Արդարադատության նախարարը պարզաբանել է, թե ինչով է պայմանավորված Հակակոռուպցիոն կոմիտեի ստեղծումը

SHANTNEWS.am-ն արդեն հայտնել է, որ այսօր կառավարության օրակարգում է եղել նաև «Հակակոռուպցիոն կոմիտեի մասին» օրենքի նախագծի փաթեթը, որը չզեկուցվող հարցերի ցանկում էր:

ՀՀ արդարադատության նախարար Ռուստամ Բադասյանն այսօր ֆեյսբուքյան իր էջում որոշակի պարզաբանում է ներկայացրել նախագծի մասով.

«Կառավարության այսօրվա նիստում հաստատվել է օրենքի նախագծերի փաթեթ, որով առաջարկվում է ստեղծել նոր քննչական մարմին՝ Հակակոռուպցիոն կոմիտե․ այն իրականացնելու է նաև օպերատիվ-հետախուզական գործունեություն: Կոմիտեի ստեղծման համար նախատեսվող ֆինանսական միջոցների վերաբերյալ թյուրընկալումները բացառելու համար տեղեկացնեմ, որ թեև Հակակոռուպցիոն կոմիտեի՝ կոռուպցիոն հանցագործությունների քննության մասնագիտացված մարմնի ստեղծումը պայմանավորված է երկրում կոռուպցիոն հանցագործությունների բացահայտման արդյունավետության բարձրացման անհրաժեշտությամբ, այդուհանդերձ, ՀՀ պետական բյուջեից ծախսերի նախատեսումը բացարձակ բնույթ չի կրելու: Մասնավորապես,  Հակակոռուպցիոն կոմիտեի ստեղծմամբ պայմանավորված՝ անհրաժեշտություն է առաջանալու կրճատել այլ մարմինների հաստիքները և դրանք փոխանցել Հակակոռուպցիոն կոմիտեին»,- գրել է նախարարը՝ ավելացնելով, որ ծախսերի մեծ մասը կապիտալ բնույթի են, իրականացվելու են նաև դոնորների աջակցությամբ (2021-2023 թվականների ընթացքում), որոնք գումարը փոխանցելու են պետական բյուջե, և բյուջեից ֆինանսավորումն իրականացվելու է բացառապես արդարադատության ոլորտի նպատակներով, ինչպես սահմանված է համապատասխան համաձայնագրերում։

Հիշեցնենք, որ «Հակակոռուպցիոն կոմիտեի մասին նախագծին այս անունն է ունեցել ՝ «Հակակոռուպցիոն կոմիտեի մասին», «Օպերատիվ-հետախուզական գործունեության մասին» օրենքում լրացումներ կատարելու մասին», «Ազգային անվտանգության մարմիններում ծառայության մասին» օրենքում փոփոխություն և լրացում կատարելու մասին», «Հայաստանի Հանրապետության քրեական դատավարության օրենսգրքում փոփոխություններ և լրացումներ կատարելու մասին», «Հայաստանի Հանրապետության քրեական օրենսգրքում լրացումներ կատարելու մասին», «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում լրացումներ կատարելու մասին», «Զենքի մասին» օրենքում լրացումներ կատարելու մասին», «Արդարադատության ակադեմիայի մասին» օրենքում լրացումներ և փոփոխություններ կատարելու մասին», «Պաշտոնատար անձանց գործունեության ապահովման, սպասարկման և սոցիալական երաշխիքների մասին» օրենքում լրացումներ կատարելու մասին», «Կառավարչական իրավահարաբերությունների կարգավորման մասին» օրենքում լրացում կատարելու մասին» Հայաստանի Հանրապետության օրենքների և «Ազգային ժողովի կանոնակարգ» սահմանադրական օրենքում լրացումներ կատարելու մասին» Հայաստանի Հանրապետության սահմանադրական օրենքի նախագծերի փաթեթին հավանություն տալու մասին

• Նախագիծ, հիմնավորում
• Ամփոփաթերթ
• Հանրային քննարկման ամփոփաթերթ
• Հանրային քննարկման տեղեկանք
• Հավանություն տալու մասին որոշում

«Մենք ունենք չզեկուցվող հացերում երկու կարևորագույն փաթեթ. դա բարձրագույն կրթության մասին նոր օրենք է և  Հակակոռուպցիոն կոմիտեի ստեղծման մասին նոր օրենքն է: Քանի որ այս օրենքները քննարկվելու են ԱԺ-ում, մեծ ռեֆորմների փաթեթներ են, այդ իսկ պատճառով դրանք չեն զեկուցվել նիստի ընթացքում»,- պարզաբանել է փոխվարչապետ Տիգրան Ավինյանը՝ հավելելով, որ հանրությունը բովանդակության մասին ընթացքում անպայման տեղեկություններ կունենա։

»