26 11 2024

$

390.88
3.71
€

411.09

+5.09 ^oC

Միջպետական ճանապարհի՝ Աշոցք-Բավրա հատվածը երթևեկելի վիճակի է բերվում փոսալցումներով

ՀԱՅԱՍՏԱՆ

18:15 04.05.2021

Երևան-Գյումրի-Բավրա միջպետական ճանապարհի առանձին հատվածներ երթևեկելի վիճակի են բերվում ընթացիկ՝ փոսային նորոգումներով: Խոսքը, մասնավորապես, Աշոցք-Բավրա հատվածի մասին է, որի հիմնանորոգման հերթը դեռ չի հասել: Անցած երկու տարիների ընթացքում հիմնանորոգվել են Թորոսգյուղ-Ցողամարգ և Վարդաղբյուր-Աշոցք հատվածները:

Միջպետական նշանակության ճանապարհի Աշոցք-Բավրա հատվածը նորից փոսալցումներով կարգի բերելու առաջադրանք է ստացել սպասարկող ընկերությունը։

«Փոսային աշխատանքների թույլատրելի ծավալը ամենաշատը 2% է ամբողջ ճանապարհի վրա: Բայց մեզ մոտ նույնիսկ հատվածներ ունենք, որ 20%-ից ավելի է: Ոնց որ հիմնանորոգում լինի, փոսը փոսին է միանում: Ստիպված անում ենք, որ շահագործենք ճանապարհը: Կարելի է ասել՝ ճանապարհի մոտ 70%-ը կտրել եմ, մնացել է 30%-ը, որտեղ էլ մի ամսից եմ փոսալցում կատարելու»,- Shantnews-ին ասել է «Աշոցքի ԱՏՃ» ճանապարհաշինական ընկերության աշխղեկ Վարդան Մովսիսյանը:

Ընթացիկ նորոգումներ, այսինքն՝ փոսալցումներ, ճանապարհին թույլատրվում են, եթե փոսայնությունը չի գերազանցում 2 տոկոսը: Սահմանված այս նորմը Աշոցք-Բավրա հատվածում վաղուց է գերազանցվել, բայց ճանապարհը սպասարկում են: Շինարարն այլընտրանք չունի: Միջպետական նշանակության մայրուղի է՝ բեռնատարների երթևեկությամբ ծանրաբեռնված։

Փոսային նորոգումները ճանապարհը ժամանակավորապես երթևեկելի վիճակի բերելու համար են: Երևան-Գյումրի-Բավրա ճանապարհին փոսալցումների ծավալը, նախորդ տարվա համեմատ, նվազել է: Նախորդ երկու տարիներին Թորոսգյուղ-Աշոցք հատվածը հիմնանորոգվել է: Ծրագրերից դուրս են մնացել Վարդաղբյուրի և Աշոցք-Բավրա հատվածները: Ընդհանուր առմամբ՝ միջպետական ճանապարհի 12 կմ-ը ենթակա է հիմնանորոգման:

«Մասնավոր նորոգումներով, հիմնանորոգումներով երևի պահպանենք ճանապարհը, մինչև «Հյուսիս-հարավ»-ի հարցը լուծվի: Անցած տարի մոտավորապես մեր հատվածում հիմնանորոգվեց 7-8 կմ, ևս 8-10 կմ երկու տարի առաջ հիմնանորոգվեց։ Այս տարի հիմնանորոգման ծրագրերում է 5 կմ հատվածը և մնում է Աշոցք-Բավրա հատվածը՝ 12 կմ ճանապարհ»,- ասել է Վարդան Մովսիսյանը:

«Հյուսիս-հարավ»-ի՝ Գյումրի-Բավրա ճանապարհի շինարարությունը դեռ քննարկման փուլում է: Այս տարի նախատեսված է ավարտել Թալին-Լանջիկ և Լանջիկ-Գյումրի հատվածների կառուցումը:

«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom, SHIRAK telecom , HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։

Բաժանորդագրվեք SHANTNEWS.am-ին Telegram-ում

Բոլոր լուրերը

19:35 26.11.2024
Մահացել է աշխարհի ամենատարեց տղամարդը

Կապակցված լուրեր

19:26 26.11.2024

«Սպարտակի» ֆուտբոլիստները մեծ բոնուսներ են ստացել «Լոկոմոտիվին» հաղթելու համար

«Սպարտակի» ղեկավարությունը շնորհակալություն է հայտնել իրենց թիմի ֆուտբոլիստներին «Լոկոմոտիվի» հետ մոսկովյան դերբիում տարած հաղթանակի համար։ Մոսկովյան թիմի խաղացողները ստացել են 840-ական հազար ռուբլի (ավելի քան 7500 դոլար), հաղորդում է լրագրող Իվան Կարպովը։ Սա կրկնակի բոնուս է, ինչի մասին թիմը չի զգուշացվել «Լոկոմոտիվի» հետ դերբիից առաջ։ Ստանդարտ բոնուսները կազմում են 420 հազար ռուբլի մեկնարկային խաղացողների համար, […] ...

