19:59 13.02.2020
Ինչ խոչընդոտների են հանդիպում հաշմանդամություն ունեցող անձինք աշխատանք փնտրելիս ու որոնք են աշխատաշուկային ինտեգրվելու դժվարությունները: Այս հարցերի շուրջ էր Գյումրիում անցկացված քննարկումը, որին մասնակցում էին հաշմանդամություն ունեցող անձինք, գործադիր և օրենսդիր իշխանությունների ներկայացուցիչները, աշխատանքի և սոցիալական հարցերի նախարարի տեղակալը, զբաղվածության պետական գործակալության պետը:
Գյումրիում ապրում են 9477 հաշմանդամություն ունեցող անձինք, նրանցից աշխատանք փնտրելու, գտնելու համար զբաղվածության կենտրոնին դիմել է 442-ը, 43-ի համար անցած տարի աշխատանք գտնվել է։ Մյուսները դեռ սպասում են տարիներով։ Նրանց կարողությունները չեն գնահատվում, իսկ անհրաժեշտ ենթակառուցվածքների բացակայությունը խանգարում է ինտեգրմանը։ Գործատուների վերաբերմունքը իրենց նկատմամբ չի փոխվել, տարիներով աշխատանք փնտրելու փորձից ելնելով՝ սա էին ասում քննարկմանը ներկա հաշմանդամները։
Զբաղվածության կենտրոնները երկար ժամանակ է՝ իրականացնում են այնպիսի ծրագրեր, որոնք հաշմանդամին աշխատանքի վերցնելու պայմանով գործատուին ֆինանսապես խրախուսում են 1 տարի՝ ամեն ամիս վճարելով գործազուրկին նվազագույն աշխատավարձի կեսը, գործատուին էլ գումար են տալիս աշխատատեղի հարմարեցման համար: Բայց այս նպաստավոր պայմաններից էլ շատ գործատուներ հրաժարվում են։
Հաշմանդամություն ունեցող անձինք նաև մասնագիտացումների կամ վերապրոֆիլավորման լուրջ խնդիր ունեն։ Շատերի համար ժամանակին նույնիսկ միջնակարգ կրթությունն է անհասանելի եղել, ոմանք ունեն ընդամենը 3-րդ դասարանի կրթություն։
Ներառական կրթության խնդիրը մտահոգիչ է հիմնականում թույլ տեսնողների համար: Տեսողական խնդիրներ ունեցող 320 մարդ է ապրում Շիրակի մարզում։ Նրանցից շատերը նույնիսկ դպրոցի ավարտական վկայական չունեն և աշխատանքի տեղավորվել չեն կարող։ Այս հարցին ի պատասխան՝ զբաղվածության պետական գործակալության պետ Արտակ Սիմոնյանը նշեց, որ նրանց կարող են արհեստ սովորեցնել և աշխատանքի կանցնեն վարպետի մոտ, իսկ այս դեպքում ավարտական վկայական պետք չէ։
Մարզի կույրերի վարչությունում յուղաներկերի արտադրությունը նոր աշխատատեղերի հեռանկար է: Վարչության նախագահ Արա Ներսիսյանը ֆինանսական միջոցներ հատկացնելու խնդրանքով դիմեց, որ կարողանան ներկերի արտադրությունը ընդլայնեն: Հաշմանդամների համար զբաղվածության խնդրի լուծում կարող է լինել նաև տնայնագործությունը։ Դա կարող է լինել, եթե գործատուն համաձայնի մեքենասարքավորում տրամադրել կամ որպես անհատ ձեռներեց հաշմանդամին թույլ տան սեփական բիզնեսը հիմնել։ Այդպիսի ծրագիր զբաղվածության կենտրոնը պարզվեց՝ ունի։
Աշխատանքի և սոցիալական հարցերի նախարարի տեղակալ Արման Ուդումյանը նշեց, որ տնայնագործությունը որպես կայուն զբաղվածության աղբյուր դիտարկելը շատ կարևոր է։
Շիրակի մարզպետն էլ նշեց, որ հիմա Գյումրիում 18 շինթույլտվություն է տրվել հյուրատներ ու հյուրանոցային համալիրներ կառուցելու համար, ու հիմիկվանից պետք է աշխատել այդ սեփականատերերի հետ նաև որպես գործատուներ, որ հաշմանդամների համար հարմարեցվեն ոչ միայն շենքերի մուտքերի պայմանները, այլև հնարավոր աշխատատեղեր ստեղծելու համար աշխատավայրերը։
Քննարկման մասնակիցները վերջում 10 կետից բաղկացած առաջարկների փաթեթ կազմեցին, որը զբաղվածության նոր ծրագրեր մշակելիս նկատի կունենան։ 10 կետանոց առաջարկություններում կարևոր մոտեցումը հետևյալն է՝ ինչպես հաշմանդամ անձանց կարողություններն ու աշխատունակությունն օգտագործել։
23:59 02.04.2025
Երևանում շուրջ 400 թեքահարթակ կկառուցվիՀարմար և հավասար միջավայր ստեղծելը նշանակում է հաշվի առնել բոլորի կարիքները՝ առանց բացառության։ 2025թ. Երևանում շուրջ 400 թեքահարթակ կկառուցվի: Այս մասին հայտնել են Երևանի քաղաքապետարանից: Սահմանվել են այնպիսի պահանջներ, որպեսզի թեքահարթակները լինեն հարմարավետ ու մատչելի գործածության համար: Մանրամասները՝ տեսանյութում: ...
