20:21 02.07.2018
ՀՀ արտգործնախարար Զոհրապ Մնացականյանի՝ Բրյուսել այցից հետո եվրոպական EUobserver առցանց օրաթերթն անդրադարձել է Հայաստան-ԵՄ հարաբերություններին և ներկայացրել նրա հետ ունեցած հարցազրույցը:
«Անվտանգության հարցում ծանր իրականությունը, և Ռուսաստանը շարունակում է կառավարել Հայաստանի ճակատագիրը՝ անկախ այնտեղ վերջերս տեղի ունեցած հեղափոխությունից»,- ահա այսպես է սկսվում օրաթերթում հրապարակված հոդվածը:
Ապա հոդվածի հեղինակը շարունակում է, որ հենց այդ ուղերձն էր Հայաստանի նորանշանակ արտգործնախարարն իր հետ բերել Բրյուսել այն բոլորի համար, ովքեր կարծում էին, որ վերջին իրադարձությունները Ռուսաստանի հետնաբակում ևս մեկ աշխարհաքաղաքական փոփոխություն էին ազդարարում:
Այնուհետև օրաթերթը հիշում է Վրաստանում, Մոլդովայում և Ուկրաինայում 2003-2009թթ. տեղի ունեցած «գունավոր» հեղափոխությունները, որոնք «ճեղքեր առաջացրին Ռուսաստանի ազդեցության ոլորտում»: Բոլոր հեղափոխություններին միավորում էր մեկ բան՝ օրենքի գերակայությունը, ժողովրդավարությունը, սակայն Երևանի փողոցներում, ի տարբերություն մյուս երկրների, մայիսին ԵՄ դրոշներ չէին ծածանվում:
«Ո՞ր դրոշներն եք դուք տեսել փողոցներում: Միայն եռագույնը, որովհետև դա միայն ներքին հարց էր»,- նշել է Մնացականյանը:
ՀՀ արտգործնախարարը հարցազրույցում նշել է, որ Հայաստանն իրեն անվտանգության վակուում թույլ տալ չի կարող:
«Նայեք Ադրբեջանին: Նայեք Թուրքիային: Մեր երկիրը 27 տարի է՝ այդ երկու պետությունների կողմից շրջափակման մեջ է, մեր երկրի առջև էքզիստենցիալ անվտանգության սպառնալիքներ կան ծառացած: Մենք չենք կարող թեկուզ տասը րոպեով անվտանգության վակուում թույլ տալ», – նշել է Մնացականյանը:
ՀՀ արտգործնախարարը շեշտել է, որ Ռուսաստանը Հայաստանի համար անվտանգություն է ապահովում:
«Կա՞ արդյոք որևէ մեկը, ով պատրաստ է օգնել: Նայեք այն երկրներին, որոնք փորձում են ՆԱՏՕ-ի անդամ դառնալ: Որքան ժամանակ է՝ նրանք սպասում են հերթում: Տասը տարի, այնպես չէ՞: Մենք նույնիսկ տասը րոպե թույլ տալ չենք կարող»,- հավելել է նա:
Հոդվածում այնուհետև նշվում է, որ Հայաստանը Լեռնային Ղարաբաղի հարցում պատերազմի մեջ է Ադրբեջանի հետ, և 3000 ռուս զինվորների, ինչպես նաև տասնյակ տանկերի, հրետանու, կործանիչների ներկայությունը զսպում են իրավիճակի լարումը:
Զոհրաբ Մնացականյանն այնուհետև նշել է, որ Արևմուտքը հարմարվում է Ադրբեջանի ավտորիտար վարչակարգին՝ հանուն նավթի և գազի:
«Յուրաքանչյուր կառավարություն առաջնորդվում է իր ազգային շահերով… ԵՄ-ն շատ բարձր է գնահատում էներգետիկ շահերով պայմանավորված հարաբերությունները»,- հավելել է ՀՀ արտգործնախարարը:
EUobserver-ը նաև հարց է տվել՝ արդյո՞ք Սերժ Սարգսյանը չափազանց ազդեցիկ է, որպեսզի բանտ գնա, ինչին Մնացականյանը պատասխանել է հետևյալ կերպ.
«Քաղաքական վենդետայի հարցը բացառված է, սակայն ոչ ոք օրենքից բարձր չէ: Նայեք Մանվել Գրիգորյանին. նրան անձեռնմխելի էին համարում»:
Խոսելով ԵԱՏՄ-ին անդամակցության մասին՝ Զոհրապ Մնացականյանը նշել է, որ Հայաստանը անկախ արտաքին քաղաքականություն է վարում և պետք է օգտվել ընձեռված հնարավորություններից:
15:55 03.04.2025
Կբարելավվեն պետբյուջեից տրամադրվող սուբսիդիաների միջոցով ՀՀ ենթակառուցվածքներըԿառավարությունը փոփոխություններ է կատարել պետբյուջեից իրավաբանական անձանց սուբսիդիաների և դրամաշնորհների տրամադրման կարգում։ Գործող կարգի համաձայն՝ սուբսիդիաներն ուղղված են այնպիսի ծրագրերի ֆինանսավորմանը, որտեղ պետությունը փոխհատուցում է կազմակերպությունների կրած վնասի մի մասը, եթե վերջիններս ներմուծում, արտահանում, արտադրություն, աշխատանքների կատարում կամ ծառայությունների մատուցում են իրականացնում գնային սահմանափակումներով։ Ըստ հիմնավորման՝ ներկայումս գործող կարգում բացակայում է այնպիսի մեխանիզմ, որը թույլ […] ...
