23:49 28.06.2020
Հունիսի 1-ին Բելառուսի Հանրապետությունում անցկացված «Աշխարհի երեխաները բարեկամներ են» խորագրով մանկական նկարի 7-րդ միջազգային օնլայն մրցույթում Հայաստանի ներկայացուցիչ, գյումրեցի Անժելա Պապիկյանը 14-16 տարեկանների տարիքային խմբում գրավել է առաջին պատվավոր հորիզոնականը: Անժելան Գյումրիի «Ընտանիք» կենտրոնի մանրանկարչության խմբակի սան է, հայտնի մանրանկարիչ, գեղանկարիչ Վարդևան Շամամյանի սանն է:
«Մրցույթի մասնակցության նախապատրաստական աշխատանքները սկսել ենք դեռ 3-4 ամիս առաջ: Անժելայի հետ որոշեցինք ներկայացնել այնպիսի աշխատանք, որտեղ կլինեն հայկական գույներն ու մեր երկիրը խորհրդանշող տեսարանները: Նկարում մեր Հայաստանի գույներն են, ջրաղացն ու լավաշ թխող հայ կինը: Ցանկանում էինք ցույց տալ, որ մեզ մոտ ավանդական լավաշը թխվում է էկոլոգիապես մաքուր թոնրում, ջրաղացում էլ արևի ու ջրի էներգիայի աշխատանքով ցորենից ստանում ենք ալյուր: Անժելայի աշխատանքը 30 գեղանկարներից մեր կենտրոնի գեղարվեստական խորհուրդն ընտրեց որպես մրցութային աշխատանք և ուղարկեց Բելառուս»,- նախապատրաստական աշխատանքների ընթացքի մասին է խոսել մանրանկարիչ Վարդևան Շամամյանը:
Ըստ ուսուցչի՝ աշխատանքը նկարելիս Անժելան ոգեշնչվել է սարյանական ոճից ու վառ գույներից, դրան գումարել իր մանկական երևակայությունն ու միտքը: Ուսումնասիրել են միջազգային կերպարվեստն ու էկոլոգիայի վիճակը ու փորձել միջազգային ժյուրիին ներկայացնել հայկական լավաշի ստեղծման պատմությունը:
«Ժյուրիի կազմում ընդգրկված էին 20-ից ավելի ակադեմիական կրթություն ստացած հեղինակավոր գեղանկարիչներ ու մանրանկարիչներ, ընտրությունը, վստահ եմ, որ եղել է բարդ ու դժվար: Մրցութային երեք փուլերից հետո 27 երկրների 45 հազար մասնակիցներից եզրափակիչ էին անցել մոտ երկու տասնյակ աշխատանքներ: Մեր երկիրը ներկայացնող իմ աշակերտի գեղանկարը 14-16 տարեկանների խմբում ճանաչվեց հաղթող, ինչը մեծ հպարտություն է մեզ համար»,- նշում է Վարդևան Շամամյանը:
Մինչ հաղթողների անունները հայտնի դառնալը, մրցույթի կազմակերպիչներն անցկացրել են օնլայն մի քանի ցուցահանդեսներ, որտեղ ցուցադրվել են բոլոր մասնակիցների աշխատանքները, նաև փոքրիկ ֆիլմեր են պատրաստել եզրափակիչ անցած մասնակիցների երկրների մասին:
Գյումրեցի Անժելա Պապիկյանի հաղթանակը վկայող դիպլոմն ու մեդալը Հայաստան կհասնի մոտ 2 ամսից, իսկ հայկական գույներով գեղանկարը կտեղադրվի ու կցուցադրվի Բելառուսի Ակադեմիայի թանգարանում՝ որպես մրցույթի հաղթող աշխատանք:
Հեղինակավոր մրցույթում հաղթանակը գյումրեցի նկարչուհու միակ հաջողությունը չէ: Նա հաղթող է ճանաչվել նաև Ճապոնիայում կայացած գեղանկարչության և մանրանկարչության միջազգային մրցույթում, որտեղ ներկայացել էր գյումրվա ֆայտոնը պատկերող աշխատանքով:
Ըստ ուսուցչի՝ Անժելան այս տարիքում արդեն լավագույնս տիրապետում է հայ մանրանկարչության ու գեղանկարչության հմտություններին, ու նրա աշխատանքները մշտապես հայտնվում են մասնագետների ուշադրության կենտրոնում:
17:30 22.11.2024
Իտալական ակումբը մի օրում երկու գլխավոր մարզչի է ազատել աշխատանքից
17:18 22.11.2024
ՃՏՊ Աշտարակ-Ապարան ավտոճանապարհին․ կան տուժածներ
16:33 22.11.2024
«Բայերի» առաջատարը ցանկանում է տեղափոխվել «Մանչեսթեր Սիթի»
14:10 22.11.2024
Սուսաննա Բունիաթյանը որոնվում է որպես անհետ կորած
13:22 22.11.2024
Ինչպիսի եղանակ է սպասվում առաջիկա օրերին
11:53 22.11.2024
Պեկինը ուկրաինական հակամարտության կողմերին զսպվածության կոչ է արել
18:38 22.11.2024
«Մանչեսթեր Սիթին» երկարաձգել է պայմանագիրը Գվարդիոլայի հետԱնգլիայի չեմպիոն «Մանչեսթեր Սիթին» և գլխավոր մարզիչ Պեպ Գվարդիոլան երկարաձգել են պայմանագիրը։ Կողմերը համաձայնագիրը կնքել են «2+1» ձևաչափով, հայտնում է ակումբի պաշտոնական կայքը։ 53-ամյա Գվարդիոլան «Մանչեսթեր Սիթին» մարզում է 2016 թ. հուլիսից և 490 խաղում տարել է 360 հաղթանակ, գրանցել 60 ոչ-ոքի, կրել 70 պարտություն, նվաճել 18 տիտղոս, այդ թվում` 6 անգամ դառնալով Անգլիայի չեմպիոն, […] ...
