Ճիշտ սննդակարգ կարանտինի ժամանակ՝ ԱՀԿ-ի կողմից

ԱՀԿ-ը, հաշվի առնելով եվրոպական երկրների կարանտինային փորձը, մշակել է սննդակարգ, որը կօգնի բարձրացնել օրգանիզմի դիմադրողականությունը:

Եվ այսպես.

1.Նախ  կազմեք անհրաժեշտ մթերքների ցանկ և մի գնեք ավելին, քան պետք է, օրինակ, 2 օրվա համար: Այդ  դեպքում ստիպված չեք լինի նետել փչացած մթերքը:

2. Նախապատվությունը տվեք թարմ մթերքներին՝ թարմ միրգ, բանջարեղեն, հրաժարվեք պահածոյացված մթերքներից: Եթե թարմ մթերք տվյալ պահին չկա՝ ընտրեք սառեցրածը: Եթե նկատում եք, որ գնել եք ավելի շատ միրգ, կանաչեղեն կամ բանջարեղեն, քան ձեզ պետք է, սառեցրեք:

3. Պատրաստեք սնունդը  տանը:  Կարանտինը ամենահարմար ժամանկահատվածն է՝ վերհիշելու խոհարարական ավանդույթները նոր կերակրատեսակներ պատրաստելու համար։ Վստահաբար կան բաղադրատոմսեր, որոնք միշտ ուզեցել եք փորձել, բայց ժամանակ չեք ունեցել:

4. Օգտվեք սննդի առաքման ծառայություններց: Կարանտինի ընթացում ճիշտ է  խուսափել խանութ գնալուց: Ընտրեք առաքման այնպիսի տարբերակներ, երբ հնարավոր է վճարումն անել առանց ուղղակի շփման:

5. Կերակուր պատրաստելիս ուշադիր եղեք հիգիենայի կանոնների նկատմամբ՝ անգամ եթե տնից դուրս չեք եկել, ձեռքերը 20 վայրկյան լվանալը, սպիրտով ախտահանելը ոչ ոք չի չեղարկել:

6. Սահմանափակեք աղի օգտագործումը: Մանավանդ, եթե շատ եք օգտագործում կիսաֆաբրիկատներ, դրանցում աղի քանակությունը շատ  մեծ է, սահմանափակեք պատրաստվող կերակուրների մեջ աղի քանակը: ԱՀԿ-ը խորհուրդ է տալիս 5 գրամ աղ օգտագործել ամենօրյա սննդակարգում: Ոչ ավելի: Եթե որևէ սնունդ հնարավոր է պատարստել առանց աղի՝ հենց այդպես էլ արեք:

7. Քիչ շաքարավազ օգտագործեք: Եթե առանց քաղցրի չեք կարող դիմանալ, ապա կերեք թարմ մրգեր կերեք, չիր, մեղր:

8. Խուսափեք ճարպոտ սննդից: Ընտրեք խաշած կամ շոգեխաշած սնունդ: Հենց այն պահին, երբ դուք կհրաժարվեք տապակած սննդից, ճարպի չափաբաժինը ձեր սննդակարգում կտրուկ կնվազի: Տապակած սննդին համեղ  այլընտրանք են նաև գրիլ և  խորոված տարբերակները: Կարանտինային ժամանակահատվածում պետք է խուսափել շատ միս օգտագործելուց, թռչնի մսից  պետք է հեռացնել կաշին, ճարպը և կարագ չօգտագործել: Պետք է բացառել սննդակարգից տրանսճարպերը՝  մարգարին, հալած  պանիր, սփրեդ, բիսկվիթներ, փքաբլիթներ, կրեկերներ, թխվածքաբլիթներ: Օգտագործեք այնպիսի  մթեքներ, որոնք պարունակում են չհագեցած ճարպեր՝  ձուկ, ընդեղեն: Միշտ ընտրեք այնպիսի մթերքներ, որոնք քիչ են ենթարկվել ջերմային մշակման, և պահպանման կարճ ժամկետ ունեն:

9. Բջջանյութ՝ դա  առողջ օրգանզիմի գրավականն է: Բջջանյութն օգնում է մեզ շուտ հագենալ և շատ չուտել: Բջջանյութ  պարունակում են մրգերը, բանջարեղենը, կանաչեղենը, վարսակի փաթիլները, շագանակագույն բրինձը, կինոան, ամբողջական ցորենից թխված հացը։ Պետք է խուսափել սպիտակ հացից, սպիտակ բրնձից, մակարոնեղենից:

10. Հետևեք, որ օրգանիզմը բավարար հեղուկ ստանա: Ջուրն անփոխարինելի է: Այն  համեղ և օգտակար դարձնելու  համար կարելի է մի փոքր կիտրոն, դաղձի տերևներ կամ կոճապղպեղ ավելացնել: Պետք չէ չարաշահել թունդ թեյն ու սուրճը:

11. Բացառեք ալկոհոլը կամ նվազագույնի հասցրեք դրա օգտագործումը, ալկոհոլը թուլացնում է իմունային համակարգը, բացի այդ, ալկոհլը թուլացնում է  որոշ դեղամիջոցների ազդեցությունն օրգանիզմի վրա: