19:57 04.02.2020
Շիրակի մարզի ընդհանուր իրավասության առաջին ատյանի դատարանում տեղի է ունեցել Գյումրիում 57-ամյա Ջուլիետա Ղուկասյանին ծեծելով մահվան հասցնելու գործով դատական նիստը, սակայն այն այսօր էլ բուն դատավարական փուլին չի հասել։ Քրեական գործի քննությունն արդեն 4 անգամ հետաձգվել է։ Ամբաստանյալ Անդրեյ Ռազգիլդեևի ներկայությունը դատարան դարձյալ չէր ապահովվել, բայց բոլոր կողմերի ներկայացուցիչներն այս նիստին ներկա էին։
Հիշեցնենք, որ դեպքը տեղի էր ունեցել 2018 թվականի դեկտեմբերի 2-ին Գյումրիի Սլաբոտկա թաղամասում։
Ըստ մեղադրական եզրակացության՝ ռուսական 102-րդ ռազմաբազայի զինծառայող Անդրեյ Ռազգիլդեևն առավոտյան՝ ժամը 7-ի սահմաններում, գտնվելով ալկոհոլի ազդեցության տակ, հետևել է Գյումրիի բնակիչ Ջուլիետա Ղուկասյանին, հասել նրան, բազմաթիվ հարվածներ հասցրել կնոջ գլխին ու մարմնի տարբեր մասերին։
Ջուլիետա Ղուկասյանին ծեծելով մահվան հասցնելու մեջ մեղադրվող Անդրեյ Ռազգիլդեևը արդեն 14 ամիս է՝ կալանքի տակ է։ Նրա նկատմամբ խափանման միջոցն ընտրել է Շիրակի մարզի ընդհանուր իրավասության դատարանը, բայց Ռազգիլդեևը կալանքը կրում է ռուսական ռազմաբազայի կարգապահական մեկուսարանում։
Այսօր դատարան ներկայացել էր նրա փաստաբան Նարինե Ռշտունին և նշեց, որ Ռազգիլդեևը մեղսունակ է ճանաչվել, բայց իրեն մեղավոր չի ճանաչում։
Ամբաստանյալի շահերի պաշտպանը մեկ տարվա ընթացքում դիմել է դատական ատյաններին՝ գրավով նրան ազատ արձակելու միջնորդությամբ, բայց մերժվել է։ Իսկ տուժողի իրավահաջորդի շահերի պաշտպաններն էլ պահանջում էին ռուսական ռազմաբազայի տարածքից Ռազգիլդեևին Հայաստանի քրեակատարողական հիմնարկ տեղափոխել։ Այս միջնորդությունը ևս մերժվել է։
Արդեն 6 ամիս է՝ գործը դատարանի վարույթում է, բայց ամբաստանյալի ներկայությունը դատարան երբևէ չի ապահովվել։ Այսօր դատարան ներկայացած ռազմաբազայի դաշտային փոստ զորամասի իրավաբան Ալեքսանդր Գլադիշչևը Ռազգիլդեևի բացակայությունը հավաստող գրություն էր բերել, որում նաև նշվում էին դատական նիստը հետաձգելու պատճառները, այն է՝ հրամանատարությունը ամբաստանյալի և նրան ուղեկցողների անվտանգության ապահովման երաշխիքներ է պահանջում։
Ըստ Գլադիշչևի՝ այս գործը մի քիչ ռեզոնանսային է, և մեր զինծառայողի ու նրան ուղեկցողների տեղաշարժը մի քիչ վտանգավոր է ու ռիսկերի հետ է կապված։ Նրանց անվտանգության խնդիրը բարձրացվել է նաև ՌԴ պաշտպանության նախարարության մակարդակով, և հիմա զորամասի հրամանատարությանը Հայաստանի բարձրագույն ղեկավարությունից գրավոր երաշխիքներ են անհրաժեշտ նրանց անվտանգ տեղաշարժը Հայաստանի տարածքով ապահովելու համար։
Նիստը նախագահող դատավորը պատասխանեց, որ առանց գրավոր երաշխիքների էլ ամբաստանյալի ու նրան ուղեկցողների անվտանգությունը դատարանը կարող է ապահովել։ Բայց ռուսական զորամասի ներկայացուցիչը պնդեց, որ առանց գրավոր երաշխիքների՝ զորամասի հրամանատարությունը թույլտվություն չի տա Անդրել Ռազգիլդեևին դատարան ներկայանալ, ինչին հակառակվեց տուժող կողմը։
Տուժողի իրավահաջորդի շահերի պաշտպան Արայիկ Զալյանը միջնորդեց, որ Անդրեյ Ռազգիլդեևին բերման ենթարկեն դատարան, ինչն այս պարագայում անհնարին համարեցին պետմեղադրողն ու նիստը նախագահող դատավորը։ Առանց ամբաստանյալի՝ դատական նիստը դարձյալ բուն դատավարական փուլ չմտավ։
Դատարանը որոշեց զորամասի հրամանատարությանը և ամբաստանյալին դատական հաջորդ նիստի մասին պատշաճ ծանուցել դատարան ներկայանալու համար։ Հաջորդ դատական նիստը նշանակվեց 1 ամսից։ Ամբաստանյալի անվտանգության ապահովման մասին երաշխիքներ դատարանը հայտնեց միայն բանավոր։
23:59 02.04.2025
Երևանում շուրջ 400 թեքահարթակ կկառուցվիՀարմար և հավասար միջավայր ստեղծելը նշանակում է հաշվի առնել բոլորի կարիքները՝ առանց բացառության։ 2025թ. Երևանում շուրջ 400 թեքահարթակ կկառուցվի: Այս մասին հայտնել են Երևանի քաղաքապետարանից: Սահմանվել են այնպիսի պահանջներ, որպեսզի թեքահարթակները լինեն հարմարավետ ու մատչելի գործածության համար: Մանրամասները՝ տեսանյութում: ...
23:54 02.04.2025
Հայ շախմատիստուհիների արդյունքները Եվրոպայի կանանց անհատական առաջնությունում 3 խաղափուլից հետոՄարտի 31-ից ապրիլի 11-ը Հունաստանի Հռոդոս կղզում անցկացվում է 2025 թվականի շախմատի Եվրոպայի կանանց անհատական առաջնությունը: Այս մասին հայտնել են Հայաստանի շախմատի ֆեդերացիայից: 3 խաղափուլից հետո գրոսմայստեր Էլինա Դանիելյանը և Լիլիթ Մկրտչյանը ունեն 2.5 միավոր և գտնվում են առաջատարների շարքում: Կանանց միջազգային վարպետ Մարիամ Մկրտչյանը և կանանց գրոսմայստեր Մարիա Գևորգյանը ունեն 2 միավոր: Կանանց միջազգային […] ...
23:49 02.04.2025
Երևանում մթնոլորտային օդի որակը մարտի 26-ից ապրիլի 1-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է Երևանում մթնոլորտային օդի որակը մարտի 26-ից ապրիլի 1-ը (2025թ.): Փոշու պարունակությունը գերազանցել է սահմանային թույլատրելի կոնցենտրացիան․ Կենտրոն վարչական շրջանում՝ գրեթե ամբողջ շաբաթվա ընթացքում, Նոր Նորքում՝ մարտի 29-ին 30-ին և 31-ին, Շենգավիթում՝ մարտի 30-ին 31-ին և ապրիլի 1-ին, Արաբկիրում՝ մարտի 30-ին։ Ազոտի և ծծմբի երկօքսիդների պարունակությունները չեն գերազանցել սահմանային […] ...
23:46 02.04.2025
Al-Ikhbaria. Իսրայելը հարվածներ է հասցնում Համայի և Հոմսի ռազմական օդանավակայանների մոտակայքումՍիրիական Համա և Հոմս նահանգների ռազմական օդանավակայանների մերձակայքը ենթարկվել է իսրայելական օդուժի հարվածներին։ Այս մասին հայտնել է սիրիական Al-Ikhbaria հեռուստաալիքը։ Զոհերի և վիրավորների մասին առայժմ չկան տեղեկություններ: Տեղի լրատվամիջոցները հայտնել են նաև, որ Իսրայելի ռազմաօդային ուժերը ավիահարվածներ են հասցրել Դամասկոսին: Հարվածների թիրախը եղել է Սիրիայի մայրաքաղաքի հյուսիսում գտնվող գիտահետազոտական կենտրոնը։ ...
23:41 02.04.2025
Երևանում բախվել են «Ford»-ն ու շտապօգնության մեքենանԱյսօր՝ ապրիլի 2-ին, շտապօգնության ավտոմեքենայի մասնակցությամբ հերթական ավտովթարն է տեղի ունեցել Երևանում։ Ժամը 19:30-ի սահմաններում Կոմիտասի պողոտա-Վաղարշյան փողոցի խաչմերուկում բախվել են շտապօգնության «Toyota Hiace» մակնիշի և «Ford» մակնիշի ավտոմեքենաները։ Ըստ նախնական տեղեկությունների, տուժածներ չկան։ Ինչպես հայտնում է shamshyan.com-ը, բախման հետևանքով շտապօգնության ավտոմեքենան դուրս է եկել երթևեկելի գոտուց, բախվել բազալտե եզրաքարին, կոտրել այն, անցել հետիոտնի համար […] ...
