11:34 30.01.2018
«Հայաստանում պաշտպանության նախարարի պաշտոնը միշտ եղել է քաղաքացիական, և սա կապ չունի սահմանադրական փոփոխությունների հետ։ Նույնիսկ երբ զինվորականները զբաղեցրել են նախարարի պաշտոնը, նրանք այդ պահից թողել են իրենց ծառայությունը և դարձել են քաղաքացիական»,- «Շանթ» հեուստաընկերության եթերում այս մասին ասել է Մովսես Հակոբյանը։
«Հեռանկար» հաղորդաշարին տված հարցազրույցում ՀՀ ԶՈՒ գլխավոր շտաբի պետը նշել է, որ Սահմանադրության փոփոխության հետևանքով զինված ուժերի կառուցվածքում որևէ փոփոխություն չի կատարվել։ Փոփոխությունը զինված ուժերին վերաբերում է միայն այն կետով, որ հանվում է ԶՈՒ գերագույն գլխավոր հրամանատարի պաշտոնը, դրա փոխարեն վարչապետը լինելու է ԶՈՒ գլխավոր հրամանատար։
«Հստակ տարանջատված են պաշտպանության նախարարության գործառույթը և զինված ուժերի գործառույթը։ Եթե ընդհանրացած ասեմ՝ պաշտպանության նախարարը վարում է պաշտպանական քաղաքականությունը՝ ինչպես երկրի ներսում, այնպես էլ արտաքին աշխարհի հետ… Պաշտպանության նախարարը բարենպաստ պայմաններ է ստեղծում զինված ուժերի գործունեությունը իրագործելու համար»,- ասել է Մովսես Հակոբյանը։
Շտաբի պետի խոսքով՝ նախարարության գործառույթների մեջ են նաև ֆինանսական ապահովման, բանակի՝ սպայական, շարքային ու նաև պահեստազորային համալրման գործառույթները։
«Գլխավոր շտաբը զբաղված է զուտ զինվորական գործով։ Դա զինված ուժերի պատրաստությունն է, պատրաստականությունն է, ուսուցումն ու սպառազինության, ռազմական տեխնիկայի պահպանումը, շահագործումը և մարտական հերթապահության իրականացումը»,- նախարարության և Գլխավոր շտաբի գործառույթների սահմանագիծը ներկայացրել է շտաբի պետը։
Զինված ուժերի գլխավոր շտաբը նաև սոցիալական պաշտպանության, բնակավորման և այլ հարցերով պատվերներ է ներկայացնում նախարարությանը, որպեսզի վերջինս դրանց հիման վրա կառավարության հավանությանը ներկայացնի այդ ծրագրերի բյուջեները և այլն։
ՀՀ ԶՈՒ գլխավոր շտաբի պետ, գեներալ-գնդապետ Մովսես Հակոբյանի հետ հարցազրույցի ամբողջական տեսագրությունը կարող եք դիտել ստորև։
23:59 02.04.2025
Երևանում շուրջ 400 թեքահարթակ կկառուցվիՀարմար և հավասար միջավայր ստեղծելը նշանակում է հաշվի առնել բոլորի կարիքները՝ առանց բացառության։ 2025թ. Երևանում շուրջ 400 թեքահարթակ կկառուցվի: Այս մասին հայտնել են Երևանի քաղաքապետարանից: Սահմանվել են այնպիսի պահանջներ, որպեսզի թեքահարթակները լինեն հարմարավետ ու մատչելի գործածության համար: Մանրամասները՝ տեսանյութում: ...
23:54 02.04.2025
Հայ շախմատիստուհիների արդյունքները Եվրոպայի կանանց անհատական առաջնությունում 3 խաղափուլից հետոՄարտի 31-ից ապրիլի 11-ը Հունաստանի Հռոդոս կղզում անցկացվում է 2025 թվականի շախմատի Եվրոպայի կանանց անհատական առաջնությունը: Այս մասին հայտնել են Հայաստանի շախմատի ֆեդերացիայից: 3 խաղափուլից հետո գրոսմայստեր Էլինա Դանիելյանը և Լիլիթ Մկրտչյանը ունեն 2.5 միավոր և գտնվում են առաջատարների շարքում: Կանանց միջազգային վարպետ Մարիամ Մկրտչյանը և կանանց գրոսմայստեր Մարիա Գևորգյանը ունեն 2 միավոր: Կանանց միջազգային […] ...
23:49 02.04.2025
Երևանում մթնոլորտային օդի որակը մարտի 26-ից ապրիլի 1-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է Երևանում մթնոլորտային օդի որակը մարտի 26-ից ապրիլի 1-ը (2025թ.): Փոշու պարունակությունը գերազանցել է սահմանային թույլատրելի կոնցենտրացիան․ Կենտրոն վարչական շրջանում՝ գրեթե ամբողջ շաբաթվա ընթացքում, Նոր Նորքում՝ մարտի 29-ին 30-ին և 31-ին, Շենգավիթում՝ մարտի 30-ին 31-ին և ապրիլի 1-ին, Արաբկիրում՝ մարտի 30-ին։ Ազոտի և ծծմբի երկօքսիդների պարունակությունները չեն գերազանցել սահմանային […] ...
23:46 02.04.2025
Al-Ikhbaria. Իսրայելը հարվածներ է հասցնում Համայի և Հոմսի ռազմական օդանավակայանների մոտակայքումՍիրիական Համա և Հոմս նահանգների ռազմական օդանավակայանների մերձակայքը ենթարկվել է իսրայելական օդուժի հարվածներին։ Այս մասին հայտնել է սիրիական Al-Ikhbaria հեռուստաալիքը։ Զոհերի և վիրավորների մասին առայժմ չկան տեղեկություններ: Տեղի լրատվամիջոցները հայտնել են նաև, որ Իսրայելի ռազմաօդային ուժերը ավիահարվածներ են հասցրել Դամասկոսին: Հարվածների թիրախը եղել է Սիրիայի մայրաքաղաքի հյուսիսում գտնվող գիտահետազոտական կենտրոնը։ ...
23:41 02.04.2025
Երևանում բախվել են «Ford»-ն ու շտապօգնության մեքենանԱյսօր՝ ապրիլի 2-ին, շտապօգնության ավտոմեքենայի մասնակցությամբ հերթական ավտովթարն է տեղի ունեցել Երևանում։ Ժամը 19:30-ի սահմաններում Կոմիտասի պողոտա-Վաղարշյան փողոցի խաչմերուկում բախվել են շտապօգնության «Toyota Hiace» մակնիշի և «Ford» մակնիշի ավտոմեքենաները։ Ըստ նախնական տեղեկությունների, տուժածներ չկան։ Ինչպես հայտնում է shamshyan.com-ը, բախման հետևանքով շտապօգնության ավտոմեքենան դուրս է եկել երթևեկելի գոտուց, բախվել բազալտե եզրաքարին, կոտրել այն, անցել հետիոտնի համար […] ...
