12:52 01.08.2020
4 օր է՝ այսպիսի տեսարան է քաղաքի կենտրոնական, բանուկ, թանգարանին հարակից փողոցի մայթին։ Ջուրն օր-օրի ավելանում է ու փակել է մուտքը դեպի թանգարան։ Թեև թանգարանի դարպասները դեռ փակ են համավարակի պատճառով, բայց ջրի կուտակման պատճառով մայթով անցուդարձն է դադարել։ Պատճառը քաղաքի տարածքով անցնող քյարիզներն են, որոնցում արտեզյան ջրերի մակարդակն անձրևներից հետո բարձրանում է։
Քաղաքի կենտրոնում այս տեսարանի ականատեսները, բացի գյումրեցիներից, թե էլ ովքեր կլինեին, եթե աշխատեին թանգարանները, տնօրենի պաշտոնակատարն արդեն պատկերացնում է: Վիճակը ստիպել է թանգարանի մուտքը ժամանակավոր փոխել, ելումուտը հետնամասով է։ Այս տարածքում ջրի կուտակումների առաջին դեպքը չէ, և մասնագետներն առաջին անգամ չէ, որ ասել են, թե ինչի հետևանքով, ու որտեղից է ջուրը հոսում թանգարանի դարպասներից դուրս։
Թանգարանի բակի սալաքարերի տակից հոսող ջուրն ամեն դեպքում կասկածելի բաղադրության չէ, այն մաքուր է։ Դրանում մենք էլ համոզվեցինք, պարզապես այլ տեղ հոսելու ճամփա չունենալով, փողոցում, մայթին կուտակվել ու վերածվել է կեղտոտ, մամռակալած ջրի։
Մի քանի տարի առաջ, երբ դարձյալ նույն հատվածում նույն վիճակն էր ստեղծվել, դիմել էին մասնագետներին։ Եկել էին, ուսումնասիրություն կատարել ու եզրակացրել, որ խնդիրը կապված չէ ո՛չ խմելու ջրի, ո՛չ էլ կոյուղագծերի հետ։ Թանգարանի տարածքով անցնող քյարիզներն են մեղավոր, որոնցով հոսում են արտեզյան ջրերը։ Մասնագետների ասածի ապացույցն են նաև թանգարանի նկուղային հատվածների խոնավ պատերը։
Քաղաքի ստորգետյա հին ջրատարներն անցնում են Հաղթանակի ողջ պողոտայով ու պատմական միջուկի տարածքով։ Կումայրի արգելոցի բուն կենտրոնում որևէ շինաշխատանք կատարելիս մշտապես այս խնդրին են բախվում։ Մոտ վեց տարի առաջ, երբ թանգարանի կողքին սկսեցին կառուցել հայ կաթողիկե եկեղեցին, հիմքերի փորման ժամանակ արտեզյան ջրերի մակարդակի բարձրացում տեղի ունեցավ, խնդիրը հնարավոր եղավ լուծել միայն դրենաժային համակարգ կառուցելով։
Ստորգետյա ջրերի ողողումից թանգարանը զերծ պահել հնարավոր չէ, չունի նաև դրենաժային համակարգ։ Ամեն տեղումներից հետո նման վիճակները սպասելի են, իսկ խնդրի կարգավորումը, եթե չկա դրենաժային ցանց, լինելու է լոկալ։
Կոմունալ ծառայության աշխատողները նույն տարբերակով նաև այսօր են մաքրելու և հեռացնելու կուտակված ջուրը։ Այն, որ այս տարածքով ստորգետնյա ջրեր են անցնում, և որ դրանց մակարդակը բարձրանում է տեղումներից հետո, նորություն չէ, բայց բանը ջրածածկումներին չի հասնի, եթե նորմալ գործեն ջրատարները։ Կոմունալ ծառայության բրիգադը, բացի փողոցում եղած դիտահորերը մաքրելուց, նոր խողովակներ է անցկացնելու, որով ստորգետյա ջրերի հոսքը կկարողանա ուղղել Գյումրի գետակ։ Սա ընդամենը թանգարանի բակում ու փողոցում ջրերի կուտակումները կանխելու, բայց ոչ ամբողջ թանգարանը խոնավացումից փրկելու միջոց է։
21:20 17.11.2024
Վրացական ընդդիմությունը վրաններ է տեղադրել Թբիլիսիի կենտրոնում
18:15 17.11.2024
«Հեռավոր Արևելքի Գալապագոսում» երկրաշարժ է տեղի ունեցել
23:59 17.11.2024
Բայդենը առաջին անգամ Ուկրաինային թույլատրել է հարվածներ հասցնել Ռուսաստանի տարածքին՝ ATACMS մարտավարական բալիստիկ հրթիռներովԱՄՆ նախագահ Ջո Բայդենը Ուկրաինային թույլատրել է հարվածներ հասցնել Ռուսաստանի տարածքին՝ ATACMS մարտավարական բալիստիկ հրթիռներով։ Այս մասին կիրակի օրը հայտնել է New York Times-ը։ Նշվում է, որ այս որոշումը կայացվել է Վաշինգտոնում իշխանափոխությունից ընդամենը երկու ամիս առաջ և դարձել «լուրջ փոփոխություն ԱՄՆ քաղաքականության մեջ»։ Ամերիկացի առաջնորդի խորհրդականների կարծիքները այս քայլի հետ կապված բաժանված են, գրում […] ...
23:38 17.11.2024
«Իսլամական ջիհադը» հաստատել է Դամասկոսի վրա հարձակման ժամանակ իր կողմնակիցների մահըՊաղեստինյան արմատական «Իսլամական ջիհադ» կազմակերպությունը հաստատել է նոյեմբերի 14-ին Դամասկոսի արևմտյան շրջաններում իսրայելական ավիահարվածի հետևանքով իր ինը կողմնակիցների, այդ թվում երկու դաշտային հրամանատարների մահը։ Համապատասխան հայտարարությունը հրապարակել է կազմակերպության ռազմական թեւը՝ «Սարայա ալ-Քուդս» խմբավորումը: Telegram ալիքում հրապարակված փաստաթղթի համաձայն՝ Սիրիայի մայրաքաղաքին ավիահարվածի արդյունքում կազմակերպությունում ղեկավար պաշտոններ զբաղեցրած Աբդել Ազիզ Սաիդ ալ-Մինավին և Ռասմի Յուսեֆ Աբու […] ...
23:18 17.11.2024
Հութիները անօդաչու թռչող սարքերով հարվածել են Թել Ավիվին և ԱշկելոնինԵմենի «Անսար Ալլահ» ապստամբների շարժման հութիները հարվածներ են հասցրել Թել Ավիվի Յաֆա շրջանում և Իսրայելի Աշկելոն քաղաքի թիրախներին: Այսպիսի հայտարարություն է արել ապստամբների ռազմական ներկայացուցիչ Յահյա Սարիան։ «Օդային ուժերը ռազմական գործողություն են իրականացրել՝ հարվածներ հասցնելով իսրայելական թշնամու մի շարք ռազմական և կարևոր կայանքներին՝ օկուպացված Պաղեստինի հարավում գտնվող Յաֆա և Աշկելոն շրջաններում»,-ասվում է ապստամբների կողմից ձևավորված […] ...
22:58 17.11.2024
Ավարտվեց 2024 թվականի շախմատի աշխարհի մինչև 12 տարեկանների առաջնության 2-րդ խաղափուլըԱվարտվեց 2024 թվականի շախմատի աշխարհի մինչև 12 տարեկան պատանիների և աղջիկների առաջնության 2-րդ խաղափուլը: 2 միավոր ունեն Դավիթ Ստեփանյանը (մինչև 12 տղաներ), Դավիթ Մելքոնյանը (մինչև 10 տղաներ), Արմեն Վարդանյանը (մինչև 10 տղաներ), Գաբրիելա Հարությունյանը (մինչև 12 աղջիկներ) և Սոֆիա Բաղրամյանը (մինչև 8 աղջիկներ), հայտնում են Հայաստանի շախմատային ֆեդերացիայից։ «Տիգրան Համբարձումյանը (մինչև 12 տղաներ) ունի 1.5 […] ...
22:38 17.11.2024
Զելենսկին խոստացել է ստորագրել միասեռական միությունների մասին օրինագիծը․ Mirror of the WeekՈւկրաինայի նախագահ Վլադիմիր Զելենսկին խոստացել է ստորագրել, այսպես կոչված, քաղաքացիական գործընկերության մասին օրինագիծը, որը կօրինականացնի միասեռական միությունները՝ Ուկրաինայի խորհրդարանի կողմից այս փաստաթղթի ընդունումից հետո։ Այս մասին հայտնում է ուկրաինական Mirror of the Week թերթը։ Օգոստոսի սկզբին Գերագույն Ռադայի Ազգի Առողջապահության Կոմիտեն պաշտպանել է քաղաքացիական գործընկերության մասին օրինագիծը։ Նախաձեռնության հեղինակները կարծում են, որ օրինագիծը կպաշտպանի ուկրաինացի […] ...
22:18 17.11.2024
ԵՆԲ Գլոբալը 236 միլիոն եվրոյի վարկային համաձայնագիր է ստորագրել Հայաստանի հետԵՆԲ Գլոբալը 236 միլիոն եվրոյի վարկային համաձայնագիր է ստորագրել Հայաստանի հետ՝ Սիսիան-Քաջարան ճանապարհահատվածի շինարարությունը ֆինանսավորելու համար, հայտնում են Եվրոպական միության հայաստանյան պատվիրակությունից։ «Այս ճանապարհահատվածը «Հյուսիս-Հարավ» ճանապարհային միջանցքի կենսական հատվածն է, որը կբարելավի միակցվածությունը Եվրոպական միության, Մերձավոր Արեւելքի եւ Ասիայի միջեւ: Ծրագիրը կնպաստի կլիմայի փոփոխության հետեւանքների մեղմացմանը, ճանապարհային անվտանգության բարելավմանը եւ Հայաստանի տնտեսական դիմակայունության ամրապնդմանը»,-նշված է […] ...
