Լեռնային Ղարաբաղի Հանրապետության ճանաչումը չափազանց կարևոր է. Սերժ Թանկյան – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
29 04 2025
  • $
    389.45
  • RUBLE
    4.78
  • 443.12
WEATHER
+12.09 oC

Լեռնային Ղարաբաղի Հանրապետության ճանաչումը չափազանց կարևոր է. Սերժ Թանկյան

12:43 21.10.2020

«Ես ամեն օր արթնանում և աղոթում եմ, որ ռմբակոծությունը դադարեցվի», – Forbes ամերիկյան հեղինակավոր հանդեսին տված հարցազրույցում, խոսելով Արցախում ընթացող պատերազմի մասին, ասել է աշխարհահռչակ System of a Down ռոք խմբի մենակատար Սերժ Թանկյանը։

«Ժամանակ առ ժամանակ վշտացած ենք, հպարտ, բարկացած: Որպես հայ ունենում ենք զգացմունքների փունջ՝ գործ ունենալով անարդարության հետ ոչ միայն Ադրբեջանի, այլև՝ Թուրքիայի կողմից: Մեզ համար դա կարծես գոյութենական պայքար լինի»,-նշել է Թանկյանը:

Աշխարհահռչակ խմբի մենակատարը պատմել է, որ խոսել է գերմանական լրատվամիջոցների հետ և թեպետ չի ասել, բայց մտածել է. «Ի՞նչ կզգան իսրայելցիները, եթե Գերմանիան երբեք չճանաչեր Հոլոքոստը և հենց հիմա սկսեր ռմբակոծել Իսրայելը: Մենք հենց դա ենք զգում»:

«Մեզ համար իսկապես ցավալի է, քանի որ Թուրքիայի նախագահ Էրդողանի կառավարությունը դեռևս չի ճանաչել ցեղասպանությունը, փոխարենը Ադրբեջանի հետ հարձակվում է մեզ վրա: Սա ռասիզմ է, ատելություն»,-ասել է նա:

Թանկյանն ընդգծել է, որ այն, ինչ տեղի է ունենում Արցախում, մարդու իրավունքների խախտում է, ռազմական հանցագործություն:

«ՆԱՏՕ-ն նրանց չի կանգնեցրել, թեպետ Թուրքիան ՆԱՏՕ-ի դաշնակիցն է: Եվրամիությունը դեմ է արտահայտվել Թուրքիայի ներգրավվածությանը, բայց ժամանակն է, որ բոլորը սկսեն պատժամիջոցներ կիրառել նրանց վրա, որպեսզի վերջիններս դադարեցնեն անմեղ մարդկանց սպանությունը»,-նշել է նա:

«Ես ուզում եմ, որ մարդիկ իմանան, որ մենք ունենք հիանալի երիտասարդներ, որոնք կամավոր մեկնում են ռազմաճակատ՝ իրենց ընտանիքները պաշտպանելու համար: Հարկավոր է պատժամիջոցներ կիրառել: Մենք աջակցության կարիք ունենք: Լեռնային Ղարաբաղի հանրապետության ճանաչումը չափազանց կարևոր է», – ընդգծել է Սերժ Թանկյանը:

Stepanakert, Nagorno-Karabakh in aftermath of night shelling attack

Թանկյանն ընդգծել է, որ ադրբեջանա-թուրքական ագրեսորները ժամանակն այնպես են ընտրել, որպեսզի միջազգային հանրության ուշադրությունը կենտրոնացած լինի այլ հարցերի վրա. մասնավորապես COVID-ի և ԱՄՆ-ի դեպքում՝ ընտրությունների: «Դա արվել է միտումնավոր, բայց դա չի նշանակում, որ մենք չպետք է զբաղվենք այդ խնդիրներով և թույլ տանք, որ անմեղ մարդիկ մահանան և անարդարություն տիրի. ընդհակառակը. մենք պետք է իմանանք, որ դա վատ ժամանակ է և գործենք դրա դեմ ՝ որպես համաշխարհային հանրություն»,-ասել է Թանկյանը:

Բոլոր լուրերը

Կապակցված լուրեր

PFAS պոլիմերների ազդեցությունը առողջության և շրջակա միջավայրի վրա

00:00 30.04.2025

PFAS պոլիմերների ազդեցությունը առողջության և շրջակա միջավայրի վրա

Եվրոպական շրջակա միջավայրի գործակալության նոր զեկույցը ահազանգում է՝ նախկինում համեմատաբար անվնաս համարվող PFAS պոլիմերները (հայտնի որպես “հավերժ քիմիական նյութեր”) կարող են լուրջ ռիսկեր ներկայացնել ինչպես մարդու առողջության, այնպես էլ շրջակա միջավայրի համար։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: PFAS պոլիմերներն օգտագործվում են ամենօրյա ապրանքներում՝ տեքստիլ, կոսմետիկա, էլեկտրոնիկա և նույնիսկ «կանաչ» տեխնոլոգիաներում։ Ինչո՞վ […] ...

