24 11 2024

$

389.76
3.79
€

406.40

+12.09 ^oC

Վրաստանից ու Ճապոնիայից ներկրված ավտոմեքենաները հոկտեմբերի 14-ից մաքսազերծվում են Գյումրիի Հյուսիսային մաքսատանը

ՀԱՅԱՍՏԱՆ

11:14 15.10.2019

Տարբեր մակնիշի ու պետհամարանիշի ավտոմեքենաները հանրապետության բնակավայրերից բերվել էին Գյումրի: Առավոտից նախ դրանք զննում էին, հետո սկսում փաստաթղթերի ձևակերպման աշխատանքները։ Ճապոնիայից ու Վրաստանից արտահանված ու հիմնականում Բավրայի, Բագրատաշենի մաքսակետերով Հայաստան ներկրված մեքենաները կմաքսազերծվեն Գյումրիի «Հյուսիսային մաքսատուն» վարչությունում։ Վարորդներն արդեն նշում էին գործընթացի առավելությունները, ժամեր ու օրեր չեն պահանջվի ձևակերպումները կատարելու համար:

«Առավոտվանից արդեն սկսել ենք սպասարկումը, ունենք բավականին որակյալ աշխատակիցներ, տեղավորվել ենք, մեքենաների հոսքն էնպես ենք կարգավորել, որ նեղվածք չլինի, երկար չսպասեն։ Այսօր առավոտ 1․5 ժամ կուտակում ենք ունեցել, բայց այդ ընթացքում 70-80 մեքենա ենք սպասարկել»,- նշում է ՊԵԿ նախագահի տեղակալ Շուշանիկ Ներսիսյանը։

Մաքսատան բոլոր պայմաններն ու հնարավորությունները նման ծավալի աշխատանք կատարելու համար բավարար են։ Բոլոր՝ 27 աշխատակիցները գյումրեցիներ են, վերապատրաստվել են, իսկ մեկամսյա գործնական պարապմունքներն անցկացրել են Նորագավիթի մաքսատանը:

Գյումրիում իրականացվող մաքսային ձևակերպումները հնարավորինս կթեթևացնեն Նորագավիթի մաքսատան ծանրաբեռնվածությունը։ Ըստ ՊԵԿ նախագահի տեղակալի՝ Հայաստան ներկրվող ավտոմեքենաների ծավալն օրեցօր ավելանում է, և փորձում են բոլոր ռեսուրսները ներդնել և տեղավորվել ժամկետների մեջ:

«Արդեն բում է, որովհետև մենք ամեն ամիս մոտավորապես 4-5 անգամ ավելի ավտոմեքենա ենք մաքսազերծում, քան նախորդ տարվա նույն ամսվա ընթացքում։ 2018 թվականի սեպտեմբերին մոտ 5100 մեքենա ենք մաքսազերծել, 2019 թվականի սեպտեմբեր ամսվա դրությամբ՝ մենք 20 հազար ավտոմեքենա են արդեն մաքսազերծել»,-մաքսազերծման տվյալներն է ներկայացնում ՊԵԿ նախագահի տեղակալը։

Շուշանիկ Ներսիսյանը նշում է, որ մեքենաների ներկրման և հաշվառման գործընթացի ժամկետների երկարաձգումը մինչև 2020 թվականի հունիսի մեկը շփոթություն է առաջացրել քաղաքացիների մոտ: Հունվարի մեկից մեքենաների մաքսային արժեքի բարձրացումը, ըստ ԵԱՏՄ պայմանագրի դրույթների, մնում է ուժի մեջ:

«Հունիսի մեկի դրույթն ընդհանրապես ոչ մի կապ չունի ավտոմեքենաների մաքսազերծման գործընթացի հետ։ Հունվարի մեկից ավտոմեքենաների մաքսային դրույքաչափերը, ինչպես որ հայտարարվել էր, բարձրանալու են։ Եվս մեկ անգամ կրկնում եմ, որ բարձրանալու են, որովհետև դա կարգավորվում է ԵՏՄ պայմանագրով»,-ասել է Շուշանիկ Ներսիսյանը։

Մաքսային մյուս գործառույթները Գյումրի տեղափոխելը տեղի կունենա փուլ առ փուլ, և դա կախված է նոր ավտոմաքսատան և արտաքին տնտեսական գործունեության կենտրոնի կառուցումից։

Ալեքս Սարգսյան

Բաժանորդագրվեք SHANTNEWS.am-ին Telegram-ում

Բոլոր լուրերը

00:00 25.11.2024
Ինդոնեզիայում ժայթքել է Դուկոնո հրաբուխը․ Antara

Կապակցված լուրեր

00:00 25.11.2024

Ինդոնեզիայում ժայթքել է Դուկոնո հրաբուխը․ Antara

Ինդոնեզիայի Հալմահերա կղզում գտնվող Դուկոնո հրաբուխը սկսել է ժայթքել և 3 հազար մետր բարձրությամբ մոխրի սյուն է նետել, հաղորդում է Antara գործակալությունը։ Ինդոնեզիայի արտակարգ իրավիճակների ծառայությունները հրաբխում մի շարք ցնցումներ են գրանցել, որի գագաթը ծովի մակարդակից 1 335 մետր է։ Իշխանությունները կոչ են արել տեղի բնակիչներին հեռու մնալ Դուկոնոյի գագաթից 3 կմ շառավղով և դիմակներ […] ...

