16:22 18.01.2018
Նկարում պատկերված ապրանքները պրոբացիոն ծառայության շահառուների ձեռքի աշխատանքներն են:
Նրանք հաճախում են թաղիքագործության դասընթացների և որոշակի հմտություններ ձեռք բերելով՝ նման իրեր արտադրում: SHANTNEWS.am-ի հետ զրույցում «Քաղաքացիական հասարակության ինստիտուտ» ՀԿ-ի փորձագետ Մարիամ Սարգսյանը պատմեց, որ իրենց մոտ ստեղծել են մի արհեստանոց, որտեղ ծառայության շահառուները գալիս են, սովորում են թաղիքագործություն մասնագիտություն և պատրաստում այդ իրերը.
«3-4 շահառուի հաստիք ունենք մեզ մոտ, որոնք կարող են գալ մեզ մոտ հանրային աշխատանք կատարելու: Բացի այդ ամենը՝ իրենք մասնագիտություն են ձեռք բերում, որը հանրային աշխատանքն էլ կատարելուց հետո, կարող են իրականացնել և գումար վաստակել, նման իրեր կարող են պատրաստել և վաճառել»,-նշեց Մարիամը:
Փորձագետի խոսքով՝ իրենց ծրագիրը նպատակ ունի վերականգնողական և վերասոցիալականացման աշխատանքներ տանել շահառուների հետ.
«Քանի որ ամեն ինչ ձեռքերով է պատրաստվում, սա շատ օգնում է ագրեսիայի և սթրեսի հաղթահարման համար»,-ասաց ՀԿ-ի ներկայացուցիչը:
Մարիամի կարծիքով՝ սա շատ լավ միջոց է՝ իրավախախտ անձանց օգնելու և վերասոցիալականացնելու:
Պարզվում է՝ դատապարտյալներն այս աշխատանքները հետո վաճառում են.
«Դեռ մեզ համար էլ է սա նոր, բայց պլանավորում ենք, որ սրանք պետք է վաճառվեն և վաճառքից գոյացած գումարը կա՛մ կուղղվի բարեգործական նպատակների կա՛մ նորից բրդի գնման համար, որ հետագայում մյուս շահառուները նույնպես կարողանան պատրաստել այս գործերից»- նշեց փորձագետը:
Ըստ նրա՝ այս աշխատանքների գները կարող են բավականին բարձր թվալ, բայց շուկայական գներից անգամ կարող է ցածր լինեն, ասում է՝ արտասահմանում նման աշխատանքները շատ ավելի թանկ են վաճառվում, որովհետև սրանք ձեռքի աշխատանք են և ամեն մի նմանատիպ գործը պատրաստելու համար բավականին երկար ժամանակ է խլում:
Մարիամից հետաքրքրվեցինք, թե որքա՞ն ժամանակ է անհրաժեշտ եղել նկարում պատկերված թաղիքից հողաթափերը պատրաստելու համար և ինչքա՞ն արժեն.
«Թաղիքից հողաթափիկն արժե տասնհինգ հազար դրամ ու պատրաստելը մոտ մեկ շաբաթից տասը օր տևում է, այսինքն՝ անձն ամեն օր չորս ժամ գալիս է և ձեռքերով հում բրդից պատրաստում է սա: Բուրդը մշակում են այնքան մինչև ստանում են ապրանքը: Շատ տաք և որակյալ արտադրանք է»,-եզրափակեց «Քաղաքացիական հասարակության ինստիտուտ» ՀԿ-ի փորձագետ Մարիամ Սարգսյանը:
Հիշեցնենք, որ SHANTNEWS.am-ը գրել է նաև, որ պրոբացիոն ծառայության ներդրման մեկ տարվա առիթով այսօր կազմակերպվել էր «Պրոբացիայի ծառայության առաջին տարվա գործունեության արդյունքները, խնդիրները և հեռանկարները» թեմայով քննարկում:
17:20 04.04.2025
Վահագն Խաչատուրյանին իր հավատարմագրերն է հանձնել Հայաստանում Նոր Զելանդիայի նորանշանակ դեսպանըՀանրապետության նախագահ Վահագն Խաչատուրյանին իր հավատարմագրերն է հանձնել Հայաստանում Նոր Զելանդիայի արտակարգ և լիազոր դեսպան Մարկ Ջուլիան Թրեյնորը (նստավայրը՝ Մոսկվա): Շնորհավորելով դեսպանին նշանակման կապակցությամբ՝ նախագահ Խաչատուրյանը հույս է հայտնել, որ նրա գործունեությունը կնպաստի երկու երկրների միջև համագործակցության զարգացմանն ու տարբեր ոլորտներում կապերի խորացմանը։ «Հայաստանը բարձր է գնահատում Նոր Զելանդիայի հետ բարեկամական հարաբերությունները, որոնք հիմնված են […] ...
17:17 04.04.2025
Դոնալդ Թրամփի վարչակազմը լավատեսորեն է տրամադրված Ուկրաինայում խաղաղ կարգավորման հարցում․ ՌուբիոԱՄՆ նախագահ Դոնալդ Թրամփի վարչակազմը լավատեսորեն է տրամադրված Ուկրաինայում խաղաղ կարգավորման հարցում, սակայն հասկանում է, որ բանակցային գործընթացը բարդ է լինելու։ Այս մասին հայտարարել է ԱՄՆ պետքարտուղար Մարկո Ռուբիոն։ «Մենք առաջընթաց ենք գրանցում դեպի խաղաղություն: Բանակցային գործընթացը դժվար կլինի, բայց մենք մնում ենք լավատես», – ասել է նա Բրյուսելում ՆԱՏՕ-ի արտգործնախարարների հանդիպումից հետո կայացած մամուլի […] ...
17:14 04.04.2025
Ստեփանավանի համայնքային ոստիկանները գողության դեպք են բացահայտելՀամայնքային ոստիկանության Ստեփանավանի բաժնի ծառայողները մարտի 28-ին Ստեփանավան քաղաքի Ռումինական փողոցում տեղադրված տեսախցիկի ձայնագրությունները դիտելիս նկատել են, որ երկու անձինք պոկում և գողանում են տեսախցիկը: Կազմված փաստաթղթերն ուղարկվել են նախաքննական մարմին, որտեղ նախաձեռնվել է քրեական վարույթ: Ձեռնարկված օպերատիվ-հետախուզական միջոցառումների արդյունքում պարզվել է, որ գողությունը կատարել են Ստեփանավանի բնակիչ 24 և 23 տարեկան երկու երիտասարդ: Բացատրական […] ...
17:11 04.04.2025
Սպորտային նպաստ՝ Լոս Անջելեսի Օլիմպիական խաղերին նախապատրաստվող մարզիկներին, մարզիչներին և բժիշկներին. նախագիծՀՀ կրթության, գիտության, մշակույթի և սպորտի նախարարությունը հանրային քննարկման է ներկայացրել «Լոս Անջելես 2028» ամառային Оլիմպիական խաղերին նախապատրաստվող մարզիկների, հավաքականների մարզիչների, անձնական մարզիչների, բժիշկների և մերսողների համար սպորտային նպաստ տրամադրելու կարգը: Նախագիծը մշակվել է՝ հիմնվելով «Ֆիզիկական կուլտուրայի և սպորտի մասին» օրենքի համապատասխան դրույթների վրա: Առաջարկվում է «Լոս Անջելես 2028» ամառային Օլիմպիական խաղերին լավագույնս նախապատրաստվելու համար […] ...
17:08 04.04.2025
Ինչ է պարզել ՄԻՊ արագ արձագանքման խումբը «Նուբարաշեն» ՔԿՀ-ումԱպրիլի 3-ին Մարդու իրավունքների պաշտպանի թեժ գծի հեռախոսահամարին ահազանգ էր ստացվել առ այն, որ «Նուբարաշեն» քրեակատարողական հիմնարկում դիմակներով անձինք ծեծի են ենթարկել ցմահ դատապարտյալներին։ Սոցիալական ցանցերի և զանգվածային լրատվության միջոցների մշտադիտարկման արդյունքում ստացվել էր նաև տեղեկություն, որ դատապարտյալներին որևէ բուժօգնություն չի ցուցաբերվում։ ՄԻՊ-ից հայտնում են, որ Պաշտպանի հանձնարարությամբ «Նուբարաշեն» քրեակատարողական հիմնարկ է մեկնել արագ արձագանքման […] ...
17:04 04.04.2025
38-ամյա տղամարդու և 20-ամյա աղջկա խուզարկությամբ «Մակարով» ատրճանակներ են հայտնաբերվել․ ՔՈԳՎ բացահայտումներըԾանր և առանձնապես ծանր հանցագործությունների կանխարգելման գործում էական նշանակություն ունի բնակչութան մոտ ապօրինի պահվող զենք-զինամթերքի հայտնաբերումն ու առգրավումը: Պատահական չէ, որ իրավապահ մարմինները մշտական ուշադրության կենտրոնում են պահում այս գործը: Քրեական ոստիկանության գլխավոր վարչության մարդու դեմ ուղղված հանցագործությունների դեմ պայքարի բաժնի ծառայողների վերջին բացահայտումներն էլ, անկասկած, ունեցան նաև կանխարգելիչ նշանակություն: Ապրիլի 2-ին բաժնի ծառայողները ստացել […] ...
