17:54 29.11.2017
Հեռուստատեսությունը Հայաստանում կես դարուց ավելի պատմություն ունի: 1956 թվականի նոյեմբերի 29-ին հաղորդավարուհի Նարա Շլեպչյանն առաջին անգամ հայկական կապույտ էկրանից ասաց.
«Ողջույն, մենք սկսում ենք մեր հաղորդումը»:
Տարիներ հետո Նարա Շլեպչյանը հիշում է, թե ինչպես է եղել, որ հենց իրեն է վստահվել այդ պատասխանատու գործը:
«Հեռարձակումը սկսելուց մի քանի օր առաջ հանկարծակի պարզվեց, որ հաղորդավար չկա: Պատկերացնում եք, շատ արագ մրցույթ հայտարարեցին, որի լսումներին հավաքվել էր 250-ից ավելի երիտասարդ կին: Լսումներին հիմնականում մասնակցում էին դերասանուհիներ, լեզվաբաններ: Մրցույթի պարտադիր պայմաններից էր հայերենի և ռուսերենի վարժ իմացությունը և բարձրագույն կրթությունը, իսկ Մոսկվայից ժամանած հանձնաժողովը շատ խիստ էր, որի կազմում հեռուստաեթերի մասնագետներ էին»:
Հայաստանի առաջին հաղորդավարուհին հիշում է, որ մրցույթի մասնակցության մասին անգամ չի էլ մտածել, քանի որ այդ ժամանակ դեռ դպրոցում էր սովորում.
«Ինձ ռեժիսոր Ժիրայր Ավետիսյանը համոզեց դասերից փախչել և գալ լսումներին, ուղղակի կողքից հետևելու համար: Մինչև իմ գնալը արդեն մրցույթի երկու փուլերը վերջացել էին, ես զուտ հետաքրքրության համար տեղում որոշեցի մասնակցել երրորդ փուլին: Ինձ ուղղորդեցին դեպի հաղորդավարի աթոռը, իմ դիմացը օպերատորներին էին, լույսերը և տեսախցիկները: Ես ինձ չկորցրի՝ միանգամից տեղում հորինեցի հայկական մի հաղորդում, որի ընթացքում էլ ռուսերենով պատմեցի Կոռնեյ Չուկովսկիի «Չոփ-չոփ արա» հեքիաթը: Չհասկացա՝ հետո ինչ կատարվեց, բոլորը ինձ շնորհավորեցին և ասացին, որ ընտրել են ինձ»:
Սկզբնական շրջանում հեռուստատեսությամբ ցուցադրվել են մուլտֆիլմեր, գեղարվեստական ֆիլմեր կամ երաժշտական հաղորդումներ: Այնուհետև սկսել են թողարկել սեփական արտադրության հաղորդումներ և մինչև 1972 թվականը հայկական հեռուստաեթերը աշխատել է բացառապես ուղիղ եթերի ռեժիմով:
Հեռուստատեսությունը եկավ և փոխեց մեր առօրյան, դարձավ մեր օրակարգի մի մասը: Մեր տատիկները և պապիկները միշտ ուրախությամբ են պատմում, թե ինչպիսի հրճվանքով են դիտել հայկական հեռուստատեսության առաջին եթերը, մեզանից շատերն էլ լսել են այն պատմությունները, թե ինչպես են հարևան ու բարեկամ հավաքվել և հաղորդումներ կամ ֆիլմեր դիտել:
Իհարկե, այս ամենը մեզ համար շատ խորթ կարող է թվալ, քանի որ առաջին եթերի օրվանից անցել է ուղիղ 61 տարի, և այս տարիների ընթացքում ահռելի բան է փոխվել:
Այժմ Հայաստանում գործում է մի քանի տասնյակ հեռուստաալիք, որոնցից յուրաքանչյուն ունի իր հավատարիմ հեռուստադիտողը:
14:27 28.04.2025
Օպերատիվ իրավիճակը հանրապետությունում ապրիլի 25-28-ըԲացահայտվել է 249 հանցագործություն, որոնցից 12-ը՝ նախկինում կատարված: Մասնավորապես՝ 30 դեպք՝ վարժական հավաքից խուսափելու, 28 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 27 դեպք՝ թմրանյութի հայտնաբերման, 22-ական դեպք՝ ֆիզիկական ներգործության և խարդախության, 15 դեպք՝ հոգեկան ներգործության,14 դեպք՝ մարմնական վնասվածք պատճառելու, 11 դեպք՝ անձնական […] ...