18:34 22.11.2024
Արդարադատության նախարարը ներկայացրել է «Համապարփակ և ընդլայնված գործընկերության» համաձայնագրի ոլորտային բարեփոխումներըԱրդարադատության նախարար Սրբուհի Գալյանն այսօր ելույթ է ունեցել «Համապարփակ և ընդլայնված գործընկերության» համաձայնագրի կնքման յոթամյակի առթիվ կազմակերպված միջոցառմանը: Նախարարն ընդգծել է, որ համաձայնագիրն ամրապնդում է Հայաստանի և Եվրոպական միության միջև կապերը՝ հիմնվելով ժողովրդավարության, մարդու իրավունքների, սոցիալական կայուն զարգացման և տնտեսական կայունության վրա: Նա շեշտել է, որ ՀՀ ԱՆ-ն արդեն իսկ իրականացրել է համաձայնագրի շրջանակում առաջադրված […] ...
18:30 22.11.2024
Քննարկվել են Հայաստան-Շվեդիա համագործակցության խորացման ու միջխորհրդարանական կապերի ընդլայնման հեռանկարներըՀՀ ԱԺ Հայաստան-Շվեդիա բարեկամական խմբի ղեկավար Հռիփսիմե Գրիգորյանը նոյեմբերի 22-ին հանդիպել է Հայաստանում Շվեդիայի արտակարգ եւ լիազոր դեսպան Պատրիկ Սվենսոնի հետ: Քննարկվել են Հայաստան-Շվեդիա համագործակցության խորացման ու միջխորհրդարանական կապերի ընդլայնման հեռանկարները: Կողմերը գոհունակություն են հայտնել երկու երկրների միջեւ քաղաքական եւ ոլորտային երկխոսության շարունակական բարձրացման կապակցությամբ: Հռիփսիմե Գրիգորյանը կարեւորել է Շվեդիայի հաստատակամ աջակցությունը Հայաստանում ժողովրդավարական բարեփոխումների […] ...
18:24 22.11.2024
Ազգերի Լիգայի փլեյ-օֆֆում Հայաստանը կմրցի Վրաստանի հետՈւԵՖԱ-ի շտաբ-բնակարանում կայացել է Ազգերի լիգայի B/C լիգաների փլեյ-օֆֆի վիճակահանությունը։ C լիգայի 4-րդ խմբում 2-րդ տեղը զբաղեցրած Հայաստանի ընտրանին կհանդիպի B լիգայի 3-րդ տեղը զբաղեցրած Վրաստանի հավաքականի հետ։ Առաջին հանդիպումը տնային է, որը կկայանա 2025 թվականի մարտի 20-ին։ Պատասխան հանդիպումը մարտի 23-ին է։ Ազգերի լիգայի 1/4 եզրափակչի զույգերը հետևյալն են. Նիդերլանդներ — Իսպանիա Խորվաթիա — […] ...
18:20 22.11.2024
Ժաննա Անդրեասյանը հայ պարարվեստի մեծ երախտավոր Նորայր Մեհրաբյանին պարգևատրել է ԿԳՄՍՆ մեդալովԿԳՄՍ նախարար Ժաննա Անդրեասյանը հայ պարարվեստի մեծ երախտավոր, անվանի խորեոգրաֆ, ՀՀ ժողովրդական արտիստ Նորայր Մեհրաբյանին բազմամյա բեղուն գործունեության և պարարվեստի զարգացման գործում ունեցած նշանակալի ավանդի համար պարգևատրել է ԿԳՄՍՆ մեդալով: Ա. Սպենդիարյանի անվան օպերայի և բալետի ազգային ակադեմիական թատրոնում կայացած հանդիսությանը ներկա էր նաև ԿԳՄՍ նախարարի տեղակալ Դանիել Դանիելյանը: Ժաննա Անդրեասյանն իր երախտագիտությունն է հայտնել […] ...
18:16 22.11.2024
45-ամյա տղամարդուն կյանքի հետ անհամատեղելի վնասվածքներ պատճառողը կալանավորվել էՀունիսի 29-ին՝ գիշերվա ժամը 2:10-ին, «Արմենիա» բժշկական կենտրոնից ոստիկանություն ստացվել էր հաղորդում, որ շտապօգնության խումբը «գլխուղեղի վնասվածք և տրավմա» ախտորոշմամբ Բագրատունյաց փողոցից բուժօգնության է տեղափոխել 45-ամյա Գառնիկ Ավագյանին։ Ոստիկանության Շենգավիթի բաժնից մեկնել էր օպերատիվ խումբ, ձեռնարկվել էին անհետաձգելի միջոցառումներ: Տուժած տղամարդն ի վիճակի չէր հաղորդում տալու, իսկ ժխտող հանգամանք, որ տեղի ունեցածը դժբախտ պատահար է, […] ...
