15:17 15.06.2018
ՊԵԿ նախագահ Դավիթ Անանյանը կառավարության նիստից առաջ, լրագրողներին տված հարցազրույցի ժամանակ, հաստատել է նախկին պաշտպանության նախարար Սեյրան Օհանյանին հարցաքննության կանչելու մասին լուրերը:
Նա չի պատասխանել հարցին, թե Սեյրան Օհանյանը զուտ հարցաքննվելո՞ւ է, թե՞ ներգրավվելու է նաև որպես մեղադրյալ՝ նշելով, որ քննություն է ընթանում, և որևէ տեղեկություն բացահայտելը տեղին չէ և օրենսդրությանը հակասում է:
Հարցին, թե ինչու է այդ դեպքում Սեյրան Օհանյանը ասել, որ ծանուցում չի ստացել, ՊԵԿ նախագահը պատասխանեց.
«Սեյրան Օհանյանին ծանուցումը ուղարկվել է հունիսի 12-ին, հունիսի 13-ին նա հայտարարել է՝ չի ստացել: Երկու տեղեկատվությունն էլ կարող է իրականություն լինել, այսինքն՝ ամսի 12-ին ուղարկված ծանուցումը հնարավոր է, որ ամսի 13-ին նա դեռ չի ստացել: Պարոն Օհանյանը կանչվել է հարցաքննության, մոտակա օրերին նշանակված օր և ժամ կա»:
Դավիթ Անանյնանը նաև նշեց, որ կոնկրետ քրեական գործ կա կոնկրետ կազմակերպության նկատմամբ, կազմակերպության հետ առնչվող բարձրաստիճան անձինք կան, ու քանի որ Սեյրան Օհանյանի պաշտոնավարման ժամանակահատվածում է եղել, բնականաբար, նա կանչվել է հարցաքննության:
«Նա միակ նախկին բարձրաստիճան պաշտոնյան չէ, որ պետք է հարցաքննվի»,- ասել է ՊԵԿ նախագահը, սակայն անուններ չի հնչեցրել:
Հիշեցնենք, որ պաշտպանության նախարարությունում 2014-2017թթ. ընթացքում գնումների և բանակաշինության ոլորտներում առկա չարաշահումների վերաբերյալ ՊԵԿ քննչական վարչությունում քննվող քրեական գործով նախաքննության ընթացքում ձեռք բերված բավարար ապացույցների համակցության հիման վրա ՊՆ ԿՇ և ԶԲ վարչության արտադրատեխնիկական բաժնի նախկին պետ Գրիգոր Բարսեղյանին մեղադրանք է առաջադրվել պաշտոնական լիազորությունները չարաշահելու, առանձնապես խոշոր չափերով խարդախության, առանձնապես խոշոր չափերով կաշառք ստանալու, փաստաթուղթ կեղծելու համար, իսկ ՊՆ ԿՇ և ԶԲ վարչության պետ Աշոտ Գրիգորյանին` առանձնապես խոշոր չափերով խարդախության փորձի, պաշտոնական լիազորությունները չարաշահելու, պաշտոնական փաստաթուղթ կեղծելու համար։
Հարցաքննության են կանչվել ինչպես նախկին, այնպես էլ ներկայիս ՊՆ բարձրաստիճան պաշտոնատար անձինք, այդ թվում նաև պաշտպանության նախկին նախարար Սեյրան Օհանյանը:
23:47 03.04.2025
Նոր Զելանդիայի նորանշանակ դեսպանն իր հավատարմագրերի պատճենն է հանձնել ՀՀ ԱԳ նախարարի տեղակալինԱպրիլի 2-ին ԱԳ նախարարի տեղակալ Մնացական Սաֆարյանն ընդունել է Հայաստանի Հանրապետությունում Նոր Զելանդիայի դեսպան Մարկ Ջուլիան Թրեյնորին (նստավայրը՝ Մոսկվա)՝ հավատարմագրերի պատճենը հանձնելու կապակցությամբ։ Այս մասին հայտնել են ԱԳՆ-ից: Նախարարի տեղակալ Սաֆարյանը շնորհավորել է նորանշանակ դեսպանին իր առաքելությունն սկսելու առթիվ և արդյունավետ գործունեություն մաղթել երկկողմ կապերի հետագա զարգացման ուղղությամբ։ Կողմերն ընդգծել են, որ երկու երկրներն իրենց […] ...
23:41 03.04.2025
Կայացավ «Արտիստը՝ դպրոցին» ծրագրի եզրափակիչ գալա համերգը«Արամ Խաչատրյան» համերգասրահում կայացավ «Արտիստը՝ դպրոցին» ծրագրի եզրափակիչ գալա համերգը։ Այս մասին հայտնել են Երևանի քաղաքապետարանից: Շուրջ երկու ամիս ՀՀ վաստակավոր արտիստ, աշխարհահռչակ թավջութակահար Նարեկ Հախնազարյանը վարպետության դասեր անցկացրեց Երևանի երաժշտական և արվեստի դպրոցներում՝ փոխանցելով իր անգնահատելի փորձն ու ներշնչելով նոր սերնդին։ Այսօր բեմում մեր երեխաները հանդես եկան Նարեկ Հախնազարյանի կողքին, նրա ղեկավարությամբ։ ...
23:35 03.04.2025
ԵԽ պատգամավորները Հայոց ցեղասպանության հիշատակին նվիրված նիստում դատապարտել են ԼՂ-ից հայերի բռնի տեղահանումըԵվրոպական խորհրդարանը ապրիլի 3-ին Հայոց ցեղասպանության 110-րդ տարելիցին նվիրված նիստ է անցկացրել՝ միաժամանակ լրջագույն ուշադրություն դարձնելով Լեռնային Ղարաբաղից էթնիկ հայերի բռնի տեղահանությանը։ «Արմենպրես»-ի հաղորդմամբ՝ այս մասին հայտնում է Հանուն արդարության և ժողովրդավարության Եվրոպայի հայկական ֆեդերացիայի (EAFJD) կայքէջը։ Եվրոպացի բազմաթիվ պատգամավորներ հստակ զուգահեռներ են անցկացրել պատմական ողբերգության և վերջին տարիների իրադարձությունների միջև՝ ընդգծելով Թուրքիայի ու Ադրբեջանի՝ […] ...
23:19 03.04.2025
ԲԴԽ-ում Եվրոպայի խորհրդի երևանյան գրասենյակի պատվիրակության հետ քննարկվել են դատաիրավական ոլորտի բարեփոխումներըԲարձրագույն դատական խորհրդում տեղի է ունեցել աշխատանքային քննարկում դատական իշխանության ներկայացուցիչների և Եվրոպայի խորհրդի երևանյան գրասենյակի ներկայացուցիչների մասնակցությամբ։ Հանդիպմանը ներկա են եղել նաև Բարձրագույն դատական խորհրդի անդամ Երանուհի Թումանյանցը, Դատական դեպարտամնետի ղեկավարի տեղակալ Արշակ Վարդապետյանը, Եվրոպայի խորհրդի երևանյան գրասենյակի ղեկավարի տեղակալ Վեդրան Յան-Քյելդսենը, ԵԽ «Աջակցություն դատաիրավական բարեփոխումների իրականացմանը Հայաստանում» ծրագրի ղեկավար Արման Զրվանդյանը և Դատական […] ...
23:15 03.04.2025
ՀՀ ԱԳՆ գլխավոր քարտուղարի հանդիպումը Չեխիայի ԱԳ նախարարի տեղակալի հետԱպրիլի 3-ին աշխատանքային այցով Չեխիայում գտնվող ՀՀ ԱԳՆ գլխավոր քարտուղար Դավիթ Կարապետյանը հանդիպում է ունեցել Չեխիայի Հանրապետության ԱԳ նախարարի տեղակալ Յան Մարիանի հետ: Այս մասին հայտնել են ԱԳՆ-ից: Հանդիպման ընթացքում կողմերն անդրադարձել են Հայաստան-Չեխիա երկկողմ հարաբերությունների օրակարգին առնչվող մի շարք հարցերի՝ ընդգծելով փոխադարձ հետաքրքրություն ներկայացնող ոլորտներում երկու երկրների միջև համագործակցության կարևորությունը: Դավիթ Կարապետյանը և Յան […] ...
23:11 03.04.2025
ԱԽ քարտուղարը կգործուղվի Բելգիայի ԹագավորությունՀՀ վարչապետ Նիկոլ Փաշինյանը որոշում է ստորագրել Բելգիայի Թագավորություն պատվիրակություն գործուղելու մասին։ «Ղեկավարվելով «Կառավարության կառուցվածքի և գործունեության մասին» օրենքի 7-րդ հոդվածի 5-րդ մասով, հիմք ընդունելով կառավարության 2005 թվականի դեկտեմբերի 29-ի N 2335-Ն և վարչապետի 2018 թվականի սեպտեմբերի 19-ի N 1230-Ն որոշումները՝ Աշխատանքային հանդիպումներ ունենալու նպատակով՝ Հայաստանի Հանրապետության անվտանգության խորհրդի քարտուղար Արմեն Գրիգորյանին, անվտանգության խորհրդի քարտուղարի […] ...
