21:08 17.07.2019
Հայաստանի և Ադրբեջանի միջև թեժ գիծը գործում է, բայց դա չի երաշխավորում, որ շփման գծում զոհեր չեն լինի։ «Ազատության» հետ հարցազրույցում այս մասին հայտնեց ՀՀ վարչապետ Նիկոլ Փաշինյանը։ Նրա խոսքերով, սակայն, հիմա շարունակվում է աշխատանքն այդ ուղղությամբ։
Փաշինյանը բացատրեց, որ երբ ուզում է միջազգային հանրությանը ներկայացնել, թե ինչու բանակցային գործընթացը առաջ չի գնում, հիշեցնում է, որ ինքն աննախադեպ հայտարարություն է արել, որ Արցախյան հիմնահարցի ցանկացած լուծում պետք է ընդունելի լինի Հայաստանի ժողովրդի, Արցախի ժողովրդի և Ադրբեջանի ժողովրդի համար, իսկ Ադրբեջանի նախագահը հրաժարվում է այդպիսի հայտարարությամբ հանդես գալ։
«Սա շատ կարևոր հայտարարություն է, և շատ լուրջ հիմք է ստեղծում բանակցային գործընթացի առաջընթացի համար։ Հետևաբար, ինչո՞ւ չկա այդ առաջընթացը։ Շատ պարզ պատճառով՝ որովհետև Ադրբեջանի նախագահը նույն, 100 տոկոսով նույն նախադասությունը հրաժարվում է արտաբերել։ Որպեսզի առաջընթաց լինի, նա էլ պետք է ասի՝ Ղարաբաղի հարցի լուծման ցանկացած տարբերակ պետք է ընդունելի լինի (ինքն առաջինը իր տեսակետից թող ասի) Ադրբեջանի ժողովրդի համար, Լեռնային Ղարաբաղի ժողովրդի համար, Հայաստանի ժողովրդի համար»,- ասաց Փաշինյանը։
Քանի դեռ այդ նախադասությունը ադրբեջանական կողմից չի հնչել, ըստ Փաշինյանի, բանակցություններն արդյունավետ չեն։ Իսկ եթե որևէ մեկը կարծում է, որ կարող է լինել այնպիսի լուծում, որ ընդունելի չի լինի Հայաստանի կամ Ղարաբաղի ժողովրդի համար, ապա, ըստ Փաշինյանի, նա չի ճանաչում ո՛չ Հայաստանի ժողովրդին, ո՛չ Ղարաբաղի ժողովրդին, ո՛չ էլ ընդհանրապես հայ ժողովրդին։
11:51 04.04.2025
Թրամփը մոտ ապագայում կարող է հեռախոսազրույց ունենալ Պուտինի հետ․ PoliticoԱՄՆ նախագահ Դոնալդ Թրամփը մոտ ապագայում կարող է հեռախոսազրույց ունենալ ՌԴ նախագահ Վլադիմիր Պուտինի հետ, գրում է Politico-ն՝ վկայակոչելով Լոնդոնի և Բեռլինի աղբյուրները։ Հրատարակության տվյալներով՝ այս մայրաքաղաքներում ակնկալում են, որ Թրամփի և Պուտինի զրույցը կարող է տեղի ունենալ կամ մինչև հանգստյան օրերը կամ հանգստյան օրերից հետո։ Մարտի 31-ին ՌԴ նախագահի մամուլի քարտուղար Դմիտրի Պեսկովը հայտարարել […] ...
11:33 04.04.2025
Քննարկվել են կրթական ոլորտում Հայաստան-Վիետնամ համագործակցության հնարավորություններըՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանն ընդունել է Վիետնամի Սոցիալիստական Հանրապետության կրթության և մասնագիտական ուսուցման նախարարի տեղակալ Նգուեն Վան Ֆուկին: Հանդիպմանը ներկա է եղել նաև ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահի տեղակալ Թագուհի Ղազարյանը: ԿԳՄՍ նախարարի տեղակալ Արթուր Մարտիրոսյանը ողջունել է գործընկերոջը՝ կարևորելով Հայաստանի և […] ...
11:21 04.04.2025
Կհրավիրվեն խորհրդարանական լսումներՀՀ ԱԺ պաշտպանության եւ անվտանգության հարցերի մշտական հանձնաժողովի նախաձեռնությամբ ապրիլի 9-ին կհրավիրվեն խորհրդարանական լսումներ՝ «Ճանապարհային երթեւեկության անվտանգությունը Հայաստանի Հանրապետությունում» թեմայով: Այս մասին հայտնում են ՀՀ ԱԺ-ից։ ...
11:14 04.04.2025
ԱՄՆ-ի հետ հարաբերությունները այլևս նույնը չեն լինի Թրամփի գործողությունների պատճառով․ Կանադայի ԱԳՆԿանադայի արտաքին գործերի նախարար Մելանի Ջոլին ասել է, որ Կանադայի և Եվրամիության հարաբերությունները Միացյալ Նահանգների հետ երբեք նույնը չեն լինի՝ կապված ԱՄՆ նախագահ Դոնալդ Թրամփի՝ առևտրի ոլորտում գործողությունների հետ: «Մենք հասկանում ենք, որ հարաբերություններն այլևս նույնը չեն լինի: Ամերիկացիները ցանկանում են այլ կերպ վարվել հարցերի հետ, մենք դա հասկանում ենք: Եվ այսպես, մենք կձգտենք համաձայնության […] ...
10:55 04.04.2025
ԱՍՀ նախարարի տեղակալ Դավիթ Խաչատրյանը մասնակցել է ՄԱԿ-ի ԵՏՀ տարածաշրջանի կայուն զարգացման համաժողովինՀՀ աշխատանքի և սոցիալական հարցերի նախարարի տեղակալ Դավիթ Խաչատրյանն ապրիլի 2-ից 3-ը մասնակցել է Ժնևում կայացած ՄԱԿ-ի «Կայուն, ներառական, գիտահեն և ապացուցահեն լուծումների առաջխաղացում ԵՏՀ տարածաշրջանում 2030 թ. Կայուն զարգացման օրակարգի և դրա Կայուն զարգացման նպատակների համար» խորագրով միջազգային համաժողովին։ Համաժողովին մասնակցել են տարբեր երկրների բարձրաստիճան պաշտոնյաներ, քաղաքականություն մշակողներ, փորձագետներ և այլ շահագրգիռ կողմեր՝ անդրադառնալու […] ...
