման դեպքի վերաբերյալ տեսանյութ է հրապարակել «Բնապահպանի տուն» կազմակերպությունը: Տեսանյութում կազմակերպության անդամները ցույց են տալիս, թե ինչպես են սղոցվել պարկի ծառերը:
«Ու սա մեր ամենօրյա տեսածի մի փոքրիկ մասն է ընդամենը: Ինչպես ցանկացած դեպք, այս մեկը նույնպես ունի նախապատմություն: Ընդամենը երկու օր առաջ հանդիպում ունեցանք Հաղարծին և Թեղուտ գյուղի բնակիչներից շատերի հետ հենց մեր տան բակում: Այնտեղ ավելի լավ ծանոթացանք, մեկս մյուսին խոստումներ տվեցինք, որից ամենակարևորն այն էր, որ այդ երկու գյուղերի բնակիչներն ամեն ինչ կանեն, որպեսզի ծառ չկտրվի: Համաձայն պայմանավորվածության` նրանք պիտի անտառից հանեին թափուկ հանդիսացող ծառերը: Այսինքն այն ծառերը, որոնք ընկել էին քամուց, սողանքների հետևանքով և այլն: Հաջորդ օրվանից սկսած մեծաքանակ խմբերով անտառ մտան փայտ կտրողները, որոնք բնականաբար ունեին «Դիլիջան» ազգային պարկի կողմից թափուկ հանելու թույլտվություն:
Տարածքը մեծ է, և մեր այս պահին ունեցած ռեսուրսներով անտառ հսկելը հեշտ գործ չէ: Մեր թիմի անդամների մոտի GPS-ները ֆիքսում էին, որ մեր տղերքն ամեն օր քայլում են 20 կմ-ից ավելի և այն էլ քանդուքարափ, փշոտ, թեք լեռնային ճանապարհներով:
Այս ֆիլմում կտեսնեք, թե ինչ է նշանակում քամատապալ ծառ՝ անտառը ավիրողների ու գողացողների համար:
Ուզում ենք նաև նշել, որ մեր հսկողության տակ գտնվող տարածքում հենց վերևում նշված երկու գյուղերն են ամենամեծ վնասը հասցնում Հայաստանի առանց այդ էլ արդեն անտառ չունեցող տարածքներին, որովհետև, ինչպես իրենք են նշում` գյուղի բնակչության 70-80% ապրում է հենց դրա հաշվին: Այս գյուղերում չկա ու չեն էլ պլանավորում ստեղծել որևէ արտադրություն, չկա ու չի էլ պլանավորվում ստեղծել եկամտի որևէ աղբյուր:Իրավիճակը մոտ է կրիտիկականին: Նորաստեղծ կառավարությունը կամ պիտի աչք փակի այս ամենի վրա, կամ ամսական որոշակի գումար բաժանի գյուղացիներին, որպեսզի նրանք հրաժարվեն անտառ խժռելուց, կամ էլ պիտի ստեղծի եկամտի այլ միջոցներ, որովհետև ինչպես ցույց տվեց մեր փորձը և տարիներով անտառը թալանելու անցյալը՝ տեղի ժողովուրդը չի էլ պատրաստվում ինքն իր գլխի ճարը տեսնել ու անտառից հեռու մնալ»,- գրում են «Բնապահպանի տուն» կազմակերպության անդամները:
https://www.facebook.com/ecohouseandcamp/videos/2140716142637613/
22:24 01.11.2024
Գազայում երեխաներին կշարունակեն պատվաստել պոլիոմիելիտի դեմԱռողջապահության համաշխարհային կազմակերպությունը հայտնում է, որ Գազայի հյուսիսում գտնվող երեխաների համար պոլիոմիելիտի պատվաստումների երկրորդ փուլը կսկսվի շաբաթ օրը, երբ Իսրայեի կողմից տարածքի ռմբակոծությունները դադարեցվեն: «Գազայի հյուսիսում պոլիոմիելիտի պատվաստումը պատրաստ է վերսկսվել վաղը։ Մենք վստահ ենք, որ անհրաժեշտ է մարդասիրական դադար Գազա քաղաքում, որպեսզի պատվաստումը կայանա»,-գրել է ԱՀԿ ղեկավար Թեդրոս Ադհանոմ Գեբրիեսուսը X-ում: ...
22:16 01.11.2024
Ամրագոտին կյանք է փրկում․ ՆԳՆԱմրագոտին ճանապարհատրանսպորտային պատահարների ծանր հետևանքները կանխարգելելու լավագույն միջոցներից է։ Ներքին գործերի նախարարության իրազեկման արշավին են միացել ԱԺ պատգամավորներ, լրագրողներ, մշակույթի գործիչներ, հաղորդավարներ, պետական համակարգի աշխատակիցներ և ոստիկանության ծառայողներ։ «Սիրելի՛ վարորդներ և ուղևորներ, երթևեկե՛ք ամրակապված։ Ամրագոտին կյանք է փրկում»,-ասվում է ՀՀ ներքին գործերի նախարարության տարածած հաղորդագրության մեջ։ ...
22:08 01.11.2024
Տեղի է ունեցել «Իմ Քայլը» հիմնադրամի բարեգործական ընթրիքը«Հաջողակից՝ սկսնակին» ծրագրի շրջանակում իրականացվող «Երիտասարդի երազանք» նախագծի բարեգործական ընթրիքին մասնակցել է 62 հաջողակ տղամարդ գործարար, ինչի արդյունքում «Իմ Քայլը» հիմնադրամը հավաքել է 62 մլն դրամ: «Այս ծրագիրը մեծ կարևորություն ունի ոչ միայն «Իմ Քայլը» հիմնադրամի, ոչ միայն ծրագրի շահառուների համար, որոնք կստանան դրամաշնորհներ, այլ նաև մեր երկրի՝ Հայաստանի Հանրապետության, մեր երկրում բարեգործության մշակույթ ձևավորելու […] ...
21:52 01.11.2024
Վաղինակ Քարամյանը որոնվում է որպես անհետ կորածՆԳՆ ոստիկանության Նոր Նորքի բաժնի կողմից որպես անհետ կորած որոնվում է 1974 թվականին ծնված Վաղինակ Քարամյանը։ Նա հոկտեմբերի 20-ին դուրս է եկել տնից և այլևս չի վերադարձել։ Վաղինակ Քարամյանի գտնվելու վայրի վերաբերյալ տեղեկություն ունեցողներին ոստիկանությունը խնդրում է դիմել ոստիկանության Նոր Նորքի կամ մոտակա բաժին, կամ զանգահարել 1-02։ ...
21:44 01.11.2024
Ֆրանսիայում հրաձգությունը վերաճել է ծեծկռտուքի, որին մասնակցել են հարյուրավոր մարդիկՖրանսիայի իշխանությունները հայտնում են, որ հինգշաբթի՝ հոկտեմբերի 31-ի երեկոյան, Պուատիե քաղաքում թմրանյութերի ապօրինի շրջանառության հետ կապված փոխհրաձգությունը վերաճել է ծեծկռտուքի, որին մասնակցել է մինչև 600 մարդ։ Հինգ մարդ լուրջ վիրավորում է ստացել քաղաքի ռեստորանի մոտ տեղի ունեցած հրաձգության հետևանքով, այդ թվում՝ 15-ամյա մի երիտասարդ, ով գլխի վիրավորումից հետո գտնվում է ծանր վիճակում։ Ոստիկանության աղբյուրը հայտնել […] ...