19:18 26.11.2024

Անդրադարձ է կատարվել Հայաստան-Կոլումբիա երկկողմ հարաբերությունների զարգացմանը

Նոյեմբերի 26-ին Պորտուգալիայում ՄԱԿ Քաղաքակրթությունների դաշինքի 10-րդ համաշխարհային ֆորումի շրջանակում ՀՀ արտաքին գործերի նախարարի տեղակալ Վահան Կոստանյանը հանդիպել է Կոլումբիայի ԱԳ բազմակողմ հարցերով նախարարի տեղակալ Կանդյա Ժիզել Օբեզո Կասսարեսի հետ։ Հանդիպման ընթացքում Կանդյա Ժիզել Օբեզո Կասսարեսը շնորհավորել է այս տարվա հոկտեմբերին Կոլումբիայում կայացած ՄԱԿ-ի Կենսաբանական բազմազանության մասին կոնվենցիայի կողմերի 16-րդ համաժողովի ընթացքում Հայաստանի՝ որպես կոնվենցիայի […] ...

19:08 26.11.2024

Ստամբուլում ձերբակալել են ԻՊ-ի զինյալների, ովքեր ահաբեկչություն էին նախապատրաստում

Ստամբուլի ոստիկանությունը ձերբակալել է «Իսլամական պետություն» ահաբեկչական խմբավորման երկու զինյալների, ովքեր ահաբեկչություն էին նախապատրաստում պայթուցիկ նյութերի օգտագործմամբ։ Այս մասին հայտնել են Թուրքիայի իրավապահները։ Գործողությունն իրականացվել է Ստամբուլի եվրոպական մասի Գազիոսմանփաշա շրջանում։ Ծրագրով նախատեսված էր օգտագործել TATP պայթուցիկ նյութեր։ 2021 թվականին ձերբակալվածները դատապարտված են եղել ԻՊ-ի հետ առնչություն ունենալու համար և ազատվել էին կալանքից 2023 թվականին։ ...

19:00 26.11.2024

Վինիսիուսը չի խաղա մոտ մեկ ամիս

Մադրիդի «Ռեալի» հարձակվող Վինիսիուս Ժունիորը վնասվածք է ստացել, հայտնում է ակումբի պաշտոնական կայքը։ Իսպանիայի Լա լիգայի 14-րդ տուրի «Լեգանեսի» դեմ խաղում (3-0) բրազիլացին վնասել է ազդրը և խաղադաշտից կբացակայի 3-4 շաբաթ։ 2024/25 մրցաշրջանի 18 խաղում նա դարձել է 12 գոլի ու 8 արդյունավետ փոխանցման հեղինակ։ ...

18:55 26.11.2024

Մենք ցանկանում ենք, որ տարածաշրջանում հաստատվի կայուն խաղաղություն. Լեհաստանի նախագահ

Լեհաստանի նախագահ Անջեյ Դուդան հանդիպել է ՀՀ նախագահ Վահագն Խաչատուրյանի հետ: Կողմերը քննարկել են հայ-լեհական համագործակցության խորացման հնարավորությունները, ՀՀ-ի՝ ԵՄ-ի հետ մերձեցման գործընթացները: ՀՀ նախագահը գործընկերոջն է ներկայացրել տարածաշրջանում տիրող իրավիճակն ու խաղաղության հասնելու տեսլականը: Մանրամասները՝ ռեպորտաժում: ...

18:51 26.11.2024

ՀԱՊԿ-ում Հայաստանի համար դռները բաց են. Ուշակով

ՌԴ նախագահի օգնական Յուրի Ուշակովը լրագրողների հետ զրույցում հայտարարել է, որ Ռուսաստանը հարգանքով է վերաբերվում Հայաստանի ինքնուրույն կուրսին, որը դադարեցրել է իր գործուն մասնակցությունը ՀԱՊԿ-ում, սակայն պահպանում է անդամակցությունը կազմակերպությանը, և ՀԱՊԿ բոլոր միջոցառումների դռները բաց են Հայաստանի առջև: «Կասկածի տակ չենք դնում հայ գործընկերների՝ իրենց կուրսն ինքնուրույն որոշելու իրավունքը: Դե յուրե Երևանը մնում է […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.