14:20 28.04.2025
Պուտինի գրաֆիկում դեռ չկա Թրամփի հետ նոր հեռախոսազրույց․ ՊեսկովՌԴ նախագահ Վլադիմիր Պուտինի գրաֆիկում դեռ չկա հեռախոսազրույց ԱՄՆ նախագահ Դոնալդ Թրամփի հետ, հայտնել է ՌԴ նախագահի մամուլի քարտուղար Դմիտրի Պեսկովը։ «Դա դեռ ժամանակացույցում չկա: Հարկ եղած դեպքում կարելի է շատ արագ համաձայնեցնել»,- ասել է Պեսկովը՝ պատասխանելով «Ինտերֆաքս»-ի հարցին։ Վլադիմիր Պուտինի և Դոնալդ Թրամփի հեռախոսազրույցը մարտի 18-ին տևել է մոտ երկու ժամ։ ...
14:16 28.04.2025
«Մանչեսթեր Սիթին» երրորդ տարին անընդմեջ Անգլիայի գավաթի եզրափակչում էԱնգլիայի գավաթի խաղարկության կիսաեզրափակչում «Մանչեսթեր Սիթին» Լոնդոնի «Ուեմբլի» ստադիոնում 2-0 հաշվով հաղթել է «Նոթինգհեմ Ֆորեսթին»։ Պեպ Գվարդիոլայի գլխավորած թիմն առավելության է հասել պաշտպաններ Ռիկո Լյուիսի ու Յոշկո Գվարդիոլի գոլերի շնորհիվ։ «Մանչեսթեր Սիթին» երրորդ տարին անընդմեջ դուրս է եկել Անգլիայի գավաթի խաղարկության եզրափակիչ և մայիսի 17-ին կմրցի «Քրիստալ Փելասի» դեմ։ Այդ հանդիպումը նույնպես կկայանա «Ուեմբլիում»։ ...
14:10 28.04.2025
Վարչապետը Տալլինում հարգանքի տուրք է մատուցել Կոմունիզմի զոհերի հիշատակինՊաշտոնական այցի շրջանակում վարչապետ Նիկոլ Փաշինյանը այցելել է Տալլինում գտնվող Կոմունիզմի զոհերի հուշահամալիր: Վարչապետին ուղեկցել է Էստոնիայի Պատմական հիշողության ինստիտուտի խորհրդի անդամ Մարտին Անդրելլերը, ով ներկայացրել է հուշահամալիրի ստեղծման պատմությունը և խորհրդանշական նշանակությունը: Նիկոլ Փաշինյանը ծաղիկներ է խոնարհել հուշապատի մոտ՝ հարգանքի տուրք մատուցելով Կոմունիզմի զոհերի հիշատակին: ...
14:06 28.04.2025
Պեսկովն ասել է, որ ուղիղ բանակցությունների ազդանշանը պետք է գա ԿիևիցՌԴ նախագահ Վլադիմիր Պուտինի մամուլի քարտուղար Դմիտրի Պեսկովը հայտարարել է, որ Ռուսաստանը Կիևից ազդանշան է սպասում բանակցությունները վերսկսելու համար։ «Կիևը պետք է որոշակի քայլեր ձեռնարկի այս հարցում: Կա իրավական արգելք: Մինչ այժմ մենք որևէ գործողություն չենք տեսել: Հատուկ ռազմական գործողությունը շարունակվում է, շարունակվում են ԱՄՆ-ի ջանքերը՝ գործընթացը խաղաղ ճանապարհով իրականացնելու համար: Նախագահը բազմիցս հաստատել է […] ...
14:02 28.04.2025
Մաշտոցի պողոտա-Խորենացի փողոց, Մաշտոցի պողոտա-Ամիրյան փողոց խաչմերուկներում երթևեկության կազմակերպման փոփոխություն կիրականացվիՄայրաքաղաքում տրանսպորտային հոսքերի անցանելիությունն ավելացնելու նպատակով մայիսի 1-ից կկատարվեն երթևեկության կազմակերպման փոփոխություններ: Այս մասին տեղեկացնում է Երևանի քաղաքապետարանը։ Մաշտոցի պողոտա-Պուշկին փողոց խաչմերուկից եկող ուղղությամբ նախկին թույլատրված «ուղիղ և ձախ» երթևեկության փոխարեն երթևեկությունը կթույլատրվի «միայն ուղիղ» ուղղությունով: Փոփոխությունն իրականացվելու է Մաշտոցի պողոտա-Խորենացի փողոց և Մաշտոցի պողոտա-Ամիրյան փողոց խաչմերուկներում: ...
