19:47 15.01.2020
Զբաղվածության ծրագրերի համար այս տարի պետական բյուջեից ավելի շատ գումարներ կհատկացվեն: Դրանք կտրամադրվեն ոչ միայն գործազուրկների մասնագիտացմանն ու նրանց աշխատանքի տեղավորմանը, այլ նաև աշխատանք փնտրողներին հնարավորություն կտրվի ձեռնարկատիրական գործունեություն սկսել, նաև գյուղատնտեսության ոլորտում ծրագրեր իրականացնել։
Գյումրիի զբաղվածության կենտրոնում միայն 13.700 աշխատանք փնտրող է գրանցված, իսկ անցած տարի ընդամենը 1406 գործազուրկ է մշտական աշխատանքով ապահովվել:
Գյումրիի զբաղվածության կենտրոնում տարին սկսվել է աշխատանք փնտրողների ակտիվությամբ: Դիմողների հետ հարցուպատասխանն էլ կողմնորոշվելու համար է, եթե աշխատանքի առաջարկ ունենան:
Գրանցված գործազուրկների թիվը 50 անգամ ավելին է, քան առաջարկվող աշխատատեղերը: 2020 թվականի նոր գործազուրկների շարքում են հայտնվել անցած տարի լուծարված հակատուբերկուլյոզային դիսպանսերի 19 բուժաշխատողները:
Զբաղվածության կենտրոն դիմած գործազուրկ բուժքույրերին Գյումրիի զբաղվածության կենտրոնի տնօրեն Ամալյա Ադամյանը իրենց առաջարկներն է ներկայացնում․ բուժքույրերի թափուր աշխատատեղեր ունեն միայն ստոմատոլոգիական ծառայությունում ու շտապօգնության կայանում։
Երբ համապատասխան մասնագիտությամբ աշխատանքի առաջարկը բացակայում է, փոխարինելու է գալիս մեկ այլ տարբերակ, որը ոչ միշտ է աշխատանք փնտրողի հմտություններին համարժեք: Կենտրոնում այնպիսի հաշվառվածներ կան, որոնք 20 տարի է` աշխատանք են փնտրում:
Նրանց խոսքերով՝ իրենց սրտով չեն եղել առաջարկները, դրա համար էլ դրանք չեն ընդունել։
Ամալյա Ադամյանի խոսքերով՝ հաճախ է պատահում, որ գործատուները աշխատանքի չեն վերցնում գործազուրկներին, կամ էլ 8 ժամյա աշխատանքային օր են սահմանում, բայց գործազուրկին ասում են, որ երկար է աշխատելու։
Ցածր աշխատավարձն ու չգոհացնող այլ պայմանները կենտրոնի տնօրենը օբյեկտիվ պատճառներ է համարում աշխատանքի առաջարկներից հրաժարվելու: Իսկ սուբյեկտիվ, երբեմն չարդարացված պատճառներ էլ կան, օրինակ՝ գործազուրկի կարգավիճակ ունեցող մարդիկ ձգտում են ստանալ ընտանեկան նպաստ համակարգում միավոր բարձրացնելու համար: Բազմազավակ ընտանիքում էլ սա հարցի լուծում է այնքանով, որ կարող է նպաստի գումարի չափն ավելի բարձր լինել, քան գործատուի տված աշխատավարձը:
Աշխատանքի և սոցիալական հարցերի նախարարությունն այժմ պայմաններին խիստ է մոտենում, 2 անգամ աշխատանքային առաջարկը մերժելու դեպքում անձին զրկել գործազուրկի կարգավիճակից, որը, ամեն դեպքում, ժամանակավոր է:
Ըստ կենտրոնի տնօրենի՝ իրենք գործազուրկին հաշվառումից հանում են, բայց նա հետո գալիս հաշվառվում է, քանի որ իրավունք չունեն դիմող գործազուրկին չհաշվառելու։
Համակարգում ոչ միայն այս խնդիրը, նաև զբաղվածության որոշ ծրագրերի վերանայման անհրաժեշտություն կա: Սա վերաբերում է նաև անմրցունակ անձանց աշխատանքի տեղավորմանը, որի դիմաց պետությունը միանվագ գումար է հատկացնում գործատուին, իսկ սա զբաղվածության ցանկալի արդյունք գրանցելու լավագույն մեխանիզմ չէ:
Ըստ տնօրենի՝ կենտրոնը լրացուցիչ ծրագրերի անհրաժեշտություն ունի։ Այս տարի զբաղվածության կենտրոնները նոր ծրագրեր են սկսելու, որոնք գյուղական համայնքներին են նաև վերաբերելու:
Ամենաշատ ֆինանսներ կուղղվեն սեզոնային բնույթ կրող աշխատանքներին, որոնք ժամանակավոր զբաղվածություն են ապահովում և գործազրկության նվազման ընդհանուր ցուցանիշի վրա էական ազդեցություն չեն թողնում:
23:59 02.04.2025
Երևանում շուրջ 400 թեքահարթակ կկառուցվիՀարմար և հավասար միջավայր ստեղծելը նշանակում է հաշվի առնել բոլորի կարիքները՝ առանց բացառության։ 2025թ. Երևանում շուրջ 400 թեքահարթակ կկառուցվի: Այս մասին հայտնել են Երևանի քաղաքապետարանից: Սահմանվել են այնպիսի պահանջներ, որպեսզի թեքահարթակները լինեն հարմարավետ ու մատչելի գործածության համար: Մանրամասները՝ տեսանյութում: ...
23:54 02.04.2025
Հայ շախմատիստուհիների արդյունքները Եվրոպայի կանանց անհատական առաջնությունում 3 խաղափուլից հետոՄարտի 31-ից ապրիլի 11-ը Հունաստանի Հռոդոս կղզում անցկացվում է 2025 թվականի շախմատի Եվրոպայի կանանց անհատական առաջնությունը: Այս մասին հայտնել են Հայաստանի շախմատի ֆեդերացիայից: 3 խաղափուլից հետո գրոսմայստեր Էլինա Դանիելյանը և Լիլիթ Մկրտչյանը ունեն 2.5 միավոր և գտնվում են առաջատարների շարքում: Կանանց միջազգային վարպետ Մարիամ Մկրտչյանը և կանանց գրոսմայստեր Մարիա Գևորգյանը ունեն 2 միավոր: Կանանց միջազգային […] ...
23:49 02.04.2025
Երևանում մթնոլորտային օդի որակը մարտի 26-ից ապրիլի 1-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է Երևանում մթնոլորտային օդի որակը մարտի 26-ից ապրիլի 1-ը (2025թ.): Փոշու պարունակությունը գերազանցել է սահմանային թույլատրելի կոնցենտրացիան․ Կենտրոն վարչական շրջանում՝ գրեթե ամբողջ շաբաթվա ընթացքում, Նոր Նորքում՝ մարտի 29-ին 30-ին և 31-ին, Շենգավիթում՝ մարտի 30-ին 31-ին և ապրիլի 1-ին, Արաբկիրում՝ մարտի 30-ին։ Ազոտի և ծծմբի երկօքսիդների պարունակությունները չեն գերազանցել սահմանային […] ...
23:46 02.04.2025
Al-Ikhbaria. Իսրայելը հարվածներ է հասցնում Համայի և Հոմսի ռազմական օդանավակայանների մոտակայքումՍիրիական Համա և Հոմս նահանգների ռազմական օդանավակայանների մերձակայքը ենթարկվել է իսրայելական օդուժի հարվածներին։ Այս մասին հայտնել է սիրիական Al-Ikhbaria հեռուստաալիքը։ Զոհերի և վիրավորների մասին առայժմ չկան տեղեկություններ: Տեղի լրատվամիջոցները հայտնել են նաև, որ Իսրայելի ռազմաօդային ուժերը ավիահարվածներ են հասցրել Դամասկոսին: Հարվածների թիրախը եղել է Սիրիայի մայրաքաղաքի հյուսիսում գտնվող գիտահետազոտական կենտրոնը։ ...
23:41 02.04.2025
Երևանում բախվել են «Ford»-ն ու շտապօգնության մեքենանԱյսօր՝ ապրիլի 2-ին, շտապօգնության ավտոմեքենայի մասնակցությամբ հերթական ավտովթարն է տեղի ունեցել Երևանում։ Ժամը 19:30-ի սահմաններում Կոմիտասի պողոտա-Վաղարշյան փողոցի խաչմերուկում բախվել են շտապօգնության «Toyota Hiace» մակնիշի և «Ford» մակնիշի ավտոմեքենաները։ Ըստ նախնական տեղեկությունների, տուժածներ չկան։ Ինչպես հայտնում է shamshyan.com-ը, բախման հետևանքով շտապօգնության ավտոմեքենան դուրս է եկել երթևեկելի գոտուց, բախվել բազալտե եզրաքարին, կոտրել այն, անցել հետիոտնի համար […] ...
