Նիկոլայ Գրիգորյանն «Արտակարգ» ակումբ է ստեղծում

Նիկոլայ Գրիգորյանը, որն այս տարվա մայիսի 5-ին ազատվեց ԱԻՆ փրկարար ծառայության տնօրենի տեղակալի պաշտոնից, այսօր հայտնել է «Արտակարգ» ակումբ հիմնելու իր ծրագրի մասին և առաջարկել Հայաստանի ողջ լրատվական դաշտին, տեղական ու միջազգային հասարակական կազմակերպություններին համախմբվել Սպիտակի երկրաշարժի 29-րդ տարելիցին ընդառաջ:

Գրիգորյանն ասել է, որ թեև արդեն քաղաքացիական կյանքով է ապրում, բայց կշարունակի աղետներից պաշտպանված, իրազեկ հասարակություն ունենալու ուղղությամբ տարվող աշխատանքները:

«Վերընթերցելով Սպիտակի երկրաշարժի դասերը, մեր մաշկի վրա զգալով ահագնացող մարտահրավերները և այլևս ազատ լինելով պետական ծառայությունից՝ իմ ամբողջ փորձը, գիտելիքներն ու ջանքերը ես կնպատակամղեմ դեպի դիմակայություն, դեպի անվտանգության ու պատրաստվածության մշակույթի ստեղծում»,- ասել է փրկարար ծառայության գեներալ-մայորը: 

Ըստ Գրիգորյանի՝ «Արատակարգ» ակումբը պատրաստվում է միավորել բոլոր լրատվական, ռեսուրս կետրոնները, ինչքան շատ լինեն իրազեկության կղզյակնեն անիրազեկության ծովում, այնքան մենք կնպաստենք մեր երկրի անվտանգությանը և ամուր հող կստեղծենք կայուն զարգացման համար:

«Շատ կատ կան գիտական, պաշտոնական բազմաթիվ թղթեր, հոդվածներ, գրականություն և այլն: Բայց շատ քիչ են հանրամատչելի, ստեղծարար, կրեատիվ այն նյութերը, որոնք հանրամատչելի են ուսուցչի համար, աշակերտի համար, ծնողի, մեծի, փոքրի, տարբեր տարիքի ու մասնագիտությունների տեր մարդկանց համար:

«Արտակարգ ալիքը» կդառնա այն հարթակը, որտեղ կհավաքվեն բիբլիական պատմությունները, մեր պատմիչների ասույթներից, հանրահայտ մարդկանց, տարբեր տեսակի և՛ նկարներ, և՛ ասույթներ, և՛ ասացվածքներ, ինչու չէ, նաև անեկդոտներ, պատմություններ: Մարդիկ սովորում են իրենց սխալների վրա, մենք բազմաթիվ դասեր ունենք, որոնք ինքներս են տեսել, ապրել և այդ դասերը, նաև ուրիշների լավագույն փորձը կդրվեն սեղանին և, բացի դրանից, կներարկվի մարդկանց»:

Հարցին, թե ինչ ֆինանսական միջոցներով է աշխատելու «Արտակարգ ակումբ»-ը, Գրիգորյանը պատասխանեց.

«Բոլոր տեսակի ծրագրերը «Արտակարգ» ալիքը, որ արել է այս 20 տարիների ընհթացում, եղել են ոչ միայն միջազգային կազմակերպությունների, այլև բարի մարդկանց, իմ ընկերների աջակցությամբ: Նպատակը նաև գործընկերներ և ռեսուրսներ գտնելն է: Մի քիչ թանկ հաճույք է էս հաճույքը»:

Հավելենք, որ  «Արտակարգ» ակումբը  ևս «Արտակարգ» ալիքի նման շարունակելու է գործել «Ով իրազեկված է, նա պաշտպանված է» կարգախոսով:

Ըստ Գրիգորյանի՝ իրենք պատրաստ են համագործակցել թե՛ հասարակական ու մասնավոր, թե՛ պետական կառույցների հետ:

Արդեն տեղեկացրել ենք, որ  հարցին կհամագործակցե՞ն նաև ԱԻՆ-ի, որի նախկին աշխատակիցն է Գրիգորյանը, Փրկարար ծառայության տնօրենի նախկին տեղակալը պատասխանել է, թե իրենք հո երկնքում  չենք ստեղծվել: Հայոց հողի վրա են ստեղծվում և անում են  էն գործը, որը  բոլորինն է: