19:59 26.05.2021
Գիշերօթիկներից անցումը աջակցության կենտրոնների նույն սոցիալական քաղաքականությունն է հետապնդում՝ կարճ ժամկետում ապահովել երեխաների վերադարձը կենսաբանական ընտանիքներ։ Այս գործընթացը սկսվեց դեռ 2 տարի առաջ, որը, ըստ էության, փուլային աշխատանք էր սոցաշխատողների, հոգեբանների ու այլ նեղ մասնագետների միջամտությամբ։ Արդյունքում՝ Գյումրիի երկու գիշերօթիկ հաստատությունների 130 սաներից 110-ը հիմա իրենց ընտանիքներում են ապրում։
Ընտանիքներ վերադարձի նպատակին հասնելու համար երկու տարում միայն հոգեբանական աշխատանք չէ, որ տարվել է, որոշակի լուծումներ են տրվել սոցիալական ապահովվածությանը։ Գիշերօթիկ հաստատություններում ապրող երեխաների մեծ մասը սոցիալապես անապահով ընտանիքներից են։ Ամեն դեպքում դեռ ունեն երեխաներ, որոնց վերադարձը ընտանիք, բազմաթիվ հանգամանքներով պայմանավորված, դեռ չի ստացվում:
«Հաստատությունում այժմ այն երեխաները, որոնց տուն վերադարձի ռիսկային մակարդակը բարձր է, նրանց հետ տարաբնույթ խնդիրներ կան, ու աշխատանքներ են տարվում, բայց այս պահին վաղ է ասել, որ այդ երեխաները առաջիկայում կարող են տուն վերադառնալ, քանի որ դա իրենց շահերից չի բխում: Մենք պետք է կարողանանք անհատական ծրագիր մշակենք, որ այդ կետերի իրագործման արդյունքում ունենանք դրական վիճակ, որը կնպաստի, որ երեխան ընտանիքում լիարժեք ապրի»,- SHANTNEWS.am-ի հետ զրույցում ասել է Շիրակի մարզպետարանի ընտանիքի, կանանց և երեխաների իրավունքների պաշտպանության բաժնի պետ Լիլիթ Գորգինյանը:
Ռիսկային ընտանիքների երեխաների ապրելու, սնվելու, ուսում ստանալու վայրը դեռ երկար ժամանակ լինելու է այս հաստատությունը, որը հունիսի մեկից կվերակազմակերպվի Շիրակի մարզի երեխայի և ընտանիքի աջակցության կենտրոնի։ Այստեղ մնացող երեխաները համապատասխանում են այն չափորոշիչներին, որոնք սահմանվել են աջակցության կենտրոնի գործունեության համար։
«Հիմնական մեր աշխատանքը արդեն լինելու է դժվարին իրավիճակում հայտնված ռիսկային խմբի հետ: Կլինի ցերեկային աջակցության ծառայությունը 2-ից 18 տարեկանների հետ, գիշերային աջակցության ծառայություն՝ 0-ից 18 տարեկան ռիսկային խմբի երեխաների, և կարող են անգամ ծնողներ լինեն։ Էս դեպքում ծառայությունը կլինի 24 ժամյա խնամքով, իսկ առաջինի դեպքում՝ 6-ամսյա ժամկետով, երկրորդի դեպքում՝ մեկ տարի»,- ասել է Շիրակի մարզի երեխայի և ընտանիքի աջակցության կենտրոնի տնօրենի ԺՊ Անահիտ Կարապետյանը:
Հստակ տիրապետելով այդ երեխաների ընտանիքների սոցիալական ու այլ դրություններին՝ կանխատեսում են, որ այդ երեխաների վերադարձը ընտանիքներ գրեթե անհնար է և երկարատև է նրանց կեցությունը աջակցության կենտրոնում։ Հիմա ոլորտի պատասխանատուներին վստահված է առավել կարևոր աշխատանք՝ խիստ ու շղթայական աշխատանք տանել, որպեսզի կենտրոնում նոր ընտանիքներից երեխաներ չհայտնվեն։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
18:00 04.04.2025
ՏԿԵ նախարարը հյուրընկալել է երկրաբանության ոլորտի մի շարք ներկայացուցիչներիԵրկրաբանի օրվա կապակցությամբ Տարածքային կառավարման և ենթակառուցվածքների նախարարությունում ՀՀ ՏԿԵ նախարար Դավիթ Խուդաթյանն այսօր հյուրընկալել է երկրաբանության ոլորտի մի շարք ներկայացուցիչների։ Նախարարը ողջունել և շնորհավորել է ոլորտի երկարամյա աշխատակիցներին։ Խուդաթյանը շնորհակալություն է հայտնել նրանց՝ ոլորտում իրենց ներդրած ջանքի ու նվիրումի համար, ինչի արդյունքում հանքարդյունաբերության ոլորտն այսօր Հայաստանում կարող է համարել զարգացած։ Երկրաբանի օրվա կապակցությամբ երկարատև, […] ...
