Երազել անվերջ ու ձգտել անհնարինին. «Թղթե երազանքը» գրավել է հանդիսատեսի սրտերը – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
04 04 2025
  • $
    391.22
  • RUBLE
    4.63
  • 431.28
WEATHER
+19.09 oC

Երազել անվերջ ու ձգտել անհնարինին. «Թղթե երազանքը» գրավել է հանդիսատեսի սրտերը

17:30 11.09.2019

«Շանթ» հեռուստաընկերության «Թղթե երազանք» հեռուստաֆիլմը շարունակում է բարձր ցուցանիշներ գրանցել: Ֆիլմի ընդամենը մի քանի սերիա է եթեր հեռարձակվել, բայց այն արդեն ունի հարյուր հազարավոր հեռուստադիտողներ, որոնց նամակներն ու արձագանքներն ուղղակի հեղեղում են «Շանթի» ֆեյսբուքյան էջն ու էլեկտրոնային փոստը:

«Թղթե երազանք» ֆիլմը հեռուստաէկրան բարձրացավ սեպտեմբերի 2-ին: Տեսակով, ասելիքով ու բովանդակությամբ այն նման չէր մինչ օրս էկրան բարձրացած տեղական հեռուստաֆիլմերին: Եկավ՝ հստակ ուղերձով, որ սոցիալական ծանր պայմանները դատավճիռ չեն, և հուսահատությունը հաղթահարելու ճանապարհ միշտ էլ կա, ընդամենը պետք է համառություն, աշխատասիրություն, բավարար  կամք պարտադրված ճակատագիրը, դատավճիռ թվացող պայմանները հաղթահարելու համար: Երազանքը թղթին հանձնած Հայկը դա դեռ կապացուցի և իր օրինակով  ցույց կտա: Ցույց կտա, որ անկախ ամեն ինչից պետք է երազանք ունենալ ու ձգտել թեկուզ անհնարինին: Իսկ ո՞րն է շատերի համար փոքր, բայց Հայկի համար այդքան մեծ թվացող երազանքը:

Այս ֆիլմում ժպիտի մեջ ցավ, ցավի մեջ ժպիտ կա՝ այնպես, ինչպես հատուկ է Գյումրիին ու գյումրեցիներին: Սյուժեն թեև կառուցված է Գյումրիում ապրողների դժվարությունների շուրջ, ու համեմված է միայն Գյումրիին հատուկ բնավորությամբ, բայց միայն երկրաշարժը վերապրածների մասին չէ: Ֆիլմը ոչ թե աղետից տուժած ընտանիքի դժբախտության, այլ հաղթանակի մասին է:

Երբ ֆիլմը դեռ էկրան չէր բարձրացել, ու միայն վայրկյաններ տևող թրեյլերն էր հրապարակվել, համացանցում այն գնահատանքի հազարավոր մեկնաբանությունների արժանացավ: Ֆիլմը դիտելու սպասմանը հաջորդեց սպասումն արդարացված լինելու զգացումը ու այն հույզերը, որոնք «Թղթե երազանք»-ն առաջին իսկ սերիայով համակեց հեռուստադիտողին:

Այն, որ ասելիքը միայն գյումրեցու մասին չէ ու սրտամոտ է յուրաքանչյուրին, ավելի խորն է ու համամարդկային, Հայաստանի տարբեր մարզերում ու քաղաքներում մեր հարցումներն էլ ցույց տվեցին: Հուզիչ է, լավն է, տարբերվող է՝ գնահատանքի հիմնական խոսքերն են:

«Թղթե երազանք» բազմասերիանոց ֆիլմը եթեր հեռարձակվելու առաջին իսկ օրվանից չի իջնում վարկանիշային ամենաբարձր սանդղակներից: Ավելին՝ օր օրի, ամեն սերիայի հետ շարունակում է աճել ֆիլմի թե՛ վարկանիշը և թե՛ ծածկույթը՝ մրցակցությունից դուրս թողնելով այլ հեռուստանովելները: Այդ մասին նաև միջազգային կազմակերպության կատարած ուսումնասիրություններն ու ներկայացված տվյալներն են վկայում:

