Էդգար Նավասարդյանի վիրահատության համար անհրաժեշտ գումարը հավաքվել է – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
05 04 2025
  • $
    391.22
  • RUBLE
    4.63
  • 431.28
WEATHER
+4.09 oC

Էդգար Նավասարդյանի վիրահատության համար անհրաժեշտ գումարը հավաքվել է

15:45 30.01.2018

Ձնահոսքի հետևանքով տուժած զբոսավար Էդգար Նավասարդյանի վիրահատության համար անհրաժեշտ գումարն արդեն հավաքվել է: Բուժման ծախսերն ամբողջությամբ հնարավոր կլինի հոգալ դրամահավաքի միջոցով հավաքագրված գումարով:

SHANTNEWS-ի հետ զրույցում Հայաստանի պրոֆեսիոնալ զբոսավարների միության փոխնախագահ Յաշա Սոլոմոնյանը նշեց, որ ժամը 16:00-ի դրությամբ արդեն 1 միլիոն դրամից ավելի գումար է հավաքվել, իսկ Էդգարին օրթոպեդիկ կոնստրուկցիաներ տեղադրելու համար մոտ 1 մլն դրամ էր անհրաժեշտ:

Էդգար Նավասարդյանն արդեն «Արմենիա» ԲԿ-ից տեղափոխվել է «Իզմիրլյան» կենտրոն: Այս պահին Էդգարը միայն նախնական վիրահատական միջամտություն է ստացել՝ իրականացվել է կմախքային ձգում, իսկ բուն վիրահատական միջամտությունը հնարավոր կլինի իրականացնել 10 օրից ոչ շուտ:

Օրթոպեդիկ կոնստրուկցիաներով վիրահատությունից հետո վերականգնվելու համար 2 շաբաթ ժամանակ է պահանջվում, մինչդեռ 300.000 դրամ արժողությամբ վիրահատության և գիպսի տեղադրման դեպքում վերականգնման փուլը շատ ավելի երկար է տևում: Այս մասին մեզ հետ զրույցում հայտնել էր «Արմենիա» բժշկական կենտրոնի փոխտնօրեն Արսեն Գրիգորյանը:

Էդգարի համար, սակայն, չեն ցանկացել գիպսի տարբերակը, ինչը նաև մասամբ պետպատվերի շրջանակներում պետք է իրականացվեր: 

Դրամահավաքի շրջանակներում մոտ 3000 դոլար է տրամադրվել նաև Նաիրուհու ընտանիքին, 300 000 դրամ էլ՝ մյուս տուժածին՝ Հրաչ Հարությունյանին: Այս մասին էլ SHANTNEWS-ին տեղեկացրել է Ալպինիզմի և լեռնային տուրիզմի հայկական ֆեդերացիայի փոխնախագահ Սուրեն Դանիելյանը:

Դրամահավաքը դեռ շարունակվում է:

Ինչպես արդեն տեղեկացրել էր SHANTNEWS-ը, արշավականներն ու զբոսավարները համացանցի միջոցով դրամահավաք էին իրականացնում Էդգարի վիրահատության և մահացած Նաիրուհու ընտանիքին ֆինանսական աջակցություն ցուցաբերելու նպատակով:

Բոլոր լուրերը

Կապակցված լուրեր

Իրավիճակը Հայաստանի ճանապարհներին

00:59 05.04.2025

Իրավիճակը Հայաստանի ճանապարհներին

Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ և Ամբերդ ամրոց տանող ավտոճանապարհները։ Վարորդները պետք է երթևեկեն բացառապես ձմեռային անվադողերով։ ...

100 հաղթանակ. «Լիվերպուլի» ուշագրավ ցուցանիշը

00:56 05.04.2025

100 հաղթանակ. «Լիվերպուլի» ուշագրավ ցուցանիշը

Անգլիայի Պրեմիեր լիգայի 30-րդ տուրում «Լիվերպուլը» 1:0 հաշվով հաղթելով «Էվերթոնին» ուշագրավ ցուցանիշ է գրանցել, հաղորդում է թիմի ինստագրամյան էջը: Դերբիում «Լիվերպուլը» տարել է հոբելյանական 100-րդ հաղթանակը: Թիմերն անցկացրել են 246-րդ դերբին: Այդ խաղերից 68-ում հաղթել է «Էվերթոնը», իսկ 78-ում գրանցվել է ոչ-ոքի: ...

Պապուա Նոր Գվինեայի ափերի մոտ 7,2 մագնիտուդ ուժգնությամբ երկրաշարժ է տեղի ունեցել

00:53 05.04.2025

Պապուա Նոր Գվինեայի ափերի մոտ 7,2 մագնիտուդ ուժգնությամբ երկրաշարժ է տեղի ունեցել

Պապուա Նոր Գվինեային պատկանող Նոր Բրիտանիա կղզու ափերի մոտ 7,2 մագնիտուդ ուժգնությամբ երկրաշարժ է գրանցվել։ Այս մասին հայտնել է Եվրոպական-միջերկրածովյան սեյսմոլոգիական կենտրոնը։ Կենտրոնի տվյալներով՝ էպիկենտրոնը գտնվել է Կիմբե քաղաքից 185 կմ հյուսիս-արևելք (Նոր Բրիտանիայի կղզի), որտեղ ապրում է 18,8 հազար մարդ: Նշվում է, որ օջախը գտնվել է 49 կմ խորության վրա։ Տուժածների և ցունամիի վտանգի […] ...

ԱԳՆ գլխավոր քարտուղարը Չեխիայում փորձագետներին է ներկայացրել ՀՀ կառավարության կողմից մշակված «Խաղաղության խաչմերուկ» նախագիծը

00:44 05.04.2025

ԱԳՆ գլխավոր քարտուղարը Չեխիայում փորձագետներին է ներկայացրել ՀՀ կառավարության կողմից մշակված «Խաղաղության խաչմերուկ» նախագիծը

Ապրիլի 4-ին Չեխիայում ՀՀ դեսպանությունում աշխատանքային այցով Չեխիայի Հանրապետությունում գտնվող ԱԳՆ գլխավոր քարտուղար Դավիթ Կարապետյանը հանդիպում է ունեցել Չեխիայի քաղաքագիտական և այլ հետազոտական և վերլուծական կենտրոնների փորձագետների հետ: Այս մասին հայտնել են ԱԳՆ-ից: Գլխավոր քարտուղարը հանդիպման մասնակիցների հետ քննարկել է տարածաշրջանում խաղաղության և կայունության հաստատմանն ուղղված Հայաստանի ջանքերը՝ նրանց ներկայացնելով ՀՀ կառավարության կողմից մշակված «Խաղաղության […] ...

Էմինեմը պապիկ է դարձել

00:32 05.04.2025

Էմինեմը պապիկ է դարձել

Ամերիկացի ռեփեր Մարշալ Մեթերսը, ով հայտնի է Էմինեմ կեղծանվամբ, պապիկ է դարձել։ Ռեփերի դուստրը՝ Հեյլի Ջեյդ Սքոթը, հրապարակել է իր առաջնեկի լուսանկարները Instagram-ում: Հեյլիի նկարներից պարզ է դարձել, որ երեխան ծնվել է մարտի 14-ին: Տղային անվանել են Էլիոթ Մարշալ, երկրորդ անունը՝ ի պատիվ հայտնի պապիկի։ 52-ամյա երաժշտի դուստրը՝ Հեյլին, ամուսնացել է իր սիրելիի՝ Էվան ՄաքՔլինթոքի […] ...

Լարսը բաց է

00:21 05.04.2025

Լարսը բաց է

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...

BACK_TO_TOP