Կաթիլային և անձրևացման ոռոգման համակարգեր. Արդյունավետության բարձրացում գյուղատնտեսությունում

23:58 29.04.2025

Կաթիլային և անձրևացման ոռոգման համակարգեր. Արդյունավետության բարձրացում գյուղատնտեսությունում

Կաթիլային և անձրևացման ոռոգման համակարգերը կազմում են ժամանակակից գյուղատնտեսական ոռոգման հիմքը՝ խնայելով ջրային ռեսուրսները և բարձրացնելով բերքի որակական և քանակական հատկանիշները: Այս մասին հայտնել են ՀՀ էկոնոմիկայի նախարարությունից: Կաթիլային և անձրևացման ոռոգման համակարգերը բաղկացած են հետևյալ հանգույցներից և տարրերից՝ Ջրաղբյուր (պոմպակայան կամ ինքնահոս ճնշումային) Ֆիլտրացման հանգույց Պարարտանյութի պատրաստման և ներմուծման հանգույց Գլխավոր խողովակաշար Ճնշման կարգավորիչներ […] ...

Հաջողության պատմություն՝ Նոր Կյանքից

23:57 29.04.2025

Հաջողության պատմություն՝ Նոր Կյանքից

Աշխատելու համար հարազատ գյուղից Գյումրի տեղափոխվելու միտքը Քրիստինան փոխեց համավարակից հետո: Նա դիմեց Կառավարության աջակցության կորոնավիրուսի հետևանքների հաղթահարման 19-րդ ծրագրին ու Վարդաքարում հիմնեց սեփական ընտանեկան փոքրիկ բիզնեսը, իսկ ամիսներ առաջ տեղափոխվել է Նոր Կյանք ու գործին նոր տեմպ տվել: Մանրամասները՝ տեսանյութում: ...

Ամենայն Հայոց Կաթողիկոսը հյուրընկալեց Վրաստանի նախագահին

23:56 29.04.2025

Ամենայն Հայոց Կաթողիկոսը հյուրընկալեց Վրաստանի նախագահին

Ապրիլի 29-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում հյուրընկալեց պաշտոնական այցով Հայաստանում գտնվող Վրաստանի նախագահ Միխեիլ Կավելաշվիլիին։ Ողջունելով նախագահի այցը Հայաստան և Մայր Աթոռ Սուրբ Էջմիածին` Հայոց Հայրապետն անդրադարձավ երկու ժողովուրդների դարավոր բարեկամությանը։ Այս առնչությամբ Նորին Սրբությունը նկատեց, որ պատմության ընթացքում հայ և վրաց ժողովուրդները, ապավինած իրենց քրիստոնեական […] ...

Երևանում անցկացվել է պարին նվիրված ֆլեշմոբ

23:53 29.04.2025

Երևանում անցկացվել է պարին նվիրված ֆլեշմոբ

Պարի միջազգային օրվա շրջանակում ԿԳՄՍ նախարարության նախաձեռնությամբ ՀՀ մարզերում և Երևանում անցկացվել է պարին նվիրված հանրային արշավ՝ ֆլեշմոբի ձևաչափով: Այս մասին հայտնել են ԿԳՄՍ նախարարությունից: Երևանում ֆլեշմոբն իրականացվել է 4 հարթակում՝ Ազատության հրապարակում, Հյուսիսային պողոտայում, Հանրապետության հրապարակում և ԿԳՄՍ նախարարության մուտքին հարող տարածքում: Ֆլեշմոբը մեկնարկել է ավանդական քոչարու երաժշտությամբ․ քոչարին ընդգրկված է ՅՈՒՆԵՍԿՕ-ի ոչ նյութական […] ...

Հայտնաբերվել է որպես անհետ կորած որոնվող 50-ամյա տղամարդու դին

23:49 29.04.2025

Հայտնաբերվել է որպես անհետ կորած որոնվող 50-ամյա տղամարդու դին

Ապրիլի 22-ին հաղորդվել էր 1975 թվականին ծնված Արման Մարտիրոսյանի անհետ կորելու մասին: Համայնքային ոստիկանության Լոռու մարզային վարչության, Ստեփանավանի բաժնի և Փրկարար ծառայության Լոռու մարզի ծառայողների համատեղ ձեռնարկած որոնողական աշխատանքների արդյունքում ապրիլի 25-ին՝ ժամը 13.30-ի սահմաններում, Ստեփանավան քաղաքի Աշոտաբերդ թաղամասի հարակից անտառում հայտնաբերվել է Արման Մարտիրոսյանի դին՝ ծառից կախված վիճակում: Կատարվում է նախաքննություն: Ծանուցում. Ենթադրյալ հանցանքի […] ...

BACK_TO_TOP