05 10 2024

$

386.99
4.07
€

426.85

+23.09 ^oC

Ի՞նչ կապ ունի դատավորը դպրոցի անվանակոչության հետ. մանրամասներ ՊՊԾ գնդի գրավման գործով դատաքննությունից

ՀԱՅԱՍՏԱՆ

16:59 22.11.2017

Հետաքրքիր զարգացումներ են տեղի ունեցել Ավան-Նոր Նորք վարչական շրջանների ընդհանուր իրավասության դատարանում: 2016թ. ոստիկանության ՊՊԾ գունդը գրաված և մի շարք ծանր հանցագործությունների մեջ մեղադրվող «Սասնա ծռեր» խմբի անդամներ Պավել Մանուկյանի, Վարուժան Ավետիսյանի, Մխիթար Ավետիսյանի, Արայիկ Խանդոյանի, Գագիկ Եղիազարյանի, Արմեն Բիլյանի, Արեգ Կյուրեղյանի, Սմբատ Բարսեղյանի, Սեդրակ Նազարյանի և Էդվարդ Գրիգորյանի գործով դատական նիստում այսօր ամբաստանյալների պաշտպաններից Հարություն Բաղդասարյանը դատավոր Մեսրոպ Մակյանին մի հարցի շուրջ մտահոգություն հայտնեց և պարզաբանում խնդրեց:

Նախ՝ ասաց, որ օրերս ՊՊԾ գնդի գրավման ժամանակ զոհված ոստիկան Արթուր Վանոյանի անվամբ, որն այս գործով տուժող է ճանաչված, Կոտայքի մարզում դպրոց է անվանակոչվել, մինչդեռ Կառավարության որոշմամբ՝ անվանակոչություն կարող է լինել անձի մահից տասը տարի անց:

«Կասկած ունեմ, որ դատարանի և դատախազության կողմից ԿԳՆ-ին ներկայացվել է ինչ-որ փաստաթուղթ … Կա՛մ դուք տեղյակ եք դրանից, կա՛մ քաղաքական իշխանությունն այդ հարցը լուծել է ձեզանից անկախ ճանապարհով: Միջնորդում եմ կրթության նախարարից պահանջել հավաստող փաստաթղթեր, որոնցում, ստացվում է, որ արդեն իսկ հաստատված հանգամանքներ կան և տասը տարին էլ անցել է …»,- նկատեց Հարություն Բաղդասարյանը:

Դատախազ Պետրոս Պետրոսյանը միջնորդության դեմ առարկեց՝ պնդելով, որ այն քրեադատավարական ընթացակարգի հետ կապ չունի, իսկ պաշտպանի որոշ մտքեր «վառ երևակայության արդյունքում են ծնվել»:

Դատավոր Մեսրոպ Մակյանն իր հերթին ասաց.

«Տեղյակ եմ անվանակոչության մասին, բայց չգիտեմ՝ ո՞նց է դա լինում, ընթացակարգին տեղյակ չեմ …Դատարանի գործառույթներից դուրս է դա, ես էլ այդ անվանակոչման հետ ոչ մի առնչություն չեմ ունեցել»: Միջնորդությունը մերժվեց:

Արեգ Կյուրեղյան

Բաժանորդագրվեք SHANTNEWS.am-ին Telegram-ում

Բոլոր լուրերը

15:14 05.10.2024
Խաշթառակ գյուղում «VAZ» մակնիշի ավտոմեքենան գլորվել է ձորը․ կա տուժած

Կապակցված լուրեր

15:14 05.10.2024

Խաշթառակ գյուղում «VAZ» մակնիշի ավտոմեքենան գլորվել է ձորը․ կա տուժած

Հոկտեմբերի 5-ին՝ ժամը 12:38-ին, քաղաքացին դիմել է Տավուշի մարզային փրկարարական վարչության ճգնաժամային կառավարման կենտրոն այն մասին, որ Խաշթառակ գյուղում տեղի է ունեցել ՃՏՊ, կա տուժած. անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ գյուղի «Քարանցի ձոր» կոչվող հանդամասում «VAZ» մակնիշի ավտոմեքենան (վարորդ՝ […] ...

