«Ես Արցախն եմ․Շիրակ»․Արցախի ժողովրդին ու առաջնագծում տղաներին աջակցելու համար նախաձեռնություն է մեկնարկել

Այսօր ողջ օրվա ընթացքում Շիրակի մարզի բնակիչները  որպես աջակցություն Արցախին ու սահմանին կռվող տղաներին Հայորդաց տուն էին  բերում առաջին անհրաժեշտության պարագաներ ու սնունդ։Նախաձեռնությունը կրում է  «Ես Արցախն եմ․Շիրակ» խորագիրը։

«Նախաձեռնությունը կրում է «Ես Արցախն եմ․Շիրակ» անունը,որովհետև էս պահին մեզանից յուրաքանչյուրը Արցախ է և կապ չունի Հայաստանի որ մարզում ենք մենք ապրում,յուրաքանչյուրս էսօր մեր հայրենիքի պաշտպանության զինվորն ենք ՝ ռազմաճակատում,թե թիկունքում»,-ասում է Գյումրիի Հայորդաց տան տնօրեն Աստղիկ Եդիգարյանը։

Քաղաքացիները բերում էին  հիմնականում չոր սնունդ,պահածոներ,ալյուր,հագուստ, գուլպաներ ու հիգիենայի պարագաներ։Գյումրիում գործող արտադրական ընկերությունները ևս ցուցաբերում են իրենց աջակցությունը։

«Քաղցրավենիք ենք բերել,մանկական հագուստ,կրուպեղեն և առաջին անհրաժեշտության բաները»,-ներկայացնում էին նախաձեռնությանը միացած մարդիկ ։«Ընտանիքիս հետ  ինչ որ անհրաժեշտ է զինվորներին դա ենք բերել՝ ծխախոտ,թեյ ,մսեղեն ՝ պահածոյի տեսքով։Ծառայող զինվոր ունենք ,թե ոչ  նշանակություն չունի,մեր եղբայրներն են,մեր հարազատներն են,ոչ մի տարբերություն չկա»,-նշեց  գյումրեցի տղամարդը։Օգնությունցուցաբերողների թվում էին նաև  Վաշինգտոնից ու Գերմանիայից Գյումրիում գտնվող մեր հայրենակիցները,որոնք պատրաստ էին հոգալ հավաքված սնունդն ու  պարագաները Արցախ ուղարկելու  տրանսպորտային ծախսերը։«Սեպտեմբերի սկզբին եկա Գյումրի Վաշինգտոնից ,հիմա պատերազմի մեջ է իմ երկիրը  ես պետք է ինչով կարող եմ օգնեմ իմ ժողովրդին ու Արցախին։Ունենք մոտավոր պատկերացում ,թե մեր զինվորները ինչի կարիք ունեն,խորհրդակցում ենք պատկան մարմինների հետ։Էս պահին կա տեքստիլ արտադրատեսակների պահանջարկ,ներքնահագուստի, գուլպաների ,ծխախոտի ,վառելիքի կարիք։Իմ  հայ ընկերները Վաշինգտոնից կապվել են մեզ հետ ու իրենց աջակցությունը հայտնել,կազմակերպվել է հանգանակություն,որի հասույթը կտրամադրվի Արցախին»,- իր նախաձեռնության մասին  պատմեց  ԱՄՆ-ում ապրող գյումրեցի Արման Գոմցյանը։Հավաքված սնունդն ու առաջին անհրաժեշտության պարագաները, որոնք  նախատեսված են արցախցիների համար տեղավորում են արկղերում, դրանց մեջ կան նաև  դեղորայք ու  ներարկիչներ։ Առաջին անհրաժեշտության պարագաների  ցուցակը հրապարակվել էր  պատկան կառույցների պաշտոնական կայքերում։

«Պարտադիր նայում ենք ժամկետները ,հավաքագրումից հետո  հատկապես դեղորայքը ,որի անհրաժեշտությունը այս պահին շատ կա,պետք է համակարգող կազմակերպությունների հետ չճտվի,ուղարկվի իրենց և իրենք կազմակերպեն մնացած հարցերը »,- նշեց Աստղիկ Եդիգարյանը։Նախաձեռնությանը միացած քաղաքացիների մեջ կային նաև այս պահին  սահմանին  գտնվող ժամկետային զինծառայողների  ու սպաների հարազատներ ու ընկերներ։Նրանցից մեկն էլ SHANTNEWS.am-ին հուզված պատմեց , որ երեկ սահմանին մ զոհված սպա Գեորգի Լյովայի Մինասյանի հարազատն է։ Գևորգը Հառիճ գյւողից էր ,20 տարի ծառայում էր   Ազգային բանակում։