13:27 24.01.2018
«Արսենալում» 7-րդ համարով խաղացողները մշտապես եղել են կենտրոնական դեմքեր, և թիմի խաղը կառուցվել է նրանց շուրջ։ Հետևաբար Սանչեսից հետո Մխիթարյանին այդ համարը տալը ոչ թե նշանակում է, որ նա հարձակվող կդառնա, այլ այն, որ նա կենտրոնական դիրք կունենա թիմում։ Այս կարծիքին է «Մեդիամաք Սպորտի» գլխավոր խմբագիր Դավիթ Ալավերդյանը։
«Պատահական չէ, որ «Արսենալի» համար կարևոր շատ խաղացողներ հենց 7-րդ համարի ներքո են խաղում։ Կա ևս մեկ համար, որը ևս, իմ պատկերացմամբ, կարող էր ստանալ Մխիթարյանը։ Դա 14 համարն է, որի ներքո խաղում էր Թիերի Անրին։ Բայց, որքան գիտեմ, «Արսենալն» այդ համարը որևէ մեկին չի տրամադրում, որովհետև այդ մարզաշապիկը նրանց համար շատ թանկ է»,- «Շանթ» հեռուստաընկերության «Հեռանկար» հաղորդման ընթացքում նշեց Ալավերդյանը։
Հենրիխ Մխիթարյանը ունիվերսալ ֆուտբոլիստ է, ըստ «Մեդիամաք Սպորտի» գլխավոր խմբագրի, ինչը բազմիցս ապացուցվել է. Մխիթարյանը բազմաթիվ դիրքերում է խաղացել ու արդարացրել հույսերը։
«Մխիթարյանը կարողանում է խաղալ թե՛ որպես վինգեր, այսինքն՝ ձախից և աջից, թե՛ կիսապաշտպանությունում և հարձակման գծում է կարողանում խաղալ։ Կարողանում է խաղալ 10 համարի տակ, այսինքն կենտրոնական հարձակվողի թիկունքում՝ կազմակերպելով հարձակման գիծը։ Եվ եղել են նաև դեպքեր, երբ նա խաղացել է պաշտպանությունում կամ որպես հենակետային»,- նշեց Ալավերդյանը։
Նրա խոսքով՝ շուտով կտեսնենք Մխիթարյան-Օզիլ տանդեմի կազմավորումը։ Այս երկու ֆուտբոլիստներն էլ նույն ամպլուայի խաղացողներ են և հնարավոր է՝ փոխարինեն միմյանց։ Ալավերդյանի կարծիքով, սակայն, «Արսենալի» գլխավոր մարզիչ Արսեն Վենգերի ֆուտբոլային փիլիսոփայությունը կհուշի, որ կարելի է դաշտում արդյունավետ օգտագործել երկու խաղացողներին միաժամանակ։
«Ակնկալվում է, որ առաջիկայում կարող է թիմին միանալ Օբամեյանգը, որը «Բորուսիայում» շատ լավ զույգ էր կազմել Հենրիխ Մխիթարյանի հետ։ Եվ եթե նրանք կարողանան «Արսենալում» ստեղծել այն ամենը, ինչ անում էին «Բորուսիայում», ապա կդառնան «Արսենալի» երկրպագուների սիրելի ֆուտբոլիստները»,- նշեց Ալավերդյանը։
Ալավերդյանի խոսքով՝ «Արսենալի» խաղացած արագ ֆուտբոլը համընկնում է Մխիթարյանի ոճին, այս առումով հայ կիսապաշտպանն ընկել է հոգեհարազատ միջավայր։
Դավիթ Ալավերդյանի հետ ամբողջական հարցազրույցը կարող եք դիտել ստորև։
18:11 04.04.2025
Հայտնաբերվել են հետախուզվողներ
18:11 04.04.2025
Հայտնաբերվել են հետախուզվողներՔրեական ոստիկանության գլխավոր վարչության ծառայողները ստացած օպերատիվ տեղեկությունն իրացրին Սյունիքի քրեական ոստիկանների հետ համատեղ: Ապրիլի 3-ին՝ ժամը 17:30-ին, մայրաքաղաքի Աճառյան փողոցում հայտնաբերվեց 53-ամյա դատապարտյալ, որը մեղավոր է ճանաչվել առանց իրացնելու նպատակի թմրամիջոցների շրջանառության և թմրամիջոցների մաքսանենգության համար: Մարտի 28-ից նա հետախուզվում էր պատժի կրումից խուսափելու համար, խափանման միջոցը` կալանք: Ապրիլի 4-ին՝ ժամը 1:10-ին, «Զվարթնոց» օդանավակայանի […] ...