17:55 04.04.2025
Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի. Նազելի ԲաղդասարյանՀՀ վարչապետի մամուլի քարտուղար Նազելի Բաղդասարյանը ֆեյսբուքյան իր էջում գրառում է կատարել՝ անդրադառնալով Գյումրու քաղաքապետի թեկնածու Մարտուն Գրիգորյանի որոշմանը՝ սատարելու Վարդան Ղուկասյանին: «Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի։ Ի դեպ, բոլոր այն պնդումները, թե այս որոշումից ի վեր քաղաքական պատասխանատվություն չեք կրելու, դատարկաբանություն են։ Իսկ եղավ այն, […] ...
17:48 04.04.2025
UWW-ի անդրադարձը Ալեքսանյանին և ԱմոյանինԸմբշամարտի համաշխարհային ֆեդերացիան ներկայացրել է Սլովակիայի մայրաքաղաք Բրատիսլավայում ապրիլի 7-13-ը կայանալիք Եվրոպայի առաջնության անոնսը: Անդրադարձ է կատարվել նաև հունահռոմեական ոճի ըմբշամարտի Հայաստանի հավաքականի առաջատարներ Արթուր Ալեքսանյանին (97 կգ) և Մալխաս Ամոյանին (77 կգ): Օլիմպիական խաղերի ոսկե, արծաթե և բրոնզե մեդալակիր, աշխարհի քառակի ու Եվրոպայի 7-ակի չեմպիոն Ալեքսանյանի հիմնական մրցակիցները կլինեն Եվրոպայի նախկին չեմպիոն Կիրիլ Միլովը […] ...
17:42 04.04.2025
Արտարժույթի փոխանակման հայտարարությունները՝ ծուղակ․ ՆԳՆ ոստիկանությունը զգոնության կոչ է անումՍոցիալական տարբեր կայքերում բազմաթիվ են տարատեսակ, այսպես ասած՝ գայթակղիչ հայտարարությունները, որոնցով քաղաքացիներին առաջարկում են կատարել արտարժույթի՝ մասնավորապես ռուբլու փոխանակում՝ առավել բարձր արժեքով, քան տարադրամի փոխանակման կետերում։ Խարդախության սխեման հետևյալն է. Հանցավորները նախ վարձում են թանկարժեք ավտոմեքենա, որի վարորդին պատվիրում են գնալ երկկողմանի ելումուտ ունեցող առևտրի որևէ կենտրոնի տարածք։ Արտարժույթ փոխանակել ցանկացող անձին ևս խնդրում են […] ...
17:36 04.04.2025
Սակուրաները մեծանում և ծաղկում են այնպես, ինչպես հայ-ճապոնական հարաբերությունները. ԱԺ այգում նշվել է Հանամի տոնըԱպրիլի 4-ին ««Արումենիա-Նիպոն» հայ-ճապոնական գիտամշակութային միություն» հասարակական կազմակերպության նախաձեռնությամբ խորհրդարանի այգում նշվել է ճապոնական Հանամի տոնը, որին մասնակցել են ՀՀ ԱԺ պատգամավորներ, ՀՀ ԱԳՆ ներկայացուցիչներ, «Արումենիա-Նիպոն» միության անդամներ, այլ հյուրեր: Հայաստանում Ճապոնիայի փոխդեսպան Դաբիդե Ցունակակեն՝ ԱԺ այգում մասնակցելով ճապոնական Հանամի տոնին նվիրված միջոցառմանը, ասել է. «Ինձ համար մեծ հաճույք եւ պատիվ է այս գեղեցիկ օրն […] ...
