19:30 30.06.2020
Մարմաշեն գյուղի խոտհարքներում գյուղտեխնիկան հերթով գյուղացիների առվույտի ու վարսակի դաշտերով է անցնում, ինչպես գյուղացին է ասում, «առաջին բերան խոտքաղն են անում»։ Մի քանի դաշտերում հնձել-վերջացրել են։
Գյուղի ճամփեզրին Ալեքսան պապի դաշտն է, խոտը քաղել են, հերթը հասել էր հակավորելուն։
Անասնակերի պակասն ու ավելը ամենից լավ հաշվարկում են շատ գլխաքանակ ունեցող անասնատերերը։ Այս 5000 մետր հողատարածքից անցած տարի ավելի շատ խոտ է քաղվել։ Մեխանիզատորն էլ նույն գյուղից է, չափն էլ գիտեր, թե նույն դաշտում անցած տարի քանի հակ խոտ է դուրս բերել։
«Ես այս դաշտից անցած տարի 150 հակ եմ ստացել, այս տարի հազիվ 40 հակ լինի։ Խոտը շատ քիչ է, ես էլ վճարվում եմ 1 հակի գնով՝ 100 դրամ։ Վառելիքի գումարն էլ հազիվ հանեմ»,- ասել է Հովհաննես Ասատրյանը։
Հարևանությամբ գտնվող դաշտի սեփականատերը խոտի բերքից չդժգոհեց, ավելին, արդեն երկրորդ քաղն էր անում։ 8000 մետր դաշտից մոտ 120 հակ անասնակեր է ստացել։
Խոտհարքի մեկ այլ չափաբաժին էլ ունի այլ տարածքում, որը հարմար դիրքում չէ. լավ բերքի սպասելիք չունի։
Խոտի պակասը հավելյալ ծախսեր է նշանակում այն տնտեսությունների համար, որոնք ավելի շատ անասնագլխաքանակ ունեն։ Սպասված քանակը չապահովելու դեպքում ստիպված են հարևան գյուղերի, անգամ մարզերի դաշտերից անասնակեր գնել:
«Ունենք մեկամյա և բազմամյա հողեր, 150 հա, բայց այս տարի բերքի կեսն ենք քաղելու, տարին չորային էր, տեղումները քիչ էին։ Հաստատ գյուղացին այս տարի ստիպված կլինի գնել, իսկ գները կլինեն 1300 կամ 1400 դրամ, անցած տարի մի քիչ էժան էր»,- ասել է Մարմաշենի վարչական ղեկավարը։
Շիրակի մարզում 14 հազար հեկտարի հասնող խոտհարքներ կան: Գյուղատնտեսության վարչության մասնագետները տեղերում ուսումնասիրություններ են կատարել, համոզվել են, որ այս տարի խիստ նվազ բերք է ստացվում ցածրադիր տարածաշրջաններից, բայց դեռ սպասում են, որ ծավալները հնարավոր է լրացվեն Աշոցքի ու Ամասիայի խոտհարքների հաշվին:
Իսկ այդ տարածքներում խոտհունձը կմեկնարկի հուլիսի վերջին։
15:30 19.04.2025
Արարատի մարզում «Toyota Vitz»-ը դուրս է եկել երթևեկելի գոտուց և կողաշրջված հայտնվել դաշտում. կա տուժածԱյսօր՝ ապրիլի 19-ին, ավտովթար է տեղի ունեցել Արարատի մարզում: Ժամը 14:00-ի սահմաններում Երևան-Երասխ ավտոճանապարհի 51 կմ հատվածում` Արարատ գյուղի վարչական տարածքում, «Toyota Vitz» մակնիշի ավտոմեքենան դեռևս անհայտ հանգամանքներում դուրս է եկել երթևեկելի գոտուց և կողաշրջված հայտնվել դաշտում: Ինչպես հայտնում է shamshyan.com-ը, վթարի հետևանքով 1 հոգի տեղափոխվել է «Արարատ» բժշկական կենտրոն: Վթարի փաստով քննչական բաժնում նախաձեռնվել […] ...
15:22 19.04.2025
Մարտական ատրճանակով` մարզադաշտում. Կոտայքի համայնքային ոստիկանները ձերբակալել են զինված երիտասարդինԱպրիլի 16-ին Համայնքային ոստիկանության Կոտայքի բաժում ստացվել է օպերատիվ տեղեկություն, որ Աբովյան քաղաքի մարզադաշտում գտնվող քաղաքացու մոտ կա մարտական ատրճանակ: Նույն օրը` ժամը 19:30-ին, համայնքային ոստիկանները ձերբակալել և Կոտայքի բաժին են տեղափոխել Կոտայքի մարզի Քասախ գյուղի բնակիչ 29-ամյա երիտասարդին: Նրա պայուսակում հայտնաբերվել է «Մակարով» ատրճանակ՝ լիցքավորված 7 փամփուշտով, նաև` մարիխուանա տեսակի թմրանյութի նմանվող զանգվածով փաթեթ […] ...
15:11 19.04.2025
Փրկարարները հայտնաբերել են Դիլիջանի անտառներում մոլորված քաղաքացունԱպրիլի 19-ին՝ ժամը 12:20-ին, Տավուշի մարզային փրկարարական վարչության ճգնաժամային կառավարման կենտրոն օտարերկրյա քաղաքացուց ահազանգ է ստացվել, որ ինքը Դիլիջանի անտառներում ընկել և հավանաբար կոտրել է ոտքը, չի կարողանում ինքնուրույն տեղաշարժվել, չգիտի իր գտնվելու վայրը․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Փրկարարներն օպերատիվ գործողությունների […] ...
14:50 19.04.2025
Ինչո՞ւ ձախողեց հին Հանրային խորհուրդը, ինչո՞ւմ կհաջողի նորը. Հեռանկար բանավեճԱյս շաբաթ իր աշխատանքը սկսեց Հանրային նոր խորհուրդը: Գործընթացը վերջնականացավ խորհրդի նախագահի նշանակմամբ: Այս կառույցը ստեղծվեց 2008 թվականին, բայց ավելի քան 3 տարի այն գրեթե չէր գործում: Կառավարությունը որոշեց ցրել խորհրդի հին կազմն ու նորը ձևավորել՝ նոր գործառույթով: Բայց արդյո՞ք անհրաժեշտ է հանրային նման կառույցի գործունեությունը և ինչո՞ւ: Այս ու այլ հարցեր «Հեռանկար բանավեճ»-ի տաղավարում […] ...
14:35 19.04.2025
Ալմա-Աթայի փողոցի հարակից տարածքում գտնվող զբոսայգին անվանակոչվել է ղազախ բանաստեղծ Աբայ Կունանբաևի անունովՀայաստանում Ղազախստանի մշակույթի օրեր են։ ՀՀ կրթության, գիտության, մշակույթի և սպորտի նախարար Ժաննա Անդրեասյանի և Ղազախստանի մշակույթի և տեղեկատվության նախարար Աիդա Բալաևայի մասնակցությամբ կայացել է Երևանի Ավան վարչական շրջանի Ալմա-Աթայի փողոցի հարակից տարածքում գտնվող զբոսայգու անվանակոչման արարողությունը։ Ի պատիվ ղազախ բանաստեղծ, լուսավորական շարժման ներկայացուցիչ, գրականության ու փիլիսոփայության անվանի գործիչ, ղազախական գրականության հիմնադիր Աբայ Կունանբաևի՝ զբոսայգում […] ...
