14:20 20.03.2020
Գյումրիի ինֆեկցիոն հիվանդանոցն ու առաջնային բուժօգնության օղակն ապահովվում են վիրուսի կանխարգելման համար կարևոր ու անհրաժեշտ պարագաներով: Դրանք արտահագուստներն են ու այլ պաշտպանիչ միջոցները։ Այսօր` մարտի 20-ին, «Հայկական Կարիտասն» առաջին խմբաքանակը տրամադրել է Շիրակի մարզպետարանին, որն ուղարկվելու է ինֆեկցիոն հիվանդանոց։ Այս մասին հայտնում է SHANTNEWS.am-ի թղթակիցը։
Առաջին խմբաքանակը ձեռք է բերվել «ՌԵՆՈՎԱԲԻՍ», «Կարիտաս Ավստրիա» (Ինսբրուկ) և ԱՄՆ Եպիսկոպոսների խորհրդի ֆինանսավորմամբ։
Շիրակի մարզպետը, որը նաև կանխարգելիչ միջոցառումների մարզային շտաբն է ղեկավարում, ներկայացրել է արտակարգ դրության պայմաններում իրենց աշխատանքները, խոսել նաև այն մասին, թե պատրա՞ստ է արդյոք Գյումրիի ինֆեկցիոն հիվանդանոցը իրականացնել հակահամաճարակային միջոցառումներ:
«Շիրակի մարզում 200 հատ արտահագուստ, պաշտպանիչ ակնոցներ ենք ստացել: Մեր բուժանձնակազմն առաջնային ճակատում է աշխատելու և աշխատում է այս փուլում կանխարգելման ուղղությամբ: Շատ կարևոր է այս ամենը, և մենք շատ արագ բաշխում կիրականացնենք»,- ասել է Տիգրան Պետրոսյանը։
Մեր թղթակցի այն հարցին, թե արդյո՞ք մարզում վիրուսի կասկածելի դեպքեր կան, մարզպետը պատասխանել է․
«Այդ տեսակ ինֆորմացիա ասելու իրավունք չունեմ, աշխատանքները, որոնք իրականացնում ենք կանխարգելման, ռիսկային դեպքերի բացահայտման ուղղությամբ, շարունակում ենք նույն տեմպերով, օպերատիվ շտաբի բոլոր ցուցումները, որ ստանում ենք պարետից, արդեն աշխատանքային խմբերն իրականացնում են։
Գյումրիի ինֆեկցիոն հիվանդանոցը հնարավոր է դիտարկել ամբողջությամբ հենց կորոնավիրուսի հիվանդության համար գործառույթներ իրականացնող կառույց, հենց զգացինք՝ դրա կարիք կա: Այսօր գիշեր մենք ունեցել ենք տեղափոխված կոնտակտային ոչ վիրուսակիրների փոքր քանակ: Նրանք գտնվում են Գյումրիի ինֆեկցիոն հիվանդանոցի մեկուսարանում»:
21:17 19.04.2025
Երևանում «Nissan»-ը բախվել է եզրաքարին, հայտնվել հետիոտնի համար նախատեսված վայրում և կոտրել երկաթե ճաղավանդակըԱպրիլի 19-ին, ավտովթար է տեղի ունեցել Երևանում: Ժամը 12:40-ի սահմաններում «Nissan» մակնիշի ավտոմեքենան Դավիթաշենից դեպի Աշտարակ տանող ճանապարհահատվածում՝ Աշտարակի խճուղում, դեռևս անհայտ հանգամանքներում, դուրս է եկել երթևեկելի գոտուց, անցել բազալտե եզրաքարի վրայով, հայտնվել հետիոտնի համար նախատեսված մայթին՝ կոտրելով երկաթե ճաղավանդակը: Ինչպես հայտնում է shamshyan.com-ը, ըստ նախնական տեղեկությունների՝ բարեբախտաբար տուժածներ չկան: Վթարի փաստով ՊԾ Երևան քաղաքի […] ...
21:00 19.04.2025
Առողջապահության նախարարությունն արդեն մեկ տարի է` տրամադրում է ցրված սկլերոզ ունեցող պացիենտների դեղերըԴեղապահովման մեր ծրագրի հաջողություններից մեկն է ցրված սկլերոզ ունեցող պացիենտների համար դեղի 4 տեսակով ապահովումը: Այս մասին հայտնում են ԱՆ-ից։ «Յուրաքանչյուր հիվանդի համար տարեկան այն արժենում էր 4 մլն դրամ: Առողջապահության նախարարությունն արդեն մեկ տարի է` տրամադրում է դեղը: Կենսական այս ծրագիրը կյանքի է կոչվում բոլորիս ջանքերի` մեր վճարած հարկերի շնորհիվ: Այսօր հարկ վճարողի օրն […] ...
20:50 19.04.2025
Երևանի և մարզերի որոշ հասցեներում լույս չի լինի«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 21-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ Ժամը 10։00-16:00-ն ընկած ժամանակահատվածում կարգաբերական աշխատանքների իրականացման նպատակով՝ Դավթաշեն 4-րդ թաղամասի և հարակից տարածքների էլ․ սնուցումը 1 ժամով մաս-մաս կդադարեցվի: Երևանի Կենտրոն վարչական շրջան՝ 11։00-17։00 Նալբանդյան փ. 28 հասցե և հարակից ոչ […] ...
20:40 19.04.2025
ՃՏՊ Ձորաղբյուր գյուղում․ կա տուժածԱպրիլի 19-ին, ժամը 17:26-ին Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Ձորաղբյուր գյուղում տեղի է ունեցել ՃՏՊ՝ ավտոմեքենան ընկել է ձորը, կան տուժածներ․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։ Պարզվել է, որ «Nissan» մակնիշի ավտոմեքենան դուրս է […] ...
20:31 19.04.2025
Asharq. Հռոմում ԱՄՆ-Իրան բանակցություններից հետո Ուիթքոֆը հանդիպել է ԳրոսսիինԱՄՆ նախագահի հատուկ բանագնաց Սթիվեն Ուիթքոֆը հանդիպել է ՄԱԳԱՏԷ-ի գլխավոր տնօրեն Ռաֆայել Գրոսիի հետ ԱՄՆ-Իրան բանակցությունների երկրորդ փուլից հետո։ Այս մասին հայտնում է Asharq հեռուստաալիքը՝ վկայակոչելով աղբյուրներին։ Ապրիլի 19-ին Օմանի միջնորդությամբ Հռոմում կայացել է ԱՄՆ-ի և Իրանի միջև անուղղակի բանակցությունների երկրորդ փուլը։ Ինչպես մեկ շաբաթ առաջ, ամերիկյան պատվիրակությունը գլխավորում էր Ուիթքոֆը, իսկ Իրանի պատվիրակությունը՝ արտգործնախարար […] ...
20:20 19.04.2025
Քաղաքային ծառատունկի շրջանակում շուրջ 1300 ծառ և ավելի քան 200 մշտադալար թուփ է տնկվելՆոր Նորք վարչական շրջանի Սուրբ Սարգիս եկեղեցու և Դավիթ Բեկ փողոցի միջնամասի կասկադային հատվածին հարող 6 հա տարածքը կանաչապատ ու խնամված կդառնա: Այս մասին տեղեկացնում են Երևանի քաղաքապետարանից։ «Քաղաքային ծառատունկի շրջանակում շուրջ 1300 ծառ և ավելի քան 200 մշտադալար թուփ է տնկվել, որոնց շարքում՝ սոսիներ, կաղնիներ, ձիակասկեր, կատալպաներ, կեյլեթերիաներ, ինչպես նաև պտղատու ծառատեսակներ են՝ ծիրանենի, […] ...