15:50 03.04.2025
Փոփոխություն՝ դպրոցի տնօրենի ընտրության և նշանակման կարգում. փորձաշրջան 1 տարովՀՀ կառավարությունն այսօրվա նիստում հաստատել է հանրակրթական ուսումնական հաստատությունների տնօրենների ընտրության և նշանակման կարգի փոփոխությունների նախագիծը: Հարցը զեկուցել է ՀՀ կրթության, գիտության, մշակույթի և սպորտի նախարար Ժաննա Անդրեասյանը: Նրա խոսքով՝ հանրակրթության ոլորտի բարեփոխումերի շարքում առանձնահատուկ կարևորություն ունի կառավարման արդյունավետության բարելավումը: Այդ նպատակով դպրոցի բովանդակային կառավարումը տարանջատվել է վարչատնտեսական կառավարումից, իսկ տնօրենների համար սահմանվել են բովանդակային […] ...
15:45 03.04.2025
ՀՀ միջգերատեսչական պատվիրակության կազմում ՊԵԿ պատվիրակությունը՝ Էդուարդ Հակոբյանի գլխավորությամբ, այցելել է ԷստոնիաՀՀ պետական եկամուտների կոմիտեի պատվիրակությունը՝ ՊԵԿ նախագահ Էդուարդ Հակոբյանի գլխավորությամբ ապրիլի 1-ից 3-ը ՀՀ միջգերատեսչական պատվիրակության կազմում այցելել է Էստոնիայի Հանրապետություն՝ ուսումնասիրելու թվային կառավարման, կիբեռպաշտպանության և հանրային ծառայությունների թվայնացման ոլորտում Էստոնիայի առաջադեմ փորձը: Հանդիպման ընթացքում կողմերը քննարկել են երկու երկրների միջև ոլորտային համագործակցության խորացման հնարավորությունները՝ ընդգծելով երկկողմ հարաբերությունների զարգացման ներուժը, փորձի փոխանակումը, փոխշահավետ ծրագրերի մշակումն […] ...
15:41 03.04.2025
Հստակեցվել է նախքան կենսաթոշակային տարիքը լրանալը կուտակային կենսաթոշակը ստանալու համար պահանջ հանդիսացող հիվանդությունների ցանկըԿառավարությունը փոփոխություններ և լրացումներ է կատարել նախկինում ընդունած որոշումներից մեկում՝ «Կուտակային կենսաթոշակների մասին» օրենքի համաձայն սահմանված հիվանդությունների (վիճակների) ցանկը վերանայելու նպատակով: Օրենքի համաձայն՝ մասնակիցն իրավունք ունի ցանկացած ժամանակ, ներառյալ` նախքան կենսաթոշակային տարիքը լրանալը, ներկայացնելու իր կենսաթոշակային հաշվում առկա ամբողջությամբ ստանալու պահանջ՝ Կառավարության սահմանած ցանկում ներառված հիվանդություններով հիվանդանալու (վիճակներում գտնվելու) դեպքում՝ կենսաթոշակային ոլորտի պետական կառավարման լիազոր […] ...
15:37 03.04.2025
Օպերատիվ իրավիճակը հանրապետությունում ապրիլի 2-3-ըԸստ ոստիկանության օպերատիվ հաղորդագրությունների ամփոփագրերի՝ ապրիլի 2-3-ը ՆԳՆ ոստիկանության ստորաբաժանումները բացահայտել են հանցագործության 88 դեպք, որոնցից 4-ը՝ նախկինում կատարված: Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 11, թմրանյութի հայտնաբերման՝ 10, ֆիզիկական ներգործության` 9, խարդախության՝ 8, անձնական ունեցվածքի գողության` 6, հոգեկան ներգործության` 5, մարմնական […] ...
15:33 03.04.2025
ՀՀ ՆԳ նախարարության և ՄԱԿ-ի կառույցների համագործակցությունն ամրապնդվում է․ ՆԳ նախարարի տեղակալն ընդունել է ՄԱԿ ՓԳՀ պատվիրակությանըՆԳ նախարարի տեղակալ Արմեն Ղազարյանն ապրիլի 2-ին ընդունել է ՄԱԿ-ի փախստականների հարցերով գերագույն հանձնակատարի գրասենյակի ժամանակավոր ներկայացուցիչ Մոնիկա Սանդրիի գլխավորած պատվիրակությանը։ Հանդիպմանը ներկա էր Միգրացիայի և քաղաքացիության ծառայության պետ Նելլի Դավթյանը։ Քննարկվել են փախստականների, ապաստան հայցողների և քաղաքացիություն չունեցող անձանց իրավունքների պաշտպանության վերաբերյալ մի շարք հարցեր: Հատուկ ուշադրություն է դարձվել ապաստան հայցողների համար արժանապատիվ պայմանների […] ...