18:05 04.04.2025
Գևորգ Պապոյանի գլխավորությամբ կայացել է ՓՄՁ զարգացման ենթախորհրդի հերթական նիստըՀՀ էկոնոմիկայի նախարար, ՓՄՁ զարգացման ենթախորհրդի նախագահ Գևորգ Պապոյանի գլխավորությամբ ապրիլի 4-ին կայացել է ՓՄՁ զարգացման ենթախորհրդի հերթական նիստը։ Օրակարգում ներառված էր «ՀՀ հարկային օրենսգրքում փոփոխություններ և լրացումներ կատարելու մասին» օրենքի նախագծի հարցը (վերաբերում է ՀՀ տարածքում գործող բոլոր ՓՄՁ սուբյեկտներին)։ Քննարկվել է ապրանքների վերադարձի դեպքում գործարքը/հաշվարկային փաստաթղթի ճշգրտման հնարավորության ընդլայնումը, շրջհարկ վճարողի կողմից չփաստաթղթավորված […] ...
17:55 04.04.2025
Ե՛վ Գյումրու, ե՛ւ գյումրեցիների համար եք պատասխանատու, ու Աստված չանի՝ մեկի գլխից մազ ընկնի. Նազելի ԲաղդասարյանՀՀ վարչապետի մամուլի քարտուղար Նազելի Բաղդասարյանը ֆեյսբուքյան իր էջում գրառում է կատարել՝ անդրադառնալով Գյումրու քաղաքապետի թեկնածու Մարտուն Գրիգորյանի որոշմանը՝ սատարելու Վարդան Ղուկասյանին: «Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի։ Ի դեպ, բոլոր այն պնդումները, թե այս որոշումից ի վեր քաղաքական պատասխանատվություն չեք կրելու, դատարկաբանություն են։ Իսկ եղավ այն, […] ...
17:48 04.04.2025
UWW-ի անդրադարձը Ալեքսանյանին և ԱմոյանինԸմբշամարտի համաշխարհային ֆեդերացիան ներկայացրել է Սլովակիայի մայրաքաղաք Բրատիսլավայում ապրիլի 7-13-ը կայանալիք Եվրոպայի առաջնության անոնսը: Անդրադարձ է կատարվել նաև հունահռոմեական ոճի ըմբշամարտի Հայաստանի հավաքականի առաջատարներ Արթուր Ալեքսանյանին (97 կգ) և Մալխաս Ամոյանին (77 կգ): Օլիմպիական խաղերի ոսկե, արծաթե և բրոնզե մեդալակիր, աշխարհի քառակի ու Եվրոպայի 7-ակի չեմպիոն Ալեքսանյանի հիմնական մրցակիցները կլինեն Եվրոպայի նախկին չեմպիոն Կիրիլ Միլովը […] ...
17:42 04.04.2025
Արտարժույթի փոխանակման հայտարարությունները՝ ծուղակ․ ՆԳՆ ոստիկանությունը զգոնության կոչ է անումՍոցիալական տարբեր կայքերում բազմաթիվ են տարատեսակ, այսպես ասած՝ գայթակղիչ հայտարարությունները, որոնցով քաղաքացիներին առաջարկում են կատարել արտարժույթի՝ մասնավորապես ռուբլու փոխանակում՝ առավել բարձր արժեքով, քան տարադրամի փոխանակման կետերում։ Խարդախության սխեման հետևյալն է. Հանցավորները նախ վարձում են թանկարժեք ավտոմեքենա, որի վարորդին պատվիրում են գնալ երկկողմանի ելումուտ ունեցող առևտրի որևէ կենտրոնի տարածք։ Արտարժույթ փոխանակել ցանկացող անձին ևս խնդրում են […] ...
