13:25 01.08.2019
Գյումրիում 2 շաբաթից դելֆինարիում կբացվի: Սա ներդրումային ծրագիր է, որը հարազատ քաղաքում կատարել է ռուսաստանաբնակ գործարար Գագիկ Պետրոսյանը: Երկու դելֆիններն ու ծովառյուծը Գյումրի են բերվել Թավրիզի դելֆինարիումից և այժմ նրանք հարմարվում են տեղի պայմաններին: Իսկ ինչպիսի՞ն են պայմանները և արդյո՞ք ապահովված է կենդանիների անվտանգությունը: Սա այն հարցն է, որը հետաքրքրում է կենդանասերներին, և այս հարցում է, որ կենդանասերների կարծիքներն ու գործարարի հետաքրքրությունները չեն համընկնում: Դելֆիններն ապրում են, այսպես կոչված, արհեստական ջրում: Արհեստական ասվածը, ըստ դելֆինարիումի տնօրենի, բաղադրությամբ ծովի ջրին շատ նման ջուրն է:
«Դելֆինները գտնվում են այն ջրում, որը մոտեցված է ծովի ջրին, այսինքն՝ բոլոր ցուցիչները՝ թթվայնությունը, աղի տոկոսայնությունն ամբողջությամբ համապատասխանում է ծովի ջրին: Այստեղ 600 մետր խորանարդից ավելի ջուր ունենք: Ամեն դելֆինի համար նախատեսվում է 200-250 մետր խորանարդ: Մենք ռեզերվային լողավազան ունենք նրանց բուժման համար, հատուկ պահելու համար: Դելֆինների համար ստեղծված են բոլոր պայմանները: Այս կենդանիներն արհեստական պայմաններում ծնված և մեծացած կենդանիներ են, այստեղ էլ վերարտադրություն ունենանք՝ Գյումրիում ծնվի մի նոր դելֆին, գյումրեցի դելֆին էլ կունենանք»,- Shantnews-ին ասել է «Ույուտ» դելֆինարիումի տնօրեն Թորգոմ Գևորգյանը:
Դելֆինները Սոչիի դելֆինարիումի բնակիչների սերունդներն են, որոնք տեղափոխվել էին Թավրիզ, այնտեղ էլ են դելֆինարիումում ապրել: Բաց ծովում երբեք չեն եղել, այսինքն, ըստ տնօրենի՝ Գյումրիի դելֆինարիումում ստեղծված պայմաններն այնպիսին են, որոնց կենդանիները սովոր են:
Իսկ կենդանասերները համաշխարհային փորձն են մատնանշում՝ Միացյալ Նահանգներում ու Անգլիայում դելֆինարիումներն արգելված են, Բրազիլիայում ու Կանադայում դրանց գործունեությունը սահմանափակված է՝ կենդանիներին բնական միջավայրից չեն կտրում: Իսկ փակ տարածքում դելֆիններին պահելը, ըստ փորձագետի, տասն անգամ կրճատում է կենդանու կյանքը:
«Դելֆիններն ազատության մեջ 50-60 տարի են ապրում, իսկ անազատության մեջ 5-6 տարի էլ չեն ապրում, շատ զգայուն են: Այն պայմանները, որոնք մենք հատկացնում ենք դելֆինների համար, համապատասխան չեն իրենց պահանջներին, շատ փոքր տարածք է: Դելֆիններն ազատության մեջ օրական 160կմ են լողում: Մենք կարող ենք ապահովել, որ 160 կմ լողան: Դա չի նշանակում, որ փոքր վաննայի մեջ տեղադրենք, ասենք՝ լողա այս ծայրից մյուսը, ու այդպես 1000 անգամ: Դա սխալ մոտեցում է»,- Shantnews-ի հետ զրույցում նշել է Համաշխարհային կենդանաբուժական ասոցիացիայի փորձագետ Գրիգոր Գրիգորյանը:
Նույն սեփականատերը մի քանի դելֆինարիումներ ունի Ռուսաստանում, Ուկրաինայում և Իրանում, ու բոլորը, ըստ դելֆինարիումի տնօրենի՝ հաջողված, թեև Գյումրիում ծրագիրը սկսելուց առաջ ուսումնասիրել են նաև Հայաստանում դելֆինարիումների գործարկման երկու անհաջող փորձերը՝ Դիլիջանում ու Երևանում: Կենդանասերների մտահոգություններն ամեն դեպքում չեն խախտում ներդրումային ծրագրի կետերն ու ժամանակացույցը: 320 տեղով Գյումրիի դելֆինարիումը մոտ 2 շաբաթից պատրաստվում են գործարկել, երբ դելֆինները պատրաստ կլինեն ներկայացումներին:
23:00 03.04.2025
Քննարկվել են ՀՀ բուհերի և Իլիայի համալսարանի միջև համագործակցության հնարավորություններն ու հեռանկարներըԱպրիլի 3-ին Վրաստանում ՀՀ դեսպան Աշոտ Սմբատյանը հանդիպեց Թբիլիսիի Իլիայի համալսարանի ռեկտոր, պրոֆեսոր Նինո Դոբորջգինիձեի հետ: Այս մասին հայտնել են Վրաստանում ՀՀ դեսպանությունից։ Հանդիպմանը քննարկվեցին ՀՀ բուհերի և Իլիայի համալսարանի միջև համագործակության հաստատման հնարավորություններն ու հեռանկարները։ ...
22:49 03.04.2025
Երևանի Էրեբունի վարչական շրջանի մի շարք հասցեներում գազ չի լինի«Գազպրոմ Արմենիա» ընկերությունից հայտնել են, որ պլանային աշխատանքներ իրականացնելու նպատակով՝ ապրիլի 4-ին ժամը 10:00-ից մինչև ժամը 16:00-ն, կդադարեցվի Երևան քաղաքի Էրեբունի վարչական շրջանի Սարի թաղի 7-րդ փողոցի թիվ 67 բազմաբնակարան շենքի, 7-րդ փողոցի, 7-րդ փողոց նրբանցքի, 9-րդ փողոց նրբանցքի, 12-րդ, 13-րդ, 13-րդ փողոց նրբանցքի, 14-րդ, 15-րդ, 16-րդ, 17-րդ, 18-րդ, 19-րդ, 19ա, 21-րդ փողոցների առանձնատների գազասպառողների […] ...
22:38 03.04.2025
Մխիթար Հայրապետյանը հանդիպել է Էստոնիայի արդարադատության և թվայնացման նախարարի հետՀՀ ԲՏԱ նախարար Մխիթար Հայրապետյանն ապրիլի 3-ին Էստոնիա կատարած աշխատանքային այցի շրջանակում հանդիպել է Էստոնիայի արդարադատության և թվայնացման նախարար Լիիսա֊Լի Պակոստայի հետ: Հանդիպմանը մասնակցել են նաև ՀՀ ԲՏԱ նախարարի առաջին տեղակալ Գևորգ Մանթաշյանն ու Հայաստանի տեղեկատվական համակարգերի գործակալության տնօրեն Ներսես Երիցյանը: Կողմերն ընդգծել են, որ երկկողմ այցերը կնպաստեն ոլորտային հարաբերությունների խորացմանը, մասնավորապես թվային կառավարման, կիբեռանվտանգության […] ...
22:29 03.04.2025
Գյումրիից սկսվում է այն ազդակը, որ իշխանությունները պրոբլեմ ունեն․ Գուրգեն Սիմոնյանը՝ Գյումրիի ընտրությունների մասինՎերջին օրերին մեր երկրում ամենաթեժ ու ամենաքննարկված ներքաղաքական թեման Գյումրիի ընտրություններն են։ Միևնույն ժամանակ դրանք ամենաինտրիգայինն ու ամենաքաղաքականացվածն էին։ Թեմայի շուրջ «Հեռանկարն» այսօր զրուցել է Շնորհապետական կուսակցության նախագահ, քաղաքական գիտությունների թեկնածու Գուրգեն Սիմոնյանի հետ։ Արդյո՞ք այս ընտրությունները ձախողում էին իշխանությունների համար, սա հետընթաց էր, թե՞ առաջընթաց, իսկ հետագա զարգացումների ո՞ր սցենարն է ավելի հավանական։ Այս […] ...
22:18 03.04.2025
Քննարկվել է քաղաքացիների առաջարկների հիման վրա Իրական Հայաստանի գաղափարախոսության շուրջ կատարվող աշխատանքների ընթացքըԱպրիլի 3-ին տեղի է ունեցել «Քաղաքացիական պայմանագիր» կուսակցության Նախաձեռնող խմբի նիստ, որը վարել է Վարչության նախագահ, ՀՀ վարչապետ Նիկոլ Փաշինյանը։ Քննարկվել է քաղաքացիների առաջարկների հիման վրա Իրական Հայաստանի գաղափարախոսության շուրջ կատարվող աշխատանքների ընթացքը։ ՀՀ ԱԺ պատգամավոր Թագուհի Ղազարյանը հանդես է եկել զեկույցով և պատասխանել նիստի մասնակիցների հարցերին։ ...
22:10 03.04.2025
Երևանում «Lexus»-ը կոտրել է ճանապարհային երթևեկության ցուցանակը և հայտնվել մայթինԱպրիլի 3-ին, արտակարգ դեպք է տեղի ունեցել Երևանում: Ժամը 02:00-ի սահմաններում, «Lexus» մակնիշի ավտոմեքենան Նժդեհի փողոցում դեռևս անհայտ հանգամանքներում դուրս է եկել ճանապարհի երթևեկելի գոտուց, բախվել բազալտե եզրաքարին, անցել հետիոտնի համար նախատեսված հատվածը, կոտրել ճանապարհային երթևեկությունը կարգավորող ցուցանակներն ու տեղադրված «Իդրամ» վճարային տերմինալը և հայտնվել մայթին՝ դեղատան աստիճանների մոտ: Ինչպես հայտնում է shamshyan.com-ը, մոտ 2 […] ...