23:54 02.04.2025
Հայ շախմատիստուհիների արդյունքները Եվրոպայի կանանց անհատական առաջնությունում 3 խաղափուլից հետոՄարտի 31-ից ապրիլի 11-ը Հունաստանի Հռոդոս կղզում անցկացվում է 2025 թվականի շախմատի Եվրոպայի կանանց անհատական առաջնությունը: Այս մասին հայտնել են Հայաստանի շախմատի ֆեդերացիայից: 3 խաղափուլից հետո գրոսմայստեր Էլինա Դանիելյանը և Լիլիթ Մկրտչյանը ունեն 2.5 միավոր և գտնվում են առաջատարների շարքում: Կանանց միջազգային վարպետ Մարիամ Մկրտչյանը և կանանց գրոսմայստեր Մարիա Գևորգյանը ունեն 2 միավոր: Կանանց միջազգային […] ...
23:49 02.04.2025
Երևանում մթնոլորտային օդի որակը մարտի 26-ից ապրիլի 1-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է Երևանում մթնոլորտային օդի որակը մարտի 26-ից ապրիլի 1-ը (2025թ.): Փոշու պարունակությունը գերազանցել է սահմանային թույլատրելի կոնցենտրացիան․ Կենտրոն վարչական շրջանում՝ գրեթե ամբողջ շաբաթվա ընթացքում, Նոր Նորքում՝ մարտի 29-ին 30-ին և 31-ին, Շենգավիթում՝ մարտի 30-ին 31-ին և ապրիլի 1-ին, Արաբկիրում՝ մարտի 30-ին։ Ազոտի և ծծմբի երկօքսիդների պարունակությունները չեն գերազանցել սահմանային […] ...
23:46 02.04.2025
Al-Ikhbaria. Իսրայելը հարվածներ է հասցնում Համայի և Հոմսի ռազմական օդանավակայանների մոտակայքումՍիրիական Համա և Հոմս նահանգների ռազմական օդանավակայանների մերձակայքը ենթարկվել է իսրայելական օդուժի հարվածներին։ Այս մասին հայտնել է սիրիական Al-Ikhbaria հեռուստաալիքը։ Զոհերի և վիրավորների մասին առայժմ չկան տեղեկություններ: Տեղի լրատվամիջոցները հայտնել են նաև, որ Իսրայելի ռազմաօդային ուժերը ավիահարվածներ են հասցրել Դամասկոսին: Հարվածների թիրախը եղել է Սիրիայի մայրաքաղաքի հյուսիսում գտնվող գիտահետազոտական կենտրոնը։ ...
23:41 02.04.2025
Երևանում բախվել են «Ford»-ն ու շտապօգնության մեքենանԱյսօր՝ ապրիլի 2-ին, շտապօգնության ավտոմեքենայի մասնակցությամբ հերթական ավտովթարն է տեղի ունեցել Երևանում։ Ժամը 19:30-ի սահմաններում Կոմիտասի պողոտա-Վաղարշյան փողոցի խաչմերուկում բախվել են շտապօգնության «Toyota Hiace» մակնիշի և «Ford» մակնիշի ավտոմեքենաները։ Ըստ նախնական տեղեկությունների, տուժածներ չկան։ Ինչպես հայտնում է shamshyan.com-ը, բախման հետևանքով շտապօգնության ավտոմեքենան դուրս է եկել երթևեկելի գոտուց, բախվել բազալտե եզրաքարին, կոտրել այն, անցել հետիոտնի համար […] ...
