25 11 2024

$

389.76
3.79
€

406.40

+16.09 ^oC

Նեթանյահուն կոչ է արել թույլ չտալ, որ նոր ձևավորված կոալիցիան իշխանության գա

ՏԱՐԱԾԱՇՐՋԱՆ

19:33 03.06.2021

Իսրայելի վարչապետ Բենյամին Նեթանյահուն խստորեն քննադատել է նոր ձևավորված կոալիցիան, որը կարող է վերջ դնել իր 12 տարվա վարչապետությանը: BBC-ի փոխանցմամբ՝ նա խորհրդարանի աջակողմյան ուժերի ներկայացուցիչներին կոչ է արել թույլ չտալ, որ կոալիցիան իշխանության գա:

Չորեքշաբթի երեկոյան 8 ընդդիմադիր կուսակցություններ համաձայնության են եկել միասին նոր կառավարություն կազմելու շուրջ: Սակայն մինչև նոր կառավարություն կազմելը, 10 օրվա ընթացքում Իսրայելի Կնեսետում պետք է քվեարկություն տեղի ունենա նոր կառավարությանը վստահության քվե հայտնելու հարցով։

Կոալիցիայի ձևավորման շուրջ իր առաջին մեկնաբանություններում Նեթանյահուն «աջակողմյան ձայներ ստացած» Կնեսետի անդամներին կոչ է արել դեմ դուրս գալ կոալիցիային, որոնց բնութագրել է որպես «ձախակողմյան» և «վտանգավոր»: Մինչ այդ նա հնարավոր նոր կառավարությունն անվանել էր «դարի կեղծիք»՝ նշելով, որ այն վտանգում է Իսրայել պետությունը և ժողովրդին։ Նեթանյահուի ընդդիմադիրները կասկածում են, որ առաջիկա օրերին նա կփորձի իր կողմը գրավել պատգամավորներից մի քանիսին և ստիպել նրանց քվեարկել կոալիցիայի դեմ:

Կոալիցիան կազմել է «Յեշ Աթիդ» կուսակցության ղեկավար Յաիր Լապիդը, որի գլխավոր գործընկերը ազգայնական «Յամինա» կուսակցության ղեկավար Նաֆթալի Բենեթն է։ Ռոտացիոն կարգով, նախ, վարչապետի պաշտոնը 2 տարով կստանձնի Բենեթը, այնուհետև՝ ևս 2 տարով Լապիդը՝ մինչև նոր ընտրությունները։ Իսրայելի պատմության մեջ առաջին անգամ կոալիցիոն կառավարության մեջ կմտնի արաբական իսլամիստական «Ռաամ» կուսակցությունը, որը ներկայացնում է Իսրայելի՝ 21 տոկոս կազմող արաբական փոքրամասնությունը։ Կոալիցիայի մեջ է մտել նաև Նեթանյահուի նախկին գործընկեր Ավիգդոր Լիբերմանը:

Եթե նոր կառավարություն չձևավորվի, ապա Իսրայելը ստիպված կլինի գնալ հերթական ընտրությունների, ինչը կլինի վերջին երկու տարվա ընթացքում 5-րդը։

Բաժանորդագրվեք SHANTNEWS.am-ին Telegram-ում

Բոլոր լուրերը

11:20 25.11.2024
Ճապոնիայի ափերի մոտ 5,1 մագնիտուդ երկրաշարժ է տեղի ունեցել

Կապակցված լուրեր

11:13 25.11.2024

Մոտոցիկլավարը մահացել է. փախուստի դիմած վարորդը ներկայացել է վարույթն իրականացնող մարմին

Նոյեմբերի 22-ին, կեսգիշերն անց, Երևանի Սեբաստիայի փողոցում իրար են բախվել «ԳԱԶ-32213»-ը և «Հոնդա» մակնիշի մոտոցիկլետը, ինչից հետո մոտոցիկլետը բախվել է կայանած «Նիսան» մակնիշի մեքենային: Մոտոցիկլավարը՝ 33-ամյա Մկրտիչ Ղ.-ն, մահացել է, իսկ վարորդը պատահարի վայրից դիմել է փախուստի: Համայնքային ոստիկանության Մալաթիայի բաժնի ծառայողների ձեռնարկած միջոցառումների շնորհիվ պարզվել է «ԳԱԶ 32213»-ի վարորդի ինքնությունը: Բացատրական աշխատանքի արդյունքում նա […] ...

