18:25 19.11.2020
Փրկել, պահպանել ու ներկայացնել ազգային երգն ու երաժշտությունը… Այսպիսին է մշակութային ծրագրի առաքելությունը, որն իրականացնում է Գյումրիի ժողգործիքների պետական նվագախումբը: «Հայ երգը դարերից» կրթության, գիտության, մշակույթի և սպորտի նախարարության հետ համատեղ իրականացվող դրամաշնորհային նախագծի շրջանակներում նկարահանվում են հինգ ֆիլմեր, որոնք հեռուստադիտողին կպատմեն հայ երգի, ալեքպոլյան աշուղական դպրոցի ստեղծման, շիրակյան ժողովրդական երգերի ու Անդրկովկասի մշակութային կենտրոնների մասին:
«Հայ երգը դարերից» նախագիծը ստեղծվել է համավարակով պայմանավորված ինքնամեկուսացման շրջանում, երբ Գյումրիի ժողգործիքների նվագախումբը համերգներով հանդես գալ չէր կարող: Հարկադիր պարապուրդը նոր մտահղացում է ծնել՝ ոչ թե կենդանի համերգ, այլ երաժշտական տեսաֆիլմերի շարք, որոնք ներկայացնում են ազգային, ժողովրդական, աշուղական երգերը, նվագարանները:
Ֆիլմերից յուրաքանչյուրում անդրադարձ է կատարվում հայ երգարվեստի առանձին ճյուղերի, որոնց ստեղծման ու զարգացման պատմությունը ներկայացնում են մասնագետները:
«Ֆիլմում հնչում են հարցեր, խոսվում է երևույթների մասին, որոնք, թվում է, թե բոլորը գիտեն, բայց խորքեր կան, տեսակետներ կան, որոնք ավելի երիտասարդ ունկնդիրներին շատ մատչելի ձևով բացատրում են, թե ինչ երևույթի հետ գործ ունեն, ինչ բան է աշուղական արվեստը, ինչ բան է գեղջկական ժողովրդական երգը, ինչով է գուսանը տարբերվում աշուղից»,- տեսաֆիլմի կարևորությունն է ընդգծում Կոնսերվատորիայի Գյումրիի մասնաճյուղի տնօրեն Հասմիկ Հարությունյանը։
Հաղորդումներից մեկն էլ նվիրված է Ալեքպոլի աշուղական դպրոցին, դրա ստեղծման պատմությանը: Աշուղների գործունեության ու հայկական մեղեդիների ստեղծման պատմությունը ներկայացվում է փաստերով ու հստակ ժամանակագրությամբ:
«Ընդհանուր ձայնագրվել է 15 ստեղծագործություն, որոնցից ինը նոր գործիքավորմամբ։ Ունենք նաև այնպիսի երգեր, որոնք կատարված չէին, օրինակ՝ Բասենի ժողովրդական երգ կա. «Աման կռունկ», ոչ մի տեղ չի հնչել։ Ծրագրում ներառել ենք նաև այն երգերը, որոնք նախորդ տարի հավաքել ու գրի էինք առել գյուղերից»,- նշում է Գյումրիի ժողգործիքների պետական նվագախմբի դիրիժոր Կարեն Մայիլյանը։
Ազգային ու աշուղական երաժշտությունը երբեմն մատուցվում է նաև դասական ոճում, դասականն էլ իր հերթին է զուգորդվում ազգային մոտիվներով: Տեսաֆիլմերից մեկում մասնագետները անդրադառնում են հենց այս մոտեցումներին: Ազգային մշակույթին նվիրված հինգ տեսաֆիլմերը առաջիկայում կցուցադրվեն հեռուստաեթերներով ու համացանցային տիրույթում:
00:00 30.04.2025
PFAS պոլիմերների ազդեցությունը առողջության և շրջակա միջավայրի վրաԵվրոպական շրջակա միջավայրի գործակալության նոր զեկույցը ահազանգում է՝ նախկինում համեմատաբար անվնաս համարվող PFAS պոլիմերները (հայտնի որպես “հավերժ քիմիական նյութեր”) կարող են լուրջ ռիսկեր ներկայացնել ինչպես մարդու առողջության, այնպես էլ շրջակա միջավայրի համար։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: PFAS պոլիմերներն օգտագործվում են ամենօրյա ապրանքներում՝ տեքստիլ, կոսմետիկա, էլեկտրոնիկա և նույնիսկ «կանաչ» տեխնոլոգիաներում։ Ինչո՞վ […] ...
23:58 29.04.2025
Կաթիլային և անձրևացման ոռոգման համակարգեր. Արդյունավետության բարձրացում գյուղատնտեսությունումԿաթիլային և անձրևացման ոռոգման համակարգերը կազմում են ժամանակակից գյուղատնտեսական ոռոգման հիմքը՝ խնայելով ջրային ռեսուրսները և բարձրացնելով բերքի որակական և քանակական հատկանիշները: Այս մասին հայտնել են ՀՀ էկոնոմիկայի նախարարությունից: Կաթիլային և անձրևացման ոռոգման համակարգերը բաղկացած են հետևյալ հանգույցներից և տարրերից՝ Ջրաղբյուր (պոմպակայան կամ ինքնահոս ճնշումային) Ֆիլտրացման հանգույց Պարարտանյութի պատրաստման և ներմուծման հանգույց Գլխավոր խողովակաշար Ճնշման կարգավորիչներ […] ...
23:57 29.04.2025
Հաջողության պատմություն՝ Նոր ԿյանքիցԱշխատելու համար հարազատ գյուղից Գյումրի տեղափոխվելու միտքը Քրիստինան փոխեց համավարակից հետո: Նա դիմեց Կառավարության աջակցության կորոնավիրուսի հետևանքների հաղթահարման 19-րդ ծրագրին ու Վարդաքարում հիմնեց սեփական ընտանեկան փոքրիկ բիզնեսը, իսկ ամիսներ առաջ տեղափոխվել է Նոր Կյանք ու գործին նոր տեմպ տվել: Մանրամասները՝ տեսանյութում: ...
23:56 29.04.2025
Ամենայն Հայոց Կաթողիկոսը հյուրընկալեց Վրաստանի նախագահինԱպրիլի 29-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում հյուրընկալեց պաշտոնական այցով Հայաստանում գտնվող Վրաստանի նախագահ Միխեիլ Կավելաշվիլիին։ Ողջունելով նախագահի այցը Հայաստան և Մայր Աթոռ Սուրբ Էջմիածին` Հայոց Հայրապետն անդրադարձավ երկու ժողովուրդների դարավոր բարեկամությանը։ Այս առնչությամբ Նորին Սրբությունը նկատեց, որ պատմության ընթացքում հայ և վրաց ժողովուրդները, ապավինած իրենց քրիստոնեական […] ...
23:53 29.04.2025
Երևանում անցկացվել է պարին նվիրված ֆլեշմոբՊարի միջազգային օրվա շրջանակում ԿԳՄՍ նախարարության նախաձեռնությամբ ՀՀ մարզերում և Երևանում անցկացվել է պարին նվիրված հանրային արշավ՝ ֆլեշմոբի ձևաչափով: Այս մասին հայտնել են ԿԳՄՍ նախարարությունից: Երևանում ֆլեշմոբն իրականացվել է 4 հարթակում՝ Ազատության հրապարակում, Հյուսիսային պողոտայում, Հանրապետության հրապարակում և ԿԳՄՍ նախարարության մուտքին հարող տարածքում: Ֆլեշմոբը մեկնարկել է ավանդական քոչարու երաժշտությամբ․ քոչարին ընդգրկված է ՅՈՒՆԵՍԿՕ-ի ոչ նյութական […] ...
23:49 29.04.2025
Հայտնաբերվել է որպես անհետ կորած որոնվող 50-ամյա տղամարդու դինԱպրիլի 22-ին հաղորդվել էր 1975 թվականին ծնված Արման Մարտիրոսյանի անհետ կորելու մասին: Համայնքային ոստիկանության Լոռու մարզային վարչության, Ստեփանավանի բաժնի և Փրկարար ծառայության Լոռու մարզի ծառայողների համատեղ ձեռնարկած որոնողական աշխատանքների արդյունքում ապրիլի 25-ին՝ ժամը 13.30-ի սահմաններում, Ստեփանավան քաղաքի Աշոտաբերդ թաղամասի հարակից անտառում հայտնաբերվել է Արման Մարտիրոսյանի դին՝ ծառից կախված վիճակում: Կատարվում է նախաքննություն: Ծանուցում. Ենթադրյալ հանցանքի […] ...