Եթե վերցնենք գրաֆիկական այս պատկերի տոկոսային հարաբերակցությունը, ապա կունենանք այսպիսին ցուցանիշ: «Թղթե երազանք» ֆիլմը միջինում դիտել է ամբողջ հեռուստալսարանի գրեթե յուրաքանչյուր 5-րդ անդամ: Շուրջ  18 %-ը: Վարկանիշով այն զբաղեցնում է առաջին հորիզոնականը. երկրորդ տեղում գտնվող հեռուստանովելի վարկանիշը 11% է, 5 անգամ պակաս է երրորդ տեղում գտնվող ֆիլմի վարկանիշը՝ 3,5%: Ի՞նչ է ստացվում: Անգամ երկրորդ և երրորդ հորիզոնականներում գտնվողների գումարային վարկանիշը չի գերազանցում «Թղթե երազանք»-ին: «Թղթե երազանքը», սակայն, առաջատարն է նաև չափանիշով, ոչ միայն սերիալների համեմատությամբ: 21:00-ից 22:00-ն ընկած ժամանակահատվածում, երբ եթեր է հեռարձակվում հեռուստանովելը, միացված հեռուստացույցների գրեթե կեսով «Թղթե երազանք»-ն են դիտում: Այս ցուցանիշի դեպքում էլ երկրորդ և երրորդ հորիզոնականներում հայտնված հաղորդումներն իրենց ընդհանուր հաշվարկով չեն  գերազանցում «Թղթե երազանք»-ին:

Պատկերն այսպիսին է, երբ դեռ մի քանի սերիա է ընդամենը հեռարձակվել: Իսկ այս թվերն ու տվյալները, ինչպես նշեցինք, փոփոխվում են ամեն ժամ, ամեն սերիայից հետո գնալով ավելի բարձր ցուցանիշներ են գրանցվում: Հայկն էլ, հեռուստադիտողի սրտերը գրավելով՝ ֆիլմում դեռ իր երազանքին պիտի ձգտի հասնել՝ դոմիկը լուսավոր տուն դարձնել, մորն այնտեղ տեղափոխել: Իսկ թղթե համակարգիչը Հայկի համար թռիչքի մեկնարկը կդառնա: 24 մասից բաղկացած հեռուստատեսային դրամայում Հայկն ուրիշներին դեռ կօգնի հաղթահարել սեփական հուսահատությունը և կքաջալերի վստահել սեփական ուժերին, որովհետև ցանկացած անելանելի իրավիճակում ու մշուշոտ հեռվում լույս է տալիս Մարդու ուժը, կամքը, հզորությունը:

Բոլոր լուրերը

Կապակցված լուրեր

Գեղարքունիքի մարզի պարեկներն ապօրինի թմրաշրջանառության դեպքեր են բացահայտել

16:42 04.04.2025

Գեղարքունիքի մարզի պարեկներն ապօրինի թմրաշրջանառության դեպքեր են բացահայտել

Հանցագործությունների, այդ թվում՝ ապօրինի թմրաշրջանառության դեմ Գեղարքունիքի պարեկների պայքարը շարունակում է դրական արդյունքներ տալ։ Ներկայացնենք մարտի 31-ից ապրիլի 3-ն ընկած ժամանակահատվածում բացահայտումներից մի քանիսը: Գեղարքունիքի պարեկները մարտի 31-ին Երևան-Սևան-Իջևան ճանապարհին ծառայություն իրականացնելիս, թմրամիջոց պահելու և օգտագործելու կասկածանքով, ձերբակալել ու մեքենայով հանդերձ՝ Համայնքային ոստիկանության Սևանի բաժին են ներկայացրել Ճամբարակի 24-ամյա մի բնակչի։ Բաժնում երիտասարդը ներկայացրել է […] ...

Ռուբիոն կարծում է, որ ԱՄՆ Կոնգրեսը կպահանջի Ռուսաստանի դեմ պատժամիջոցների խստացում

16:36 04.04.2025

Ռուբիոն կարծում է, որ ԱՄՆ Կոնգրեսը կպահանջի Ռուսաստանի դեմ պատժամիջոցների խստացում

ԱՄՆ պետքարտուղար Մարկո Ռուբիոն կարծում է, որ ԱՄՆ Կոնգրեսը ճնշում կգործադրի նախագահ Դոնալդ Թրամփի վարչակազմի վրա՝ Ռուսաստանի դեմ պատժամիջոցները խստացնելու համար։ «Կապիտոլիումից կավելացվի ճնշումը պատժամիջոցները մեծացնելու համար, և մենք չենք կարողանա կանխել դա, եթե առաջընթաց չգրանցենք խաղաղ կարգավորման հարցում (Ուկրաինայում)», – ասել է նա Բրյուսելում ՆԱՏՕ-ի արտաքին քաղաքականության ղեկավարների հանդիպման արդյունքներով կայացած մամուլի ասուլիսում։ Ռուբիոն […] ...