23:55 24.11.2024

Լիբանանը հայտնել է, որ 24 ժամվա ընթացքում Իսրայելի օդային հարվածների հետևանքով 84 մարդ է զոհվել

Նոյեմբերի 23-ին իսրայելական ավիահարվածների հետևանքով զոհվել է 84 մարդ, վիրավորվել՝ 213 լիբանանցի։ Նման տվյալներ են բերվում Լիբանանի Առողջապահության նախարարությանն առընթեր արտակարգ իրավիճակների կենտրոնի զեկույցում, որը հրապարակվել է Ֆեյսբուքում: Այդ տեղեկատվության համաձայն՝ 2023 թվականի հոկտեմբերին ռազմական սրացման սկզբից ի վեր Իսրայելի ռմբակոծությունների և հրետանային հարձակումների հետևանքով զոհերի ընդհանուր թիվը կազմում է 3 754, իսկ վիրավորներինը՝ 15 […] ...

23:50 24.11.2024

Չոլակուն և Լասկոնին կհանդիպեն Ռումինիայի նախագահական ընտրությունների երկրորդ փուլում

Ռումինիայի Սոցիալ-դեմոկրատական կուսակցության առաջնորդ, վարչապետ Մարսել Չոլակուն կիրակի օրը կայացած նախագահական ընտրությունների առաջին փուլում ստացել է ձայների 25%-ը։ Երկրորդ արդյունքը ցույց է տվել Ելենա Լասկոնին՝ «Ռումինիայի փրկության միություն» աջ կենտրոնամետ կուսակցությունից, որը ստացել է ձայների 18,1%-ը։ Էքզիթ փոլի այս տվյալները հրապարակվել են ընտրատեղամասերի փակումից անմիջապես հետո՝ ժամը 23:00-ին, Քաղաքային և տարածաշրջանային սոցիոլոգիայի կենտրոնի կողմից: Ընտրություններին […] ...

23:40 24.11.2024

Kyodo. ԱՄՆ-ն և Ճապոնիան Թայվանի տարածքում գործողության պլան են մշակում

ԱՄՆ-ի և Ճապոնիայի զինված ուժերը մտադիր են դեկտեմբերին Թայվանում ռազմական ճգնաժամի դեպքում մշակել համատեղ գործողությունների առաջին պլանը, որը կներառի, մասնավորապես, ամերիկյան հրթիռային ուժերի տեղակայումը հարակից Ֆիլիպիններում և ճապոնական կղզիների հարավ-արևմուտքում: Այնտեղ կտեղակայվեն հատուկ հենակետեր, հայտնում է Kyodo գործակալությունը՝ հղում անելով աղբյուրներին։ Գործակալությունը ընդգծում է, որ Թայվանի ճգնաժամի դեպքում այդ ամբողջ հսկայական տարածքը վերածվելու է պատերազմի […] ...

23:20 24.11.2024

Իրավապահները Թբիլիսիում ցուցարարների ավտոշարասյանը թույլ չեն տվել հասնել խորհրդարան

Թբիլիսիում Վրաստանի ՆԳՆ աշխատակիցները հրաժարվել են թույլ տալ ցուցարարների ավտոշարասյանը խորհրդարանի շենք հասնել։ Այս մասին հայտնում է ՏԱՍՍ-ի թղթակիցը հանրահավաքի վայրից։ Ոստիկանության ներկայացուցիչների խոսքով՝ որոշումը կայացվել է խորհրդարանի մոտ նախատեսվող բողոքի ակցիայի անվտանգության միջոցառումներից ելնելով։ Մինչդեռ իրավապահները խնդիր չունեն թույլ տալ ոտքով մարդկանց մոտենալ խորհրդարանին։ Ընտրությունների արդյունքների դեմ Թբիլիսիում հանրահավաքը սկսվել է նոյեմբերի 24-ի երեկոյան։ […] ...

23:00 24.11.2024

SpaceX հրթիռը ուղեծիր է ուղարկել Starlink ինտերնետային արբանյակների նոր խումբ

Falcon 9 հրթիռy կիրակի օրը հաջողությամբ ուղեծիր է դուրս բերել 20 մինի արբանյակների ևս մեկ խմբաքանակ՝ համալրելու Starlink համակարգի գլոբալ ինտերնետ ծածկույթի ուղեծրային համաստեղությունը, հաղորդում է SpaceX ծրագրավորող ընկերությունը: «Հաստատվել է Starlink 20 արբանյակների արձակումը»,- ասվում է հաղորդագրության մեջ։ Հրթիռն արձակվել է Կալիֆոռնիայում ԱՄՆ Վանդենբերգ տիեզերական ուժերի բազայի SLC-4E արձակման հարթակից: Արձակումից մոտ մեկ ժամ […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.