19:00 20.06.2018
Ազգային անվտանգության խորհրդի քարտուղար Արմեն Գրիգորյանին «Ազատության» ֆեյսբուքյան ասուլիսի ժամանակ օգտատերերը դիմեցին հարցով, թե Ադրբեջանին զենքի վաճառքի հետ կապված ինչո՞ւ նաև Ռուսաստանին մտահոգություն չի հայտնել: Օգտատերերին հետաքրքրում էր նաև՝ արդյո՞ք ԵՏՄ-ից դուրս գալու անհրաժեշտություն չի տեսնում:
Գրիգորյանն արձագանքեց, որ արտաքին քաղաքական կուրսի մասին բազմիցս հայտարարվել է, նաև նշվել է, որ փոփոխություն չի լինելու:
«Ամբողջ հեղափոխության մեխը եղել է ներքին քաղաքականությունը, քաղաքացիները մեզ մանդատ են տվել հենց ներքին բարեփոխումներ կատարելու, բայց այդ դաշտում փոփոխություններ կատարելու հարցը չենք բարձրացրել, և շարունակում ենք մնալ հեղափոխության տրամաբանության շրջանակներում»,- ասաց նա:
Ըստ Գրիգորյանի՝ կառույցներից ոչ թե պետք է դուրս գալ, այլ դրանք օգտագործել, որ դրանց գործունեությունն ավելի լավ լինի և Հայաստանն իր շահերին համապատասխան աշխատանք կատարի և ստանա եղած առավելագույն հնարավորությունները: ԱԱԽ քարտուղարը նշեց, որ այս հարցը բարձրացնում են առավելագույն չափով, Gazeta.ru-ում հոդված է գրել և այս հարցը բարձրացրել:
«Մենք բոլոր գործընկերների հետ էլ խոսում ենք ունեցած խնդիրների մասին, սակայն լուրջ հարցեր կան, որոնց դժվար է մեկ օրում լուծում տալ: Ցանկացած կառույցից, մանավանդ միջազգային կառույցից օգտվելու համար անհրաժեշտ է երկրիդ ներսում ունենալ այնպիսի կառուցվածք, որ հնարավորություն ունենաս այդ կառույցից օգտվելու: Եթե մենք ունենանք ազատ շուկա, մեր կառույցները սկսեն արդյունավետ գործել, եթե մեր բիզնեսները ներսում մրցակցելով դառնան ավելի մրցունակ և արտադրեն ավելի մրցունակ ապրանքներ, ապա միջազգային այդ կոնյունկտուրայից ավելի մեծ հնարավորություններով կարող ենք օգտվել»,- ասաց նա:
Գրիգորյանն ընդգծեց՝ այստեղ խնդիրը կրկին պետք չէ դրսում դիտել, այն երկրի ներսում է, եթե կարողանում են երկրի ներսում կատարել բարեփոխումներ, տնտեսությունն ուժեղացնել, կարողանում են նաև ունենալ մեծ հնարավորություններ ու օգտվել այդ կառույցներից:
Հարցին՝ ինչու մինչ այժմ այդ հնարավորությունները չեն ստեղծվել, համապատասխան գործիքներից չեն օգտվել, նա պատասխանեց, որ շուկան մրցակցային չի եղել, իսկ ըստ Համաշխարհային բանկի 2013 թ. զեկույցի՝ Հայաստանն ունեցել է հետխորհրդային տարածքի ամենամենաշնորհացված տնտեսությունը:
«Եթե գնում ենք բարեփոխումների, վերացնում մենաշնորհները, Հայաստանը կարողանում է ավելի լայնորեն օգտվել հնարավորություններից»,- ասաց Գրիգորյանը:
12:29 06.04.2025
ՃՏՊ Եղվարդ-Աշտարակ ավտոճանապարհին․ կա տուժածԱպրիլի 6-ին, ժամը 10:23-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Եղվարդ-Աշտարակ ավտոճանապարհին տեղի է ունեցել ՃՏՊ․ կա տուժած։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Եղվարդ-Աշտարակ ավտոճանապարհի 8-րդ կմ-ին «Volkswagen» մակնիշի ավտոմեքենան մոտ 20 մ դուրս է եկել ճանապարհի երթևեկելի […] ...
12:09 06.04.2025
Սպորտը վեր է ազգային, մշակութային և սոցիալական սահմաններից․ Ժաննա Անդրեասյանի շնորհավորական ուղերձըՀՀ կրթության, գիտության, մշակույթի և սպորտի նախարար Ժաննա Անդրեասյանի շնորհավորական ուղերձը Սպորտի միջազգային օրվա կապակցությամբ. «Հարգելի՛ մարզիկներ, մարզիչներ, մարզական կառույցների ներկայացուցիչներ և մարզասերներ, Շնորհավորում եմ Սպորտի միջազգային օրվա կապակցությամբ։ Այս օրը կարևոր հիշեցում է այն մասին, որ սպորտը վեր է ազգային, մշակութային և սոցիալական սահմաններից՝ միավորելով միլիոնավոր մարդկանց ողջ աշխարհում։ Սպորտը դառնում է խաղաղության, համերաշխության […] ...
11:50 06.04.2025
Գազայի հատվածում առնվազն 30 պաղեստինցի է սպանվել իսրայելական բանակի կողմից. Al JazeeraՇաբաթ օրը՝ ապրիլի 5-ին, առնվազն 30 պաղեստինցի է սպանվել իսրայելական բանակի կողմից։ Այս մասին հայտնում է քաթարյան Al Jazeera հեռուստաալիքը՝ հղում անելով բժշկական աղբյուրներին։ Նրանք ասում են, որ իսրայելական ուժերը Գազայում սպանել են առնվազն 30 պաղեստինցիների, այդ թվում՝ ութին՝ հարավային Խան Յունիս քաղաքի մասնավոր տան վրա ավիահարվածի ժամանակ: Հաղորդվում է, որ հարձակման զոհերի թվում է […] ...
11:28 06.04.2025
50 կմ՝ 2 ժամում, առանց կանգառի. Փաշինյանը տեսանյութ է հրապարակելՀՀ վարչապետ Նիկոլ Փաշինյանը տեսանյութ է հրապարակել սոցցանցի իր էջում և գրել․ «50 կմ՝ 2 ժամում, առանց կանգառի»: ...
11:15 06.04.2025
Խորհրդարանի այգում նշվել է ճապոնական «Հանամի» տոնը««Արումենիա-Նիպոն» հայ-ճապոնական գիտամշակութային միություն» հասարակական կազմակերպության նախաձեռնությամբ խորհրդարանի այգում նշվել է ճապոնական «Հանամի» տոնը, որին մասնակցել են ՀՀ ԱԺ պատգամավորներ, ԱԳՆ ներկայացուցիչներ, «Արումենիա-Նիպոն» միության անդամներ, այլ հյուրեր: Այս մասին հայտնում են ԱԺ-ից և նշում, որ միջոցառման ավարտին, ի նշան խաղաղության, ներկաները ծաղկած բալենիները զարդարել են թղթե կռունկներով: Մանրամասները՝ տեսանյութում։ ...
11:00 06.04.2025
Թաիլանդի փոխվարչապետը կմեկնի ԱՄՆ՝ մաքսատուրքերի սահմանումից հետո բանակցություններ վարելուԹաիլանդի փոխվարչապետ և ֆինանսների նախարար Ֆիչայ Չունգավաչիրան կմեկնի ԱՄՆ՝ Միացյալ Նահանգների իշխանությունների և մասնավոր հատվածի հետ քննարկելու ԱՄՆ 36% մաքսատուրքերի ներդրման հարցը։ Այս մասին հայտարարել է Թաիլանդի վարչապետ Ֆեթոնգ Թան Շինավաթան։ «Թաիլանդին սպառնում է մինչև 36% մաքսատուրքերի բարձրացում Միացյալ Նահանգներ արտահանվող թայլանդական ապրանքների համար, շատ երկրներ նույն իրավիճակում են, ինչպես Թաիլանդը, միջոցներ են նախապատրաստում այն […] ...