Ալեքսանդր Օվեչկինը NHL-ում նետել է 891-րդ տափօղակը

16:33 04.04.2025

Ալեքսանդր Օվեչկինը NHL-ում նետել է 891-րդ տափօղակը

Հոկեյի ազգային լիգայի (NHL) կանոնավոր առաջնության հերթական խաղում «Վաշինգտոն Քեփիթալզը» հյուրընկալվելիս 4-3 հաշվով հաղթել է «Բոսթոն Բրյուինզին»: Մայրաքաղաքային թիմի կազմում այս մրցաշրջանում 38-րդ տափօղակն է նետել Ալեքսանդր Օվեչկինը: 39-ամյա ռուս հարձակվողը գոլերի քանակը հասցրել է 891-ի: Բոլոր ժամանակների գլխավոր ռմբարկու Ուեյն Գրեցկիի ռեկորդը գերազանցելու համար Օվեչկինին պետք է աչքի ընկնել ևս 4 անգամ: Լեգենդար Գրեցկին […] ...

Ռյուտե. ԱՄՆ-ը կշարունակի զենք մատակարարել Ուկրաինային

16:27 04.04.2025

Ռյուտե. ԱՄՆ-ը կշարունակի զենք մատակարարել Ուկրաինային

ՆԱՏՕ-ի գլխավոր քարտուղար Մարկ Ռյուտեն հայտարարել է, որ ԱՄՆ-ից զենքի և հետախուզական տվյալների հոսքը Ուկրաինա կշարունակվի, չնայած այն բանին, որ ամերիկյան կողմը չի մասնակցի ապրիլի 11-ին Բրյուսելում Ուկրաինայի հարցով կոնտակտային խմբի հանդիպմանը։ «Ոչինչ չի փոխվի: ԱՄՆ-ի օգնության և հետախուզական տվյալների հոսքը կշարունակվի»,- ասել է նա ՆԱՏՕ-ի արտգործնախարարների հանդիպման արդյունքներով կայացած մամուլի ասուլիսում: Ավելի վաղ ՆԱՏՕ-ի […] ...

Առանձնապես խոշոր չափերով կաշառք ստանալուն օժանդակելու և կաշառք տալու մեջ մեղադրվող դատավորի օգնականի ու համայնքի վարչական ղեկավարի վերաբերյալ վարույթով նախաքննությունն ավարտվել է

16:24 04.04.2025

Առանձնապես խոշոր չափերով կաշառք ստանալուն օժանդակելու և կաշառք տալու մեջ մեղադրվող դատավորի օգնականի ու համայնքի վարչական ղեկավարի վերաբերյալ վարույթով նախաքննությունն ավարտվել է

ՀՀ հակակոռուպցիոն կոմիտեում Ազգային անվտանգության ծառայությունից ստացված նյութերի հիման վրա նախաձեռնված քրեական վարույթով պարզվել է, որ ընդհանուր իրավասության դատարանի դատավորի օգնականը օժանդակել է ՀՀ դատական իշխանության ներկայացուցչի կողմից առանձնապես խոշոր չափերով կաշառք ստանալուն՝ նույն մարզի համայնքի վարչական ղեկավարի մատնանշած անձի օգտին բարենպաստ վճիռ կայացնելու համար: Մասնավորապես՝ նախաքննությամբ հիմնավորվել է, որ ՀՀ դատական իշխանության պաշտոնատար անձը, […] ...

Մհեր Գրիգորյանն ու Մագդալենա Գրոնոն քննարկել են տարածաշրջանում հաղորդակցությունների և տնտեսական կապերի ապաշրջափակման համար առկա հնարավորությունները

16:15 04.04.2025

Մհեր Գրիգորյանն ու Մագդալենա Գրոնոն քննարկել են տարածաշրջանում հաղորդակցությունների և տնտեսական կապերի ապաշրջափակման համար առկա հնարավորությունները

Փոխվարչապետ Մհեր Գրիգորյանն ընդունել է Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Մագդալենա Գրոնոյին: Հանդիպմանը ներկա էր նաև Հայաստանում ԵՄ պատվիրակության ղեկավար, դեսպան Վասիլիս Մարագոսը: Հանդիպման ընթացքում զրուցակիցները մտքեր են փոխանակել տարածաշրջանային զարգացումների շուրջ, քննարկվել են սահմանազատման գործընթացի ընթացքը և տարածաշրջանում բոլոր հաղորդակցությունների և տնտեսական կապերի ապաշրջափակման համար առկա հնարավորությունները: ...

BACK_TO_TOP