10:59 25.11.2024

Արագածոտնի մարզի Ծիլքար բնակավայրում գործարկվելու են էլեկտրական շչակներ

Նոյեմբերի 26-ին՝ ժամը 11:00-ից մինչև 11:30-ն ընկած ժամանակահատվածում, Արագածոտնի մարզի Ծիլքար բնակավայրում անցկացվելու է «Ազդարարում, պատսպարում, տարհանում» թեմայով ուսումնական վարժանք, որի ընթացքում գործարկվելու են էլեկտրական շչակներ: Այս մասին հայտնում է ՆԳՆ փրկարար ծառայությունը։ ...

10:52 25.11.2024

Բեռնատարն ընկել է գետը, վարորդը մահացել է

Նոյեմբերի 22-ին, ժամը 11.05-ին, Մեղրի-Երևան ճանապարհի 218-րդ կմ-ին «ԻՎԵԿՈ» բեռնատարը դուրս է եկել երթևեկելի գոտուց և ընկել գետը: 50-ամյա վարորդ Ալիզադեն Յ.-ն մահացել է: Կատարվում է նախաքննություն: ...

10:50 25.11.2024

Վրաստանում հայտնել են, որ նախագահական ընտրությունները տեղի կունենան 2024 թվականին

Վրաստանում նախագահական ընտրությունները, ինչպես նաև նախագահի երդմնակալության արարողությունը նախատեսվում է անցկացնել 2024 թվականին։ Այս մասին լրագրողներին հայտնել է Վրաստանի խորհրդարանի նախագահ Շալվա Պապուաշվիլին։ «Մենք պետք է նախագահ ընտրենք հինգ տարի ժամկետով, հետևաբար, որպեսզի նախագահն ընտրվի հինգ տարով, կարևոր է, որ ընտրություններն ու երդմնակալությունը տեղի ունենան այս տարի»,- ասել է Պապուաշվիլին։ ...

10:42 25.11.2024

Որպես անհետ կորած որոնվող 18-ամյա աղջիկը հայտնաբերվել է

Նոյեմբերի 20-ին հաղորդվել էր 2006 թ. Սուսաննա Բունիաթյանի անհետ կորելու մասին: Համայնքային ոստիկանության Հրազդանի բաժնի ծառայողների ձեռնարկած օպերատիվ-հետախուզական միջոցառումների արդյունքում նոյեմբերի 22-ին, ժամը 21.30-ին, Հրազդան քաղաքի Միկրոշրջան թաղամասում նա հայտնաբերվել և տեղափոխվել է Հրազդանի բաժին, ապա ներկայացվել է Կոտայքի մարզային քննչական վարչություն: Հանգամանքները պարզվում են: ...

10:35 25.11.2024

2024թ․-ի երրորդ եռամսյակում ՀՆԱ-ն ընթացիկ գներով կազմել է 2 տրլն 738 մլրդ 969.1 մլն դրամ

2024թ․-ի երրորդ եռամսյակում Հայաստանի Համախառն ներքին արդյունքն (ՀՆԱ) ընթացիկ գներով կազմել է 2 տրլն 738 մլրդ 969.1 մլն ՀՀ դրամ՝ նախորդ տարվա նույն ժամանակահատվածի 2 տրլն 574 մլրդ 593․3 մլն ՀՀ դրամի համեմատ։ Նախորդ տարվա նույն ժամանակահատվածի նկատմամբ ՀՀ-ում ՀՆԱ-ն աճել է 5․2%-ով։ 2024թ.-ի երրորդ եռամսյակում Հայաստանում մեկ շնչի հաշվով ՀՆԱ-ն կազմել է 894 հազ. […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.