Վրաստանում մտահոգված են երկրում ՌԴ սահմաններին կից կայանալիք ՆԱՏՕ-ի աննախադեպ զորավարժություններով

Արևելյան Եվրոպայում մեկնարկում են վերջին 25 տարիների ընթացքում ՆԱՏՕ-ի ամենամեծ զորավարժությունները ՝ «Եվրոպայի պաշտպան» 2020-ը: Զորավարժություններին կմասնակցեն 18 երկրի 37 000 զինվորներ՝ Միացյալ Նահանգներից, Գերմանիայից, Լեհաստանից, Բալթյան երկրներից  ու Վրաստանից: Զորավարժությունների  գլխավոր նպատակն է՝ «կատարելագործել» զորքերի արագ  տեղափոխումը Ռուսաստանի սահմաններ: Փորձագետները նշում են, որ այս եղանակով ԱՄՆ գլխավոր շտաբը ցանկանում է փորձարկել Կալինինգրադ ներխուժելու պլանը: 

Վրաստանում նախատեսվում է պարաշյուտային դեսանտի տեղակայում Ռուսաստանի սահմաններին կից՝ նրա դեմ նյութատեխնիկական բազայի ապահովման և արագ գործողությունների մշակման ուղղությամբ: Զորավարժությունները կլինեն աննախադեպ երկար՝ կտևեն  փետրվարից մինչև հունիս: Որոշ տվյալներով՝ զորավարժությունների համար նախատեսված տեխնիկայի մի մասը տեղ է հասել ըստ նշանակության:

«Գռուզինֆորմի» գլխավոր խմբագիր-վերլուծաբան Առնո Խիդիրբեգիշվիլին «ՆԱՏՕ-ի պարաշյուտային դեսանտը  Վրաստանում. Գործողությունների մշակում Ռուսաստանի դեմ» հոդվածում անդրադարձել է ՆԱՏՕ-ի բազմազգ զորավարժություններին, Վրաստանի վրա դրանց ունենալիք  հնարավոր ազդեցություններին: Դա այն դեպքում, երբ ՌԴ-ն ստիպված կլինի ամիսներ շարունակ հանդուրժել իր սահմանների մոտ թշնամական դաշինքի  զորավարժությունները: Կատարել ֆինանսական մեծ ծախսեր, եթե պահանջվի կենտրոնացնել զինուժն ու սարքավորումները՝ Դաշինքի  հետախուզական գործողությունները խափանելու համար: Առավել ևս՝ Յենս Ստոլտենբերգերի վերջերս արած «Դաշինքը հնարավորություն  է ստացել նոր անօդաչու «RQ-4D Phoenix» սարքի միջոցով հետախուզություն իրականացնել ՌԴ ողջ տարածքում» հայտարարությունից  հետո:

«Նույնիսկ, եթե զորավարժություններն անցնեն առանց ցնցումների, դժվար չէ պատկերացնել Ռուսաստանի արձագանքը, երբ ականատես կդառնա ծովում, ցամաքում ու երկնքում նատօական զորքերի աննախադեպ քանակին»,- մտահոգություն է հայտնել հոդվածագիրը՝ ուշադրություն հրավիրելով մեկ այլ, ոչ պակաս կարևոր խնդրի:

«Երաշխիքներ չկան, որ Վրաստանում դաշինքի  որոշակի թվով զինված անձնակազմ և սարքավորումներ չեն մնա նույնիսկ զորավարժությունների ավարտից հետո, ինչպես դա տեղի ունեցավ Լեհաստանում և Բալթյան երկրներում: Կբերվեն մի շարք պատճառաբանություններ. օրինակ ՝ Վրաստան-ՆԱՏՕ ուսումնական կենտրոնում համատեղ ուսուցում անցկացնելը, Լուգարի ​​լաբորատորիան պաշտպանելուց մինչև ԱՄՆ-Իրան հակամարտության կարգավորումը և ի վերջո՝  զորավարժություններից 3 ամիս անց երկրում արդար խորհրդարանական ընտրություններ ապահովելու վրացական ընդդիմության հնարավոր խնդրանքը»,- մտահոգություն  է հայտնել  Խիդինբերգիշվիլին:

Ստեղծված իրավիճակում «երկու քարի» արանքում հայտնված Վրաստանը,  ըստ հոդվածագրի, պատասխան պետք է տա Ռուսաստանին: Երկիր, որտեղից Վրաստանը ստանում է տրանսֆերներ, մեծ եկամուտ՝ ռուս զբոսաշրջիկների  այցելություններից ու ռուսական ապրանքների ներկրումից: Ռուսաստանից պահանջում են ուղիղ թռիչքների վերականգնում, վիզաների չեղարկում, ռազմակայանների՝ Աբխազիայից և Հարավային Օսիայից դուրսբերում, մյուս կողմից՝ հրավիրում նրա թշնամուն Ռուսաստանի սահման՝ բազմազգ զորավարժությունների: