| « | Ապրիլ 2025 | |||||
|---|---|---|---|---|---|---|
| Կ | Ե | Ե | Չ | Հ | Ու | Շ |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
18:31 22.11.2019
2020 թվականին փողոցաշինության ծավալները Գյումրիում ավելանալու են: Ավտոճանապարհների հիմնանորոգումը կատարվելու է 4 ծրագրով՝ Համաշխարհային բանկի, Վերակառուցման և զարգացման եվրոպական բանկի, սուբվենցիոն և տեղական բյուջեի միջոցներով:
Ավելի քան 20 կմ երկարության փողոց, հարակից մայթերով, նախատեսվում է նորոգել միայն Վերակառուցման և զարգացման բանկի միջոցներով: Փողոցաշինական այս ծրագրում ընդգրկվել են հիմնականում երկրորդական համարվող փողոցներ, որոնք կարևոր ենթակառուցվածք են ոչ միայն գլխավոր մայրուղիները տրանսպորտից բեռնաթափելու, նաև պատմական քաղաքի զբոսաշրջային վայրերի տեսքն ամբողջացնելու համար:
Անվադողերի վերանորոգման արհեստանոցում միշտ գործ կա: Գյումրիի Հաղթանակի պողոտային հարող նրբանցքներով անցնող մեքենաների կայանման տեղն է դարձել: Միայն այս տարածքում քանդված ավելի քան 10 փողոց կա, որոնք համարվել են երկրորդական ու փողոցաշինական ծրագրերի հերթում չեն էլ հայտնվել:
Կենտրոնական փողոցներին հարող, բայց երկրորդական համարվող ճանապարհները հաջորդ տարվա 23 ու 8 միլիոն եվրոյի 2-րդ տրանշում են: Ծրագիր են ընդգրկվել, քանի որ «Կումայրի» պատմական միջուկի մաս են ու զբոսաշրջային երթուղիներ:
Հայտնի ֆիլմի՝ իր վիճակով ու տեսքով նույնքան հայտնի պատշգամբին հարող և զբոսաշրջային մյուս ուղղություններով փողոցները առաջնահերթ նորոգումների շարքում են: Հիմնանորոգվող փողոցների ցանկը և մի քանիսի նախագծային փաստաթղթերը քաղաքապետարանի տրամադրության տակ են:
30-ից ավելի փողոց, ևս 2 հրապարակ հաջորդ տարվա հիմնանորոգումների ցանկում է միայն Վերակառուցման և զարգացման բանկի ֆինանսավորմամբ: Ծավալային առումով ծրագրի մեծ բաժինը Անի թաղամասինն է: Ծրագրվում է 10 փողոցի նորոգում, բայց 2020-ից աշխատանքների մեկնարկ Անի թաղամասում չեն խոստանում:
Ջրամատակարարման ցանցի նորացման ձախողված ծրագիրը խախտում է փողոցաշինության ժամկետները: Գյումրիի քաղաքապետ Սամվել Բալասանյանի խոսքերով` Անի թաղամասի ջրամատակարարման ցանցի նորացումը ձգձգվում է, ինչն էլ թույլ չի տալիս ասֆալտապատում սկսել։
Թաղամասի նորացման ծրագիրը դեռ 2015 թվականից էր շրջանառվում: 4 տարում նոր համակարգ թաղամասում չանցկացվեց: Հիմա, երբ կա հաստատված փողոցաշինական նոր ծրագրի փուլը, ջրամատակարարման համակարգը նորացնելու մասին քաղաքապետարանի դիմումներին դարձյալ հստակ պատասխան չկա։ Խոստացել են 2021 թվականին սկսել ծրագիրը, ինչը ևս ռեալ չէ։ Անի թաղամասով փոխարինել այլ փողոցներ, ծրագիրը չի նախատեսում: Առանց այս թաղամասի էլ հաջորդ տարվա փողոցաշինության ծավալները մեծ են նախորդի համեմատ:
Սա խնդիրներ է առաջ բերելու աշխատանքների կազմակերպման հարցում: Մի քանի փողոցների նախագծեր պատրաստ են, շինարարությունը սկսելու ժամկետը 2020-ի գարունն է: Որակով աշխատանք է պահանջվում, որի համար, ճշգրիտ նախագծից բացի, փորձառու աշխատուժ է պետք: Շինմրցույթներին դեռ հերթը չի հասել:
Փողոցաշինական աշխատանքներն ըստ ծավալների գնահատելու և իրականացնելու դեպքում հաշվարկել են, որ Գյումրիում կլինի մոտ 60 տոկոսով բարեկարգված փողոցներ, բայց հաջորդ տարվա ծրագրերից դեռևս դուրս են մնում Շիրակացի և Սավոյան փողոցները:
00:00 10.04.2025
Նոր ծառեր՝ բարեկարգված Հանրապետության փողոցումՆոր ծառեր՝ բարեկարգված Հանրապետության փողոցում։ Ալբիցիաները լայնորեն կիրառվում են քաղաքային կանաչապատման մեջ։ Ծառի բարձրությունը հասնում է 10- 15 մետրի: Ձևավորում է լայն սաղարթ և չորադիմացկուն է։ Այս մասին հայտնել են Երևանի քաղաքապետարանից: Մանրամասները՝ տեսանյութում: ...
23:55 09.04.2025
Թրամփը հայտարարել է Չինաստանի նկատմամբ մինչև 125% առևտրային մաքսատուրքերի անհապաղ բարձրացման մասինԱՄՆ նախագահ Դոնալդ Թրամփը հայտարարել է, որ իր վարչակազմը անմիջապես կբարձրացնի Չինաստանի նկատմամբ առևտրային մաքսատուրքերը մինչև 125%։ «Ելնելով այն ոչ հարգալից վերաբերմունքից, որ Չինաստանը ցուցաբերեց համաշխարհային շուկաների նկատմամբ, ես բարձրացնում եմ ԱՄՆ-ի մաքսատուքերը Չինաստանի նկատմամբ մինչև 125 տոկոս․ որոշումն ուժի մեջ է մտնում անմիջապես»,- գրել է Թրամփն իր Truth Social-ում՝ հավելելով, որ հուսով է՝ մոտ […] ...
23:52 09.04.2025
Բախտը ժպտաց մեզ, որ ընդամենը 3 գոլ ընդունեցինք․ Ջուդ Բելինգհեմը մեկնաբանել է «Արսենալից» կրած պարտությունը«Ռեալի» կիսապաշտպան Ջուդ Բելինգհեմը մեկնաբանել է «Արսենալից» կրած պարտությունը: ««Արսենալը» գերազանց հանդիպում անցկացրեց, բախտը ժպտաց մեզ, որ ընդամենը 3 գոլ ընդունեցինք: Կախարդական ու անհավանական ինչ-որ բան է անհրաժեշտ իրավիճակը փոխելու համար, բայց եթե կա մի թիմ, որ կարող է հաղթահարել այս իրավիճակը, դա «Ռեալն» է»,- անգլիացու խոսքերն է մեջբերում Marca-ն: ...
23:49 09.04.2025
Վայքում բախվել են «Mercedes Sprinter»-ը և «Opel Vectra»-ն․ կա վիրավորԱպրիլի 9-ին, ավտովթար է տեղի ունեցել Վայոց ձորի մարզում։ Ժամը 10։15-ի սահմաններում Երևան-Մեղրի ավտոճանապարհի 162 կմ հատվածում բախվել են Սյունիքի մարզի բնակիչ 22-ամյա Վարդան Ա․-ի վարած «Mercedes Sprinter» և Արմավիրի մարզի բնակիչ 40-ամյա Մհեր Գ․-ի վարած «Opel Vectra» մակնիշի ավտոմեքենաները։ Ինչպես հայտնել է shamshyan.com-ը, վթարի հետևանքով «Opel»-ի վարորդ Մհեր Գ․-ն տեղափոխվել է «Վայոց ձոր» բժշկական […] ...
23:44 09.04.2025
Թրամփը վստահեցրել է, որը պատրաստ է կնքել արդար առևտրային համաձայնագրերՎաշինգտոնի վարչակազմը պատրաստ է արդար առևտրային համաձայնագրեր կնքել ինչպես Չինաստանի, այնպես էլ այլ կողմերի, այդ թվում՝ ԵՄ պետությունների հետ։ Այս մասին լրագրողների հարցերին պատասխանելիս հայտարարել է ԱՄՆ նախագահ Դոնալդ Թրամփը։ «Հնարավոր է գործարք կնքել բոլորի հետ», – վստահեցրեց նա՝ պատասխանելով հարցին, թե արդյոք ԱՄՆ-ն հնարավոր է համարում ԵՄ երկրների հետ առևտրի ոլորտում փոխշահավետ համաձայնագրերը։ «Չինաստանի […] ...
23:35 09.04.2025
Հյուսիսային Օսիայում արտակարգ դրություն է հայտարարվել վատ եղանակի պատճառովՀյուսիսային Օսիայում արտակարգ դրություն է հայտարարվել վատ եղանակի պատճառով։ Այս մասին հայտնել են Արտակարգ իրավիճակների նախարարության գլխավոր վարչությունից։ «Անբարենպաստ եղանակային պայմանների և Հյուսիսային Օսիայում Վրացական Ռազմավիրական ճանապարհի փակման պատճառով, 2025 թվականի ապրիլի 9-ի, ժամը 14:00-ից հայտարարվել է արտակարգ դրություն։ Հիշեցնենք, որ Վերին Լարսի անցակետի ուղղությամբ բոլոր տեսակի տրանսպորտային միջոցների անցումը ժամանակավորապես սահմանափակվում է 2025 թվականի […] ...