15:06 05.10.2024

ՆԱՏՕ-ի միջազգային ռազմական շտաբի պետն այցելել է Հայոց ցեղասպանության հուշահամալիր

Աշխատանքային այցով Հայաստան ժամանած ՆԱՏՕ-ի միջազգային ռազմական շտաբի պետ, գեներալ-լեյտենանտ Յանուշ Ադամչակի գլխավորած պատվիրակությունը հոկտեմբերի 3-ին այցելել է Հայոց ցեղասպանության հուշահամալիր: Հյուրերին դիմավորել է Հայոց ցեղասպանության թանգարան-ինստիտուտի թանգարանային աշխատանքների գծով փոխտնօրեն Լուսինե Աբրահամյանը: Նա հյուրերին ուղեկցել է դեպի Հայոց ցեղասպանության հուշահամալիր՝ ներկայացնելով հուշահամալիրի ստեղծման պատմությունը: ՀՑԹԻ փոխտնօրենն անդրադարձ է կատարել նաև Ծիծեռնակաբերդի տարածքում անցյալ դարավերջին […] ...

15:00 05.10.2024

SHANTNEWS

14:55 05.10.2024

Մեկ նամականիշով նոր գեղաթերթիկ՝ նվիրված «Նորարարության և տեխնոլոգիաների համաշխարհային կոնգրես» թեմային

2024 թվականի հոկտեմբերի 5-ին Նորարարության և տեխնոլոգիաների համաշխարհային կոնգրեսի (WCIT) շրջանակներում շրջանառության մեջ է դրվել մեկ նամականիշով գեղաթերթիկ՝ նվիրված «Նորարարության և տեխնոլոգիաների համաշխարհային կոնգրես» թեմային: Այս մասին հայտնում են ԲՏԱ նախարարությունից: Մեկ նամականիշով գեղաթերթիկի մարումն իրականացրել են ՀՀ բարձր տեխնոլոգիական արդյունաբերության նախարարի տեղակալ Գևորգ Մելիքսեթյանը, նախարարի խորհրդական, «WCIT 2024»-ի համակարգող Նազելի Հայրապետյանը, Նորարարությունների, տեխնոլոգիաների և […] ...

14:50 05.10.2024

Բոսնիա և Հերցեգովինայում ջրհեղեղի հետևանքով 17 մարդ է զոհվել

Բոսնիա և Հերցեգովինայի հարավ-արևմտյան Հերցեգովինա-Ներետվա կանտոնում ավերիչ ջրհեղեղի հետևանքով զոհվել է 17 մարդ, ևս 16-ը համարվում է անհետ կորած: Այս մասին հայտնում է BH հեռուստաալիքը, փոխանցում է «ՌԻԱ Նովոստի»-ն: Հորդառատ անձրևներն ու սողանքները հեղեղումներ են առաջացրել նաև Յաբլանիցա մունիցիպալիտետում։ Երկրի կառավարությունը հայտարարել է տարերային աղետի դրություն: ...

14:40 05.10.2024

Փարիզում կայացել է Նիկոլ Փաշինյանի և Կանադայի վարչապետի հանդիպումը

Ֆրանկոֆոնիայի միջազգային կազմակերպության 19-րդ գագաթնաժողովի շրջանակում վարչապետ Նիկոլ Փաշինյանը հանդիպում է ունեցել Կանադայի վարչապետ Ջասթին Թրյուդոյի հետ: Կանադայի վարչապետը նշել է, որ իր համար մշտապես հաճելի է հանդիպել Հայաստանի առաջնորդ Նիկոլ Փաշինյանի հետ և հավելել, որ այսօրվա հանդիպումը լավ հնարավորություն է խոսել երկու երկրների միջև զարգացող հարաբերությունների, մարդկանց միջև շփումների, նաև Կանադայի ամուր հայկական համայնքի […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.