Ինչպե՞ս խուսափել շատակերությունից. ԱՀԿ մասնագետների խորհուրդները

Նստակյաց կյանքը մինչև համավարակն էլ լուրջ խնդիր էր հասարակության համար: Իսկ ինքնամեկուսացման ժամանակահատվածում մարդիկ ավելի քիչ են շարժվում: Ֆիզիկական ակտիվությունը առողջ կենսակերպի անբաժան մասն է, հատկապես հիմա, երբ աշխարհում համավարակ է հայտարարված, և միլիոնավոր մարդիկ տանը կամ այլ վայրում ինքնամեկուսացված են:

Որպեսզի նստակյաց աշխատանքն առողջական ու հոգեբանական խնդիրներ չառաջացնի, ԱՀԿ մասնագետները խորհուրդ են տալիս օրվա ընթացքում կատարել կարճատև ֆիզիկական վարժություններ, այլապես մեկուսացումը կարող է նաև դեպրեսիայի պատճառ դառնալ: Կարճատև ընմիջումների ընթացքում կարող են լինել պարեր, խաղեր երեխաների հետ, տան մաքրություն, այգու խնամք: Եթե հեռախոսով եք խոսում՝ մի նստեք, քայլեք կամ կանգնեք: Աշխատեք նստած մնալ  կես ժամից ոչ երկար: Աշխատանքի մի մասը կատարեք կանգնած՝ եթե հնարավոր է: ԱՀԿ-ը խրհուրդ է տալիս շաբաթական 150 րոպե միջին ակտիվությամբ կամ 75 րոպե ինտենսիվ ակտիվությամբ ֆիզիկական ծանրաբեռնվածություն:

Հիշեք նաև սննդի չափաբաժնի մասին: Ինքնամեկուսացումը ևս մի բացասական կողմ ունի՝ մարդիկ հաճախ են բացում սառնարանի դուռը: Անգամ եթե թարմ միրգն ու բանջարեղենն այս օրերին ձեռքի տակ  չեն, չի կարելի չարաշահել վերամշակված սնունդը, շաքարը, գազավորված ըմպելիքները: Անհրաժեշտ է նախապատվություն տալ բջջանյութ պարունակող մթերներին՝ ընդեղեն, ընկուզեղեն, կանաչեղեն, հնդկաձավար, հատիկավոր բույսեր՝ լոբի, սիսեռ, ոսպ: Այդ մթերքները երկար ժամանակ կուշտ են պահում: Պետք է  հիշել, որ սննդի չափաբաժինը չլինի ավելին, քան մինչկարանտինային ժամանակահատվածում էր: Աղի, շաքարի, յուղի գործածումը պետք է հասցնել նվազագույնի:

Պետք է խմել նաև բավարար քանակի ջուր: Այն համեղ դարձնելու համար ավելացրեք դաղձի տերևներ, կիտրոնի կամ վարունգի շերտեր: Երբ աշխարհում հայտարարվեց համավարակի ու արդեն  հետո՝ կարանտինի մասին, մարդիկ սկսեցին խուճապահար մթերքներ գնել: ԱՀԿ  մասնագետներն ասում են, որ դա  ցանկալի չէ: Պետք է սթափ գնահատել սեփական պահանջմունքերը: Ճիշտ կլինի անհրաժեշտ մթերքների ցուցակ կազմել: Մի գնեք ավելին, քան պետք է  2-3 օրվա հաշվարկով:

Մրգերից ընտրեք խնձորն ու բանանը, գնեք պահպանման կարճ ժամկետով մթերքներ: Գազարը, բազուկն ու կաղամբը, ինչպես նաև կատոֆիլը երկար  են պահպանվում: Դրանք կարելի է շոգեխաշել, խորովել, սակայն ոչ տապակել. ընդհանրապես տապակելուց արժե հրաժարվել հնարավորության դեպքում:  Տապակելիս մեծ քանակով յուղ է օգտագործվում, ինչը ցանկալի չէ: Սխտորը, կոճապղպեղն ու սոխը կփոխեն ծանոթ կերակրատեսակների համը:

Անհրաժեշտ է սահմանափակել նաև մակարոնեղենի և հացի գտագործումը: Հաց գնելիս նախապատվությունը տվեք ամբողջական ցորենից թխված հացին, խորհուրդ  են տալիս ԱՀԿ մասնագետները: Սննդակարագում ներառեք նաև ընկուզեղեն, չրեղեն և սերմեր:

ՀԻշեք, որ ալկոհոլըդրական ազդեցություն չի կարող ունենալ: Այն ազդում է հոգեբանության վրա, կախվածություն է առաջացնում, թուլացնում է իմունիտետը:   Այսինքն ալկոհոլի օգտագործումը թուլացնում է վարակների, այդ թվում COVID-19-ի նկատմամբ օրգանիզմի դիմադրողականությունը: