20:29 05.03.2020
Գյումրիում 43-ամյա կնոջը և նրա 13 տարեկան դստերը դաժան ծեծի ենթարկած տղամարդը բերման է ենթարկվել Ոստիկանության Գյումրիի Մուշի բաժին։ Ձեռնարկված օպերատիվ-հետախուզական միջոցառումների արդյունքում ոստիկանները պարզել են դեպքի որոշ հանգամանքներ: Մասնավորապես՝ կենցաղային վեճի և խանդի հողի վրա 28-ամյա երիտասարդը ծեծի է ենթարկել ընկերուհուն և նրա դստերը։
Դեպքից ժամեր անց այսօր՝ ժամը 15։40-ի սահմաններում, Տեքստիլ թաղամասի տներից մեկում ոստիկանները հայտնաբերել են 43-ամյա կնոջ դին՝ բռնության հետքերով, իսկ նրա 13-ամյա դուստրը բազմաթիվ վնասվածքներով տեղափոխվել է «Գյումրու մոր և մանկան ավստրիական հիվանդանոց»:
Բժիշկների գնահատմամբ` երեխայի վիճակը ծայրահեղ ծանր է։
«Երեխան մեզ մոտ է ընդունվել տրավմատիկ շոկով, բազմակի պոլիտրավմաներով, այտուցված դեմքով, քիթը կոտրված էր, ականջները` վնասված, հեմատոմաներ ծայրանդամներին, ամբողջ մարմնի վրա կապտուկներ էին։ Գիտակցության կորուստ ուներ, կատարվել է համակարգչային տոմոգրաֆիա, որպեսզի բացառենք գլխին օջախային հեմատոմաները։ Պարզվել է, որ երեխայի մոտ առաջացել է գլխուղեղի ծանր աստիճանի սալջարդ»,- SHANTNEWS.am-ի հետ հարցազրույցի ընթացքում 13-ամյա աղջկա վիճակի մանրամասները ներկայացրել է «Գյումրու մոր և մանկան ավստրիական հիվանդանոցի» վերակենդանացման բաժանմունքի ռեանիմատոլոգ Սիլվա Աղայանը։
Այս պահին աղջիկը գտնվում է վերակենդանացման բաժանմունքում, նրան ուղեկցող հարազատներ չեն եղել։ 28-ամյա երիտասարդը Շիրակի մարզի դատախազի հանձնարարությամբ ձերբակալվել է։
13:03 03.04.2025
Հայաստանի և Ռուսաստանի միջպետական հարաբերություններն ամրապնդվել և ընդլայնվել են․ ՄիրզոյանՀայաստանի Հանրապետության և Ռուսաստանի Դաշնության միջև դիվանագիտական հարաբերությունների հաստատման 33-ամյակի կապակցությամբ՝ Հայաստանի և Ռուսաստանի ԱԳ նախարարներ Արարատ Միրզոյանը և Սերգեյ Լավրովը փոխանակվել են ուղերձներով: Ստորև ներկայացնում ենք ՀՀ արտաքին գործերի նախարար Արարատ Միրզոյանի ուղերձը. «Հարգելի՛ Սերգեյ Վիկտորի, Սրտանց շնորհավորում եմ Ձեզ Հայաստանի Հանրապետության և Ռուսաստանի Դաշնության միջև դիվանագիտական հարաբերությունների հաստատման 33-ամյակի կապակցությամբ: Այս համեմատաբար կարճ […] ...
13:00 03.04.2025
Հունգարիան դուրս կգա Միջազգային քրեական դատարանիցՀունգարիայի կառավարությունը որոշել է դադարեցնել համագործակցությունը Հաագայի միջազգային քրեական դատարանի հետ։ Այս մասին հայտարարել է Հունգարիայի վարչապետի գրասենյակի ղեկավար Գերգելի Գուլյասը։ «Կառավարությունը որոշել է դուրս գալ Միջազգային քրեական դատարանից: Սահմանադրական և միջազգային իրավական դաշտին համապատասխան համաձայնագրի խզման ընթացակարգը կառավարությունը կսկսի ապրիլի 3-ին», – մեջբերում է նրա խոսքերը MTI-ը: ՄՔԴ-ից դուրս գալու մասին հայտարարությունը համընկնում է Իսրայելի […] ...
12:52 03.04.2025
Վիետնամ-Հայաստան բարեկամական խմբի ղեկավարն այցելել է Հայոց ցեղասպանության հուշահամալիրՎիետնամի Սոցիալիստական Հանրապետության Ազգային ժողովի աշխատակազմի ղեկավարի տեղակալ, Վիետնամ-Հայաստան բարեկամական խմբի ղեկավար տիկին Լե Թու Հայի գլխավորած պատվիրակությունն ապրիլի 3-ին այցելեց Հայոց ցեղասպանության հուշահամալիր՝ ՀՀ ԱԺ Հայաստան-Վիետնամ բարեկամական խմբի ղեկավար Հասմիկ Հակոբյանի ուղեկցությամբ: Հյուրերին դիմավորեց Հայոց ցեղասպանության թանգարան-ինստիտուտի տնօրեն Էդիտա Գզոյանը և ուղեկցեց դեպի Հայոց ցեղասպանության հուշահամալիր՝ ներկայացնելով հուշահամալիրի ստեղծման պատմությունը: Տիկին Լե Թու Հայը […] ...
12:44 03.04.2025
Իրանը պատրաստ է օգնել, որպեսզի Հայաստանն ու Ադրբեջանը հասնեն խաղաղության համաձայնագրի ստորագրմանը. Մեհդի ՍոբհանիԻրանը հույս ունի, որ Հայաստանն ու Ադրբեջանը զսպվածության միջոցով կանցնեն այն ճանապարհը, որը ի վերջո հանգեցնելու է երկու երկրների միջև խաղաղության համաձայնագրի կնքմանը։ «Արմենպրես»-ի փոխանցմամբ՝ լրագրողների հետ զրույցում այս մասին ասել է Հայաստանում Իրանի դեսպան Մեհդի Սոբհանին։ «Մենք հույս ունենք, որ երկու կողմերը կկարողանա զսպվածության միջոցով անցնել այն ճանապարհը, որը հանգեցնելու է խաղաղության համաձայնագրի կնքմանը։ […] ...
12:38 03.04.2025
«Մանչեսթեր Սիթին», «Նյուքասլը», «Ասթոն Վիլան» հաղթանակներ են տարելԱնգլիայի Պրեմիեր լիգայի 30-րդ տուրում «Մանչեսթեր Սիթին» 2-0 հաշվով հաղթել է «Լեսթերին»։ Պեպ Գվարդիոլայի գլխավորած թիմի գոլերը խփել են Ջեք Գրիլիշն ու Օմար Մարմուշը։ «Մանչեսթեր Սիթին» 51 միավորով բարձրացել է չորրորդ տեղ, «Լեսթերը» կրել է 8-րդ անընդմեջ պարտությունը և 17 միավորով նախավերջինն է` 19-րդը։ «Նյուքասլը» սեփական դաշտում Ալեքսանդր Իսակի ու Սանդրո Տոնալիի գոլերի շնորհիվ 2-1 […] ...
12:30 03.04.2025
Բացահայտվել են ընտրակաշառք տալու և ստանալու նոր դեպքերՀՀ հակակոռուպցիոն կոմիտեի կողմից ձեռնարկված օպերատիվ-հետախուզական միջոցառումների արդյունքում փաստական տվյալներ են ձեռք բերվել այն մասին, որ Գյումրիի ավագանու արտահերթ ընտրություններին մասնակցող կուսակցությունների դաշինքի թեկնածու 71-ամյա կինը Գյումրիի 75-ամյա բնակչին խոստացել է ընտրակաշառք՝ նշված դաշինքի օգտին քվեարկելու պայմանով ընտրողներ հավաքագրելու համար: Ըստ այդմ՝ հիշյալ բնակիչը դիմել է իր շրջապատի՝ ընտրելու իրավունք ունեցող մի շարք անձանց՝ ընտրություններին […] ...
