Կալիֆոռնիայի նահանգում կանխատեսվում են մասշտաբային տարերային աղետներ՝ մեգափոթորիկներ, որոնք կարող են հանգեցնել ավելի լուրջ հետևանքների, քան երկրի արևմտյան ափին բնորոշ սովորական փոթորիկների հետևանքները՝ երկրաշարժեր ու անտառային հրդեհներ,-հաղորդել է ABC-ն: Գիտնականները հիշեցնում են 1861-1862 թվականներին Կալիֆոռնիայում տեղի ունեցած կրկնվող աղետները: Դենիել Սուեյնը հիշեցրել է, որ այն ժամանակ մի քանի շաբաթ չդադարող անձրևների հետևանքով ջրածածկ եղան նահանգի կենտրոնական մասի բոլոր հարթավայրերը: Անձրևաջրերից լիճ էր առաջացել՝ 64 կմ լայնությամբ և 241 կմ երկայնքով: Դրա հետևանքով Կալիֆոռնիայի տների մեկ քառորդը ջրածածկ եղավ: Աղետն այնքան վնաս տվեց, որ իշխանությունը ստիպված եղավ մայրաքաղաքը Սակրամենտոյից ժամանակավոր տեղափոխել:
Վերջին տարիների վիճակագրությունը փաստում է, որ 1800 տարվա ընթացքում ավելի հաճախ են Կալիֆոռնիայում սարսափելի հետևանքներով մեգափոթորիկներ եղել, քան 1861-1862 թվակաների աղետն էր: Դենիել Սուեյնը նկատել է, որ մեգափոթորիկները կրկնվում են 200 տարին մեկ: Դա նշանակում է, որ հաջորդը կարող է տեղի ունենալ առաջիկա 40 տարում՝ ցանկացած պահի:
