21:27 03.02.2020
Կառնուտ գյուղի բնակիչների մի մասի գույքն ու դրամական միջոցները կալանքի տակ են: Հողի հարկի և գույքահարկի պարտքերի պատճառով խոշորացված Ախուրյան համայնքի ղեկավարությունը կառնուտցիներին դատի է տվել, հարկադիր կատարման ծառայությունն էլ բռնագանձում է պարտքերը: Ոմանց կենսաթոշակներից, ոմանց էլ աշխատավարձից ու այլ դրամական մուտքերից են գումարները պահվում:
Կառնուտցիները բարձրաձայնում են, որ գանձվող գումարների չափը ճիշտ հաշվարկված չէ, նախորդ տարիներին մուծումներ կատարել են, բայց դրանք բազա չեն մուտքագրվել, իսկ համայնքապետարանն իրական պարտքի մասին ստույգ տվյալներ չի տրամադրում:
Կառնուտի բնակիչ Վարուժան Սիմոնյանի պարտքը գյուղում ամենամեծն է․ համայնքապետարանի հաշվարկով՝ նրանից բռնագանձման ենթակա է 611.000 դրամ: Իսկ թե ինչու է պարտքի չափը մեծացել, հողատերն իր փաստերն է բերում՝ ո՛չ նախկինում, ո՛չ էլ մինչև գործը դատարան մտնելը մուծած հողի ու գույքահարկերի գումարները հաշվի չեն առնվել:
Գյուղում նման ընտանիքները մեկը կամ երկուսը չեն, համագյուղացիները մեկը մեկից տեղյակ են։ Նրանց խոսքերով՝ մոտ 50 ընտանիքի պարտքեր բռնագանձման են ենթակա։ Համայնքապետարանը մի քանի ամիս է՝ պարտապանների թոշակներից գումար է ետ պահում, կալանքի տակ է նրանց գույքը՝ տները, հողամասերը ավտոմեքենաները:
Կառնուտցիների խոսքերով՝ ամեն ամիս թոշակից 30 տոկոս են գանձում․ 32․000 դրամ ստացողից՝ օրինակ, 10․000դրամ։ Հողատարածքներին կալանք դնելու պատճառով էլ նրանց պետական սուբսիդավորմամբ վարկեր չեն տալիս։ Գյուղացիները բոլորը նույն բանն էին պնդում, թե համայնքապետարանի բազան լիարժեք չէ, որ իրենք մինչև վերջ չեն կարողացել ճշտել իրենց պարտքերի չափը։ Հարկադիր վճարման գումարի չափի հետ համաձայն չեն։ Ավելի քան վստահ են, որ վճարել են ժամանակին, կտրոններն ունեն, բայց համայնքապետարանի բազայում չեն մուտքագրել։
Համայնքապետարանի աշխատակիցները հնարավոր են համարում, որ նախկին մուծումներն ունեցած ներկա բազայում չերևան: Իսկ խճճված պատմությունը գալիս է 2008 թվականից, երբ մինչև 2008 թվականը ունեցած հողահարկի և գույքահարկի պարտքերը զիջվեցին, բայց բազաները մաքրվեցին 2012 թվականին, այսինքն՝ բնակիչները մինչև 2012 թվականը շարունակել են վճարումներ անել, որոնք չի բացառվում, որ մուտքագրված լինեն որպես մինչև 2008-ի պարտքեր ու զրոյացված լինեն։ Ախուրյանի համայնքապետարանի իրավաբան Արա Ղանդիլյանի խոսքերով՝ բնակիչները մինչև 2012 թվականը կատարած մուծումները չեն կարողանա իրենց բազայով ապացուցել։
Տնտեսություններից մի քանիսից էլ գումարի սխալ բռնագանձում է տեղի ունեցել: Գրետա Պապոյանն իր անունով հող ու շինություն չունի, բայց 2 ամիս թոշակից պահում են արել: Հարկադիր ծառայությունից ուղարկված նամակն էլ մինչ այժմ չէր բացել, իրեն վերաբերող փաստաթուղթ չի համարել։
Նրանից գանձումներ այլևս չեն անի, հետպահումները վերադարձվել են։ Պարտապաններից շատերը շարունակում են պնդել, որ գանձումներն անօրինական են, դա կարող են ապացուցել 2009-ից սկսած կատարած մուծումների պահած կտրոններով, ինչն էլ խոշորացված համայնքի ղեկավարության լիազորություններից դուրս է։
Ախուրյանի համայնքապետի տեղակալ Լիպարիտ Տիգրանյանը ևս նշում է, որ համայնքապետարանը մուծումների իսկությունն ապացուցել կարող է միայն 2012 թվականից հետո կատարած վճարումների դեպքում, որոնք պահպանվում են բազայում: Եթե այդպիսիք կան, համայնքապետարանը պատրաստ է պարտքից հանել, բայց միայն մայր գումարները, տույժ ու տուգանքները կմնան: Ախուրյան խոշորացված համայնքի 8 գյուղերի՝ 200 բնակչի նկատմամբ դատական բռնագանձումների վարույթ է հարուցվել:
23:59 02.04.2025
Երևանում շուրջ 400 թեքահարթակ կկառուցվիՀարմար և հավասար միջավայր ստեղծելը նշանակում է հաշվի առնել բոլորի կարիքները՝ առանց բացառության։ 2025թ. Երևանում շուրջ 400 թեքահարթակ կկառուցվի: Այս մասին հայտնել են Երևանի քաղաքապետարանից: Սահմանվել են այնպիսի պահանջներ, որպեսզի թեքահարթակները լինեն հարմարավետ ու մատչելի գործածության համար: Մանրամասները՝ տեսանյութում: ...
23:54 02.04.2025
Հայ շախմատիստուհիների արդյունքները Եվրոպայի կանանց անհատական առաջնությունում 3 խաղափուլից հետոՄարտի 31-ից ապրիլի 11-ը Հունաստանի Հռոդոս կղզում անցկացվում է 2025 թվականի շախմատի Եվրոպայի կանանց անհատական առաջնությունը: Այս մասին հայտնել են Հայաստանի շախմատի ֆեդերացիայից: 3 խաղափուլից հետո գրոսմայստեր Էլինա Դանիելյանը և Լիլիթ Մկրտչյանը ունեն 2.5 միավոր և գտնվում են առաջատարների շարքում: Կանանց միջազգային վարպետ Մարիամ Մկրտչյանը և կանանց գրոսմայստեր Մարիա Գևորգյանը ունեն 2 միավոր: Կանանց միջազգային […] ...
23:49 02.04.2025
Երևանում մթնոլորտային օդի որակը մարտի 26-ից ապրիլի 1-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է Երևանում մթնոլորտային օդի որակը մարտի 26-ից ապրիլի 1-ը (2025թ.): Փոշու պարունակությունը գերազանցել է սահմանային թույլատրելի կոնցենտրացիան․ Կենտրոն վարչական շրջանում՝ գրեթե ամբողջ շաբաթվա ընթացքում, Նոր Նորքում՝ մարտի 29-ին 30-ին և 31-ին, Շենգավիթում՝ մարտի 30-ին 31-ին և ապրիլի 1-ին, Արաբկիրում՝ մարտի 30-ին։ Ազոտի և ծծմբի երկօքսիդների պարունակությունները չեն գերազանցել սահմանային […] ...
23:46 02.04.2025
Al-Ikhbaria. Իսրայելը հարվածներ է հասցնում Համայի և Հոմսի ռազմական օդանավակայանների մոտակայքումՍիրիական Համա և Հոմս նահանգների ռազմական օդանավակայանների մերձակայքը ենթարկվել է իսրայելական օդուժի հարվածներին։ Այս մասին հայտնել է սիրիական Al-Ikhbaria հեռուստաալիքը։ Զոհերի և վիրավորների մասին առայժմ չկան տեղեկություններ: Տեղի լրատվամիջոցները հայտնել են նաև, որ Իսրայելի ռազմաօդային ուժերը ավիահարվածներ են հասցրել Դամասկոսին: Հարվածների թիրախը եղել է Սիրիայի մայրաքաղաքի հյուսիսում գտնվող գիտահետազոտական կենտրոնը։ ...
23:41 02.04.2025
Երևանում բախվել են «Ford»-ն ու շտապօգնության մեքենանԱյսօր՝ ապրիլի 2-ին, շտապօգնության ավտոմեքենայի մասնակցությամբ հերթական ավտովթարն է տեղի ունեցել Երևանում։ Ժամը 19:30-ի սահմաններում Կոմիտասի պողոտա-Վաղարշյան փողոցի խաչմերուկում բախվել են շտապօգնության «Toyota Hiace» մակնիշի և «Ford» մակնիշի ավտոմեքենաները։ Ըստ նախնական տեղեկությունների, տուժածներ չկան։ Ինչպես հայտնում է shamshyan.com-ը, բախման հետևանքով շտապօգնության ավտոմեքենան դուրս է եկել երթևեկելի գոտուց, բախվել բազալտե եզրաքարին, կոտրել այն, անցել հետիոտնի համար […] ...
